Богослужебные тексты

<::лат>  OCR:

<::рус>  Библиотека святоотеческой литературы

<::лат>  http://orthlib.ru

<::слав>

%[Въ сре'ду ве'чера%],

на Гд\си воззва'хъ, стiхи^ры ст~ы^мъ а=п\слwмъ. Гла'съ 
и~:

Подо'бенъ: Гд\си, а='ще и= на суди'щи:

Стi'хъ: А='ще беззакw'нiя на'зриши гд\си, гд\си, кто` 
постои'тъ; jа='кw о_у= тебе` w=чище'нiе _е='сть.

Гд\си, ты` о_у=тjь'шителя заря'ми а=п\слы твоя^ 
просвjьти'лъ _е=си`, и= свjьти^ла положи'въ тjь'хъ 
вjь'рjь о_у=твержде'нiе, о_у='мнымъ просвjьще'нiемъ 
ра'зума твоегw` вл\дко: сегw` ра'ди покланя'емся 
неизрече'нному чл~вjьколю'бiю твоему`.

Стi'хъ: И= мене` ра'ди твоегw`, потерпjь'хъ тя` гд\си, 
потерпjь` душа` моя` въ сло'во твое`, о_у=пова` душа` 
моя` на гд\са.

Гд\си, ты` а=п\слъ мл~твами w=гради'лъ _е=си` ста'до 
твое` сiе`, w\т врагw'въ и=скуше'нiя невре'днw сохраня'я: 
зане` ч\стно'ю то` и=скупи'лъ _е=си` кро'вiю w\т рабо'ты 
чужда'гw, jа='кw ще'дръ и= чл~вjьколю'бецъ.

Стi'хъ: W\т стра'жи о_у='треннiя до но'щи, w\т стра'жи 
о_у='треннiя да о_у=пова'етъ i=и~ль на гд\са.

Jа=ви'стеся ку'пнw во w=снова'нiи цр~ко'внjьмъ, jа='кw 
честно'е ка'менiе, заре'ю свjь'тлою вселе'ннjьй 
блиста'юще бг~оразу'мiе и=звjь'стно, а=п\сли 
бж~е'ственнiи, тр\оцjь предстоя'тели, и= мл~тв_енницы w= 
душа'хъ на'шихъ.

Та'же въ мине'и стiхи^ры ст~о'му, а='ще и='мать. А='ще 
нjь'сть мине'и, и='ны стiхи^ры ст~о'му и= вели'кому 
чудотво'рцу нiкола'ю, гла'съ и~:

Стi'хъ: Jа='кw о_у= гд\са мл\сть, и= мно'гое о_у= 
негw` и=збавле'нiе: и= то'й и=зба'витъ i=и~ля w\т всjь'хъ 
беззако'нiй _е=гw`.

Гд\си, ты` ч\стна'го твоего` ст~и'теля нiкола'а въ 
конца'хъ просла'вилъ _е=си`, да'въ тому` чуде'съ 
бл~года'ть: и= побо'рника показа'лъ _е=си` су'щымъ въ 
бjьда'хъ лю'тыхъ, и= въ ско'рбехъ и= sло'бахъ 
припа'дающымъ, и= прося'щымъ тогw` при'снw заступле'нiя.

Стi'хъ: Хвали'те гд\са вси` jа=зы'цы, похвали'те 
_е=го` вси` лю'дiе.

Гд\си, ты` ст~и'теля твоегw` бж~е'ственными мольба'ми 
о_у=милосе'рдися: и= вся'кiя бjьды`, и= вся'кагw 
w=sлобле'нiя, и= нахожде'нiя вра'жiя свободи` рабы^ 
твоя^, вjь'рою покланя'ющыяся твое'й держа'вjь 
непобjьди'мjьй.

Стi'хъ: Jа='кw о_у=тверди'ся мл\сть _е=гw` на на'съ, 
и= и='стина гд\сня пребыва'етъ во вjь'къ.

И=му'ще тебе` ко вл\дцjь предста'теля, и= засту'пника 
те'пла нiко'лае, къ тебjь` притека'емъ вjь'рою, и= 
взыва'емъ: не w\тврати` на'съ бездjь'льны w\т покро'ва 
твоегw`, но покажи` твое` мл\срдiе просте'рто на рабы^ 
твоя^.

Сла'ва, и= ны'нjь, бг~оро'диченъ: Ви'ждь моегw` 
сокруше'ннагw се'рдца воздыха'нiе бг~оневjь'сто, прiими` 
дв~о мр~i'е ч\стая, ру'къ мои'хъ воздjья'нiе, jа='кw 
чл~вjьколюби'ва, и= не w\три'ни всенепоро'чная: да пою` 
и= велича'ю тя` возвели'чившую ро'дъ на'шъ.

Та'же, Свjь'те ти'хiй: Прокi'менъ дне`: И= Сподо'би 
гд\си, въ ве'черъ се'й:

На стiхо'внjь стiхи^ры а=п\сльскiя. Гла'съ и~:

Гд\си, тебе` о_у=се'рднw на земли` а=п\сли 
возлюби'вше, о_у=ме'ты вмjьни'ша вся^, да тебе` 
_е=ди'наго прiwбря'щутъ, и= за тя` на ра^ны тjьлеса` 
своя^ преда'ша: сегw` ра'ди просла'влени бы'вше, и= 
мо'лятся w= душа'хъ на'шихъ.

Стi'хъ: Къ тебjь` возведо'хъ _о='чи мои` живу'щему на 
нб~си`. се` jа='кw _о='чи ра^бъ въ руку` госпо'дiй 
свои'хъ, jа='кw _о='чи рабы'ни въ руку` госпожи` своея`: 
та'кw _о='чи на'ши ко гд\су бг~у на'шему, до'ндеже 
о_у=ще'дритъ ны`.

Гд\си, ты` а=п\слwвъ па'мять на земли` возвели'чилъ 
_е=си`: вси' бо вку'пjь соше'дшеся въ не'й славосло'вимъ 
тя`: jа='кw подае'ши на'мъ тjь'хъ ра'ди и=сцjьл_е'нiя, и= 
всему` мi'ру о_у=мире'нiе мл~твами и='хъ, и= ве'лiю 
мл\сть.

Стi'хъ: Поми'луй на'съ гд\си, поми'луй на'съ, jа='кw 
по мно'гу и=спо'лнихомся о_у=ничиже'нiя: наипа'че 
напо'лнися душа` на'ша поноше'нiя гобзу'ющихъ, и= 
о_у=ничиже'нiя го'рдыхъ.

Мч~нченъ: А='ще ка'я добродjь'тель, и= а='ще ка'я 
похвала` подоба'етъ ст~ы^мъ: меч_е'мъ бо преклони'ша 
вы^и, тебе` ра'ди прекло'ньшаго нб~са` и= соше'дша: 
пролiя'ша крw'ви своя` тебе` ра'ди и=стощи'вшагw себе`, 
и= зра'къ раба` прiе'мша: смири'шася да'же до сме'рти, 
нищетjь` твое'й подо'бящеся: и='хже моли'твами, по 
мно'жеству щедро'тъ твои'хъ, бж~е поми'луй на'съ.

Сла'ва, и= ны'нjь, бг~оро'диченъ: А='зъ, дв~о ст~а'я 
бц\де, къ покро'ву твоему` прибjьга'ю: вjь'мъ, jа='кw 
w=бря'щу тобо'ю сп~се'нiе, мо'жеши бо ч\стая, помощи` 
мнjь`.

