Богослужебные тексты

<::лат>  OCR:

<::рус>  Библиотека святоотеческой литературы

<::лат>  http://orthlib.ru

<::слав>

%[Въ четверто'къ ве'чера%],

на Гд\си воззва'хъ, стiхи^ры кр\стны. Гла'съ з~:

Подо'бенъ: Не ктому` возбраня'еми _е=смы`:

Стi'хъ: А='ще беззакw'нiя на'зриши гд\си, гд\си кто` 
постои'тъ; jа='кw о_у= тебе` w=чище'нiе _е='сть.

Да человjь'ка бг~а содjь'лаеши, человjь'къ бы'лъ 
_е=си` пребл~гi'й хр\сте`, и= распя'лся _е=си`: сла'ва 
си'лjь твое'й.

Стi'хъ: И='мене ра'ди твоегw`, потерпjь'хъ тя` гд\си, 
потерпjь` душа` моя` въ сло'во твое`, о_у=пова` душа` 
моя` на гд\са.

_Е=гда` на кр\стъ тя` i=и~се, со'нмъ _е=вре'йскiй 
w=суди`, земля` тряса'шеся, и= со'лнца свjь'тъ 
скрыва'шеся.

Стi'хъ: W\т стра'жи о_у='треннiя до но'щи, w\т стра'жи 
о_у='треннiя да о_у=пова'етъ i=и~ль на гд\са.

Те'рнiемъ тя` безсме'ртне, вjьнча` собо'ръ 
беззако'нный, пре'лести те'рнiе и=з\ъ ко'рене сjьку'ща, 
цр~ю` ст~ы'й.

Та'же, въ мине'и стiхи^ры ст~о'му. Сла'ва, ст~о'му, 
а='ще и='мать: И= ны'нjь, кр\стобг~оро'диченъ гла'са. 
А='ще ли нjь'сть мине'и, и='ны стiхи^ры прест~jь'й 
бц\дjь, гла'съ з~:

Подо'бенъ: Дне'сь бди'тъ i=у'да:

Стi'хъ: Jа='кw о_у= гд\са мл\сть, и= мно'гое о_у= 
негw` и=збавле'нiе, и= то'й и=зба'витъ i=и~ля w\т всjь'хъ 
беззако'нiй _е=гw`.

Ви'дящи просте'рта на дре'вjь а='гнца, нескве'рная 
а='гница и= дв~а, посредjь` двою` разбw'йнику, о_у=вы` 
мнjь`, вопiя'ше, сладча'йшее мое` ча'до! что` стра'нное 
сiе` и= пресла'вное та'инство; ка'кw тя` беззако'нный 
со'нмъ на кр\стъ воздви'же, и= же'лчи напои`, ма'нны 
насы'щшаго человjь'ки;

Стi'хъ: Хвали'те гд\са вси` jа=зы'цы, похвали'те 
_е=го` вси` лю'дiе.

_Е=гда' тя на кр\стjь` пригвожде'на дв~а и= мт~и твоя` 
о_у=зрjь`, хр\сте` мо'й, судо'мъ законопресту'пнымъ w\т 
i=уд_е'й на мjь'стjь ло'бнjьмъ, о_у=вы` мнjь`, вопiя'ше, 
сн~е мо'й любе'знjьйшiй! что` стра'нное видjь'нiе сiе`; 
ка'кw тя` ко кр\сту` пригвожда'ютъ дjь'ти неразу'мнiи 
_е=вре'йстiи, всjь'хъ гд\са;

Стi'хъ: Jа='кw о_у=тверди'ся мл\сть _е=гw` на на'съ, 
и= и='стина гд\сня пребыва'етъ во вjь'къ.

_Е=ди'ну тя`, всест~а'я вл\дчце, по рж\ствjь` 
позна'хомъ вси` дв~у jа='вльшуюся, _е=го'же без\ъ 
сjь'мене родила` _е=си`, на дре'вjь ви'дящи ру'цjь свои` 
во'лею пригвозди'вша, преч\стая пла'чущи взыва'ше: 
во'лею, долготерпjьли'ве, о_у=мира'еши, и=збавля'я w\т 
сме'рти вся^ пою'щыя тя`.

Сла'ва, и= ны'нjь, кр\стобг~оро'диченъ: Вл\дце 
всест~а'я дв~о, ро'ждшая гд\са, за бл~гоутро'бiе на 
кр\стjь` пригвозди'вшагося, и= жи'зни струи^ и=сточи'вша 
мi'ру, того` о_у=моли` сп~сти'ся душа'мъ на'шымъ: тебе' 
бо _е=ди'ну и='мамы вjь'рнiи прибjь'жище, и= стjь'ну, и= 
заступле'нiе. тjь'мже и= притека'емъ къ покро'ву твоему`.

Та'же, Свjь'те ти'хiй: Прокi'менъ дне`. И= Сподо'би 
гд\си въ ве'черъ се'й:

На стiхо'внjь стiхи^ры кр\стны, гла'съ з~: Подо'бенъ:

Не ктому` возбраня'еми _е=смы` дре'ва живо'тнагw, 
о_у=пова'нiе и=му'ще кр\стъ тво'й: гд\си, сла'ва тебjь`.

Стi'хъ: Къ тебjь` возведо'хъ _о='чи мои` живу'щему на 
нб~си`. се` jа='кw _о='чи ра^бъ въ руку` госпо'дiй 
свои'хъ, jа='кw _о='чи рабы'ни въ руку` госпожи` своея`: 
та'кw _о='чи на'ши ко гд\су бг~у на'шему, до'ндеже 
о_у=ще'дритъ ны`.

Повjь'шенъ бы'въ безсме'ртне на дре'вjь, сокруши'лъ 
_е=си` вся^ сjь^ти дiа'вwли: гд\си, сла'ва тебjь`.

Стi'хъ: Поми'луй на'съ гд\си, поми'луй на'съ, jа='кw 
по мно'гу и=спо'лнихомся о_у=ничиже'нiя, наипа'че 
напо'лнися душа` на'ша поноше'нiя гобзу'ющихъ, и= 
о_у=ничиже'нiя го'рдыхъ.

Мч~нченъ: Сла'ва тебjь` хр\сте` бж~е, а=п\слwвъ 
похвала`, и= мч~нкwвъ весе'лiе: и='хже про'повjьдь тр\оца 
_е=диносу'щная.

