Богослужебные тексты

<::лат>  OCR:

<::рус>  Библиотека святоотеческой литературы

<::лат>  http://orthlib.ru

<::слав>

Стiхи^ры и= канw'ны

а=п\слwмъ, и= ст~и'телю нiкола'ю. 

Гла'съ д~. 

Подо'бенъ: Jа='кw до'бля: 

Крjьпча'йшимъ мудрова'нiемъ во'инствовавше сла'внiи, на 
лука'ваго врага` w=полчи'стеся, все_ору'жiемъ w=гра'ждшеся 
духо'внымъ до'бльственнjь, и= всю` крjь'пость бjьсо'вскую 
погуби'вше, восхи'тисте ду'шы человjь'ч_ескiя, jа='коже 
коры^сти. сегw` ра'ди во вjь'ки ва'съ почита'емъ а=п\сли.

Кр\стоwбра'знw распросте'рши мре'жу вjь'ры, двоенадеся'тица 
бж~е'ственныхъ а=п\слъ твои'хъ, вся^ jа=зы'ки о_у=лови'ла 
_е='сть, къ твоему` позна'нiю хр\сте`, и= мо'ря сла'ное 
страсте'й и=зсуши`. сегw` ра'ди тя` молю`: и=з\ъ глубины` 
прегрjьше'нiй воззови' мя, тjь'хъ всебл~гопрiя'тными 
мольба'ми. 

Двоенадеся'тица бг~оизбра'нная, а=п\сльская, и= всеч\стна'я, 
да восхва'лится дне'сь, бж~е'ственными пjь'сньми, пе'тръ, и= 
па'vелъ, i=а'кwвъ, лука`, i=wа'ннъ же, и= матfе'й, и= fwма`: 
ма'ркъ, сi'мwнъ, и= фiлi'ппъ: и= пресла'вный ны'нjь а=ндре'й 
съ матfi'емъ, и= бж~е'ственнымъ и= прему'дрымъ 
варfоломе'емъ, и= съ про'чими седми'десятьми. 

И='ны стiхи^ры ст~о'му нiкола'ю, гла'съ то'йже: 

Мv'ромъ бж~е'ственнымъ тя` пома'за бж~е'ственная бл~года'ть 
дх~о'вная, мv'рянwмъ первопресто'льна, и= мv'ромъ 
w=бл~гоуха'вша, добродjь'тельми сщ~е'ннjьйшими мi'ра концы`: 
сладкоды'шущими твои'ми мл~твами, sлосмра^дныя прогоня'юща 
стра^сти всегда`. сегw` ра'ди тя` вjь'рнw сла'вимъ, и= 
па'мять твою` всест~у'ю соверша'емъ нiко'лае.

Jа='кw w=сiя'теля тя` незаходи'маго, и= jа='кw свjьти'льника 
всемi'рна, на тве'рди возсiя'вша цр~ко'внjьй нiко'лае, и= 
мi'ръ просвjьти'вша, и= бjь'дъ лю'тыхъ мглу` w\тгоня'юща, и= 
w\те'млюща печа'лей зи'му, и= тишину` содjь'лавшаго 
глубо'кую, по до'лгу о_у=бл~жа'емъ. 

И= сы'й и= jа=вля'яйся въ со'нiихъ нiко'лае, и=`же 
непра'веднw и=му'щыя о_у=мре'ти сп~слъ _е=си`, jа='кw 
сострада'тель, jа='кw бл~голюби'вый, jа='кw и=зба'витель 
теплjь'йшiй, jа='кw предста'тель и='стинный вjь'рныхъ, и= 
прося'щихъ твоегw` заступле'нiя, сщ~е'ннjьйшiй _о='тче, 
а='гг~лwвъ сограждани'не, прп\дбныхъ и= пр\оро'кwвъ 
равностоя'телю. 

Сла'ва, и= ны'нjь, бг~оро'диченъ: 

И=скуше'нiя вся'кагw, и= ловле'нiя льсти'вагw, и=зба'ви мя` 
всенепоро'чная, и= страсте'й стремл_е'нiя w=бузда'й, 
молю'ся: и= о_у=ма` моегw` мглу` и= w=мраче'нiе 
w\тжени`,о_у=пра'ви ко приста'нищу бж~е'ственныхъ 
за'повjьдей сн~а твоегw` бг~омт~и, jа='кw да непреста'ннw 
почита'ю тя`. 

Тропа'рь а=п\слwмъ, гла'съ г~: 

А=п\сли ст~i'и, моли'те мл\стиваго бг~а, да прегрjьше'нiй 
w=ставле'нiе пода'стъ душа'мъ на'шымъ. 

Тропа'рь нiкола'ю, гла'съ д~: 

Пра'вило вjь'ры и= w='бразъ кро'тости, воздержа'нiя 
о_у=чи'теля jа=ви' тя ста'ду твоему` jа='же веще'й и='стина. 
сегw` ра'ди стяжа'лъ _е=си` смире'нiемъ высw'кая, нището'ю 
бога^тая. _о='тче сщ~еннонача'льниче нiко'лае, моли` хр\ста` 
бг~а, сп~сти'ся душа'мъ на'шымъ. 

