Богослужебные тексты

<::лат>  OCR:

<::рус>  Библиотека святоотеческой литературы

<::лат>  http://orthlib.ru

<::слав>

%[Въ понедjь'льникъ ве'чера%],

на Гд\си воззва'хъ, стiхи^ры покая'нны, гла'съ и~:

Подо'бенъ: _W пресла'внагw чудесе`!

Стi'хъ: А='ще беззакw'нiя на'зриши гд\си, гд\си, кто` 
постои'тъ; jа='кw о_у= тебе` w=чище'нiе _е='сть.

Ни о_у=миле'нiя стяжа'хъ, ниже` сле'зъ и=сто'чника, ни 
те'плагw и=сповjь'данiя, ниже` пла'ча w=мыва'ющагw, ни 
серде'чнагw смире'нiя: ни мытарю` ревни'тель бы'хъ, ниже` 
блудни'цjь, ниже` блу'дному _о='троку. ка'кw о_у=`бо 
w=бря'щу мои'хъ мно'гихъ грjьхw'въ w=ставле'нiе; но 
и='миже хр\сте` вjь'си судьба'ми, сп~си' мя.

Стi'хъ: И='мене ра'ди твоегw` потерпjь'хъ тя` гд\си, 
потерпjь` душа` моя` въ сло'во твое`, о_у=пова` душа` 
моя` на гд\са.

Стра'ненъ вся'кiя сотвори'хся бж~е'ственныя 
за'повjьди: w= добродjь'тели же лу'чшей вся'кw 
небрего'хъ, и= безу'мнw пожи'хъ въ лjь'ности все` житiе` 
мое`, въ блудjь` вся^ дjьла` моя^ содjь'яхъ, неподw'бная 
и= беззакw'нная. тjь'мже хр\сте`, о_у=ще'дри jа='кw 
бл~гоутро'бенъ, и= ту'не мя` сп~си`.

Стi'хъ: W\т стра'жи о_у='треннiя до но'щи, w\т стра'жи 
о_у='треннiя да о_у=пова'етъ i=и~ль на гд\са.

Не jа='ростiю твое'ю w=бличи` мене`, дjь'ло ру'къ 
твоея` бл~гости, w\тто'ргшася о_у=мо'мъ неразу'мнымъ, 
и='же мене` ра'ди по мнjь` бл~гоизво'ливый бы'ти, 
неизрече'нныя ра'ди бл~гоутро'бiя пучи'ны чл~вjьколю'бче: 
но мл~твами приснодв~ы, твоея` сло'ве мт~ре, 
бж~е'ственнагw сподо'би мя` w=браще'нiя, jа='кw бг~ъ.

И='ны стiхи^ры ст~о'му и= вели'кому i=wа'нну 
пр\дте'чи.

Гла'съ и= подо'бенъ то'йже.

Стi'хъ: Jа='кw о_у= гд\са мл\сть, и= мно'гое о_у= 
негw` и=збавле'нiе, и= то'й и=зба'витъ i=и~ля w\т всjь'хъ 
беззако'нiй _е=гw`.

Бл~же'нне i=wа'нне пр\дте'че, смире'нную мою` ду'шу, 
jа='же ко гд\су любо'вiю возвраща'й всегда`, сщ~е'нными 
хода'тайствы твои'ми сласте'й мои'хъ _о='гнь о_у=гаси`, 
приводя' мя ко и=сполне'нiю бж~е'ственныхъ повелjь'нiй, 
и= се'рдца моегw` w=чища'я вои'стинну чу^вствiя, да 
сла'влю тя`.

Стi'хъ: Хвали'те гд\са вси` jа=зы'цы, похвали'те 
_е=го` вси` лю'дiе.

Непло'дныя прозябе'нiе, и= чистоты` са'дъ вл\дчнiй, 
человjь'кwвъ о_у=добре'нiе, пр\дте'че i=wа'нне 
всехва'льне, храни'телю бж~е'ственный смире'нныя моея` 
души`, твои'ми мл~твами и= по'мощiю бл~гоувjь'тiе да'ждь, 
и=збавля'я w\т sмi'ева кова'рства, и= лука'выхъ тогw` 
ла'янiй и= прилw'гъ.

Стi'хъ: Jа='кw о_у=тверди'ся мл\сть _е=гw` на на'съ, 
и= и='стина гд\сня пребыва'етъ во вjь'къ.

Ве'сь _е=си` сладча'йшiй, и= сла'дости бж~е'ственныя 
и=спо'лненъ присносла'вне, и= весели'ши вся^ вjь'рнw 
приходя'щыя къ тебjь`, о_у=слажда'я чу^вства душ_е'вная 
же и= тjьл_е'сная, неду^гъ и= скорбе'й, и= нахожде'нiй 
sлы'хъ, и= сласте'й душетлjь'нныхъ, всегда` разрjьша'я 
на'съ.

Сла'ва, и= ны'нjь, бг~оро'диченъ: Вjь'рою притека'ю къ 
покро'ву твоему`, бг~ороди'тельнице ч\стая, w\т напа'стей 
и= бjь'дъ и= стра'стнагw слiя'нiя, и= w\т бjьсо'вскагw 
w=sлобле'нiя сп~си' мя: jа='кw мл\сти и=му'щи пучи'ну, и= 
сп~се'нiя jа='вльшися хода'таица вл\дчце, jа='же бг~а 
ро'ждши мл\стиваго, _е=ди'наго всеще'драго, и= 
многобл~гоутро'бнаго.

Та'же, Свjь'те ти'хiй: И= прокi'менъ дне`. Посе'мъ: 
Сподо'би гд\си въ ве'черъ се'й:

На стiхо'внjь стiхи^ры покая'нны, гла'съ s~ [и~]:

Тебе` цр~я` и= вл\дку, а='гг~ли непреста'ннw 
воспjьва'ютъ, а='зъ же ти` припа'даю jа='кw мыта'рь 
зовы'й: бж~е w=чи'сти мя`, и= поми'луй мя`.

Стi'хъ: Къ тебjь` возведо'хъ _о='чи мои` живу'щему на 
нб~си`. се` jа='кw _о='чи ра^бъ въ руку` госпо'дiй 
свои'хъ, jа='кw _о='чи рабы'ни въ руку` госпожи` своея`: 
та'кw _о='чи на'ши ко гд\су бг~у на'шему, до'ндеже 
о_у=ще'дритъ ны`.

Безсме'ртна су'щи душе` моя`, волна'ми жите'йскими не 
покрыва'йся, но возни'кни вопiю'щи къ твоему` 
бл~года'телю: бж~е w=чи'сти мя`, и= поми'луй мя`.

Стi'хъ: Поми'луй на'съ гд\си, поми'луй на'съ, jа='кw 
по мно'гу и=спо'лнихомся о_у=ничиже'нiя: наипа'че 
напо'лнися душа` на'ша поноше'нiя гобзу'ющихъ, и= 
о_у=ничиже'нiя го'рдыхъ.

Мч~нченъ: Мч~нцы гд\сни, моли'те бг~а на'шего, и= 
и=спроси'те душа'мъ на'шымъ мно'жество щедро'тъ, и= 
w=чище'нiе мно'гихъ прегрjьше'нiй, мо'лимъ вы`.

