Богослужебные тексты

<::лат>  OCR:

<::рус>  Библиотека святоотеческой литературы

<::лат>  http://orthlib.ru

<::слав>

Стiхи^ры, и= канw'нъ ст~о'му i=wа'нну пр\дте'чи. 

Гла'съ в~. Подо'бенъ: _Е=гда` w\т дре'ва: 

Проповjь'дниче хр\сто'въ и= кр\сти'телю, а='гг~ле, а=п\сле, 
мч~нче, пр\оро'че, пр\дте'че, свjь'щниче, дру'же бли'жнiй, 
пр\оро'кwвъ печа'ть, въ рожде'нныхъ пречестнjь'йшiй, 
хода'таю ве'тхiя и= но'выя бл~года'ти, свjь'тлый сло'ва 
гла'се, твои'ми сщ~е'нными хода'тайствы мл~тв_енная 
твор_е'нiя къ бг~у бл~гоутро'бному и=спра'ви. 

Се` а='гнецъ бж~iй, и='же грjьхи` мi'ра взе'мляй: возопи'лъ 
_е=си` пр\дте'че бл~же'нне, внегда` ви'дjь хр\ста`, на 
земли` ходя'ща. того` о_у='бw моли`, грjьхw'въ w=ставле'нiе 
дарова'ти тебе` почита'ющымъ: и='маши бо къ нему` ве'лiе 
вои'стинну дерзнове'нiе кр\сти'телю, jа='кw хода'тай зако'на 
и= бл~года'ти. 

Потщи'ся и= и=зми' мя w\т и=скуше'нiй, сла'вный гд\сень 
пр\оро'че, молю' ти ся. всу'е бо подвиго'шася на мя` 
борю'щiи мя` го'рцыи бjь'сове, и='щущiи похи'тити ду'шу 
раба` твоегw` _о=кая'нную, jа='коже пти'цу, не w=ста'ви мя` 
до конца`: да разумjь'ютъ же па'че всебл~же'нне, jа='кw ты' 
ми _е=си` прибjь'жище. 

Сла'ва, и= ны'нjь, бг~оро'диченъ: 

Jа='коже сро'дствомъ _е=сте'ственнымъ, и= мл~твеннымъ 
согла'сiемъ, _е=ди'но вы` су'ще, мт~и всjь'хъ цр~я`, и= 
бж~е'ственный пр\дте'че: мольбу` сотвори'те вку'пjь w= 
рабjь`, sjьлw` прогнjь'вавшемъ бл~гомл\стивнаго, jа='кw да 
о_у=ще'дритъ и= сп~се'тъ, ва'шими прекло'нься хода'тайствы, 
и= _о='гненнагw родства` и=змjьни'тъ мя`. 

Тропа'рь, гла'съ в~.

Па'мять прв\днагw съ похвала'ми, тебjь' же довлjь'етъ 
свидjь'тельство гд\сне, пр\дте'че: показа'лъ бо ся _е=си` 
вои'стинну и= пр\оро'кwвъ ч\стнjь'йшiй, jа='кw и= въ 
струя'хъ кр\сти'ти сподо'бился _е=си` проповjь'даннаго. 
тjь'мже за и='стину пострада'въ ра'дуяся, бл~говjьсти'лъ 
_е=си` и= су'щымъ во а='дjь, бг~а jа='вльшагося пло'тiю, 
взе'млющаго грjь'хъ мi'ра, и= подаю'щаго на'мъ ве'лiю 
мл\сть. 

Канw'нъ пр\дте'чи i=wа'нну, _е=гw'же краестро'чiе: 
Кр\сти'телю, сiю` мл~тву прiими`. Творе'нiе i=w'сифово. 
Гла'съ в~. 

Пjь'снь а~. 

I=рмо'съ: Во глубинjь` постла` и=ногда` фараwни'тское 
всево'инство преwруже'нная си'ла: вопло'щшееся же сло'во 
всеsло'бный грjь'хъ потреби'ло _е='сть, препросла'вленный 
гд\сь, сла'внw бо просла'вися. 

Припjь'въ: Ст~ы'й вели'кiй i=wа'нне пр\дте'че гд\сень, моли` 
бг~а w= на'съ. 