Та'же, Ны'нjь w\тпуща'еши: и= Трист~о'е. По _О='ч~е 
на'шъ: тропа'рь, и= _е=ктенiа`, и= w\тпу'стъ.

%[Въ сре'ду на повече'рiи%],

канw'нъ моле'бный ко прест~jь'й бц\дjь. Гла'съ и~:

%[Пjь'снь а~%]

I=рмо'съ: Колесницегони'теля фараw'ня погрузи`, 
чудотворя'й и=ногда` мwv"се'йскiй же'злъ, кр\стоwбра'знw 
порази'въ, и= раздjьли'въ мо'ре, i=и~ля же бjьглеца`, 
пjьшехо'дца сп~се`, пjь'снь бг~ови воспjьва'юща.

Сло'во бж~iе родила` _е=си` воплоще'нно, _е='же 
пре'жде безпло'тное, па'че _е=стества`, всенепоро'чная 
бц\де дв~о, бг~ому'жнw въ мi'рjь пожи'вшее: тjь'мже тя` 
вси` сла'вимъ, су'щее по бз~jь заступле'нiе на'ше.

И=спещре'на разли'чiемъ ша'ра бг~обл~года'тная, 
_о='ч~ее сло'во пло'ть бы'вшее за мл\срдiе неизрече'нное, 
па'че о_у=ма` и= сло'ва бл~гослове'нная родила` _е=си`, 
пребы'вши дв~а нескве'рная.

Сла'ва: W\т ко'рене ч\стая ца'рска прозябла` _е=си`, 
цр~я` хр\ста`, бж~iе сло'во, па'че о_у=ма` и= смы'сла, 
воплоще'нна родила` _е=си` w\т ч\стыхъ крове'й твои'хъ, 
сугу'ба _е=стество'мъ показу'ема, и= _е=ди'нственна во 
v=поста'си.

И= ны'нjь: И='же бц\ду тя` проповjь'дуетъ преч\стая, 
на вся^кiя _е='р_еси побjьжде'нiе но'ситъ: пло'ть о_у='бw 
бы'вшаго неизмjь'ннw породила' _е=си бг~ороди'тельнице, 
вы'шша вся'кiя тва'ри, сло'во бж~iе присносу'щное.

%[Пjь'снь г~%]

I=рмо'съ: О_у=твержде'й въ нача'лjь нб~са` ра'зумомъ, 
и= зе'млю на вода'хъ w=снова'вый, на ка'мени мя`, 
хр\сте`, за'повjьдей твои'хъ о_у=тверди`, jа='кw нjь'сть 
ст~ъ, па'че тебе` _е=ди'не чл~вjьколю'бче.

Во твою` ст~у'ю о_у=тро'бу бг~ъ всели'ся, и= 
воплоти'ся jа='коже вjь'сть бг~ома'ти, и= сп~се` на'съ 
живоно'сными стр\стьми`: тjь'мъ тя` сп~се'нiя две'рь 
сла'вимъ.

На земли` вопло'щься и= поживе` съ человjь'ки, и='же 
ду'шу всjь^мъ человjь'кwмъ вдохну'вый, w\т о_у=тро'бы 
твоея` проше'дъ, без\ъ сjь'мене пребж~е'ственный: тjь'мже 
тя` вjь'рнiи вси` пjь'сньми ч\стая, о_у=бл~жа'емъ.

Сла'ва: W\т _о=ц~а` пре'жде вjь^къ рожде'на во 
о_у=тро'бjь твое'й заче'нши дв~о неискусобра'чнw, и= 
родила` _е=си` на'мъ вку'пjь бг~а и= человjь'ка, во 
_о=бою` _е=ст_еству` соверше'нна и= нераздjь'льна.

И= ны'нjь: Же'злъ прозя'бшiй цвjь'тъ нетлjь'нiя 
хр\ста`, и= злату'ю кади'льницу вси` тя` зна'емъ ч\стая, 
бж~е'ственное существо` нося'щую на руку` о_у='гль, дв~о 
бг~обл~же'нная.

%[Пjь'снь д~%]

I=рмо'съ: Ты` моя` крjь'пость гд\си, ты` моя` и= 
си'ла, ты` мо'й бг~ъ, ты` мое` ра'дованiе, не w=ста'вль 
нjь'дра _о='тча, и= на'шу нищету` посjьти'въ: тjь'мъ съ 
пр\оро'комъ а=вваку'момъ зову' ти: си'лjь твое'й сла'ва 
чл~вjьколю'бче.

Кiвw'тъ и=здале'ча проwбрази` прiе'мшiи зако'нъ 
бг~опи'санный, во о_у=тро'бjь живонача'льное сло'во, 
зача'тое несказа'ннw пренепоро'чная, пита'ющее бога'тнw 
ду'шы пою'щихъ: си'лjь твое'й сла'ва чл~вjьколю'бче.

Ты` и='стинная сп~се'нiя вина`, бг~ома'ти, _е=ди'на 
была` _е=си`, творцу` и= зижди'телю, w\т твои'хъ 
преч\стыхъ крове'й пло'ть взаи'мъ да'вши: _е='юже 
см_е'ртныя сокруши'шася дв_е'ри, и= жи'знь человjь'кwмъ 
дарова'ся.

Сла'ва: Да w='бразъ погребе'ный страстьми` взы'щеши 
бога'тствомъ бл~гости, въ дв~ыя всели'лся _е=си` 
о_у=тро'бу, и=з\ъ нея'же ты` прему'дрость бж~iя хра'мъ 
созда'лъ _е=си`: и='мже пожи'въ съ человjь'ки ще'дре, и= 
сп~слъ _е=си` мi'ра концы`.

И= ны'нjь: По бз~jь тя` предста'тельницу стяжа'хомъ, 
пренепоро'чная: ты' бо бж~iя мт~и была` _е=си` творца` и= 
зижди'теля, и= на'шъ зра'къ прiе'мшагw, и= сi'й сп~сша 
w\т тли` и= бjь'дъ, и= сла'вою бж~е'ственною 
просла'вльша.

%[Пjь'снь _е~%]

I=рмо'съ: Вску'ю мя` w\три'нулъ _е=си` w\т лица` 
твоегw` свjь'те незаходи'мый, и= покры'ла мя` _е='сть 
чужда'я тьма` _о=кая'ннаго; но w=брати' мя, и= къ свjь'ту 
за'повjьдей твои'хъ пути^ моя^ напра'ви, молю'ся.

Jа='кw бг~а заче'ншую преч\стая, зижди'теля, 
содjь'теля же и= гд\са, ро'дове тя` всjь'хъ человjь^къ 
бл~жа'тъ, и= безпло'тныхъ о_у='мнiи чинонача'льницы, 
jа='кw мт~рь тя` бг~а сла'вятъ.

Вw'инства вы'шнихъ си'лъ преч\стая, бл~жа'тъ тя`: 
тобо'ю бо то'кмw, и=`же на земли` съ нб\сными 
совоку'пльшеся, пое'мъ рж\ство` твое`.

Сла'ва: Несказа'ннымъ дв~о w='бразомъ, сло'во всели'ся 
въ тя` и= чл~вjь'къ бы'сть, и='же пре'жде вjь^къ w\т 
_о=ц~а` возсiя'вый, и= человjь'ки w\т тли` и=збавля'я, къ 
жи'зни нетлjь'ннjьй возводя` _е=ди'нъ бл~госе'рдый.