Сла'ва, и= ны'нjь, кр\стобг~оро'диченъ: На дре'вjь 
пригвожде'нна тя` во'лею всенепоро'чная jа='кw ви'дjь, 
пла'чущи поя'ще держа'ву твою`.

Та'же, Ны'нjь w\тпуща'еши: Трист~о'е. По _О='ч~е 
на'шъ: тропа'рь, _е=ктенiа`, и= w\тпу'стъ.

%[Въ четверто'къ на повече'рiи%],

канw'нъ прест~jь'й бц\дjь, гла'съ з~:

%[Пjь'снь а~%]

I=рмо'съ: И=стря'сшему бг~у фараw'на въ мо'ри 
чермнjь'мъ, пjь'снь побjь'дную пои'мъ, jа='кw 
просла'вися.

Живота` моегw` прозря` наста'вшiй коне'цъ, вл\дчце, 
вопiю`: ты' ми да'ждь w=чище'нiе согрjьше'нiй 
бг~оневjь'сто.

Въ пучи'нjь бл~госты'ни твоея` прите'къ, вопiю`: 
вл\дчце бл~га'я, и=зба'ви мя` вся'кагw муче'нiя.

Сла'ва: Вл\дце, прiими` на'съ вjь'рою прибjьга'ющихъ 
къ тебjь`, и= пода'ждь напа'стей и= скорбе'й 
и=збавле'нiе.

И= ны'нjь: Ты` па'дшую а=да'мову ски'нiю пр\оро'чески 
возста'вила _е=си`, сп~са и= бг~а преч\стая, во чре'вjь 
носи'вши.

%[Пjь'снь г~%]

I=рмо'съ: О_у=тверди'ся вjь'рою хр\сто'ва цр~ковь, 
и='бо непреста'ннw пjь'сньми вопiе'тъ пою'щи: ст~ъ _е=си` 
гд\си, и= тя` пое'тъ дх~ъ мо'й.

Jа='же бг~а и= вл\дку неизрече'ннw заче'ншая, 
w=бдержи'ма мя` бу'рею грjьха`, ты` w\т си'хъ и=зба'ви, 
и= сп~си' мя преч\стая.

Согрjьше'нiй неподо'бныхъ но'щiю мя` w=держи'ма, 
покая'нiя луча'ми w=зари` _о=трокови'це, дjь'лати ми` 
пода'вши свjь'та дjьла` всегда`.

Сла'ва: Jа='же нб\сный хлjь'бъ ро'ждши бц\де, пита'ющи 
всjь'хъ вjь'рныхъ сердца`, насы'ти а='лчущую ду'шу мою` 
стра'стную.

И= ны'нjь: О_у=тверди'хся, бж~е'ственное твое` 
рж\ство` разумjь'въ, и= заступле'нiемъ дв~о, 
w=богаща'юся, зовы'й: ст~ъ _е=си` гд\си, сп~са'я ду'шы 
на'шя.

%[Пjь'снь д~%]

I=рмо'съ: О_у=слы'шахъ слу'хъ тво'й, и= о_у=боя'хся: 
разумjь'хъ дjьла` твоя^, и= о_у=жасо'хся гд\си.

Стеню'ща пред\ъ тобо'ю вл\дчце, и= вопiю'ща прилjь'жнw 
w\т о_у=ма` моегw`, да не пре'зриши мене`, ниже` 
посрами'ши.

Попали` о_у='нзшiй те'рнъ _о=кая'нныя моея` души`, 
сласте'й плотски'хъ, jа='же _о='гнь бж~е'ственный 
вл\дчце, ро'ждшая.

Сла'ва: Пода'ждь ми` согрjьше'нiй w=ставле'нiе 
всебл~гослове'нная ч\стая, и= и=зба'ви вjь'чнагw и= 
о_у=жа'снагw муче'нiя.

И= ны'нjь: Сло'во въ тя` все'льшееся преч\стая, 
существо` мое` воз\ъwбрази`, па'дшее преступле'ньми.

%[Пjь'снь _е~%]

I=рмо'съ: О_у='тренюетъ ду'хъ мо'й къ тебjь` бж~е, 
зане` свjь'тъ _е=си`, и= твоя^ повелjь^нiя бы'ша 
и=сцjьл_е'нiя рабw'мъ твои^мъ, чл~вjьколю'бче.

О_у=подо'бихся безслов_е'снымъ скотw'мъ пре_окая'нный, 
страстьми` безслове'сными _о=кая'ннjьй мое'й пло'ти 
рабо'тая: ты`, бц\де, пода'ждь ми` воспрянове'нiе.

Поми'луй мя` па'че всjь'хъ человjь^къ согрjьши'вшаго, 
и= къ твоему` покро'ву прибjьга'юща те'плому бц\де дв~о, 
и= муче'нiй и=схити`.

Сла'ва: И=`же бц\ду и=сповjь'дающiи тя` мт~и дв~о, 
непреиду'щагw цр\ствiя и= пи'щи, тобо'ю бг~омт~и, 
о_у=лучи'ти да сподо'бятся.

И= ны'нjь: Бл~гослове'нная и= препросла'вленная мт~и 
неискусому'жная, о_у=мерщвле'ную грjьха'ми ду'шу мою`, и= 
страстьми` погорбле'ную неwдержа'нными, w=животвори`.

%[Пjь'снь s~%]

I=рмо'съ: I=w'на и=з\ъ чре'ва а='дова вопiя'ше: 
возведи` w\т тли` живо'тъ мо'й. мы' же тебjь` вопiе'мъ: 
всеси'льне сп~се, поми'луй на'съ.

Содержи'тъ мя` бу'ря грjьхо'вная, дв~о, и= ко тли` 
w\тча'янiя веде'тъ: но простри' ми ру'ку по'мощи тве'рдую 
и= всемо'щную.

_Е=ле'й, _е='же въ тебjь` те'плагw мл\срдiя, возле'й 
на мя` вл\дчце, и= и=зба'ви согрjьше'нiй, и=схити` 
_о=гня` вjь'чнующагw.

Сла'ва: Jа='же разрjьши'вшая w\т болjь'зни дв~о 
_е='vу, рж\ство'мъ твои'мъ преч\стымъ, разрjьши' ми 
_о=трокови'це, болjь^зни страстны'я моея` души` и= 
тjьлесе`.