Кр\сти'телю и= пр\дте'че хр\сто'въ, погружа'емый всегда` 
сластьми` тjьле'сными о_у='мъ мо'й о_у=пра'ви, и= во'лны 
страсте'й о_у=кроти`, jа='кw да въ тишинjь` бж~е'ственнjьй 
бы'въ пjьсносло'влю тя`. 

Недоумjь'ннымъ просвjьти'вся просвjьще'нiемъ, jа='кw 
многосвjь'тлая sвjьзда`, мы'сленному восто'ку предте'клъ 
_е=си`: и='мже w=зари'тися се'рдцу моему`, кр\сти'телю 
моли`, w=мраче'нному всjь'ми бjьсо'вскими преложе'нiи. 

Въ рjьцjь` бе'здну и=ногда` всему'дре погрузи'лъ _е=си`, 
пото'пъ содjьва'ющую бл~года'тiю, всегw` преступле'нiя: но 
молю'ся, пото'ки бл~же'нне мои'хъ прегрjьше'нiй и=зсуши`, 
бж~е'ственнымъ хода'тайствомъ твои'мъ. 

Бг~оро'диченъ: Ч\стыя дв~ы бг~а воплоти'вшiя сро'дникъ бы'лъ 
_е=си` бл~же'нне пр\дте'че, съ не'юже тя` чти'мъ и= мо'лимъ, 
и=`же въ бж~е'ственнjьмъ хра'мjь твое'мъ ны'нjь живу'ще, 
хра'мы и= на'съ сотвори` дх~а ст~а'гw. 

Пjь'снь г~.

I=рмо'съ: На ка'мени мя` вjь'ры о_у=тверди'въ, разшири'лъ 
_е=си` о_у=ста` моя^ на враги` моя^, возвесели' бо ся ду'хъ 
мо'й, внегда` пjь'ти: нjь'сть ст~ъ, jа='коже бг~ъ на'шъ, и= 
нjь'сть прв\днъ, па'че тебе` гд\си. 

И=сцjьли` стру'пы души` моея`, о_у='мъ мо'й w=мраче'нный 
небреже'нiемъ, w=зари` бж~е'ственнымъ твои'мъ хода'тайствомъ 
гд\сень пр\дте'че: и= вся'кагw и=зба'ви мя` сопроти'внагw 
w=бстоя'нiя, молю'ся. 

Непло'дствiе разрjьши'лъ _е=си` ро'ждшiя, роди'вся бж~iимъ 
промышле'нiемъ прему'дре пр\оро'че: непло'дное о_у='бw 
се'рдце мое` плодоно'сно ны'нjь содjь'лай гд\сень пр\дте'че 
хода'тайствомъ твои'мъ, добродjь'телей приноси'ти 
прозяб_е'нiя. 

И='же любо'вiю твое'ю созида'ющаго бж~е'ственный до'мъ, 
вы'шнягw житiя` о_у=лучи'ти моли`, вjь'рою хра'му твоему` 
служа'щыя, хра'мы дх~а бж~е'ственнагw сотвори`, кр\сти'телю 
и= пр\дте'че, хода'тайствы твои'ми. 

Бг~оро'диченъ: Веселя'шеся пр\дте'ча въ ложесна'хъ носи'мь 
мт~рнихъ, и= покланя'шеся гд\су носи'му въ ложесна'хъ 
твои'хъ бг~обл~года'тная, _е=го'же моли` w\т вся'кiя ско'рби 
и=зба'вити мя`. 

Сjьда'ленъ, гла'съ в~. Подо'бенъ: Бл~гоутро'бiя су'щи: 
Бл~гоутро'бiя ра'ди мл\сти бл~же, сп~сти` твое` созда'нiе 
хр\сте` прише'лъ _е=си`, прекло'нь нб~са` схожде'нiемъ 
твои'мъ. тjь'мже, стра'шное смотре'нiе твое` пою'ще, 
вопiе'мъ ти`: мольба'ми пр\дте'чи твоегw`, w=чище'нiе 
грjьхw'въ пода'ждь на'мъ, jа='кw _е=ди'нъ бл~гоутро'бенъ. 

Сла'ва, и= ны'нjь, бг~оро'диченъ: 

Предста'тельнице те'плая хр\стiа'нwмъ, сн~у твоему` моли'ся 
при'снw бц\де, вся'кагw sлодjь'йства и= w=горче'нiя 
и=зба'вити на'съ борца`, и= да'ти на'мъ проще'нiе, въ ни'хже 
согрjьши'хомъ, за мл\срдiе щедро'тъ, твои'ми мл~твами мт~и 
дв~о. 