И= ны'нjь: О_у=краси'лася _е=си`, преч\стая дв~о, 
дв~ства добро'тами, и= пе'рвыя _е='vы w\тпусти'ла _е=си` 
sлоwбра'зное, хр\ста` ро'ждши, _о=де'жду безсме'ртiя 
да'рующаго, тебе` пою'щымъ.

%[Пjь'снь s~%]

I=рмо'съ: W=чи'сти мя` сп~се, мнw'га бо беззакw'нiя 
моя^, и= и=з\ъ глубины` sw'лъ возведи`, молю'ся: къ 
тебjь' бо возопи'хъ, и= о_у=слы'ши мя`, бж~е сп~се'нiя 
моегw`.

И='же вседержа'вною си'лою нося'й вся'ч_еская, въ 
неможе'нiе плотско'е w\т тебе` w=блече'ся дв~о 
всенепоро'чная, во бл~годjья'нiе человjь'кwвъ, jа='кw 
чл~вjьколю'бецъ.

На'йде на тя` вседjь'тельный дх~ъ всенепоро'чная, и= 
сло'во бж~iе въ тя` всели'ся, и= пло'ть бы'сть 
несказа'ннw, пребы'въ неизмjь'ненъ.

Сла'ва: Просвjьти` ду'шы правосла'внw пою'щихъ тя`: 
реч_е'нiя пр\орw'къ твое` провозвjьсти'ша преч\стое 
зача'тiе, и= па'че сло'ва бг~оневjь'стная рж\ство`.

И= ны'нjь: Селе'нiе бж~iе, бж~е'ственное вои'стинну и= 
преч\стно'е, пое'мъ бл~гоче'стнw мр~i'ю преч\стую: бг~а 
бо вмjьсти`, воспрiе'мши невмjьсти'маго и= 
непостижи'маго.

Та'же, Гд\си поми'луй, три'жды. Сла'ва, и= ны'нjь:

Сjьда'ленъ, гла'съ и~:

Jа='кw всенепоро'чная невjь'сто творцу`, jа='кw 
неискусому'жная мт~и и=зба'вителя, jа='кw прiя'телище 
су'щи о_у=тjь'шителя всепjь'тая: беззако'нiю мя` су'ща 
скве'рно жили'ще, и= бjьсw'мъ и=гра'лище въ ра'зумjь 
бы'вша, потщи'ся и= си'хъ sлодjь'йствiя мя` и=зба'вити, 
свjь'тло жили'ще добродjь'тельми содjь'лавши, 
свjьтода'тельная и= нетлjь'нная: разжени` _о='блакъ 
страсте'й, и= вы'шнягw прича'стiя сподо'би, и= свjь'та 
невече'рнягw мл~твами твои'ми.

%[Пjь'снь з~%]

I=рмо'съ: Бж~iя снизхожде'нiя _о='гнь о_у=стыдjь'ся въ 
вавv"лw'нjь и=ногда`: сегw` ра'ди _о='троцы въ пещи` 
ра'дованною ного'ю, jа='кw во цвjь'тницjь лику'юще 
поя'ху: бл~гослове'нъ _е=си` бж~е _о=т_е'цъ на'шихъ.

Преч\стая вл\дчце, заче'ншая и=зба'вителя всjь'хъ, 
несказа'ннагw и= бж~е'ственнагw сподо'би мя` 
и=збавле'нiя, велегла'снw вопiю'щаго, и= пою'ща: 
бл~гослове'нъ бг~ъ _о=т_е'цъ на'шихъ.

Ны'нjь вся^ и=спо'лнишася свjь'та бж~е'ственнагw, 
тобо'ю преч\стая: ты' бо две'рь jа=ви'лася _е=си`, 
_е='юже мi'рови бг~ъ бесjь'дова, просвjьща'я вjь'рою 
зову'щыя: бл~гослове'нъ бг~ъ _о=т_е'цъ на'шихъ.

Сла'ва: Се` ны'нjь и=спо'лнися дв~да бж~е'ственнагw 
бж~е'ственное прорече'нiе: мо'лятся вои'стинну твоему` 
лицу` бг~ороди'тельнице ч\стая, стяжа'вшiи бога'тство 
бл~года'ти, ны'нjь бл~гословя'ще бг~а _о=т_е'цъ на'шихъ.

И= ны'нjь: Зачала` _е=си` преч\стая над\ъ всjь'ми бг~а 
и= гд\са, бл~говоли'вшаго сп~сти` человjь'ческiй ро'дъ 
w\т сме'рти и= тли`, _е=го'же досто'йнw пою'ще, зове'мъ: 
бл~гослове'нъ бг~ъ _о=т_е'цъ на'шихъ.

%[Пjь'снь и~%]

I=рмо'съ: Побjьди'тели мучи'теля и= пла'мене, 
бл~года'тiю твое'ю бы'вше, за'повjьдемъ твои^мъ sjьлw` 
прилjьжа'ще, _о='троцы вопiя'ху: бл~гослови'те вся^ 
дjьла` гд\сня гд\са.

Бл~гослове'нная преч\стая, души` моея` jа='звы, и= 
грjьхw'вныя стру'пы w=чи'сти, бг~а ро'ждшая и='же над\ъ 
всjь'ми, _о=трокови'це ч\стая, w\т дв~и'ческiя 
неискусобра'чныя о_у=тро'бы: _е=го'же дjь'ти 
бл~гослови'те, и= превозноси'те во вjь'ки.

Свjь'та незаходи'магw была` _е=си` прiя'телище 
всеч\стая, дв~ства добро'тами сiя'ющи: и= всjь'хъ 
w=зари'ла _е=си`, бц\ду тя` и='стинную и=сповjь'дающихъ 
w\т души`, и= вопiю'щихъ: дjь'ти бл~гослови'те, 
сщ~е'нницы воспо'йте, и= превозноси'те _е=го` во вjь'ки.

Сла'ва: W=свя'щшися дх~омъ ст~ы'мъ, бц\де 
всенепоро'чная, вои'стинну прiя'ла _е=си` во о_у=тро'бjь 
безнача'льна сн~а и= соприсносу'щна _о=ц~у`, въ тебjь` 
ч\стая воплоща'ема, во бл~годjья'нiе вjь'рою вопiю'щымъ: 
дjь'ти бл~гослови'те, сщ~е'нницы по'йте, и= превозноси'те 
_е=го` во вjь'ки.

И= ны'нjь: Jа='кw бг~а ро'ждши па'че сло'ва и= 
смы'сла, сего` о_у=моли` преч\стая бг~ома'ти, бы'ти 
бл~гоувjь'тливу недостw'йнымъ на'мъ всjь^мъ, во стра'шное 
_е=гw` и= о_у=жа'сное прише'ствiе, _е=гда` хо'щетъ 
суди'ти человjь'ческому _е=стеству`, наги^мъ стоя'щымъ 
всjь^мъ, и= со стра'хомъ суди^мымъ.

%[Пjь'снь f~%]

I=рмо'съ: О_у=жасе'ся w= се'мъ нб~о, и= земли` 
о_у=диви'шася концы`, jа='кw бг~ъ jа=ви'ся человjь'кwмъ 
пло'тски, и= чре'во твое` бы'сть простра'ннjьйшее нб~съ. 
тjь'мъ тя` бц\ду, а='гг~лwвъ и= человjь^къ чинонача^лiя 
велича'ютъ.