И= ны'нjь: Пjьсносло'виши и=з\ъ тебе` воплоще'ннаго 
бг~а, и= рыда'еши на кр\стjь` вознесе'на, того` 
смотря'ющи мт~и дв~о ч\стая и= пренепоро'чная.

Та'же, Гд\си поми'луй, три'жды. Сла'ва, и= ны'нjь:

Сjьда'ленъ, гла'съ з~:

Пло'дъ чре'ва твоегw` ч\стая, кр\стъ водрузи` въ 
концы`, и= тли` мi'ръ и=зба'ви: тjь'мже тя` jа='кw 
пресла'вную велича'емъ.

%[Пjь'снь з~%]

I=рмо'съ: Въ пе'щь _о='гненную вве'ржени прп\дбнiи 
_о='троцы, _о='гнь въ ро'су преложи'ша, воспjьва'нiемъ 
си'це вопiю'ще: бл~гослове'нъ _е=си` гд\си бж~е _о=т_е'цъ 
на'шихъ.

Прегрjьше'нiй мои'хъ о_у=мно'жися преще'нiе, суда` 
досто'йно, ч\стая, припа'даю и= зову' ти: пре'жде конца` 
пода'ждь ми` w=чище'нiе, и= о_у=миле'нiя сле'зы, и= 
нра'вwмъ и=справле'нiе.

Неду'говавша мя` лю'тjь скве'рными прегрjьше'нiи, 
ч\стая, и= ко w\тча'янiя и=ду'ща гро'бу, jа='кw ро'ждши 
жи'знь вся'ческихъ преч\стая, бж~е'ственными дjья'нiи 
w=живи`.

Сла'ва: Бг~ороди'тельнице бл~га'я, вjь'рою 
призыва'ющихъ твою` бл~года'ть присноживу'щую, мы'сленныя 
сме'рти и=збавля'ющи, цр\ствiя сподо'би преч\стыми 
твои'ми мл~твами.

И= ны'нjь: Непости'жное рж\ство` дв~ы славосло'вимъ, 
и='мже сме'рти и=зба'вихомся: _е=гw'же ра'ди ро'ждшеся въ 
нетлjь'нiе, бл~гослове'нъ _е=си`, зове'мъ, гд\си бж~е 
_о=т_е'цъ на'шихъ.

%[Пjь'снь и~%]

I=рмо'съ: _Е=ди'наго безнача'льнаго цр~я` сла'вы, 
_е=го'же бл~гословя'тъ нб\сныя си^лы, и= трепе'щутъ чи'ни 
а='гг~льстiи, по'йте сщ~е'нницы, лю'дiе превозноси'те 
_е=го` во вjь'ки.

Страсте'й мя` пе'щь попаля'етъ дв~о, и= _о=гне'мъ 
сласте'й пояда'етъ, предвари'вши, мл\стивною твое'ю 
росо'ю о_у=гаси` ю=`, даю'щи души` мое'й о_у=стуже'нiе 
крjь'пко.

Ду'шу w=скверни'хъ, и= растли'хъ пло'ть сластьми`, 
валя'яся въ си'хъ, и= бы'хъ поруга'нiе человjь'кwмъ, и= 
смjь'хъ врагw'мъ: вл\дчце бц\де, помо'щница мнjь` бу'ди.

Сла'ва: Бг~а, _е=го'же родила` _е=си` дв~о, о_у=моли` 
низпосла'ти сп~се'нiе вjь'рнw чту'щымъ тя`, и= бjь'дъ 
разруше'нiе, и= неду'гwвъ лю'тыхъ премjьне'нiе ско'рое, 
и= бл~года'ть вjь'чную.

И= ны'нjь: Созда'вшаго а=да'ма по w='бразу, и= w\т 
смjьше'нiя _е=гw` проше'дша, и= разрjь'шша пе'рвую 
кля'тву, по'йте свяще'нницы гд\са, и= превозноси'те 
_е=го` во вjь'ки.

%[Пjь'снь f~%]

I=рмо'съ: Всепjь'тая нб~съ превы'шшая, безнача'льное 
сло'во безсjь'меннw заче'ншая, и= воплоще'ннаго бг~а 
ро'ждшая человjь'кwмъ: тjь'мъ тя` вси` велича'емъ.

Всесвjь'тлая дв~о мт~и бц\де, _о=кая'нную ду'шу мою`, 
лю'тjь w=мраче'нную страстьми` плотски'ми, свjь'томъ 
мл~твъ твои'хъ въ стра'хъ бж~iй свjь'тлw наста'ви.

W\тча'явся w\т мно'жества согрjьше'нiй моегw` 
сп~се'нiя, и= недоумjь'ненъ jа=ви'хся вл\дчце всест~а'я: 
твое` бл~годjья'нiе, и= мл\сть твою` низпосли` мнjь`.

Сла'ва: Рж\ство` твое` бц\де, _е='же па'че 
_е=стества`, о_у=дивля'етъ а='гг~лы, о_у=жаса'етъ же 
человjь'ки: всjь^мъ бо несказа'нно _е='сть и= 
непостижи'мо. сiе' же пою'ще бл~гоче'стнw тя` сла'вимъ.

И= ны'нjь: О_у=мерщвле'нiя и= тлjь'нiя ри^зы совлецы' 
ми дв~о, jа='же сп~се'нiя ри'зу воплоще'ннаго сло'ва 
ро'ждши человjь'кwмъ: тjь'мже вси' тя при'снw велича'емъ.

Та'же, Досто'йно _е='сть: и= покло'ны. Трист~о'е. По 
_О='ч~е на'шъ: тропари`, и= про'чее, и= w\тпу'стъ.

%[Въ пято'къ о_у='тра%],

по а~-мъ стiхосло'вiи сjьда'льны кр\стны. Гла'съ з~:

Цр~ковь вопiе'тъ ти`, хр\сте` бж~е, въ пе'vкjь и= 
ке'дрjь и= кv"парi'сjь, покланя'ющися тебjь`: побjь^ды 
вjь^рнымъ да'руй, бц\ды ра'ди, и= поми'луй на'съ.