Пjь'снь д~. 

I=рмо'съ: Прише'лъ _е=си` w\т дв~ы не хода'тай, ни а='гг~лъ, 
но са'мъ гд\си вопло'щься, и= спа'слъ _е=си` всего' мя 
человjь'ка. тjь'мъ зову' ти: сла'ва си'лjь твое'й гд\си. 

Прекло'ньшему нб~са`, и= человjь'кwмъ бесjь'довавшу, главу` 
преклони'лъ _е=си`, десни'цею твое'ю пребога'те: _е='юже мя` 
соблюди`, во смире'нiи сохраня'я се'рдце мое`. 

Пусты'ня тебе` граждани'на непрохо'дная и=мя'ше, бл~же'нне 
пр\дте'че. тjь'мже вопiю' ти: пу'сту вся'кагw бж~е'ственнагw 
дjья'нiя бы'вшу, ду'шу мою` снабди`. 

Зако'нъ бж~е'ственный о_у=правля'я, беззако'ннw закла'нъ 
бы'лъ _е=си`. тjь'мже молю'ся тебjь`, беззако'ннующа мя` 
всегда`, и= прельща'ема бjьсо'вскими прельще'ньми и=спра'ви. 

Созда'въ са'мъ себе` хра'мъ вл\дцjь цр~ю`, къ 
бж~е'ств_еннымъ селе'нi_емъ ны'нjь преше'лъ _е=си` 
пр\дте'че: и='хже получи'ти моли` тебjь` прест~ы'й до'мъ 
воздви'гшаго. 

Бг~оро'диченъ: При'зри на мя` неду'гующаго всенепоро'чная, 
и= разрjьши` стра^сти моя^ лю^тыя, и= неудо'бь и=сцjь^льныя: 
jа='кw да велича'ю тя`, возвели'чившую все` человjь'чество. 

Пjь'снь _е~.

I=рмо'съ: Просвjьще'нiе во тьмjь` лежа'щихъ, сп~се'нiе 
w\тча'янныхъ, хр\сте` сп~се мо'й, къ тебjь` о_у='тренюю 
цр~ю` ми'ра, просвjьти' мя сiя'нiемъ твои'мъ: и=но'гw бо 
ра'звjь тебе` бг~а не зна'ю. 

Въ тече'нiихъ i=_орда'нскихъ, струю` нетлjь'нiя пр\дте'че, 
кр\сти'въ хр\ста`, моли` и=стека^нiя страсте'й мои'хъ 
и=зсуши'ти, и= пото'ки сла'дwстныя наслjь'довати, и= 
прв\дныхъ кра'снагw ра'дованiя. 

О_у=же` рыда'ю и= содрога'юся, стра'хомъ и= недоумjь'нiемъ 
всегда` содержи'мь _е='смь, помышля'я моя^ содjь^янная, и= 
бу'дущiй су'дъ о_у=жа'сный. бл~гоутро'бне гд\си, пощади' мя, 
твоегw` кр\сти'теля мольба'ми. 

Законополага'яй лю'демъ сп~се'нiе въ раска'янiи, пр\дте'че, 
прегрjьше'нiй бы'вшее, посредjь` зако'на и= бл~года'ти 
ста'лъ _е=си`. сегw` ра'ди мо'лимъ тя`, w=бразми` покая'нiя 
на'съ просвjьти`. 

Да'ждь ми` вре'мя покая'нiя, о_у=ны'ннw преше'дшее, все` 
и=жди'вшему, бл~годjь'телю, и=мjь'я на сiе` моля'щаго тя`, 
сло'ве, i=wа'нна вели'каго пр\дте'чу, и= покая'нiю 
всемi'рнаго проповjь'дника. 

Бг~оро'диченъ: Навjь'ты и= ловл_е'нiи льсти'вагw 
о_у=мертви'хся, вл\дчце всенепоро'чная w=живи' мя, jа='же 
ро'ждшая живо'тъ всjь'хъ бц\де v=поста'сный, да тя` пою` 
бл~гоче'стнw всенепоро'чную. 

Пjь'снь s~.

I=рмо'съ: Въ бе'зднjь грjьхо'внjьй валя'яся, неизслjь'дную 
мл\срдiя твоегw` призыва'ю бе'здну: w\т тли` бж~е мя` 
возведи`. 