Сла'ва, и= ны'нjь, бг~оро'диченъ: Ра'дуйся вселе'нныя 
похвало`. ра'дуйся хра'ме гд\сень. ра'дуйся горо` 
прiwсjьне'нная. ра'дуйся всjь'хъ прибjь'жище. ра'дуйся 
свjь'щниче златы'й. ра'дуйся сла'во правосла'вныхъ 
ч\стна'я. ра'дуйся мр~i'е мт~и хр\ста` бг~а. ра'дуйся 
раю`. ра'дуйся бж~е'ственная трапе'зо. ра'дуйся сjь'не. 
ра'дуйся ру'чко всезлата'я. ра'дуйся всjь'хъ 
о_у=пова'нiе.

Та'же, Ны'нjь w\тпуща'еши: Трист~о'е. По _О='ч~е 
на'шъ: тропа'рь и= w\тпу'стъ.

%[Въ понедjь'льникъ на повече'рiи,%],

канw'нъ моле'бный прест~jь'й бц\дjь, гла'съ и~:

%[Пjь'снь а~%]

I=рмо'съ: Во'ду проше'дъ jа='кw су'шу, и= 
_е=гv'петскагw sла` и=збjьжа'въ, i=и~льтянинъ вопiя'ше: 
и=зба'вителю и= бг~у на'шему пои'мъ.

Припjь'въ: Прест~а'я бц\де сп~си` на'съ.

Во'дъ и=сто'чникъ мл~твенный, тя` бг~ороди'тельницу 
вjь'дуще вси`, и=сточа'ющъ вjь^рнымъ струи^ душа'мъ и= 
тjь'лwмъ: тjь'мже тя` непреста'ннw сла'вимъ.

Па'че _е=стества` бг~онача'льное сло'во родила` _е=си` 
дв~о, и= _е=стество` w\т тли` и=зба'вила _е=си`: тjь'мже 
безслове'сныхъ мя`, и= чрез\ъесте'ственныхъ страсте'й 
свободи`.

Сла'ва: Па^жити страсте'й плотски'хъ ны'нjь 
w=кружа'ютъ мя`, и= w=скорбля'ютъ лю'тjь: посjьти` ско'рw 
раба` твоегw` дв~о, и= w\т w=sлобля'ющихъ мя` сп~си`.

И= ны'нjь: И='же всю` тва'рь содержа'й и= нося'й и= 
сп~са'яй, на руку` тво_е'ю ч\стая w=пи'санъ jа=ви'ся, и= 
человjь'ческiй ро'дъ w=бнови`.

%[Пjь'снь г~%]

I=рмо'съ: Ты` _е=си` о_у=твержде'нiе притека'ющихъ къ 
тебjь` гд\си: ты` _е=си` свjь'тъ w=мраче'нныхъ, и= пое'тъ 
тя` ду'хъ мо'й.

О_у=спи` смуще'нiе лю'тагw неду'га w=бдержа'щагw мя` 
ны'нjь, преч\стая вл\дчце, и= прегрjьше'нiй и= страсте'й 
свободи`.

Неизрече'нна пучи'на щедро'тъ твои'хъ преч\стая, 
и='миже и= мене` и=зба'ви прегрjьше'нiй, и= неду'гwвъ.

Сла'ва: О_у=кори` и= посjьти` преч\стая, неду'гующаго 
мя`, и= тя'жкiя болjь'зни и=зба'ви, и= вся'кiя ско'рби.

И= ны'нjь: Возвели'чи мл\сть и= заступле'нiе 
преч\стая, твои'хъ мл~твъ на мнjь`: и= и=зба'ви мя` w\т 
напа'стей и= скорбе'й.

%[Пjь'снь д~%]

I=рмо'съ: О_у=слы'шахъ гд\си, смотре'нiя твоегw` 
та'инство: разумjь'хъ дjьла` твоя^, и= просла'вихъ твое` 
бж~ество`.

W=чисти'лище всегда` моему` се'рдцу покажи` преч\стая, 
ст~ы'хъ воспомина'нiе, и= прегрjьше'нiй w=чище'нiе.

Сп~се'нiе пода'ждь ми` душе'вное и= тjьле'сное 
пренепоро'чная: и= боля'щему да'ждь цjьльбу`, и= лю'тыхъ 
и=збавле'нiе.

Сла'ва: Кова^рствiя о_у=праздни` лука'выхъ бjьсw'въ, 
преч\стая, и= страсте'й воста^нiя, и= немощны^мъ на'мъ 
си'лу пода'ждь.

И= ны'нjь: W\т ложе'снъ твои'хъ преч\стая, пра'вды 
сл~нце возсiя`, и= мi'ръ просвjьти`: _е=гw'же 
бж~е'ственными заря'ми и= мене` просвjьти`.

%[Пjь'снь _е~%]

I=рмо'съ: Вску'ю мя` w\три'нулъ _е=си` w\т лица` 
твоегw` свjь'те незаходи'мый, и= покры'ла мя` _е='сть 
чужда'я тьма` _о=кая'ннаго; но w=брати' мя, и= къ свjь'ту 
за'повjьдей твои'хъ пути^ моя^ напра'ви, молю'ся.

Разрjьши'шася твои'мъ рж\ство'мъ о_у='зы см_е'ртныя, 
и= связа'ся тли` держа'ва, прест~а'я дв~о всепjь'тая. 
тjь'мже разрjьши` вско'рjь и= мои'хъ прегрjьше'нiй 
плени^цы, и= тя^жкiя печа^ли.

Лука'вствiя бjьсw'въ, и= sло'бы человjь'ческiя 
и=зба'ви вл\дчце: и= душе'вный неду'гъ и= тjьле'сный 
ско'рw о_у=врачу'й, ро'ждшая _е=ди'на вся'кiя пло'ти и= 
духw'въ врача`, сп~са и= гд\са.

Сла'ва: Jа='кw клеща` бж~е'ственнагw о_у='гля, 
преч\стая, молю' тя, попали` вся'кую стра'стную по'хоть 
раба` твоегw`, и= немож_е'нiя лю^тая неудо'бь стерпи^мая, 
и= и=зсуши` пото'ки печа'лей.

И= ны'нjь: Сп~се'нiе тя` всjь^мъ пода'лъ _е='сть сн~ъ 
тво'й всеч\стая вл\дчце, вjь'ровавшымъ въ него`, и= бг~а 
проповjь'дающымъ воплоще'нна w\т тебе` jа='вjь: тjь'мже 
мя` сп~си` w\т разли'чныхъ бjь'дъ и= скорбе'й.

%[Пjь'снь s~%]

I=рмо'съ: W=чи'сти мя` сп~се, мнw'га бо беззакw'нiя 
моя^, и= и=з\ъ глубины` sw'лъ возведи`, молю'ся: къ 
тебjь' бо возопи'хъ, и= о_у=слы'ши мя`, бж~е сп~се'нiя 
моегw`.

При'зри на мя` мл\стивнымъ твои'мъ _о='комъ вл\дчце, 
и= w\т неду'гwвъ лю'тыхъ и=зба'ви вско'рjь, и= вся'кагw 
w=sлобле'нiя ча'емагw ны'нjь, и= сjь'тей, и= паде'нiя.

Безу'мнагw нра'ва стра'стнагw, и= за'висти 
неподо'бныхъ, и= вся'кiя sло'бы, и= w=sлобле'нiя 
жите'йскагw и=зба'ви мя`, преч\стая вл\дчце, твои'ми 
мольба'ми.

Сла'ва: Созда'вый на'съ, въ тебjь` дв~о созда'ся, 
_е=стество` человjь'ческое w\т тли` и=збавля'я, и= мене` 
о_у='бw и=зба'ви ч\стая, w\т w=держа'щихъ мя` и=скуше'нiй 
твои'ми мл~твами.