W\тве'рженыхъ вjь'чнагw пребыва'нiя, и= па'дшихъ 
_о=кая'ннw въ сме'рть, па'ки на'съ призвала` _е=си`, 
преч\стая мт~и бы'вши и=зба'вителя, и= къ пре'жнему тещи` 
сподо'била _е=си` _о=те'честву: тjь'мъ тя` бг~ома'ти, 
непреста'ннw велича'емъ.

О_у=до'бь бц\де, пода'ждь ми` преити` житiя` во'лну 
напа'стей, и= настоя'нiя страсте'й, jа='кw бл~га` 
о_у=кротя'щи, и= наставля'ющи къ добродjь'тели нб\снагw 
ше'ствiя: да jа='кw бл~года'тельницу непреста'ннw 
велича'ю тя`.

Сла'ва: Ч\стая пресла'вная мт~и бж~iя, пою'щыя тя` 
любо'вiю сп~си` w\т напа'стей, молву` рjьша'ющи 
мл\стивнw, jа='кw бг~а о_у='бw ро'ждши: вся^, _е=ли'кw 
хо'щеши твори'ти, твори'ши невозбра'ннw, и= мо'жеши дв~о. 
тjь'мже тя` вси` велича'емъ.

И= ны'нjь: Побjьжда'ющую _е='р_еси ю='ношскiя, 
ч\стну'ю цр~ковь покажи`, ю='же хр\сто'съ сн~ъ тво'й 
w=бра'дованная, кро'вiю ч\стно'ю свое'ю jа='кw бл~гъ 
стяжа`, и= сп~се` w\т бjь'дъ и= w\т наси'лiя w=держа'щагw 
на'съ, вл\дчце.

Та'же, Досто'йно _е='сть: Трист~о'е. по _О='ч~е на'шъ: 
тропа'рь, и= w\тпу'стъ.

%[Въ четверто'къ о_у='тра%],

по а~-мъ стiхосло'вiи сjьда'льны а=п\сльскiя. Гла'съ 
и~:

Jа='кw свjьти^ла мi'ра, и= наста'вники на'шегw 
сп~се'нiя, и=`же w\т нача'ла бж~е'ств_енныя воспои'мъ 
о_у=ч~нки` бг~а на'шегw, jа='кw свjь'тъ су'щымъ во тьмjь` 
на'мъ возсiя'ша, и= со'лнце сла'вы всjь^мъ сказа'ша. 
тjь'мже и= ле'сть i='дwльскую низложи'ша, тр\оцу 
проповjь'давше во _е=ди'номъ бж~ествjь`. сегw` ра'ди 
мо'лимся ва'мъ а=п\сли, хр\ста` бг~а моли'те, грjьхw'въ 
w=ставле'нiе дарова'ти на'мъ, и= ве'лiю мл\сть.

Стi'хъ: Во всю` зе'млю и=зы'де вjьща'нiе и='хъ, и= въ 
концы` вселе'нныя глаго'лы и='хъ.

Во вся^ концы` и=зше'дшее прему'дрое ва'ше вjьща'нiе, 
jа='кw вои'стинну мi'ру прехва'льнiи гд\сни а=п\сли, 
бг~оразу'мiе всjь^мъ jа='вjь возпроповjь'да, и= 
jа=зы'ческое невjь'дjьнiе, во о_у=вjь'дjьнiе преведе`. 
w\т_ону'дуже и= i='дwльскую мглу` w\тгна'вше, свjь'тъ 
ра'зума су'щымъ во тьмjь` возсiя`. сегw` ра'ди мо'лимся, 
моли'теся хр\сту` бг~у, прегрjьше'нiй w=ставле'нiе 
дарова'ти, чту'щымъ любо'вiю ст~у'ю па'мять ва'шу.

Сла'ва, и= ны'нjь, бг~оро'диченъ: Во и=скуш_е'нiя 
многоплет_е'ная впа'дъ, w\т вра^гъ ви'димыхъ и= 
неви'димыхъ, и= бу'рею безчи'сленныхъ мои'хъ грjьхw'въ 
w=держи'мь _е='смь преч\стая: да jа='кw къ те'плому 
заступле'нiю, и= покро'ву, и= къ приста'нищу моему` 
притека'ю твоея` бл~гости. тjь'мже преч\стая, и=з\ъ тебе` 
воплоти'вшагося без\ъ сjь'мене моли` w= всjь'хъ рабjь'хъ 
твои'хъ, непреста'ннw пою'щихъ тя`, бц\де преч\стая, 
моля'щи того` прилjь'жнw, согрjьше'нiй w=ставле'нiе 
дарова'ти покланя'ющымся вjь'рою рж\ству` твоему`.

По в~-мъ стiхосло'вiи, сjьда'льны, гла'съ и~:

Во всю` зе'млю, jа='коже рече` пр\оро'къ, и=зы'де 
прему'дрыхъ а=п\слъ вjьща'нiе: проповjь'давше бо сло'во, 
jа=зы'ки вся^ просвjьти'ша, тjь'мже тjь'хъ по до'лгу 
восхваля'юще пjь'сньми почти'мъ, jа='кw мо'лятъ всегда` 
хр\ста`, сп~сти'ся душа'мъ на'шымъ.

Стi'хъ: И=сповjь'дятъ нб~са` чудеса` твоя^ гд\си.

Гд\сня завjьща^нiя въ души`, jа='кw сокро'вище 
богатотво'рное, вjь'рою воспрiе'мше а=п\сли, jа=ви'шася 
всjь^мъ бл~года'телiе, нищету` w\тгоня'юще бjьсо'вскую, 
и= всjь'хъ w=богаща'юще бога'тствомъ бж~iимъ, къ ни^мже 
вси` возопiи'мъ: w=богати'те и= на'съ добродjь'тельными 
дjья'нiи ны'нjь w=бнища'вшихъ, мо'лимся.

Стi'хъ: Ди'венъ бг~ъ во ст~ы'хъ свои'хъ, бг~ъ 
i=и~левъ.

Мч~нченъ: Воздержа'нiемъ страсте'й _о=гнепа^льныя 
о_у=мертви'вше зра'ки и= двиза^нiя, хр\сто'ву прiя'ша 
бл~года'ть мч~нцы, неду'ги w\тгоня'ти боля'щымъ, и= 
живу'ще, и= по кончи'нjь чудеса` твори'ти: вои'стинну 
чу'до пресла'вно, jа='кw кw'сти на^ги и=сточа'ютъ 
и=сцjьл_е'нiя. сла'ва _е=ди'ному прему'дрому зижди'телю 
бг~у.

Сла'ва, и= ны'нjь, бг~оро'диченъ: Предста'тельнице 
вjь'рныхъ бг~ороди'тельнице, скорбя'щихъ ра'досте, и= 
пла'чущихъ вели'кое о_у=тjьше'нiе, и=з\ъ чре'ва твоегw` 
дв~о всест~а'гw, па'че _е=стества` ро'ждшагося 
непреста'ннw w= на'съ со а=п\слы ст~ы'ми моли`, 
и=зба'вити на'съ въ ча'съ и=спыта'нiя, лю'тагw 
w=сужде'нiя.

По г~-мъ стiхосло'вiи сjьда'льны, гла'съ и~:

Подо'бенъ: Повелjь'нное:

Свjьти^ла jа=ви'стеся свjь^тлая, хр\стw'вы самови'дцы, 
всегда` всю` зе'млю просвjьща'юще, и= тьму` w\тгоня'юще 
многобо'жiя, свjь'томъ бл~гоче'стiя о_у=че'ньми: тjь'мже 
мя` су'ща во тьмjь` страсте'й, без\ъ стра'ха ходя'ща, 
просвjьти'те ва'шими ст~ы'ми мл~твами, бг~оно'снiи 
а=п\сли.