Гла'съ сло'ва проповjь'давый, всjь'хъ гла'сы воспрiе'мъ, 
проси` грjьхw'въ проще'нiе дарова'ти, и=`же вjь'рою пою'щымъ 
тя`. 

Сокруше'нiе души` моея` и=сцjьли`, и= грjьхw'въ бре'мя 
разрjьши`, и= па'че наде'жди сп~си' мя, мл~твами твои'ми 
бл~же'нне пр\дте'че. 

I=и~са, _е=го'же руко'ю твое'ю кр\сти'лъ _е=си` пр\дте'че, 
моли`, руки' мя и=зба'вити грjьха`, взима'юща къ нему` 
ру'цjь при'снw всесла'вне. 

Бг~оро'диченъ: Дрема'нiемъ лjь'ностнымъ w=держи'мь _е='смь, 
со'нъ грjьхо'вный тяготи'тъ се'рдце мое`: твои'мъ преч\стая, 
бдjь'ннымъ хода'тайствомъ воздви'гни и= сп~си' мя. 

Конда'къ, гла'съ г~. 

Подо'бенъ: Дв~а дне'сь: 

Пре'жде непло'ды дне'сь хр\сто'ва пр\дте'чу ражда'етъ, и= 
то'й _е='сть и=сполне'нiе вся'кагw проро'чества: _е=го'же бо 
пр\оро'цы проповjь'даша, на сего` во i=_орда'нjь ру'ку 
положи'въ, jа=ви'ся бж~iя сло'ва пр\оро'къ и= 
проповjь'дникъ, вку'пjь и= пр\дте'ча. 

I='косъ: Восхва'лимъ ны'нjь гд\сня пр\дте'чу, _е=го'же 
сщ~е'ннику _е=лiсаве'тъ роди`, и=з\ъ ложе'снъ непло'дныхъ, 
но не без\ъ сjь'мене: хр\сто'съ бо _е=ди'нъ вмjьсти'лище 
про'йде непроходи'мо без\ъ сjь'мене. i=wа'нна непло'ды 
роди`, без\ъ му'жа же сего` не роди`: i=и~са же, 
w=сjьне'нiемъ _о=ц~а` и= дх~а бж~iя, дв~а роди` ч\стая. но 
безсjь'менному jа=ви'ся w\т непло'дове пр\оро'къ и= 
проповjь'дникъ, вку'пjь и= пр\дте'ча. 

Пjь'снь з~. 

I=рмо'съ: Бг~опроти'вное велjь'нiе беззако'ннующагw 
мучи'теля, высо'къ пла'мень вознесло` _е='сть: хр\сто'съ же 
простре` бг~очести^вымъ _о=трокw'мъ ро'су дх~о'вную, сы'й 
бл~гослове'нъ и= препросла'вленъ. 

И=з\ъ ко'рене сjьки'рою твоегw` покая'нiя и=сто'ргъ jа='звы 
стра'стнагw се'рдца моегw`, всади` пр\дте'че бж~е'ственное 
безстра'стiе, и= стра'хъ ч\стjь'йшiй бж~iй, вся'кiя sло'бы 
w\тчужда'ющiй мя`. 

Во струя'хъ i=_орда'нскихъ jа='кw кр\сти'лъ _е=си` 
покрыва'ющаго вода'ми превы'спр_енняя гд\са, того` моли`, 
во'ду дарова'ти бж~е'ственнагw о_у=миле'нiя при'снw _о=чи'ма 
мои'ма, сла'вный пр\дте'че. 

И='же мi'ру взе'млющаго грjь'хъ, а='гнца бж~iя пр\дте'че 
проповjь'давъ, того` моли` w\т ко'злищъ ча'сти jа=ви'ти мя` 
чу'жда, и= десны^мъ _е=гw` _о=вца'мъ и= мене` сочета'ти, 
сла'вне. 

Бг~оро'диченъ: Непло'дная о_у=тро'ба нося'ше тя` дв~о, во 
чре'вjь носи'вшую сло'во воплоще'нно: _е=го'же 
бж~е'ственными взыгра'нiи, вели'кiй пр\дте'ча, непло'дныя 
всест~ы'й пло'дъ, позна` ра'дуяся, и= поклони'ся. 

Пjь'снь и~. 