И= ны'нjь: Хра'мъ показа'лася _е=си` бг~а 
невмjьсти'магw пречи'стъ, ты` преч\стая вл\дчце: хра'мъ 
и= мене` покажи` тогw` бл~года'ти, твои'ми мл~твами, и= 
соблюди` невреди'ма.

Та'же, Гд\си поми'луй, три'жды. Сла'ва, и= ны'нjь:

Сjьда'ленъ, гла'съ и~:

Jа='кw дв~у и= _е=ди'ну въ жена'хъ, тя` без\ъ сjь'мене 
ро'ждшую бг~а пло'тiю, вси` бл~жи'мъ ро'ди 
человjь'честiи: _о='гнь бо всели'ся въ тя` бж~ества`, и= 
jа='кw младе'нца дои'ши зижди'теля и= гд\са. тjь'мже 
а='гг~льскiй и= человjь'ческiй ро'дъ досто'йнw сла'вимъ 
прест~о'е рж\ство` твое`, и= согла'снw вопiе'мъ ти`: 
моли` хр\ста` бг~а согрjьше'нiй w=ставле'нiе дарова'ти 
воспjьва'ющымъ досто'йнw сла'ву твою`.

%[Пjь'снь з~%]

I=рмо'съ: W\т i=уде'и доше'дше _о='троцы въ 
вавv"лw'нjь и=ногда`, вjь'рою тр\оческою пла'мень пе'щный 
попра'ша, пою'ще: _о=тц_е'въ бж~е бл~гослове'нъ _е=си`.

Тя'жкiя болjь'зни воздая^нiя w=брjьто'хъ, и= мно'гимъ 
неду'гомъ w=держи'мь болю`: но молю' тя бц\де, помози' 
ми, и= пода'ждь здра'вiе вско'рjь твои'ми мл~твами.

Бл~же'нная дв~о, прибjь'жище скорбя'щихъ всjь'хъ 
вjь'рныхъ, w\т вся'кагw и=скуше'нiя и= печа'ли и= sло'бы 
зави'дящихъ мнjь` и=зми`, и= w\т грjь^хъ и= разли'чныхъ 
неду^гъ и=зба'ви.

Сла'ва: Златокова'нная ста'мно, и=з\ъ нея'же и=стече` 
мv'ро животво'рное вjь^рнымъ, w\тими` души` моея` и= 
тjь'ла неду'гъ, и= прегрjьше'нiй скве'рну, заступле'ньми 
твои'ми ч\стая бг~ороди'тельнице.

И= ны'нjь: Рожде'ннаго неизрече'ннw и=з\ъ тебе` 
бг~ома'ти, собезнача'льнагw сло'ва _о=ц~у` и= дх~у 
сла'вяще непреста'ннw, во хвале'нiи пое'мъ: _о=т_е'цъ 
на'шихъ бж~е бл~гослове'нъ _е=си`.

%[Пjь'снь и~%]

I=рмо'съ: Седмери'цею пе'щь халде'йскiй мучи'тель 
бг~очести^вымъ неи'стовнw разжже`, си'лою же лу'чшею 
сп~се'ны сiя^ ви'дjьвъ, творцу` и= и=зба'вителю вопiя'ше: 
_о='троцы бл~гослови'те, сщ~е'нницы воспо'йте, лю'дiе 
превозноси'те во вся^ вjь'ки.

Вели'ч_ествiя разли'чныхъ чуде'съ твои'хъ вл\дчце вси` 
проповjь'дуемъ, вjь'рнw притека'ющiи къ твоему` 
заступле'нiю: но ны'нjь мя` w\т неду'га лю'та и= 
болjь'зней душе'вныхъ же и= тjьле'сныхъ премjьни`, и= 
покажи` здра'ва _о=бою'ду, сла'вити сн~а твоего` хр\ста` 
во вjь'ки.

Напра'снw возвjь'яша зави'дящихъ вjь'три, и= 
sлолю'тыхъ рjь'ки припро'шася sjьлw` хра'минjь мое'й 
о_у='мнjьй, дв~о ч\стая: но jа='коже безу'мнw 
волну'ющагwся мо'ря, разори` стремле'нiе печа'льныхъ 
всjь'хъ: да'ждь и= мнjь` твои'ми мл~твами тишину` во вся^ 
вjь'ки.

Сла'ва: Созда'вый бре'нное тjь'ло человjь'ка, та'же 
ду'шу _е=му` вложи'вый безсме'ртну, въ тебjь` зи'ждется 
дв~о, сы'й, и= w=бновля'етъ па'ки того`: _е=го'же мнjь` 
бл~гоувjь'тлива, и= бл~гопремjь'нна покажи` твои'ми 
мл~твами, и= си'лу пода'ждь всjь^мъ скорбя'щымъ, и= 
и=збавле'нiе вско'рjь.

И= ны'нjь: Свjь'томъ w=заря'еши всегда` преч\стая 
сла'вящихъ тя`: и=з\ъ твоея' бо о_у=тро'бы возсiя` 
свjь'тъ невече'рнiй, и= w\т стра'ха нощна'гw и= те'мнагw 
и= бjьсо'вскагw ла'янiя и=збавля'еши твоя^ рабы^: w\т 
ни'хже и=зми` и= мене`, и= сп~си` w\т w=держа'щихъ sw'лъ 
твои'ми мл~твами.

%[Пjь'снь f~%]

I=рмо'съ: Вои'стинну бц\ду тя` и=сповjь'дуемъ, 
сп~се'ннiи тобо'ю дв~о ч\стая, съ безпло'тными ли'ки тя` 
велича'юще.

Вознеси` ро'гъ цр~кве, преч\стая, вjь^рнымъ пода'ждь 
крjь'пость и= о_у=тверди`.

Низложи` вознес_е'нныя, и= побjьди` полки` 
и=ноплеме'нныхъ хотя'щыя бра'ней, дв~о ч\стая: и= твоя^ 
рабы^ невре'дны w\т си'хъ свободи`, _о=трокови'це.

Сла'ва: _Е=ди'на побо'рнице хр\стiа'нwмъ 
правосла^внымъ, тебе` сла'вящымъ, мл~твами твои'ми 
а=га'ряны _о=руженw'сныя вско'рjь посрами`.

И= ны'нjь: Вразуми` дв~о, вjь'рныхъ ли'ки, на враги` 
неви^димыя и= ви^димыя о_у=крjь'пльши, и= сп~си` w\т 
вся'кiя ско'рби.

Та'же, Досто'йно _е='сть: и= покло'нъ. Трист~о'е. По 
_О='ч~е на'шъ: тропари`, и= про'чее _о=бы'чно, и= 
w\тпу'стъ.

Во вто'рникъ о_у='тра,

по а~-мъ стiхосло'вiи сjьда'льны покая'нны, гла'съ и~:

_О='комъ бл~гоутро'бнымъ гд\си, ви'ждь мое` смире'нiе, 
jа='кw пома'лjь жи'знь моя` скончава'ется, и= w\т дjь'лъ 
нjь'сть мнjь` сп~се'нiя. сегw` ра'ди молю'ся: _о='комъ 
бл~гоутро'бнымъ ви'ждь мое` смире'нiе, и= сп~си' мя.

Стi'хъ: Гд\си, да не jа='ростiю твое'ю w=бличи'ши 
мене`, ниже` гнjь'вомъ твои'мъ нака'жеши мене`.