Стi'хъ: Возноси'те гд\са бг~а на'шего, и= 
покланя'йтеся подно'жiю нw'гу _е=гw`, jа='кw ст~о 
_е='сть.

И='же мене` ра'ди претерпjь'вый на кр\стjь` 
пригвожде'нiе, прiими` и= мое` бо'дренное хвале'нiе, 
хр\сте` бж~е, jа='кw чл~вjьколю'бецъ.

Сла'ва, и= ны'нjь, кр\стобг~оро'диченъ: Кр\сто'мъ сн~а 
твоегw` храни'ми дв~о, прилw'гъ бjьсо'вскихъ 
и=збjьга'емъ: тjь'мже тя` бц\де безневjь'стная, по до'лгу 
воспjьва'юще сла'вимъ.

По в~-мъ стiхосло'вiи сjьда'льны, гла'съ з~:

_О=гня` свjьтлjь'йшее, и= пла'мене дjь'йственнjьйшее 
дре'во показа'лъ _е=си` хр\сте` кр\ста` твоегw`, 
попаля'ющее грjьхи` человjь'кwвъ, и= просвjьща'ющее 
сердца` пою'щихъ во'льное твое` распя'тiе: хр\сте` бж~е, 
сла'ва тебjь`.

Стi'хъ: Бг~ъ же цр~ь на'шъ пре'жде вjь'ка, содjь'ла 
сп~се'нiе посредjь` земли`.

Гд\си, твоего` кр\ста` зря'ще возвыша'ема всегда`, 
приступа'емъ вjь'рнw пjь'ньми и= пjь'сньми, w=блобыза'юще 
того` стра'хомъ и= ра'достiю: w=ст~и` рабы^ твоя^, и= 
о_у=мири` мi'ръ тво'й сегw` jа=вле'нiемъ, _е=ди'не 
многомл\стиве.

Стi'хъ: Ди'венъ бг~ъ во ст~ы'хъ свои'хъ, бг~ъ 
i=и~левъ.

Ст~i'и мч~нцы, моли'те w=ставле'нiе да'ти на'мъ 
прегрjьше'нiй на'шихъ, и= ча'емыхъ му'къ и=зба'витися 
на'мъ, и= го'рькiя сме'рти, мо'лимся.

Сла'ва, и= ны'нjь, кр\стобг~оро'диченъ: Бц\де ч\стая 
приснодв~о, на кр\стjь` зря'щи сн~а твоего` ви'сяща, 
jа='кw мт~и пла'чущи тогw` велича'ше стра'шное 
снизхожде'нiе неискусобра'чная вл\дчце.

По г~-мъ стiхосло'вiи, сjьда'льны, гла'съ з~:

Кр\стъ тво'й хр\сте`, ч\стны'й, мi'ра _о=ру'жiе 
_е='сть, и= непобjьди'мая побjь'да: и='мже и= неви^димыя 
враги` низлага'юще, бл~года'рнw воспjьва'емъ тя`.

И='же а=да'мово w=сужде'нiе дре'вомъ кр\ста` 
и=сцjьли'вый, и=сцjьли` на^ша сокруш_е'нiя серд_е'чная, 
и= сп~си` на'съ.

Сла'ва, и= ны'нjь, кр\стобг~оро'диченъ: Пло'дъ чре'ва 
твоегw` преч\стая, кр\стъ насади` въ концjь'хъ и= w\т 
тли` мi'ръ и=зба'вилъ _е='сть: тjь'мже тя` пресла'вная, 
велича'емъ.

Канw'нъ ч\стно'му и= животворя'щему кр\сту` гд\сню, 
[_е=го'же краегране'сiе: хр\сто'съ на дре'вjь, 
о_у=ста'вилъ _е='сть дре'внiй вре'дъ.] Творе'нiе 
i=w'сифово. Гла'съ з~:

%[Пjь'снь а~%]

I=рмо'съ: И=стря'сшему бг~у фараw'на въ мо'ри 
чермнjь'мъ, пjь'снь побjь'дную пои'мъ, jа='кw 
просла'вися.

Хр\сто'съ возноси'мь на кр\стъ, къ себjь` вся^ 
привлече` человjь'ки, и= низве'рже врага`, всjь'хъ 
низве'ргшаго.

Во'ду животу` моему` i=и~се, w\т живоно'сныхъ ре'бръ 
и=сточи'лъ _е=си`, и= о_у=мертви'лъ _е=си` врага` вл\дко, 
бы'въ ме'ртвъ.

Мч~нченъ: Мл~тву хр\сту` за на'съ стр\стоте'рпцы 
прилjь'жную принеси'те, стра'шнагw суда` всjь^мъ на'мъ 
и=зба'витися.

Мч~нченъ: Смири'вшеся вы` хр\ста` ра'ди, прему'дрiи 
мч~нцы, го'рдаго врага` низложи'сте бж~е'ственною 
бл~года'тiю.

Бг~оро'диченъ: Возсiя'вшаго и=з\ъ тебе`, превели'кимъ 
бл~гоутро'бiемъ вл\дчце, на кр\стjь` зря'щи пла'кала 
_е=си`, того` сла'вящи.

Другi'й канw'нъ прест~jь'й бц\дjь. Гла'съ з~:

I=рмо'съ то'йже.

Впа'дшаго въ тлjь'нiе преслуша'нiя пра'дjьда а=да'ма 
w=бнови'ла _е=си`, бг~а преч\стая, пло'тiю ро'ждши.

Съ весе'лiемъ гла'съ гаврiи'ловъ взыва'емъ ти`, 
ч\стая: ра'дуйся всjь'хъ наде'жде преч\стая, ра'дуйся 
бг~оневjь'сто.

О_у=мерщвле'нный мо'й о_у='мъ w=живи` живо'тнымъ 
дjь'йствiемъ и=з\ъ тебе` ро'ждшимся вои'стинну преч\стая 
дв~о.

Бл~гословя'щiи тя` вjь'рнw w\т бг~а бл~гословля'ются 
jа='вjь: бл~гослове'нiя во и=сто'чникъ родила` _е=си`, 
_е=ди'на всепjь'тая.

%[Пjь'снь г~%]

I=рмо'съ: О_у=тверди'ся вjь'рою хр\сто'ва цр~ковь, 
и='бо непреста'ннw пjь'сньми вопiе'тъ пою'щи: ст~ъ _е=си` 
гд\си, и= тя` пое'тъ ду'хъ мо'й.