Мре'жею слове'съ бж~е'ственныхъ, а='ки ры^бы 
живоловя'ще слов_е'сныя, тjь'хъ приведо'сте, нача'токъ 
бг~у на'шему: и= хр\стw'вы ра^ны возлю'бльше, въ ни'хъ 
w=блеко'стеся, и= подража'телiе стр\сте'й _е=гw` 
jа=ви'стеся. тjь'мже соше'дшеся по до'лгу почита'емъ 
а=п\сли сла'внiи, ва'ше ны'нjь торжество`, и= согла'снw 
зове'мъ: моли'теся хр\сту` бг~у, прегрjьше'нiй 
w=ставле'нiю дарова'тися, чту'щымъ любо'вiю ст~у'ю 
па'мять ва'шу.

Сла'ва, и= ны'нjь, бг~оро'диченъ: Непостижи'маго 
сло'ва сн~а бж~iя, несказа'ннw па'че о_у=ма` и=з\ъ тебе` 
ро'ждшагося бц\де, моли` со а=п\слы, о_у=мире'нiе чи'сто 
вселе'ннjьй пода'ти, и= прегрjьше'нiй дарова'ти на'мъ 
пре'жде конца` проще'нiе, и= цр\ствiя нб\снагw, кра'йнiя 
ра'ди бл~гости, сподо'бити рабы^ твоя^.

Въ четверто'къ канw'нъ ст~ы^мъ сла^внымъ и= 
всехва^льнымъ а=п\слwмъ. Творе'нiе fеофа'ново. Гла'съ и~:

%[Пjь'снь а~%]

I=рмо'съ: Во'ду проше'дъ jа='кw су'шу, и= 
_е=гv'петскагw sла` и=збjьжа'въ, i=и~льтянинъ вопiя'ше: 
и=зба'вителю и= бг~у на'шему пои'мъ.

Ли'че а=п\сльскiй свjьтови'дный, свjь'ту вели'кому 
предстоя'й, мое` w=мраче'ное w=зари` се'рдце, и= ко 
сп~си'т_ельнымъ стезя'мъ наста'ви. [Два'жды.]

И='скреннiи дру'зи и=зба'вителя, страсте'й мя` любве` 
и=зба'вите, мно'гими лестьми` житiя` прельще'наго, и= 
неразу'мiя но'щiю покрыва'емаго.

_О=ру'жiемъ о_у=я'звл_еныя лука'вагw и=сцjьли'те, 
стрjь'лы су'ще си'льнагw, а=п\сли бж~е'ственнiи, вjь'рою 
под\ъ кро'въ ва'шъ прибjьга'ющыя.

Бг~оро'диченъ: По'лный и=стощава'ется бг~олjь'пнw, и= 
w\т твоегw` чре'ва плотоно'сецъ мт~и ч\стая, 
происхо'дитъ, сп~са'яй бл~гоутро'бiемъ прельщ_е'ныя 
sло'бою sмi'евою.

Другi'й канw'нъ ст~о'му чудотво'рцу нiкола'ю. Гла'съ 
и~:

I=рмо'съ: Посjь'ченый несjько'маго пресjьче`, и= 
ви'дjь со'лнце зе'млю, ю='же не ви'дjь: лю'таго врага` 
вода` потопи`, и= непроходи'мое про'йде i=и~ль: пjь'снь 
же воспjьва'шеся, гд\севи пои'мъ, сла'внw бо просла'вися.

Съ ли'ки вы'шнихъ си'лъ, цр~ю` всjь'хъ бл~же'нне 
предстоя'й, на'съ на земли` при'снw призыва'ющихъ тя`, 
вся'кагw и=скуше'нiя sла'гw, нiко'лае сп~са'й, 
разрjьше'нiя прося` прегрjьше'нiй на'шихъ.

И='же тобо'ю предста'телемъ w=бога'щшiися нiко'лае, во 
дни' же и= въ нощи` вjь'рою тебjь` взыва'емъ: ны'нjь 
предвари' ны вельми` бjь'дствующыя бjьсо'вскими лука'выми 
навjь'ты, и= тлетво'рныхъ человjь^къ: jа='кw да тишину` 
получи'вше, восхваля'емъ тя`.

Крjь'пкими жи'лами мл~твъ твои'хъ нiко'лае, 
о_у=дави'ти на'съ тща'щихся коне'чному о_у=давле'нiю 
преда'ждь, и=збавля'я на'съ w\т тjь'хъ лука'вагw 
навjь'та, во хвале'нiи зову'щыя: гд\севи пои'мъ, сла'внw 
бо просла'вися.

Бг~оро'диченъ: Зако'нwвъ _е=сте'ственныхъ кромjь`, 
родила` _е=си` бг~а и= законода'вца, чл~вjь'ка бы'вша. 
того` jа='кw бл~га моли` всенепоро'чная, на^ша 
беззакw'нiя презрjь'ти, вопiю'щихъ всегда`: гд\севи 
пои'мъ, сла'внw бо просла'вися.

%[Пjь'снь г~%]

I=рмо'съ: Ты` _е=си` о_у=твержде'нiе притека'ющихъ къ 
тебjь` гд\си: ты` _е=си` свjь'тъ w=мраче'нныхъ, и= пое'тъ 
тя` ду'хъ мо'й.

Си'лою препоя'шите. сп~сwвы а=п\сли, и=знемо'гшее 
страстьми` и= помышле'ньми се'рдце мое`. [Два'жды.]

_Е=ди'но возвjьща'юще о_у=ч~нцы`, трисвjь'тлое бж~iе 
сiя'нiе, многобо'жiя мглу` потреби'ша.

Гно'й лука'вый се'рдца моегw` о_у=толи'те, jа='кw 
вра'чеве бж~е'ственнагw рукодjь'йствiя, о_у=ч~нцы` бг~а 
на'шегw.

Бг~оро'диченъ: Сп~си' мя ч\стая вл\дчце, ро'ждшая 
па'че _е=стества` и=зба'вителя всjь'хъ, и= вл\дку, и= 
сп~са и= гд\са.

%[И='нъ%] I=рмо'съ то'йже.

Да тя` почита'емъ, да пое'мъ тя` всегда`, пода'ждь 
на'мъ ру'ку по'мощи, ст~и'телю нiко'лае.

О_у=спи`, нiко'лае, твои'ми неусыпа'ющими моли'твами, 
jа=`же на ны` востаю'щыя напа^сти, мо'лимъ тя`.

Всего' мя страстьми` напа'ствуема, и= и=скуше'нiй 
лука'выхъ человjь^къ, хода'тайствомъ твои'мъ ст~е 
нiко'лае и=зба'ви.

Бг~оро'диченъ: Разрjьше'нiе грjьхw'въ ч\стая, 
дарова'ти ми`, моли` и=зба'вителя, и= жите'йскихъ лю'тыхъ 
напа'стей.

%[Пjь'снь д~%]

I=рмо'съ: О_у=слы'шахъ гд\си, смотре'нiя твоегw` 
та'инство, разумjь'хъ дjьла` твоя^, и= просла'вихъ твое` 
бж~ество`.

О_у=краси'стеся сла'внiи а=п\сли, бж~е'ственными 
свjь'тлостьми о_у=добря'еми, и= заря'ми просвjьща'еми 
ва'съ свjьти^ла показа'вшагw. [Два'жды.]