Jа='кw судiи` прише'дшу попецы'ся _w душе`! и= 
стра'шнагw дне` ча'съ помышля'й: су'дъ бо без\ъ мл\сти 
_е='сть не содjь'лавшымъ мл\сти. тjь'мже пре'жде конца` 
вопi'й: пощади' мя сп~се, _е=ди'нъ бо _е=си` 
безгрjь'шенъ.

Сла'ва, и= ны'нjь, бг~оро'диченъ: Недви'жимое 
о_у=твержде'нiе вjь'ры, и= ч\стны'й да'ръ ду'шъ на'шихъ, 
бц\ду пjь'сньми велича'емъ вjь'рнiи: ра'дуйся, ка'мень 
жи'зни во чре'вjь твое'мъ вмjьсти'вшая. ра'дуйся 
конц_е'въ наде'ждо, скорбя'щихъ заступле'нiе. ра'дуйся 
невjь'сто неневjь'стная.

По в~-мъ стiхосло'вiи сjьда'ленъ, гла'съ и~:

Jа='кw блудни'ца припа'даю ти`, да прiиму` 
w=ставле'нiе, и= вмjь'стw мv'ра сле'зы w\т се'рдца 
приношу' ти: да jа='кw _о='ную о_у=ще'дриши мя` сп~се, и= 
пода'си ми` w=чище'нiе грjьхw'въ. jа='кw _о='ная бо зову' 
ти: и=зба'ви мя` w\т тимjь'нiя дjь'лъ мои'хъ.

Стi'хъ: Гд\си, да не jа='ростiю твое'ю w=бличи'ши 
мене`, ниже` гнjь'вомъ твои'мъ нака'жеши мене`.

Вjь'къ мо'й скончава'ется, житiе` мимохо'дитъ, и= 
стра'шный тво'й престо'лъ гото'вится сп~се: су'дъ мене` 
жде'тъ, претя` мнjь` _о='гненною му'кою, пла'менемъ 
негаси'мымъ: сле'зъ ту'чу да'ждь ми`, и= о_у=гаси` _е=гw` 
си'лу, хотя'й сп~сти'ся всjь^мъ человjь'кwмъ.

Стi'хъ: Ди'венъ бг~ъ во ст~ы'хъ свои'хъ, бг~ъ 
i=и~левъ.

Мч~нченъ: Свjьти^ла о_у='мная jа=ви'стеся ст~i'и 
мч~нцы: мглу' бо пре'лести о_у=праздни'сте вjь'рою, 
душ_е'вныя ва'шя свjьщы` просвjьти'сте, и= съ женихо'мъ 
со сла'вою внидо'сте въ нб\сный черто'гъ: и= ны'нjь 
моли'теся сп~сти'ся, мо'лимся, душа'мъ на'шымъ.

Сла'ва, и= ны'нjь, бг~оро'диченъ: Преч\стая дв~о, мт~и 
хр\сто'ва, души` моея` стра^сти лю^тыя и=сцjьли`, 
молю'ся, и= проще'нiе да'руй мои'хъ прегрjьше'нiй, jа=`же 
безу'мнjь содjь'яхъ, ду'шу мою` w=скверни'въ, и= тjь'ло 
w=каля'хъ _о=кая'нный. о_у=вы` мнjь`, что` сотворю` въ 
ча'съ _о='нъ, внегда` а='гг~ли ду'шу мою` разлуча'тъ w\т 
о_у=бо'гагw моегw` тjьлесе`; тогда` помо'щница ми` бу'ди 
и= предста'тельница: тебе' бо и='мамъ о_у=пова'нiе ра'бъ 
тво'й.

По г~-мъ стiхосло'вiи сjьда'льны, гла'съ и~:

Подо'бенъ: Повелjь'нное та'йнw:

Стра'шнагw и= о_у=жа'снагw и= неумы'тнагw суди'ща 
твоегw` вл\дко хр\сте`, во о_у=мjь` прiе'млю де'нь и= 
ча'съ, трепе'щу jа='кw sлодjь'й: сту^дная дjьла` и='мамъ, 
и= дjья^нiя лю^тая, jа=`же _е=ди'нъ содjь'яхъ прилjь'жнw. 
тjь'мже со стра'хомъ припа'даю ти`, и= вопiю` 
болjь'зненнw: мл~твами пр\дте'чи твоегw`, многомл\стиве, 
сп~си' мя.

Душе` моя`, неради'вw жи'знь и=знуря'ющи, воста'ни 
нjь'когда, къ покая'нiю воззри`: воспла'чися го'рцjь 
и=з\ъ глубины` серде'чныя, да не ка'кw возрыда'еши та'мw 
без\ъ о_у=спjь'ха: содрогни'ся, помышля'ющи вл\дчнее 
второ'е прише'ствiе, и= пре'жде суда` сама` себе` 
w=суди`: и= о_у=бjь'гнеши _о='нагw суда` пра'веднагw.

Сла'ва, и= ны'нjь, бг~оро'диченъ: Безпло'тныхъ 
твои'хъ, хр\сте`, и= пр\дте'чи твоегw`, и= о_у=ч_ени'къ, 
и= пр\орw'къ, и= мч~нкъ, и= ст~ы'хъ всjь'хъ, и= бц\ды 
неискусому'жныя и= бл~гi'я мт~ре твоея` мл~твами 
о_у=моле'нъ бы'въ, да'ждь на'мъ во свjь'тjь твое'мъ 
ходи'ти: и= сподо'би на'съ о_у=лучи'ти цр\ствiе твое`, за 
мл\срдiе мл\сти твоея`.

Канw'нъ покая'ненъ ко гд\су на'шему i=и~су хр\сту`, и= 
ст~ы^мъ _е=гw` мч~нкwмъ. Творе'нiе кv'ръ i=w'сифа, гла'съ 
и~:

%[Пjь'снь а~%]

I=рмо'съ: Сокруши'вшему бра^ни мы'шцею свое'ю, и= 
прове'дшему i=и~ля сквозjь` чермно'е мо'ре, пои'мъ 
_е=му`, jа='кw и=зба'вителю на'шему бг~у: jа='кw 
просла'вися.

И=спо'лни мое` се'рдце о_у=миле'нiя хр\сте`, jа='кw да 
вни'ду покая'нiемъ въ сел_е'нiя твоя^: и= 
и=сповjь'данiемъ помолю'ся тебjь`, w\т долгw'въ мя` 
разрjьша'ющу.

Разрjьши' мя сло'ве, w\т соу'зъ безчи'сленныхъ мои'хъ 
sw'лъ, да ше'ствую въ покая'нiи пра'в_едныя ст_ези` 
твоя^, въ бж~е'ственное наставля'ющыя поко'ище вjь'чныхъ 
красо'тъ.

Мч~нченъ: Взя'тся къ высотjь` вели'кое мч~нкъ твои'хъ 
хр\сте` великолjь'пiе, всесла'внw бо пострада'вше, и= 
превели'кими твои'ми бл~года'тьми возвели'чишася.

Мч~нченъ: Кропле'нiемъ бж~е'ственныхъ крове'й ст~ы'хъ 
страда'л_ецъ, кро'вь тре'бищная приноси'мая врагу` 
преста`, и= w=святи'шася земна^я дх~а бл~года'тiю.

Бг~оро'диченъ: Покая'нiя ми` дв~о покажи` пути^, и= 
w\т водя'щiя мя` ко грjьху` возврати` стези`: да тя` пою` 
многопjь'тую бж~iю роди'тельницу.