Безстра'стный по существу`, ка'кw стр\сть терпи'ши, 
живо'тъ мнjь` вдыха'яй; ка'кw о_у=мира'еши на дре'вjь; 
ве'лiя твоя^ мл\сть и= долготерпjь'нiе, сп~се.

На кр\стjь` посредjь` разбо'йникwвъ, сло'ве, 
непра'веднw воздви'глся _е=си`, и= w=правда'лъ _е=си` 
вjь'рою позна'вшаго тебе` зижди'теля всея` тва'ри, во'лею 
стра'ждуща.

Мч~нченъ: Строга^нiя пло'ти терпя'ще, ру'къ же 
w\тя'тiе, и= но'гъ, и= всjь'хъ о_у=дw'въ стр\стоте'рпцы, 
сла'вы сподо'бишася, w= на'съ моля'щеся.

Мч~нченъ: Премно'гими му'ками w= бз~jь 
просвjьти'вшеся, премно'гую сла'ву му'дрiи ны'нjь 
наслjь'довасте, всегда` моля'щеся w= душа'хъ на'шихъ.

Бг~оро'диченъ: Разрjьше'нiе долгw'въ на'шихъ ч\стая 
дв~о, пода'ждь ма'терними твои'ми мл~твами, на кр\стjь` 
пригвожде'ннаго чл~вjь'ка бы'вша, бг~а сло'ва ро'ждшая.

%[И='нъ%] I=рмо'съ то'йже.

Тебе` дв~у, w=бра'знw сjь'нь всест~у'ю. 
законополо'жнику на горjь` бг~ъ предсказа'ше: селе'нiе бо 
бы'сть всjь'хъ w=свяща'ющагw.

Зе'млю тя` ст~у'ю дв~о, разумjь'хомъ вси`, на'мъ без\ъ 
сjь'мене возрасти'вшую кра'сный кла'съ, i=и~са хр\ста`, 
пита'ющъ вjь'рою тя` и= любо'вiю бл~жа'щихъ.

Ви^дjьна бы'ша ш_е'ствiя бг~а вы'шнягw, въ тебjь` дв~о 
неизрече'ннw тому` вопло'щшуся: мт~и бо ты` была` _е=си` 
всjь'ми ца'рствующагw.

О_у=тверди'хся, бж~е'ственное твое` рж\ство` 
разумjь'въ, и= заступле'нiемъ твои'мъ дв~о, w=бога'щься, 
зовы'й: ст~ъ _е=си` гд\си, сп~са'яй ду'шы на'шя.

%[Пjь'снь д~%]

I=рмо'съ: О_у=слы'шахъ слу'хъ тво'й, и= о_у=боя'хся: 
разумjь'хъ дjьла` твоя^, и= о_у=жасо'хся гд\си.

Jа='коже краснjь'йшiй гро'здъ на кр\стjь` воздви'глся 
_е=си` вл\дко, весе'лiя вiно` и=ска'палъ _е=си` 
чл~вjьколю'бче.

Многоболjь'зн_енныя человjь'кwвъ стра^сти о_у=тиши'лъ 
_е=си` вои'стинну, стр\сти вл\дко, во'лею на пло'ти 
твое'й прiе'мъ.

Мч~нченъ: W=струпи'ша w=струпля'еми стр\стоте'рпцы 
борца`: и= jа=ви'шася вра'чеве ду'шъ на'шихъ.

Мч~нченъ: W=полчи'шася къ мучи'тел_емъ стр\стоно'сцы, 
и= побjьди'вше, вjьнча'ни бы'ша побjь'дными вjьнцы`.

Бг~оро'диченъ: Родила` _е=си` без\ъ сjь'мене дв~о 
сло'ва, на кр\стjь` погуби'вшаго тлjь'нiе бл~гостiю.

%[И='нъ%] I=рмо'съ то'йже.

О_у=слы'шалъ _е='сть а=вваку'мъ тя` преч\стая, го'ру, 
дх~о'вными w=сjьне'ньми просвjьща'ему: и=з\ъ тебе' бо 
бг~ъ jа=ви'ся воплоща'емь.

И=справля'ется правосла'вныхъ собо'ръ, тебе` всест~у'ю 
поя` jа='кw бг~ома'терь, со а=рха'гг~ломъ, ра'дуйся, 
зовы'й тебjь`.

Бiе'тся несто'рiа лице`, не восхотjь'вшагw 
му'дрствовати тебе` бц\ду ч\стую: бг~а бо вои'стинну 
преч\стая, родила` _е=си`.

Кра'сную тя` и= свjь'тлую добро'тами жени'хъ 
w=брjь'тъ, въ тя` всели'ся, и= бц\ду всеч\стая содjь'ла.

%[Пjь'снь _е~%]

I=рмо'съ: О_у='тренюетъ ду'хъ мо'й къ тебjь`, бж~е: 
зане` свjь'тъ _е=си`, и= твоя^ повелjь^нiя бы'ша 
и=сцjьл_е'нiя рабw'мъ твои^мъ, чл~вjьколю'бче.

Воздви'жемь вл\дко, на дре'во пло'тiю, тва'рь всю` 
и=з\ъ ро'ва лю'тыхъ неразу'мiя и=звле'клъ _е=си`, къ 
ра'зуму твоему` чл~вjьколю'бче.

На ло'бнjьмъ тя` мjь'стjь и=спроси'ша лю'дiе 
беззако'ннiи распя'ти i=и~се, главу` па'губную sмi'еву 
сокруша'ющаго.

Мч~нченъ: О_у=ста'висте sлоче'стiя тече'нiе хр\стw'вы 
мч~нцы, бж~е'ственными кровьми` ва'шими, и= фараw'на 
мучи'теля въ си'хъ потопи'сте.

Мч~нченъ: Ноготьми` неща'днw стру'жеми, растерза'сте 
w=бличе'ньми страда'льцы сердца` суему'др_енная, и= 
побjьди'телiе бы'сте.

Бг~оро'диченъ: W=святи'лъ _е='сть бг~ъ о_у=тро'бу 
твою`, ст~а'я ч\стая, и= всели'ся въ ню`: и= на кр\стъ 
воздви'жемь, тва'рь совоздви'глъ _е='сть.