Канw'нъ ст~ы^мъ а=п\слwмъ. 

Творе'нiе fеофа'ново, гла'съ д~. 

Пjь'снь а~. 

I=рмо'съ: Мо'ря чермну'ю пучи'ну, невла'жными стопа'ми 
дре'внiй пjьшеше'ствовавъ i=и~ль, кр\стоwбра'зныма 
мwv"се'овыма рука'ма, а=мали'кову си'лу въ пусты'ни 
побjьди'лъ _е='сть. 

Бж~е'ственнiи о_у=тjь'шителя _о=рга'ни, возглаша'ющiи сего` 
бж~е'ственными всегда` вдохнове'ньми, воспjь'ша пjь'снь 
на'мъ, jа='кw вои'стинну сп~си'тельную, бл~госла'внiи 
хр\стw'вы а=п\сли. 

На _о=дрjь` лjь'ности слежа`, и= въ сме'рти грjьхо'внjьй 
неду'гомъ душе'внымъ лю'тjь и=ста'емь, посjьще'нiя мя` 
сла'внiи хр\стw'вы самови'дцы сподо'бите. 

И=`же сло'вомъ безслове'сiе разрjьши'вше jа=зы'кwвъ а=п\сли, 
w\т безслове'сныхъ дjья'нiй лю'тjь w=мраче'нное се'рдце 
мое`, о_у=тjь'шителя бл~года'тiю просвjьти'те а=п\сли. 

Бг~оро'диченъ: Дв~а по рж\ствjь` нетлjь'нна пребыла` _е=си`, 
на'съ ра'ди jа='вльшагося на земли`, па'че сло'ва ро'ждшая: 
_е=го'же прилjь'жнw моли`, просвjьти'ти ду'шы на'шя. 

Другi'й канw'нъ ст~о'му и= вели'кому чудотво'рцу нiкола'ю. 

Творе'нiе fеофа'ново, гла'съ в~. 

Пjь'снь а~. 

I=рмо'съ: Во глубинjь` постла` и=ногда`, фараwни'тское 
всево'инство преwруже'нная си'ла, вопло'щшееся же сло'во 
всеsло'бный грjь'хъ потреби'ло _е='сть, препросла'вленный 
гд\сь, сла'внw бо просла'вися. 

Вjьнцено'сецъ пр\сто'лу хр\сто'ву, прему'дре нiко'лае, 
предстоя` со а='гг~льскими чи'нми, просвjьще'нiе ми` да'руй, 
w=заря'ющее души` моея` w=мраче'нiе: jа='кw да восхвалю` 
ра'дуяся, твою` пребл~же'нне па'мять. [Два'жды.]

Прославля'яй вся^ гд\сь, и=`же того` сла'вящыя, тя` 
вjь^рнымъ прибjь'жище да'лъ _е='сть, напа'стей и=збавля'юща, 
притека'ющыя къ твоему` кро'ву нiко'лае, и= призыва'ющыя тя` 
вjь'рою и= любо'вiю пресла'вне. 

Бг~оро'диченъ: И=зравни'тися жела'нiе ми` вло'жь sмi'й 
вселука'вый содjь'телю, jа='кw плjь'нника восхи'ти: тобо'ю 
же преч\стая при'званъ бы'хъ, w=божи'вся и='стиннw: ты' бо 
бг~омт~и, мене` w=божи'вшаго родила` _е=си`. 

Пjь'снь г~.

I=рмо'съ: Весели'тся w= тебjь` цр~ковь твоя` хр\сте`, 
зову'щи: ты` моя` крjь'пость гд\си, и= прибjь'жище, и= 
о_у=твержде'нiе. 

Гра'дъ тво'й бж~е, слове'сныхъ рjь'къ твои'хъ теч_е'нiя 
о_у=ч_ени'къ, вл\дко, сщ~е'ннw возвеселя'ютъ. 

Гра'ждане нб\снiи, сослуж_е'бницы мы'сл_еннымъ чинw'мъ, 
всесла'внiи а=п\сли, вся'кiя на'съ ско'рби и=зба'вите.

О_у=тверди'вый хр\сте`, слов_е'сныя твоя^ нб~са`, 
о_у=тверди' мя тjь'хъ мл~твами на ка'мени твои'хъ хотjь'нiй, 
jа='кw бл~гоутро'бенъ.

Бг~оро'диченъ: Jа='кw мт~и тя` мо'литъ, съ ли'комъ 
о_у=ч_ени'къ гд\си, jа='же тебе` чи'стw роди'вшая: да'руй 
на'мъ мл\сти твоя^. 

И='нъ. 

I=рмо'съ: Процвjьла` _е='сть пусты'ня, jа='кw крi'нъ, гд\си, 
jа=зы'ческая неплодя'щая це'рковь, прише'ствiемъ твои'мъ, въ 
не'й же о_у=тверди'ся мое` се'рдце. 