Бу'ри вся'кiя и=зба'вите мя`, всjь'хъ ко'рмчiи, 
бж~е'ственнiи а=п\сли, въ пучи'нjь бjь'дствующаго, и= 
напа'стьми жите'йскими коле'блемаго.

Мо'ре смуща'юще многобо'жiя, ко'ни бг~оизбра'ннiи, 
прегрjьше'нiй мои'хъ бе'здну ва'шими мл~твами потопи'те.

Бг~оро'диченъ: Равнодjь'йственно роди'телю сло'во, 
и=з\ъ боку` тво_е'ю воплоти'ла _е=си` дв~о: тjь'мже 
jа=ви'лася _е=си` превы'шши всjь'хъ тва'рей вл\дчце.

%[И='нъ%] I=рмо'съ то'йже.

W\т мно'жества прегрjьше'нiй мои'хъ, во мнw'гiя 
впа'даю безчи'сл_енныя скw'рби: потщи'ся ст~е нiко'лае 
помощи' ми, бл~года'телю подо'бяся.

Себе` самого` пла'чуся погиба'юща, живы'й въ 
лjь'ности, мл~твами твои'ми нiко'лае, къ покая'нiю 
руководи' мя.

И='же три` ю='ношы и=збавле'й, _о='тче нiко'лае, 
о_у=мре'ти хотя'щыя, вся'кiя мя` и=зба'ви тjьсноты`, и= 
вjь'чнагw w=сужде'нiя.

Бг~оро'диченъ: Дjь'лати ми` ра'зумы нб\сныя, преч\стая 
о_у=крjьпи' мя, и= души` моея` направля'ющи къ живw'тнымъ 
вхо'дwмъ движ_е'нiя.

%[Пjь'снь _е~%]

I=рмо'съ: О_у='тренююще вопiе'мъ ти`, гд\си, сп~си' 
ны: ты' бо _е=си` бг~ъ на'шъ: ра'звjь тебе` и=но'гw не 
вjь'мы.

Стjьсня'ема мя` мно'гими прегрjьше'ньми, къ 
сп~си'тельной широтjь` и=спра'вите, jа='кw w=корми'телiе 
а=п\сли. [Два'жды.]

Почита'ющаго мя` всечестны'й собо'ръ ва'шъ, бг~ови'дцы 
а=п\сли, вся'кагw и=зба'вите безче'стнагw дjья'нiя, 
молю'ся.

Jа='кw стр\ст_е'мъ о_у=подо'бльшеся ст~i'и сп~сwвымъ, 
вся'кое сладостра'стiе w\т души` моея` w\тжени'те 
а=п\сли.

Бг~оро'диченъ: Боля'щую ду'шу мою` и=сцjьли`, ро'ждшая 
всjь'хъ взе'млющаго неду'ги, преч\стая вл\дчце.

%[И='нъ%] I=рмо'съ то'йже.

О_у=крjьпи` на'съ мл~твами твои'ми бг~обл~же'нне 
нiко'лае, соблюда'ти повелjь^нiя хр\ста`, _е=ди'нагw бг~а 
на'шегw.

Въ мv'рjьхъ пожи'въ нiко'лае, бл~гоуха'нiя 
бж~е'ственнагw на'съ и=спо'лни, бл~гоче'стнw 
воспjьва'ющихъ тя`.

О_у=ще'дри на'съ мл~твами твои'ми ст~и'телю, бг~а 
всеще'драгw о_у=моля'я нiко'лае, да и=зба'вимся бjь'дъ и= 
скорбе'й.

Бг~оро'диченъ: Во'дъ живото'чныхъ и=спо'лнена су'щи 
_о=трокови'це, всjь'хъ на'съ напо'й, 
бл~гочестному'дреннjь пою'щыя тя`.

%[Пjь'снь s~%]

I=рмо'съ: Мл~тву пролiю` ко гд\су, и= тому` возвjьщу` 
печа^ли моя^: jа='кw sw'лъ душа` моя` и=спо'лнися, и= 
живо'тъ мо'й а='ду прибли'жися, и= молю'ся jа='кw i=w'на: 
w\т тли` бж~е, возведи' мя.

Сотря'сше мл~твъ призыва'нiемъ, низложи'сте хра'мы 
i='дwльскiя, о_у=ч~нцы` хр\стw'вы. но молю'ся вjь'рою: 
о_у=ма` моегw` сокруши'те i='дwлы, и= покажи'те хра'мъ 
бж~iй мно'гими грjьхи` пови'ннаго. [Два'жды.]

И='же на ка'мени непоколеби'мjьмъ созда'вшеся, jа='кw 
ка'менiе, и=збра'ннiи бг~ови'дцы, мое` се'рдце въ песцjь` 
о_у=мовре'днw созда'нное сп~си'те: стека'ются бо 
напа'стей рjь'ки, и= лю'тjь мя` w=бурева'ютъ.

Любве` льсти'выя jа='же къ пло'ти, и= ме'рзка мно'гiя 
ра'ди sло'бы jа='вльшагося, и=зба'вите мя` дру'зи сло'ва: 
и= къ любви` привяжи'те возлюби'вшагw грjь^шныя, мно'гiя 
ра'ди мл\сти w=ставле'нiя.

Бг~оро'диченъ: Jа='кw ши'покъ, jа='кw чистjь'йшiй 
крi'нъ, jа='кw бл~гоуха'нное w=боня'нiе w\т кра'сныхъ 
о_у=до'лiй мiрски'хъ, творе'цъ и=збра'въ тя` 
_о=трокови'це, всели'вся во о_у=тро'бу твою`, и= 
роди'вся, бл~гоуха'нiя вся'ч_еская и=спо'лнилъ _е='сть.

%[И='нъ%] I=рмо'съ то'йже.

Ра'й се'рдце твое` jа=ви'ся нiко'лае, жи'зни дре'во 
посредjь` и=мjь'я и=зба'вителя хр\ста`: _е=го'же моли` 
непреста'ннw, рая` сотвори'ти жи'тели вся^ ны`, те'плымъ 
засту'пникомъ тобо'ю w=бога'щшыяся.

Въ лjь'ности жи'знь мою` прехожду`, и= безбоя'зненнw 
согрjьша'ю _о=кая'нный: и= та'мw неw\трица'емое суди'ще 
помышля'я, стра'хомъ содержи'мь _е='смь: о_у=ще'дри мя` 
бж~е, нiкола'а мл~твами, jа='кw бл~гоутро'бенъ.

Внеза'пу находя'щую ми` бу'рю и=скуше'нiй 
многоwбра'зныхъ, за мно'жество мои'хъ согрjьше'нiй, 
вопiю`: не w=ста'ви мене` бл~же'нне без\ъ заступле'нiя, 
но простри' ми jа='кw мл\стивъ по'мощи ру'ку, и= сп~си' 
мя.

Бг~оро'диченъ: Пала'та высо'кагw цр~я`, и= 
_о=гнеwбра'зный была` _е=си` пр\сто'лъ дв~о, херувi^мъ 
превы'шши, и= серафi^мъ, па'че о_у=ма` бы'вшая. тjь'мже 
тя` вся'кое дыха'нiе сла'витъ, jа='кw мт~рь зижди'теля.

%[Пjь'снь з~%]

I=рмо'съ: _О='троцы _е=вре'йстiи въ пещи` попра'ша 
пла'мень дерзнове'ннw, и= на ро'су _о='гнь преложи'ша, 
вопiю'ще: бл~гослове'нъ _е=си` гд\си бж~е во вjь'ки.