%[И='нъ%] I=рмо'съ то'йже.

Бг~олjь'пную твою` госпоже`, и= кра'сную, и= 
сладча'йшую и= бл~гу'ю добро'ту возлюби'въ вл\дка, въ тя` 
дв~о, всели'ся.

Всест~а'я и= свjьтоно'сная две'ре бл~года'ти, 
вселе'нную свjьтлjь'йшимъ твои'мъ свjь'томъ w=зари'вши 
_о=трокови'це, тебе` пою'щыя просвjьти`.

Бц\ду и=сповjь'дающiи тя` мт~и дв~о, непреиду'щагw 
цр\ствiя и= пи'щи тобо'ю бг~ома'ти о_у=лучи'ти да 
сподо'бятся.

Хра'мъ jа=ви'лася _е=си` всеви'дца и= вседержи'теля: 
твою' бо о_у=тро'бу ч\стjь'йшую нб~съ w=брjь'тъ 
водвори'ся, бг~ороди'тельнице всеч\стая.

%[Пjь'снь s~%]

I=рмо'съ: I=w'на и=з\ъ чре'ва а='дова вопiя'ше: 
возведи` w\т тли` живо'тъ мо'й. мы' же тебjь` вопiе'мъ: 
всеси'льне сп~се, поми'луй на'съ.

Неду'говавшее человjь'ческое _е=стество`, jа='влься за 
мл\срдiе мл\сти, врачу` неду'гующихъ, и=сцjьли'лъ _е=си` 
кр\сто'мъ и= стра'стiю твое'ю.

Дре'вомъ дре'вле а=да'мъ w=суди'ся: дре'вомъ же ны'нjь 
кре'стнымъ w=правда'ся, вхожде'нiе прiе'мъ въ ра'й, и= 
сла'дости воспрiя'тiе.

Пое'мъ тя` пло'тiю распе'ншагося, сла'вимъ те'рнiемъ 
вjьнча'вшагося, и= сла'вою вjьнча'вшаго человjь'ки, цр~ю` 
пребл~гi'й.

Мч~нченъ: Губи'тельный ны'нjь w\три'нувше вре'дъ 
страда'льцы i=дwлобjь'сiя, му'камъ причасти'шася: и= 
о_у=ме'рше со хр\сто'мъ ца'рствуютъ.

Мч~нченъ: Ни гоне'нiе, ни гла'дъ, ни нагота`, ни 
бjьды^, ниже` сме'рть, w\тню'дъ бж~е'ств_енныя 
стр\стоте'рпцы, w\т любве` хр\сто'вы разлучи'ша.

Бг~оро'диченъ: Славосло'виши и=з\ъ тебе` 
вопло'щшагося, и= пла'чеши на кр\стjь` воздви'женаго, 
того` смотря'ющи дв~о мт~и ст~а'я всенепоро'чная.

%[И='нъ%] I=рмо'съ то'йже.

Бг~ому'жнw въ человjь'цjьхъ пожи'вшаго родила` _е=си` 
бц\де дв~о, _е=ди'наго бл~годjь'теля, _е='же бы'ти 
человjь'кwмъ да'рующаго.

_Е=мману'ила бц\де, сугу'ба по существу` родила` 
_е=си`, пре'жде соверше'нно сло'во, бг~а воплоще'нна, 
и=збавле'нiе на'мъ подава'ющаго.

Ковче'гъ прiе'мый зако'на скрижа^ли, преднаписа` тебе` 
бц\де, сло'во бж~iе, jа='кw прiе'мшую во чре'вjь свое'мъ 
на'съ ра'ди воплоща'ема.

А='гг~льскiя я=зы'ки и=спо'лнены, твоя^ похвалы^ 
проповjь'дати не мо'гутъ ч\стая: мы' же ны'нjь ра'бски 
прiе'мше, _е='же ра'дуйся, гаврiи'лово прино'симъ.

%[Пjь'снь з~%]

I=рмо'съ: Пе'щь _о='троцы _о=гнепа'льну дре'вле 
росоточа'щу показа'ша, _е=ди'наго бг~а воспjьва'юще, и= 
глаго'люще: превозноси'мый _о=тц_е'въ бг~ъ, и= 
препросла'вленъ.

Тяготу` w=блегча'я беззако'нiй мои'хъ, посредjь` 
беззако'нныхъ воздви'глся _е=си` на кр\стъ, пребл~гi'й 
гд\си, превозноси'мый _о=тц_е'въ гд\сь, и= бг~ъ 
бл~гослове'нъ _е=си`.

Копiе'мъ пробо'дься въ бж~е'ств_енная р_е'бра твоя^, 
и= ре'бренное поползне'нiе и=спра'вилъ _е=си` сп~се, 
пла'менному же _о=ру'жiю дава'ти ми` вхо'дъ рая` 
повелjьва'еши всегда`.

Мч~нченъ: Sвjь'зды на высотjь` w=снова'нныя цр~кве 
мч~нцы бы'вше, тва'рь w=заря'ете страда'нiй свjь'тлостiю, 
и= и=сцjьле'нiй сiя'нiемъ.

Мч~нченъ: Кни'га прино'ситъ при'снw напи'санныхъ 
живы'хъ гд\снихъ мч~нкъ, напи^саная бж~iя w=правда^нiя 
о_у=се'рднw сохрани'вшихъ, и= пострада'вшихъ крjь'пкw.

Бг~оро'диченъ: Всест~а'я, прест~о'е сло'во, _е='же w\т 
нея` возсiя'вшее, на ст~jь'мъ кр\стjь` воздви'жено, и= 
w=свяща'ющо земны^я, зря'щи рыда'ше.

%[И='нъ%] I=рмо'съ то'йже.

Jа=`же въ пещи` _о='гненнjьй, твое` рж\ство` сп~сло` 
_е='сть о_у='бw дре'вле: ны'нjь же на'съ всенепоро'чная 
сп~си`, _е=гw` прише'ствiю _е='же па'че сло'ва зову'щихъ: 
бл~гослове'нъ _е=си` бж~е _о=т_е'цъ на'шихъ.