И='нъ канw'нъ ст~о'му и= вели'кому i=wа'нну пр\дте'чи, 
гла'съ и~:

I=рмо'съ: И=стря'сшему въ мо'ри мучи'тельство 
фараw'не, и= i=и~ля су'шею наста'вльшему пои'мъ хр\сту` 
jа='кw просла'вися во вjь'ки.

Пр\дте'че проповjь'дателю покая'нiя, пока'ятися ми` 
w\т души` всея`, моли` сп~са и= гд\са, о_у='мъ мо'й 
просвjьща'я и= се'рдце, любо'вiю чту'щагw тя`.

Jа='кw пусты'нное краснjь'йшее _о=вча` пр\дте'че, 
мч~нче хр\сто'въ, ны'нjь въ пусты'ни мя` страсте'й 
водворя'ющася, наста'ви къ жи'зни покая'нiя, 
бж~е'ственною твое'ю мл~твою.

Му'чащагw мя` грjьха` ско'рw свободи`, хода'тайствомъ 
твои'мъ му'дре пр\дте'че, молю'ся, и= разруши` на мя` 
дви'жимую бjьсо'вскую бу'рю.

Бг~оро'диченъ: Сп~си' мя мт~и и='стины, w=бурева'емаго 
лю'тjь w\т страсте'й, и= ча'стw погружа'ема, и= и=спра'ви 
мя` ч\стая къ сп~се'нiя бл~гоути'шному приста'нищу.

%[Пjь'снь г~%]

I=рмо'съ: О_у=тверди'ся се'рдце мое` во гд\сjь, 
вознесе'ся ро'гъ мо'й въ бз~jь мое'мъ, разшири'шася на 
враги` моя^ о_у=ста` моя^, возвесели'хся w= сп~се'нiи 
твое'мъ.

Скв_е'рны sлw'бныя w\тмы'въ моегw` се'рдца, и= 
jа=ви'тися ми` непоро'чну пред\ъ тобо'ю въ де'нь 
стра'шный сподо'би хр\сте` мо'й, jа='кw пребл~гi'й.

Возмо'же лука'вствомъ о_у=мертви'ти мя` w\тсту'пникъ, 
жа'ломъ сло'ве грjьхо'внымъ: но са'мъ мя` хр\сте`, 
живоно'снымъ и=сцjьли` бы'лiемъ покая'нiя.

Мч~нченъ: Ста'немъ му'жески, возглаша'ху 
стр\стоте'рпцы дру'гъ дру'гу, да не кто` во'инства 
w\тве'ржется: вл\дка помо'щникъ на'мъ предстои'тъ, 
стра'ждущымъ до'блественнымъ о_у=мо'мъ.

Мч~нченъ: Пречестно'е ка'менiе цр~кве, бж~е'ств_енныя 
столпы` бл~гоче'стiя, пре'лести побjьди'тели, вси` въ 
пjь'снехъ почти'мъ вjь'рнiи мч~нки гд\сни.

Бг~оро'диченъ: Низпа'дшымъ и=справле'нiе бц\де, 
па'дшаго мя` воздви'гни и=з\ъ ро'ва sw'лъ мои'хъ: и= 
о_у=тверди` вл\дчце, на ка'мени за'повjьдей бж~iихъ.

%[И='нъ%]

I=рмо'съ: О_у=тверди` на'шъ о_у='мъ и= сердца`, нб~са` 
сло'вомъ о_у=твержде'й, во _е='же пjь'ти и= сла'вити тя`, 
во сп~се'нiе ду'шъ на'шихъ.

W=дожди` и= мнjь` ка^пли покая'нiя, и='же въ рjьцjь` 
бе'здну кр\сти'вый бл~гоутро'бiя, гд\са всjь'хъ 
пр\дте'че, мч~нче достосла'вне.

Напа'стными волна'ми житiя` всегда` о_у=мо'мъ 
коле'блемь, прибjьга'ю под\ъ кро'въ тво'й пр\дте'че 
сп~совъ, потщи'ся помощи' ми рабу` твоему`.

Въ нощны'хъ мл~твахъ призыва'ю дневна'го свjьти'льника 
тебе` мi'ру, бг~обл~же'нне пр\дте'че, просвjьти` моя^ 
серд_е'чная чу^вства.

Бг~оро'диченъ: Ра'дуйся w\т на'съ ст~а'я бц\де: 
ра'дуйся, jа='же ра'дость ро'ждшая мi'ру: ра'дуйся 
ру'чко, и=з\ъ нея'же ма'нна нб\сная всjь^мъ вjь^рнымъ 
даде'ся.

%[Пjь'снь д~%]

I=рмо'съ: О_у=слы'шахъ гд\си, слу'хъ тво'й, и= 
о_у=боя'хся: jа='кw неизрече'ннымъ совjь'томъ, бг~ъ сы'й 
присносу'щный, w\т дв~ы проше'лъ _е=си` вопло'щься: 
сла'ва снизхожде'нiю твоему` хр\сте`, сла'ва си'лjь 
твое'й.

Прельсти` мя` вкуше'нiемъ грjьхо'внымъ вра'гъ 
льсте'цъ, и= w\т тебе` бл~же, дале'че о_у=дали`, и= 
зубw'мъ свои^мъ снjь'дь содjь'ла мя`: _е=ди'не сп~се, 
потщи'ся и=з\ъя'ти мя`.

Неявл_е'ная гд\си, и= сокров_е'ная моя^ са'мъ вjь'си, 
согрjьши'вшагw ти` мно'гw: мно'гими твои'ми щедро'тами 
о_у=ще'дри сло'ве бж~iй, jа='кw мл\стивъ, и= покая'нiя 
ми` вре'мя пода'ждь w=чисти'тельно.

Мч~нченъ: Jа='кw волна'ми муче'ньми потопля'еми 
мч~нцы, w=кормле'нiемъ хр\сто'вымъ ко приста'нищ_емъ 
приведо'стеся нб\снагw цр\ствiя, w\т негw` 
побjьдоно'сными вjьнцы` вои'стинну о_у=добря'еми.

Мч~нченъ: W=бнови'вше мч~нцы, бл~гоче'стiемъ зе'млю 
серде'чную, и=сповjь'данiя на не'й сjь'мя вложи'сте: и= 
муче'нiя пожа'сте jа='вjь стори'чествующiй кра'сный 
кла'съ бл~года'тiю.

Бг~оро'диченъ: Всепjь'тая вл\дчце, велегла'снw 
воспjьва'ющагw ти`, и=спо'лни вся'кiя ра'дости мою` 
мы'сль, подаю'щи ми` пла'чь бл~гъ, и= покая'нiя вины^, и= 
ра'зумъ сп~се'нiя.

%[И='нъ%]

I=рмо'съ: О_у=слы'шахъ гд\си, смотре'нiя твоегw` 
та'инство: разумjь'хъ дjьла` твоя^, и= просла'вихъ твое` 
бж~ество`.

Себе` самого` пла'чу, житiе` неиспра'влено и=мjь'я 
всегда`: сп~си` и= о_у=ще'дри мя` пр\дте'че, грjьхи` 
погиба'ющаго.

Въ мл~твахъ и= моле'нiихъ да w=бря'щу тя` помо'щника 
бл~же'нне, ду'шу мою` о_у=крjьпля'юща, и= помышле'нiе 
мое` w=заря'юща.

Потопля'ема бу'рею согрjьше'нiй, и= бjь'дствующа мя`, 
кр\сти'телю хр\сто'въ, w=корми` къ приста'нищу 
бж~е'ственнагw ра'зума.

Бг~оро'диченъ: Смири'вши мя` высокому'дреннw 
живу'щаго, сп~си` преч\стая, ро'ждшая возне'сшаго 
смири'вшееся _е=стество`.