Но'щь мя` содержи'тъ лjь'ностей, и= покрыва'етъ мя` 
тьма` грjьхо'вная: свjь'тъ мi'ра прему'дрiи а=п\сли 
jа='вльшеся, w=зари'ти потщи'теся w=мраче'нное мое` 
се'рдце. [Два'жды]

Друго'е нб~о jа='вльшеся, повjь'дающе бг~а на'шегw 
сла'ву, безсла'вiя страсте'й и=зба'вите бг~оглаго'ливiи, 
вjь'рою прибjьга'ющыя къ держа'вному ва'шему покро'ву.

_О='гненное о_у='глiе jа='вльшеся а=п\сли, возжига'еми 
_о=гне'мъ о_у=тjь'шителя, вся'ку ве'щь попали'те на'шея 
sло'бы, и= _о=гня` негаси'магw и=зба'вите на'съ во 
вjь'ки.

Бг~оро'диченъ: Гора` присjь'нная jа=ви'лася _е=си` 
нерукосjь'чная, w\т нея'же w\тсjьче'ся ка'мень: тjь'мже 
вл\дчце, о_у=миле'нiе души` мое'й пода'ждь w=мраче'ннjьй, 
и= w=камене'ннjьй го'рькими любосла'стьми.

%[И='нъ%] I=рмо'съ то'йже.

И=сточи'лъ _е=си` струи^ о_у=че'нiй, _е=ресе'й 
и=зсуша'я пото'ки, и= вjь'рныхъ ду'шы напоя'ющiй 
бога'тнw, сщ~еннодjь'йственниче нiко'лае: сегw` ра'ди тя` 
почита'емъ.

О_у=крjьпи'лся _е=си` си'лою тр\оческою возмога'емь, 
кумi'ры л_е'стныя погуби'ти, тjь'мже вjь'рнw молю'ся ти` 
_о='тче: о_у=ма` моегw` i='дwлы стра^стныя w\тжени`.

Мv'рянwвъ прп\дбне первопресто'льникъ бы'въ, по 
сме'рти и=сточа'еши бж~е'ственное мv'ро, sлосмра^дныя 
на'шя w\тгоня'я неду'ги, нiко'лае всебл~же'нне, вjь'рнw 
къ тебjь` приступа'ющымъ.

Бг~оро'диченъ: О_у=кроти'ла _е=си` тече'нiе сме'ртное, 
безсме'ртнаго бг~а ро'ждшая: _е=го'же моли` ч\стая, 
стра^сти о_у=мертви'ти смире'ннагw моегw` тjьлесе`, и= 
жи'зни мя` сподо'бити.

%[Пjь'снь и~%]

I=рмо'съ: Седмери'цею пе'щь халде'йскiй мучи'тель 
бг~очести^вымъ неи'стовнw разжже`, си'лою же лу'чшею 
сп~се'ны сiя^ ви'дjьвъ, творцу` и= и=зба'вителю вопiя'ше: 
_о='троцы бл~гослови'те, сщ~е'нницы воспо'йте, лю'дiе 
превозноси'те во вся^ вjь'ки.

Коле'блемую страстьми` ду'шу мою` о_у=крjьпи'те, 
цр~кве неразори^мая w=снова^нiя су'ще, и= столпи` 
непоколеби'мiи, вjь'рныхъ предгра^дiя, ловцы` су'щихъ во 
глубинjь` поги'бели, бл~гоути^шная приста^нища вjь'рнw 
пою'щихъ: дjь'ти бл~гослови'те, сщ~е'нницы воспо'йте, 
лю'дiе превозноси'те _е=го` во вjь'ки. [Два'жды.]

И='же во гро'бjь те'мнагw w\тча'янiя, и= въ 
преиспо'днихъ паде'нiя сласте'й лежа'щаго мя`, ва'шими 
мл~твами возвести`, о_у=мл\срдитеся о_у=ч~нцы` сп~сwвы, 
и='же о_у=чи'телева бл~гоутро'бiя w=богати'тися jа='вjь 
сподо'бистеся, а=п\сли бг~ови'дцы во вся^ вjь'ки. 
[Два'жды.]

Бг~оро'диченъ: Jа='кw свjьтла` въ красота'хъ 
добродjь'тели jа=ви'лася _е=си` всеч\стая, 
добротвори'тельное вседjь'телево бл~голjь'пiе во 
о_у=тро'бу вмjьсти'ла _е=си`: _е=го'же прилjь'жнw моли`, 
грjьха'ми страсте'й содержи'мую, и= добро'ты дре'внiя 
и='щущую ч\стая, sjьлw` бл~голjь'пнjьйше ду'шу мою` 
просвjьти'ти во вся^ вjь'ки.

%[И='нъ%]

I=рмо'съ: Бг~оглаго'ливiи _о='троцы въ пещи`, со 
_о=гне'мъ пла'мень попира'юще, поя'ху: бл~гослови'те 
дjьла` гд\сня гд\са.

Просвjьще'нъ сы'й бг~ому'дре ст~и'телю, свjьтоза'рными 
луча'ми трисо'лнечнагw бж~ества`, страсте'й мои'хъ тьму` 
мл~твами твои'ми разори` нiко'лае.

И='же воево'ды три` и=збавле'й w\т сме'рти, 
прише'ствiемъ стра'шнымъ твои'мъ, сщ~еннотаи'нниче 
нiко'лае, w\т вся'кагw смертоно'снагw вре'да и= на'съ 
и=зба'ви.

Коле'блющыяся бjьсо'вскими и=скуше'нiи, и= w\т 
w=би'дящихъ человjь^къ, твои'ми мл~твами о_у=тверди` 
на'съ, и= невре'дны сп~си` всебл~же'нне нiко'лае.

Бг~оро'диченъ: Мольбу` принеси` гд\севи, о_у=ще'дрити 
и= сп~сти` вjь'рою къ тебjь` притека'ющыя, прест~а'я 
дв~о, человjь'кwмъ помо'щнице.

Та'же, пое'мъ пjь'снь бц\ды: Вели'читъ душа` моя` 
гд\са:

%[Пjь'снь f~%]

I=рмо'съ: О_у=жасе'ся w= се'мъ нб~о, и= земли` 
о_у=диви'шася концы`, jа='кw бг~ъ jа=ви'ся человjь'кwмъ 
пло'тски, и= чре'во твое` бы'сть простра'ннjьйшее нб~съ. 
тjь'мъ тя` бц\ду а='гг~лwвъ и= человjь^къ чинонача^лiя 
велича'ютъ.

Львw'въ душетлjь'нныхъ си'лою бж~iею сокруши'вше 
ч_е'люсти а=п\сли, jа='кw w\т хр\ста` кня'зи поста'влени 
бы'сте на земли`, _псало'мски ду'ху сiю` покаря'юще 
бл~гоче'стнw: тjь'мже безчи^нная двиза^нiя моегw` се'рдца 
зако'нwмъ бж~е'ственнымъ покори'те.

Кра'снаго па'че всjь'хъ сынw'въ человjь'ческихъ, 
jа='вльшагося въ мi'рjь проповjь'давше, сло'ва бж~iя, 
но'зjь о_у=краси'сте jа='кw бл~говjьству'ющiи всему'дрiи, 
ми'ръ же и= живо'тъ. тjь'мже смуща'емую страстьми` ду'шу 
мою` ва'шими мл~твами о_у=мири'те.