Бг~о_оте'цъ о_у='бw дв~дъ твою` сла'ву напису'етъ 
дв~о, и= тебе` тва'рей цр~и'цу jа=вле'ннw 
пр\оро'чествуетъ, предстоя'щую w=десну'ю всенепоро'чная, 
бг~а _о=т_е'цъ на'шихъ.

W=бнови'ла _е=си` ч\стая, земны'хъ _е=стество`, 
w=бновле'нiемъ рж\ства` твоегw`. тjь'мже ти` вопiе'мъ: 
бл~гослове'нъ _е='сть во вjь'ки вся^, гп\сже`, пло'дъ 
твоегw` чре'ва.

W=сужде'ннаго бы'вша а=да'ма, и= сме'ртiю держи'ма, 
а=да'мъ вторы'й, преч\стая, тобо'ю поми'ловавъ призва`, 
бл~гослове'нъ _е=си` зову'ща, рожде'йся, и= w=бновле'й 
мя`.

%[Пjь'снь и~%]

I=рмо'съ: _Е=ди'наго безнача'льнаго цр~я` сла'вы, 
_е=го'же бл~гословя'тъ нб\сныя си^лы, и= трепе'щутъ чи'ни 
а='гг~льстiи, по'йте сщ~е'нницы, лю'дiе превозноси'те 
_е=го` во вjь'ки.

Ме'ртва мя` показа` дре'во ра'зума, ты' же хр\сте` 
мо'й, о_у=мертви'вся на дре'вjь w=живи'лъ _е=си`, и= 
просвjьти'лъ _е=си` пjь'ти: по'йте сщ~е'нницы, лю'дiе 
превозноси'те во вся^ вjь'ки.

Те'рнiемъ вjьнча` законопресту'пный со'нмъ тя`, цр~ю`, 
преслуша'нiя и=скоренева'юща те'рнiе а=да'ма 
первозда'ннагw, и= воздви'же на кр\стъ, вся^ и=з\ъ 
глубины` пре'лести и=звле'кшаго.

Мч~нченъ: Ра'зумомъ просте'ршаго нб~са`, тебе` 
простира'ютъ на дре'вjь лю'дiе неразу'мнiи, и=сцjьля'юща 
на'шя стра^сти стр\стiю твое'ю, сп~се, и= о_у=ставля'юща 
болjь^зни, jа=`же w\т гвозде'й болjь'зньми.

Мч~нченъ: Мч~нкъ мw'щи бл~гоуха^нiя и=спуща'ютъ 
чуде'съ приходя'щымъ несумнjь'ннымъ се'рдцемъ, и= 
страсте'й sлово'нiе прогоня'ютъ при'снw, и= всjь^мъ 
здра'вiе w= бз~jь подава'ютъ.

Бг~оро'диченъ: Ст~ы'хъ чи'нове мо'лятся дв~о, и=з\ъ 
о_у=тро'бы твоея` проше'дшему вл\дцjь, показа'вшему на 
кр\стjь` си'мъ пу'ть страда'нiя, ч\стая, и= славосло'вятъ 
тя` jа='кw всjь'хъ цр~и'цу.

%[И='нъ%] I=рмо'съ то'йже.

Непостижи'мый вл\дка всjь'хъ, _е=го'же не вмjьща'ютъ 
нб~са`, бг~ороди'тельнице, вмjьща'ется во твою` 
о_у=тро'бу дв~о. тjь'мже тя` вjь'рнiи любо'вiю 
превозно'симъ во вjь'ки.

О_у=ма` превы'шшаго всея` тва'ри, _о=трокови'це, 
_е=го'же не возмога'етъ рожде'нное зрjь'ти _е=стество`, 
носи'ла _е=си` на сво_е'ю преч\стою руку`. тjь'мже 
вjь'рнiи любо'вiю превозно'симъ во вся^ вjь'ки.

Бг~а, _е=го'же родила` _е=си`, о_у=моли` дв~о, 
низпосла'ти сп~се'нiе вjь'рнw чту'щымъ тя`, и= бjь'дъ 
разруше'нiе, и= неду'гwвъ лю'тыхъ премjьне'нiе ско'рое, 
и= бл~года'ть вjь'чную.

О_у=краше'нъ тя` добродjь'тельми разли'чными, и= 
просвjьще'нъ хра'мъ вы'шнягw, о_у=вjь'дjьвше всест~а'я 
дв~о, пое'мъ бл~гоче'стнw тя`, и= славосло'вимъ во вся^ 
вjь'ки.

Та'же пое'мъ пjь'снь бц\ды: Вели'читъ душа` моя` 
гд\са:

%[Пjь'снь f~%]

I=рмо'съ: Всепjь'тая нб~съ превы'шшая, безнача'льное 
сло'во безсjь'меннw заче'ншая, и= воплоще'ннаго бг~а 
ро'ждшая человjь'кwмъ: тjь'мъ тя` вси` велича'емъ.

На кр\стjь' тя возвы'шена, цр~ю` вjькw'въ, jа='кw 
ви'дjь со'лнце w=мрачи'ся, и= земля` потрясе'ся, и= 
цр~кве раздра'ся завjь'са свjь'тлости, i=и~се всеси'льне.

И=скопа'ша ру'цjь и= но'зjь твои` беззакw'нницы, и= 
ре'бра живонw'сная прободо'ша копiе'мъ, и= же'лчи со 
_о='цтомъ напои'ша тя` хр\сте` мо'й, всjь'хъ сла'дость, 
и= бг~а и='стинна.

Мч~нченъ: Сокруши'ша началоsло'бнагw сjь^ти, 
сокруша'еми вся'кими ви'ды муче'нiя, и= вjьнцено'сцы 
побjь'дою бы'вше, до'блiи страда'льцы о_у=бл~жа'ются.

Мч~нченъ: W=святи'ша положе'нiемъ моще'й всю` зе'млю 
стр\стоте'рпцы, и= о_у=гаси'ша сква^ры 
i=дwложе'ртв_енныя, _о=гню` примjьша'ющеся, и= въ не'мъ 
та'йнw всесожига'еми.

Бг~оро'диченъ: Бл~голюби'вая, херувi^мъ ст~jь'йшая, 
jа='же бж~iе сло'во бг~а пло'тiю ро'ждшая, воздви'женнаго 
на кр\стjь` хотjь'нiемъ, за всjь'хъ прилjь'жнw тому` 
моли'ся.