%[Пjь'снь _е~%]

I=рмо'съ: Мра'къ души` моея` разжени` свjьтода'вче 
хр\сте` бж~е, началоро'дную тьму` и=згна'въ бе'здны: и= 
да'руй ми` свjь'тъ повелjь'нiй твои'хъ сло'ве, да 
о_у='тренюя сла'влю тя`.

И='же блудни'цу w=чи'стивый, и= прокаж_е'нныя, твои'мъ 
повелjь'нiемъ содjь'телю вся'ческихъ, скве'рнагw грjьха` 
смире'нную ду'шу мою` w=чи'сти, и= _о=де'ждами 
блиста'ющими красну` содjь'лай вл\дко, молю'ся.

W\т о_у='зъ разрjьши'въ мя` мно'гихъ мои'хъ 
прегрjьше'нiй хр\сте` бж~е, невозбра'ннw ходи'ти напра'ви 
въ пути^ твоя^: jа='кw да w\трjьши'вся w\т пло'ти, въ 
покw'ища ст~а^я всели'вся, сла'влю тя`.

Мч~нченъ: И=стка'вше w\т болjь'зней себjь` ри'зу 
сла'вы мч~нцы, и= w=дjь'явшеся краснw`, въ вы'шнjьмъ 
живу'тъ цр\ствiи въ ра'дости, побjь'ды вjьнцы` кра'сными 
о_у=добря'еми.

Мч~нченъ: Теку'щими стоя^щая и=змjьни'ша 
бл~гому'дреннw мч~нцы: тjьснота'ми бо муче'нiй 
разли'чныхъ w=б\ъя'ти бы'вше, къ простра'нству 
и='стинному нб\снагw цр\ствiя му'дрiи достиго'сте 
ра'дующеся.

Бг~оро'диченъ: Ст~а'я бц\де, jа='же ст~о'е сло'во 
ро'ждшая пло'тiю, _е=ди'наго почива'ющаго на всjь'хъ 
ст~ы'хъ, w=святи` мо'й о_у='мъ въ лука'выхъ дjь'лjьхъ 
при'снw пребыва'ющiй.

%[И='нъ%]

I=рмо'съ: W\т но'щи невjь'дjьнiя, бг~овjь'дjьнiя де'нь 
во свjь'тjь лица` твоегw` хр\сте`, да возсiя'етъ, ко 
о_у='тру хвале'нiе твое` въ сердца'хъ на'шихъ.

Въ нощи` житiя` заблу'ждшаго мя` просвjьти`, сла'вный 
пр\дте'че, свjьти'льникъ сы'й сл~нца пра'веднагw.

Въ бу'дущемъ судjь`, _е=гда` и='мамъ гд\севи 
предста'ти, да w=бря'щу тя` предста'теля пр\дте'че, 
w=сужде'нiя мя` стра'шнагw и=з\ъима'юща.

Напа'ствуемаго мя`, и= и=скуше'ньми бjьсо'вскими 
коле'блемаго, о_у=тверди` на ка'мени бж~е'ственныхъ 
хотjь'нiй приснопjьва'емый.

Бг~оро'диченъ: Jа='кw превы'шшая всjь'хъ тва'рей, мт~и 
бж~iя приснодв~о, вы'шша покажи' мя вра'жiихъ сjь'тей.

%[Пjь'снь s~%]

I=рмо'съ: Jа='коже пр\оро'ка и=зба'вилъ _е=си` и=з\ъ 
глубины` преиспо'днiя хр\сте` бж~е, и= мене` w\т 
грjьхw'въ мои'хъ и=зба'ви jа='кw чл~вjьколю'бецъ, и= 
о_у=пра'ви живо'тъ мо'й, молю'ся.

Ка'ющася прiими' мя, jа='коже и=ногда` нiнеvi'тяны, 
вjь'ровавшыя бж~е'ственнjьй про'повjьди, хр\сте`, 
пр\оро'ка твоегw`: и= w=корми` живо'тъ мо'й, молю'ся ти`.

Jа='кw мыта'рь воздыха'ю, jа='коже блудни'ца слезю`, 
jа='кw пе'тръ вопiю`, мно'гими погружа'емь прегрjьше'нiи 
хр\сте`: по'мощи ми` ру'ку да'ждь, и= сп~си' мя.

Мч~нченъ: Jа='кw бг~освjь^тлая свjьти^ла мч~нцы, 
луча'ми страда'нiя w=заря'ете всегда` земны'й мi'ръ, и= 
w\тгоня'ете пре'лести тьму` глубо'кую.

Мч~нченъ: Бл~же'ннjьйшiй коне'цъ w=брjь'тше всест~i'и 
мч~нцы, почита'ете всегда` бг~а бл~же'ннаго, наслажда'еми 
тогw` свjь'тлостiю.

Бг~оро'диченъ: Маннопрiе'мная ру'чка, тя` бц\де 
и=ногда` проwбрази`: хр\ста' бо носи'ла _е=си`, ма'нну 
ра'зума w=дожди'вшаго всjь^мъ чту'щымъ тя`.

%[И='нъ%]

I=рмо'съ: Ри'зу мнjь` пода'ждь свjь'тлу, w=дjья'йся 
свjь'томъ. jа='кw ри'зою, многомл\стиве хр\сте` бж~е 
на'шъ.

Сjьки'рою покая'нiя и='стиннагw все` w=чи'сти се'рдце 
мое` i=wа'нне прему'дре, плодоно'сно добродjь'тельми 
содjь'ловая _е=`.

Ки'томъ содержи'мь напа'стей, и=з\ъ глубины` се'рдца 
моегw` взыва'ю ти` пр\дте'че: болjь'зней мя` лю'тыхъ 
свободи`.

Душе` моя`, пока'йся те'плjь, се` суди'ще прiи'де, 
возни'кни зову'щи: i=и~се бж~е мо'й, пр\дте'чи ра'ди 
твоегw` ты' мя о_у=ще'дри.

Бг~оро'диченъ: _Е=ди'на сло'вомъ, пло'тiю сло'во 
ро'ждшая ч\стая, мо'лимся, и=зба'ви сjь'тей вра'жiихъ 
ду'шы на'шя.

%[Пjь'снь з~%]

I=рмо'съ: А='гг~ломъ _о='троки и=з\ъ _о=гня` сп~сы'й, 
и= гремя'щую пе'щь преложи'вый на ро'су, бл~гослове'нъ 
_е=си` бж~е _о=т_е'цъ на'шихъ.

Jа='кw въ беззако'нiихъ зача'тъ и= роди'хся, ще'дре, 
согрjьши'хъ па'че всjь'хъ человjь^къ: w=браще'нiя ми` 
пода'ждь вре'мя w=правда'ющее мя`.

Превозне'слся безу'мнw, jа='коже пре'жде фарiсе'й, и= 
паде'нiемъ лю'тымъ падо'хся, и= ви'дя мя` ра'дуется 
вражде'бный: сло'ве бж~iй, не пре'зри мене`.

Мч~нченъ: Собо'ръ ч\стны'хъ мч~нкъ, во'инство 
непобори'мое, по'лкъ же ст~ы'й, гра'ду написа'ся на 
нб~сjь'хъ, на земли` му'жествовавшее.

Мч~нченъ: Во'лею стр\сть проше'дше мч~нцы, хода'таицу 
безсме'ртiя, струю` и=сцjьле'нiй и=сточа'ете, 
человjь'кwвъ стра^сти w\тгоня'ющу.