О_у=мертви'вше о_у='ды jа=`же на земли`, въ живо'тъ 
вся'ческiй w=блеко'стеся, страстьми` стр\сть 
и=з\ъwбразу'юще честну'ю. тjь'мже о_у=мерщвле'ннаго мя` 
стрjьло'ю sло'бы лука'вагw, w=живи'те лjьчьба'ми 
и='стиннагw покая'нiя, бг~обл~же'ннiи а=п\сли.

Бг~оро'диченъ: Неду'гующую ду'шу мою` стра'стiю 
лю'тою, ро'ждшая бг~а пребл~га'го, jа='кw мл\стива 
и=сцjьли`, и= и=зба'ви мя` при'снw преч\стая, 
подстрека'ющихъ и= находя'щихъ ми` врагw'въ, jа='кw да 
сп~са'емь о_у=се'рднw тя` велича'ю, возвели'чившую ро'дъ 
на'шъ.

%[И='нъ%]

I=рмо'съ: Вои'стинну бц\ду тя` и=сповjь'дуемъ, 
сп~се'ннiи тобо'ю дв~о ч\стая, съ безпло'тными ли'ки тя` 
велича'юще.

Jа='кw и=зба'витель въ ско'рби вjь'рою тя` моля'щымъ, 
и=зба'ви мя` sло'бы вся'кiя нiко'лае, бл~га'го моля` бг~а 
и= гд\са.

Сы'й съ нб\сными ны'нjь ликостоя'ньми, ст~jь'йшiй 
_о='тче нiко'лае, бл~га'го о_у=моли` бг~а, сп~сти` на'съ.

Су'дъ при две'рехъ, блюди` душе` моя`, и= судiи` бг~у 
возопi'й: нiкола'а мл~твами сп~си' мя гд\си.

Бг~оро'диченъ: Свjь'та су'щи прiя'телище дв~о, 
просвjьти` w=мраче'нную страстьми` ду'шу мою`: jа='кw да 
вjь'рою и= любо'вiю при'снw сла'влю тя`.

Та'же, Досто'йно _е='сть: И= _е=ктенiа`, и= 
свjьти'ленъ, и= _псалмы` _о=бы^чныя.

На стiхо'внjь стiхи^ры а=п\сльскiя, гла'съ и~:

Гд\си, тебе` о_у=се'рднw на земли` а=п\сли 
возлюби'вше, о_у=ме'ты вся^ вмjьни'ша, да тебе` 
_е=ди'наго прiwбря'щутъ: и= за тя` на ра^ны тjьлеса` 
своя^ преда'ша. сегw` ра'ди просла'вльшеся, мо'лятся w= 
душа'хъ на'шихъ.

Стi'хъ: И=спо'лнихомся зау'тра мл\сти твоея` гд\си, и= 
возра'довахомся, и= возвесели'хомся: во вся^ дни^ на'шя 
возвесели'хомся, за дни^, въ ня'же смири'лъ ны` _е=си`, 
лjь^та, въ ня'же ви'дjьхомъ sла^я. и= при'зри на рабы^ 
твоя^, и= на дjьла` твоя^, и= наста'ви сы'ны и='хъ.

Гд\си, ты` а=п\сльскую па'мять на земли` возвели'чилъ 
_е=си`: вси' бо въ не'й вку'пjь соше'дшеся славосло'вимъ 
тя`: jа='кw подае'ши на'мъ тjь'ми и=сцjьл_е'нiя, и= 
всему` мi'ру ми'ръ мл~твами и='хъ, и= ве'лiю мл\сть.

Стi'хъ: И= бу'ди свjь'тлость гд\са бг~а на'шегw на 
на'съ, и= дjьла` ру'къ на'шихъ и=спра'ви на на'съ, и= 
дjь'ло ру'къ на'шихъ и=спра'ви.

Мч~нченъ: Во броня` вjь'ры w=бо'лкшеся до'брjь, и= 
_о=ру'жiемъ кр\стнымъ воwружи'вше себе`, во'ини крjь'пцы 
jа=ви'стеся, мучи'тел_емъ му'жески проти'вистеся, и= 
дiа'волю пре'лесть низложи'сте, побjьди'телiе бы'вше, 
вjьнц_е'въ сподо'бистеся. моли'те при'снw w= на'съ, 
сп~сти'ся душа'мъ на'шымъ.

Сла'ва, и= ны'нjь, бг~оро'диченъ: И=схити' мя вл\дчце, 
руки` sмi'я чл~вjькоубi'йцы, хотя'ща мя` лука'вствомъ 
поглоти'ти до конца`. сокруши` ч_е'люсти _е=гw`, молю' 
тя, и= кw'зни разори`: jа='кw да и=збы'въ w\т ногте'й 
_е=гw`, велича'ю заступле'нiе твое`.

Та'же, Бл~го _е='сть: И= Трист~о'е. По _О='ч~е на'шъ: 
тропа'рь, и= _е=ктенiа`, и= ча'съ а~-й, _псалмы` 
_о=бы^чныя, и= про'чее: и= w\тпу'стъ.

Въ четверто'къ бл~ж_е'нны, гла'съ и~:

Помяни` на'съ хр\сте` сп~се мi'ра, jа='коже 
разбо'йника помяну'лъ _е=си` на дре'вjь: и= сподо'би 
всjь'хъ _е=ди'не ще'дре, нб\сному цр\ствiю твоему`.

Стi'хъ: Бл~же'ни и=згна'ни пра'вды ра'ди, jа='кw 
тjь'хъ _е='сть цр\ство нб\сное.

Трубы^ jа='вльшеся хр\стw'вы а=п\сли, су'щыя во 
гробjь'хъ sловjь'рiя лежа'щыя воздви'гнули _е=сте`, и= 
бж~е'ственныя жи'зни прича'стники содjь'ласте.

Стi'хъ: Бл~же'ни _е=сте`, _е=гда` поно'сятъ ва'мъ, и= 
и=зжену'тъ, и= реку'тъ вся'къ sо'лъ глаго'лъ, на вы` 
лжу'ще мене` ра'ди.

Сjь'менемъ та'йнымъ сло'ва бг~оглаго'ливiи, всjь'хъ 
jа=зы^къ сердца` неплw'дная плодонw'сна содjь'ласте 
бж~е'ственнагw ра'зума: тjь'мже досто'йнw бл~жи'ми 
_е=сте`.

Стi'хъ: Ра'дуйтеся и= весели'теся, jа='кw мзда` ва'ша 
мно'га на нб~сjь'хъ.

Вся'кiя себе` w=бнажи'вше sло'бы, посредjь` лю'тыхъ 
проидо'ша до'блественнw, и= съ нб~се` въ ри'зу сп~се'нiя 
страда'льцы w=дjь'яшася.

Сла'ва: О_у=мертви` sлотво'рныхъ страсте'й воста^нiя 
души` моея` _о=кая'нныя, ч\стна'я тр\оце всест~а'я, 
мл~твами бж~е'ственныхъ а=п\слъ твои'хъ, jа='кw да 
сп~са'емь сла'влю тя`.

И= ны'нjь: Ра'дуйся клеще` о_у='гля бж~е'ственнагw: 
ра'дуйся пр\оро'кwвъ печа'ть, и= а=п\слwвъ w=глаше'нiе, 
преч\стая бц\де, _е=я'же ра'ди w\т и=стлjь'нiя 
свободи'хомся.