%[И='нъ%] I=рмо'съ то'йже.

Всесоверше'но человjь'чество прiя'то бы'сть и=з\ъ 
тебе`, преч\стая _о=трокови'це, сло'ву совоку'пльшуся 
пло'ти w=душевле'ннjьй, сло'вомъ души` о_у=кра'шеннjьй: 
тjь'мже вси` вjь'рнiи тя` велича'емъ.

Витi'йское о_у='бw буесло'вiе да о_у=молчи'тъ, 
а=п\сльская же труба` да возгласи'тъ, тебе` и='стинными 
гла'сы дв~о восхваля'ющи, бц\ду и='стинную возвjьща'ющи.

Поми'ловася тебе` ра'ди человjь'чество, по v=поста'си 
вои'стинну сло'ву соеди'ншееся, и= воздая'нiемъ бг~ъ, 
дв~о, бы'вшее: тjь'мже тя` вси` при'снw велича'емъ.

Проразумjь'ся пр\оро'ческими быстрозрjь'нiи та'инство, 
_о=трокови'це, твоегw` рж\ства`, jа='кw воплоще'нна бг~а 
ро'ждши человjь'кwмъ, и=збавля'ющаго на'съ w\т напа'стей 
мл~твами твои'ми.

Та'же, Досто'йно _е='сть: И= _е=ктенiа`, и= 
свjьти'ленъ, и= _псалмы` _о=бы'чны.

На стiхо'внjь стiхи^ры кр\стны, гла'съ з~:

Вл\дко сы'й чл~вjьколю'бче жизнода'вче, и=скупи'лъ 
_е=си` кр\сто'мъ твои'мъ вселе'нную, гд\си, сла'ва 
тебjь`.

Стi'хъ: И=спо'лнихомся зау'тра мл\сти твоея` гд\си, и= 
возра'довахомся, и= возвесели'хомся: во вся^ дни^ на'шя 
возвесели'хомся, за дни^, въ ня'же смири'лъ ны` _е=си`, 
лjь^та, въ ня'же ви'дjьхомъ sла^я. и= при'зри на рабы^ 
твоя^, и= на дjьла` твоя^, и= наста'ви сы'ны и='хъ.

На кр\стjь` пригвозди'ся лоза` и='стинная, w=б\ъима'ша 
jа=зы'цы ра'й съ разбо'йникомъ: сiя` сла'ва цр~ко'вная, 
сiе` бога'тство цр\ствiя. пострада'вый на'съ ра'ди, 
гд\си, сла'ва тебjь`.

Стi'хъ: И= бу'ди свjь'тлость гд\са бг~а на'шегw на 
на'съ, и= дjьла` ру'къ на'шихъ и=спра'ви на на'съ, и= 
дjь'ло ру'къ на'шихъ и=спра'ви.

Па'мять ст~ы'хъ твои'хъ стр\стоте'рп_ецъ пра'зднующе, 
тебе` пое'мъ хр\сте`, вопiю'ще, гд\си, сла'ва тебjь`.

Сла'ва, и= ны'нjь, кр\стобг~оро'диченъ: Своего` сн~а 
на дре'вjь ви'дящи дре'вле, се'рдце свое` _о=ру'жiемъ 
печа'ли о_у=язвля'ше преч\стая.

Та'же, Бл~го _е='сть: Трист~о'е. По _О='ч~е на'шъ: 
тропа'рь, и= _е=ктенiа`, и= ча'съ пе'рвый, и= w\тпу'стъ.

Въ пято'къ бл~ж_е'нны, гла'съ з~:

Красе'нъ бjь` и= до'бръ въ снjь'дь, и='же мене` 
о_у=мертви'вый пло'дъ, хр\сто'съ _е='сть дре'во 
живо'тное, w\т негw'же jа=ды'й не о_у=мира'ю, но вопiю` 
съ разбо'йникомъ: помяни' мя гд\си, во цр\ствiи твое'мъ.

Стi'хъ: Бл~же'ни и='згнани пра'вды ра'ди, jа='кw 
тjь'хъ _е='сть цр\ство нб\сное.

И=сцjьля'я а=да'мову болjь'знь, ю='же под\ъя'тъ 
вра'жiимъ совjь'томъ, возне'сся на дре'во всjь'хъ цр~ю`, 
и= болjь^зни претерпjь'лъ _е=си`, рука'ма и= нога'ма 
пригвожде'нъ: тjь'мже сла'вимъ твое`, сло'ве, 
долготерпjь'нiе.

Стi'хъ: Бл~же'ни _е=сте`, _е=гда` поно'сятъ ва'мъ, и= 
и=зжену'тъ, и= реку'тъ вся'къ sо'лъ глаго'лъ, на вы` 
лжу'ще мене` ра'ди.

Посредjь' тя беззакw'нною со'нмъ _е=вре'йскiй 
распя'тъ, _е=ди'наго законода'вца и= и=зба'вителя, 
вся'кагw беззако'нiя и=збавля'юща хр\сте`, ро'дъ 
человjь'ческiй: тjь'мже воспjьва'емъ тя`.

Стi'хъ: Ра'дуйтеся и= весели'теся, jа='кw мзда` ва'ша 
мно'га на нб~сjь'хъ.

Мч~нченъ: Jа='звы мно'гихъ му'къ, jа='кw кра^сная 
о_у=добр_е'нiя нося'ще до'блественнjь страда'льцы, 
о_у=краше'нiе цр~ко'вное позна'ни бы'ша свjь'тлое, 
всегда` моля'щеся w= душа'хъ на'шихъ.

Сла'ва: _W тр\оце ст~а'я! вjь^рныя рабы^ твоя^ 
и=зба'ви му'къ, въ тя` вjь'ровавшыя, во _е=ди'номъ 
бж~ествjь`, непреста'ннw сла'вимую бл~гоче'стнw, и= 
вjь'чное твое` цр\ствiе да'руй.

И= ны'нjь: Не и=му'ща ви'да, ниже` добро'ты, зря'щи 
тебе` хр\сте`, пло'тiю возвы'шена на дре'вjь кр\стнjьмъ 
всеч\стая дв~а, взыва'ше болjь'зненнjь: о_у=вы` мнjь`, 
ка'кw тя` ча'до, беззако'ннiи о_у=язви'ша;