Бг~оро'диченъ: Па'че вины` ражда'еши всjь'хъ вину`, 
премно'жествомъ бл~гости человjь'ка бы'вшаго: тjь'мже 
согла'снw тя` ч\стая, о_у=бл~жа'емъ.

%[И='нъ%]

I=рмо'съ: Въ нача'лjь зе'млю w=снова'вый, и= нб~са` 
сло'вомъ о_у=тверди'вый, бл~гослове'нъ _е=си` во вjь'ки, 
гд\си бж~е _о=т_е'цъ на'шихъ.

И='же пути^ гд\сни о_у=гото'вавый пр\дте'че, къ 
тому'же и=спра'ви и= моя^ ст_ези`, да зову`: 
бл~гослове'нъ _е=си` бж~е _о=т_е'цъ на'шихъ.

Проповjь'дниче свjь'та, просвjьти` ду'шу мою`, и= 
лю'тыя тьмы`, и= гее'нны паля'щiя и=зба'ви мя`, 
прибjьга'ющаго къ тебjь` несумнjь'нною душе'ю.

Непло'дныя и=зраще'нiе плодови'тое сы'й, моегw` 
се'рдца непло'дiе во бл~гопло'дiе претвори` твои'ми 
мл~твами му'дре кр\сти'телю хр\сто'въ.

Бг~оро'диченъ: И=збра'нная а='гнице бж~iя сло'ва, 
моли` и=з\ъ тебе` вопло'щшагося бг~а, ко и=збра^ннымъ 
_о=вца'мъ мя` причта'ти въ ча'съ стра'шный.

%[Пjь'снь и~%]

I=рмо'съ: Покрыва'яй вода'ми превы'спр_енняя своя^, 
полага'яй мо'рю предjь'лъ песо'къ, и= содержа'й вся^, тя` 
пое'тъ со'лнце, тя` сла'витъ луна`, тебjь` прино'ситъ 
пjь'снь вся` тва'рь, jа='кw содjь'телю всjь'хъ во вjь'ки.

Ру'цjь вся'кими w=скверни'ла _е=си` sлодjья'ньми душе` 
моя`: и= ка'кw тjь'хъ воздjьва'еши на высоту` бесjь'дующи 
бг~у; но'зjь непотре'бны сотвори'ла _е=си`, на дjьла` 
ходя'щи сту^дная: потщи'ся ходи'ти покая'нiемъ въ пути^ 
сп~си'т_ельныя.

Не пребы'хъ гд\си, въ за'повjьдехъ твои'хъ никогда'же, 
не сотвори'хъ ни _е=ди'нъ де'нь твоегw` хотjь'нiя бл~же: 
кото'рыма о_у='бw _о=чи'ма воззрю` на тя` тогда`, 
творя'ща су'дъ пра'ведный, и= пови^нныя w\тсыла'юща во 
_о='гнь гее'нскiй;

Мч~нченъ: Разжж_е'нныя о_у=гаси'сте п_е'щи 
многобо'жiя, му'дрiи страда'льцы, jа='коже во'ду 
и=злива'юще мно'гу ва'шя крw'ви, непра'веднw 
пролiя'вшыяся, за любо'вь творца`: тjь'мже пото'къ 
сла'достный наслjь'дуете.

Мч~нченъ: Превзыдо'сте ст~i'и, смире'нiя земно'е 
тjь'ло, и= му^ки jа='коже стра'ждущу и=но'му 
претерпjь'сте, w\тсjьче'нiе рука'мъ же и= нога'мъ: 
w\тню'дуже превы'шшiя ны'нjь сподо'бистеся жи'зни во 
вjь'ки.

Бг~оро'диченъ: Волну'ема мя` бу'рею грjьхо'вною, 
вопiю' ти вл\дчце ч\стая, твои'мъ хода'тайствомъ напра'ви 
мя` ко сп~си'тельному покая'нiю, и= ко всеути'шному 
приста'нищу: jа='кw да о_у=ви'жу свjь'тъ сп~се'нiя, 
w=мрача'емый при'снw лjь'ностiю.

%[И='нъ%]

I=рмо'съ: Безнача'льнаго цр~я` сла'вы, _е=гw'же 
трепе'щутъ нб\сныя си^лы, по'йте сщ~е'нницы, лю'дiе 
превозноси'те во вся^ вjь'ки.

Взе'млющаго грjьхи` мi'ра а='гнца бж~iя, _е=го'же 
показа'лъ _е=си` всjь^мъ, моли` кр\сти'телю, стра^сти 
моя^ о_у=мертви'ти, и= сп~сти` ду'шу мою`.

W=блегчи` бре'мя души` моея`, побори` борю'щыя мя`, 
гд\сень кр\сти'телю: и= не о_у=я'звлена мя` покажи` w\т 
тjь'хъ sлодjь'йствiя.

О_у=дали'лся _е=си` бjь'гаяй пр\оро'че, водвори'лся же 
_е=си` въ пусты'ню непрохо'дную: тjь'мже тя` молю`, 
стра^сти души` моея` пу'сты сотвори` вско'рjь.

Бг~оро'диченъ: Лоза` _е=си` дв~о, jа='же гро'здъ 
зрjь'лъ ро'ждшая, о_у=миле'нiя питiе'мъ напоя'ющи мя` 
ны'нjь, w\тими` пiя'нство sw'лъ мои'хъ.

Та'же, пое'мъ пjь'снь бц\ды: Вели'читъ душа` моя` 
гд\са:

%[Пjь'снь f~%]

I=рмо'съ: Бл~гослове'нъ гд\сь бг~ъ i=и~левъ, 
воздви'гнувый ро'гъ сп~се'нiя на'мъ, въ дому` дв~довjь 
_о='трока своегw`. въ ни'хже посjьти` на'съ восто'къ съ 
высоты`, и= напра'вилъ ны` _е='сть на пу'ть ми'ра.

Да и= а='зъ сп~са'емь бл~года'рственнw тебе`, хр\сте`, 
велича'ю, при'зри на мя` мнw'ги ра^ны на плещу` 
прiе'мшаго, и= и=сцjьли`, вiно` на ни'хъ и= _е=ле'й 
возлива'я, твоегw` сп~се бл~гоутро'бiя позна'нiе.

Jа='коже разбо'йника бл~гонра'внаго и=спусти'вшаго 
гла'съ, и=зба'вилъ _е=си` о_у=бi'йства и= т_е'мъ sлы'хъ, 
jа='коже о_у=ще'дрилъ _е=си` блудни'цу прослези'вшуюся, 
jа='кw петра` вели'каго о_у=ченика`, и= дв~да пр\оро'ка: 
и= мене` сп~се, поми'луй w\тча'яннаго.

Мч~нченъ: Соwбра'зни бы'вше стр\ст_е'мъ, страда'вшагw 
на'съ ра'ди стр\стоте'рпцы, съ ни'мъ ны'нjь ку'пнw 
прославля'етеся, w=божа'еми бж~е'ственными прича'стiи, и= 
сiя'юще па'че заре'й чу'вственнагw со'лнца, и= 
просвjьща'юще вjь'рныхъ сердца`.

Мч~нченъ: Добродjь'тель возсiя` ст~ы'хъ страда'л_ецъ, 
вся'къ гра'дъ си'ми сокро'вищи вои'стинну некра'домыми 
w=богаща'ется вjь'рою, w=блиста'ющихъ бл~года'ть 
_о=би'льнw чуде'съ пресла'вныхъ: jа=`же пjьсносло'вимъ 
jа='кw т_е'плыя предста'тели.