I=рмо'съ: Пе'щь и=ногда` _о='гненная въ вавv"лw'нjь 
дjь^йства раздjьля'ше, бж~iимъ велjь'нiемъ халд_е'и 
w=паля'ющая: вjь^рныя же w=роша'ющая, пою'щыя: бл~гослови'те 
вся^ дjьла` гд\сня гд\са. 

Да'ждь десни'цу мнjь` на земли` лежа'щему, пр\дте'че, и='же 
десни'цу просте'ръ, и= w=мы'лъ _е=си` вода'ми нескве'рнаго: 
и= и=зба'ви мя` скве'рны тjьле'сныя, всего' мя w=чища'я 
покая'нiемъ, и= сп~си' мя. 

И=му'щи душе` вре'мя пока'ятися, лjь'ности тяжча'йшiй со'нъ 
w\ттряси`, и= спjь'шнw побди`, вопiю'щи вл\дцjь твоему`: 
мл\срде, о_у=ще'дри мя` кр\сти'теля твоегw` мольба'ми. 

Пото'цы страсте'й, и= во'ды sло'бы до души` моея` внидо'ша: 
бл~же'нне пр\дте'че, потщи'ся ско'рw и=з\ъя'ти мя`, и='же 
рjьчны'ми струя'ми и=змы'въ безстра'стiя тиша'йшую пучи'ну. 

О_у=вы` мнjь`, мнw'га sла^ сотво'ршему! о_у=вы` мнjь` 
_е=ди'ному, прогнjь'вавшему бг~а пребл~га'го! кр\сти'телю 
хр\сто'въ помози` ми`, и= пода'ждь прегрjьше'нiй мои'хъ 
разрjьше'нiе, и= долгw'въ мои'хъ w\тсjьче'нiе, хода'тайствы 
твои'ми. 

Бг~оро'диченъ: Вы'шняго бг~а пло'тiю ро'ждшая, w\т гно'я мя` 
возста'ви страсте'й w=скорбля'ющихъ мя`: и= лю'тjь всего` 
w=бнища'вша, бж~е'ственными w=богати` преч\стая, 
добродjь'тельми, jа='кw да воспою' тя сп~са'емь. 

Пjь'снь f~.

I=рмо'съ: Безнача'льна роди'теля сн~ъ, бг~ъ и= гд\сь, 
вопло'щься w\т дв~ы, на'мъ jа=ви'ся, w=мрач_е'нная 
просвjьти'ти, собра'ти расточ_е'нная. тjь'мъ всепjь'тую 
бц\ду велича'емъ. 

Ка'ла мя` и=зба'ви грjьхо'внагw гд\си, безгрjь'шне _е=ди'не 
и= многомл\стиве, кр\сти'теля мольба'ми, и='же тебе` 
проповjь'да всему` мi'ру а='гнца бж~iя, взе'млющаго 
человjь'кwвъ грjьхи`. 

Jа='кw ши'покъ бл~гово'ненъ, jа='кw бл~гоуха'нный 
кv"парi'съ, jа='кw неувяда'емый крi'нъ, jа='кw мv'ро че'стно 
и=мjь'яй тя` гд\сень пр\дте'че, мои'хъ дjь'лъ sлосмра'дiя 
и=збавля'юся мл~твами твои'ми, притека'я къ покро'ву 
твоему`. 

Непло'дствовати мя` непло'дными дjь'лы всебл~же'нне 
сотвори`, добродjь'телей бл~гопло'дiе при'снw принося'ща, 
ча'до мя` гд\сне творя`, и= прича'стника бж~е'ственному 
цр\ствiю, и= ст~ы'хъ собо'ру купножи'теля. 

На'мъ лю'бящымъ тя`, и= любо'вiю почита'ющымъ, и= въ 
бж~е'ственнjьмъ хра'мjь твое'мъ лику'ющымъ, да'ждь съ нб~се` 
разрjьше'нiе лю'тыхъ, пр\дте'че гд\сень, и= житiя` 
и=справле'нiе, и= прегрjьше'нiй и=збавле'нiе. 

Бг~оро'диченъ: Носи'му во о_у=тро'бjь бг~омт~рни, и='же вся^ 
нося'щему ма'нiемъ, поклони'лся _е=си` пр\оро'че: съ не'юже 
моли` смире'ннjьй сп~сти'ся души` мое'й, во мнw'гая 
впа'дающей по вся^ дни^ согрjьш_е'нiя.