Бг~оро'диченъ: Просвjьти'тельными мо'лнiями, 
всенепоро'чная, и=з\ъ твоея` проше'дшагw о_у=тро'бы, сн~а 
бж~iя, вjь'рою пою'щыя тя` просвjьти`: и= тьмы` на'съ 
несвjьти'мыя, и= вjь'чныя му'ки и=зми` твои'мъ 
предста'тельствомъ.

%[И='нъ%]

I=рмо'съ: Проявле'нное на горjь` законополо'жнику во 
_о=гни` и= купинjь`, рж\ство` приснодв~ы, въ на'ше 
вjь'рныхъ сп~се'нiе, пjь'сньми немо'лчными велича'емъ.

Хотя'щу стра'шному твоему` предста'ти престо'лу 
сло'ве, и= дjья'нiй мои'хъ и=стяза'емjьй бы'ти винjь`, 
кото'рый w=бря'щу w\твjь'тъ, _о=кая'нный; твоегw` ра'ди 
кр\сти'теля, гд\си бж~е мо'й, тогда` пощади' мя.

Jа='кw гла'съ сло'ва, и=спра'ви гла'сы моя^ къ бг~у, 
прему'дре кр\сти'телю, и= и=зба'ви мя` sло'бы бjьсо'вскiя 
и= и=скуше'нiя человjь^къ: да по до'лгу о_у=бл~жа'ю тя`.

Напита'й мя` пи'щею безсме'ртною хр\сто'выхъ 
за'повjьдей, напо'й мя` питiе'мъ живо'тнымъ кр\сти'телю 
и= пр\оро'че: и= предста'ви бг~у сп~се'на, под\ъ кро'въ 
тво'й притека'ющаго.

Бг~оро'диченъ: Вл\дчце дв~о ч\стая, и= 
препросла'вленная, съ пр\дте'чею сн~а твоего` и= цр~я` 
моли`, w\т вся'кiя ну'жды сп~сти` вjь'рою тя` бл~жа'щыя.

Та'же, Досто'йно _е='сть: и= покло'нъ, и= _е=ктенiа`, 
и= свjьти'ленъ, и= _псалмы` _о=бы^чныя.

На стiхо'внjь стiхи^ры покая'нны, гла'съ и~:

_Е=гда` прiиму` во о_у=мjь` мно'жество содjь'янныхъ 
мно'ю sw'лъ, и= въ помышле'нiе прiиду` стра'шнагw 
_о='нагw и=спыта'нiя; тре'петомъ содержи'мь къ тебjь` 
прибjьга'ю чл~вjьколю'бцу бг~у. тjь'мже не пре'зри мене`, 
молю' тя, _е=ди'не безгрjь'шне: да'руй о_у=миле'нiе 
смире'ннjьй мое'й души` пре'жде конца`, и= сп~си' мя.

Стi'хъ: И=спо'лнихомся зау'тра мл\сти твоея` гд\си, и= 
возра'довахомся и= возвесели'хомся. во вся^ дни^ на'шя 
возвесели'хомся: за дни^, въ ня'же смири'лъ ны` _е=си`, 
лjь^та, въ ня'же ви'дjьхомъ sла^я. и= при'зри на рабы^ 
твоя^, и= на дjьла` твоя^, и= наста'ви сы'ны и='хъ.

Сле'зы ми` да'ждь бж~е, jа='коже и=ногда` женjь` 
грjь'шницjь, и= сподо'би мя` w=мочи'ти но'зjь твои`, 
jа=`же мя` w\т пути` пре'лести свободи'вшыя, и= мv'ро 
бл~гоуха'нiя тебjь` приноси'ти житiе` чи'сто, покая'нiемъ 
ми` созда'ное, да о_у=слы'шу и= а='зъ жела'емый тво'й 
гла'съ: вjь'ра твоя` сп~се' тя, и=ди` въ ми'рjь.

Стi'хъ: И= бу'ди свjь'тлость гд\са бг~а на'шегw на 
на'съ, и= дjьла` ру'къ на'шихъ и=спра'ви на на'съ, и= 
дjь'ло ру'къ на'шихъ и=спра'ви.

Мч~нченъ: Вельми` подвиза'стеся ст~i'и, му^ки w\т 
беззакw'нникъ претерпjь'вше до'блественнjь, и= хр\ста` 
и=сповjь'давше пред\ъ цари`: и= преста'вльшеся w\т житiя` 
па'ки си^лы дjь'йствуете въ мi'рjь, и= неду'гующыя 
и=сцjьля'ете стр\стьми` свои'ми ст~i'и. моли'те сп~сти'ся 
душа'мъ на'шымъ.

Сла'ва, и= ны'нjь, бг~оро'диченъ: Кро'въ тво'й бц\де 
дв~о, врачевство` _е='сть духо'вное: во'нь бо 
прибjьга'юще, w\т душе'вныхъ неду^гъ и=збавля'емся.

Та'же, Бл~го _е='сть: Трист~о'е. По _О='ч~е на'шъ: 
тропа'рь, и= _е=ктенiа`. Та'же, ча'съ а~-й, и= _псалмы` 
_о=бы'чны, и= про'чее, и= w\тпу'стъ.

Во вто'рникъ бл~ж_е'нны, гла'съ и~:

Помяни` на'съ хр\сте` сп~се мi'ра, jа='коже 
разбо'йника помяну'лъ _е=си` на дре'вjь: и= сподо'би 
всjь'хъ, _е=ди'не ще'дре, нб\сному цр\ствiю твоему`.

Стi'хъ: Бл~же'ни и=згна'ни пра'вды ра'ди, jа='кw 
тjь'хъ _е='сть цр\ство нб\сное.

Пучи'ну jа='кw и=мjь'я хр\сте` мл\срдiя, и=зсуши` 
мои'хъ прегрjьше'нiй пучи'ну: и= о_у=миле'нiя слеза'ми 
ду'шу мою` w=камене'нную претвори`.

Стi'хъ: Бл~же'ни _е=сте`, _е=гда` поно'сятъ ва'мъ, и= 
и=зжену'тъ, и= реку'тъ вся'къ sо'лъ глаго'лъ, на вы` 
лжу'ще мене` ра'ди.

Дре'вле хр\ста` въ водjь` кр\сти'въ, бж~е'ственный 
кр\сти'телю, w\т страсте'й мя` треволне'нiя w=бурева'ема, 
ко приста'нищу покая'нiя твои'ми мольба'ми о_у=стреми`.

Стi'хъ: Ра'дуйтеся и= весели'теся, jа='кw мзда` ва'ша 
мно'га на нб~сjь'хъ.

Мч~нченъ: Кровьми` ва'шими, ст~i'и стр\стоте'рпцы, 
о_у=гаси'вше _о='гнь i=дwлобjь'сiя, струи^ и=сточа'ете, 
всегда` и=сцjьле'нiй, стра^сти разли^чныя и=сцjьля'юще.

Сла'ва: Безнача'льне _о='ч~е, и= сн~е, и= 
бж~е'ственный дш~е, кр\сти'теля мл~твами, многолjь^тныя 
стра^сти души` моея` о_у=толи`, молю'ся: и= сп~си' мя 
раба` твоего`.

И= ны'нjь: И=зба'ви на'съ w\т страсте'й безче'стiя, и= 
лю'тагw во а='дjь муче'нiя. мольба'ми твои'ми преч\стая 
бц\де, бл~гоче'стнw тя` о_у=бл~жа'ющихъ.