Нiко'лае бл~же'нне, вл\дки при'сный о_у=чени'къ ты` бы'въ, 
сп~са'еши къ тебjь` притека'ющыя w\т лю'тыхъ бjь'дъ, и= 
сме'рти го'рькiя. [Два'жды.]

W=чи'сти рабы^ твоя^ и= грjьхw'въ w=ставле'нiе jа='кw бл~гъ 
да'руй, нiкола'а твоегw` о_у=го'дника и=`же къ тебjь` 
хода'тайствы, многомл\стиве. 

Бг~оро'диченъ: О_у=ста'ви смуще'нiе страсте'й мои'хъ 
вл\дчце, и= жи'знь w=корми` прест~а'я, бг~а ро'ждшая: въ 
не'мже о_у=тверди'ся се'рдце мое`. 

Конда'къ нiкола'ю, гла'съ г~. 

Подо'бенъ: Дв~а дне'сь: 

Въ мv'рjьхъ ст~е священнодjь'йствитель показа'лся _е=си`: 
хр\сто'во бо прп\дбне _е=v\глiе и=спо'лнивъ, положи'лъ 
_е=си` ду'шу твою` w= лю'дехъ твои'хъ, и= сп~слъ _е=си` 
непови^нныя w\т сме'рти. сегw` ра'ди w=ст~и'лся _е=си`, 
jа='кw вели'кiй таи'нникъ бж~iя бл~года'ти.

I='косъ: Воспои'мъ ны'нjь ст~и'теля пjь'сньми, мv^рскимъ 
лю'демъ па'стыря и= о_у=чи'теля, да мл~твами _е=гw` 
просвjьти'мся: се' бо jа=ви'ся ве'сь чи'стъ, нетлjь'ненъ 
ду'хомъ, хр\сто'ви принося` же'ртву непоро'чну, чи'сту, 
бг~ови бл~гопрiя'тну, jа='кw ст~и'тель w=чище'нъ и= душе'ю 
и= тjь'ломъ. тjь'мже _е='сть вои'стинну цр~кви предста'тель, 
и= побо'рникъ сея`, jа='кw вели'кiй таи'нникъ бж~iя 
бл~года'ти. 

Сjьда'ленъ а=п\слwмъ, гла'съ д~: 

Свjьти^ла въ концjь'хъ, о_у=ч~нки` твоя^ хр\сте` jа=ви'лъ 
_е=си`, сiя'ющыя душа'мъ су'щымъ во тьмjь`, ра'зумъ тво'й 
вл\дко: и= ле'сть i='дwльскую тjь'хъ ра'ди w=мрачи'въ, 
о_у=че'ньми бл~гоче'стiя просвjьти'лъ _е=си` мi'ръ. тjь'хъ 
мольба'ми сп~си` ду'шы на'шя. 

Другi'й сjьда'ленъ нiкола'ю, гла'съ и~. 

Подо'бенъ: Прему'дрости: 

Возше'дъ на высоту` добродjь'телей, бж~е'ственными w\тту'ду 
_о='тче w=зари'лся _е=си` сiя'нiи чуде'съ, пресвjь'телъ 
вои'стинну jа=ви'вся мi'рови па'стырь, и= въ напа'стехъ сы'й 
предста'тель непобjьди'мь. тjь'мже пресла'внw врага` 
побjь'ждь, лжу` w\тгна'лъ _е=си`, и= человjь'ки сп~слъ 
_е=си` w\т сме'рти нiко'лае. моли` хр\ста` бг~а, грjьхw'въ 
w=ставле'нiе дарова'ти чту'щымъ любо'вiю ст~у'ю па'мять 
твою`. 

Сла'ва, и= ны'нjь, бг~оро'диченъ: 

Прибjь'жище су'щымъ въ лю'тыхъ, премjьне'нiе къ бг~у 
согрjьша'ющымъ, преч\стая вл\дчце, сп~си` на'съ w\т вся'кагw 
w=бстоя'нiя, и= w=sлобле'нiя человjь'ческагw, и= стра'шнагw 
муче'нiя, и= страсте'й безче'стiя, несумнjь'нною вjь'рою тя` 
при'снw призыва'ющихъ, дв~о всепjь'тая. 

Пjь'снь д~. 

I=рмо'съ: Вознесе'на тя` ви'дjьвши цр~ковь на кр\стjь`, 
сл~нце пра'ведное, ста` въ чи'нjь свое'мъ, досто'йнw 
взыва'ющи: сла'ва си'лjь твое'й гд\си. 

Наве'лъ _е=си` на мо'ре ко'ни твоя^ и=збра^нныя, 
чл~вjьколю'бче, sловjь'рiя во'ды возмуща'ющыя, и= всjь^мъ 
ра'зумъ тво'й и='стинный возвjьща'ющыя. 

Sвjь'зды просвjьти'вше бл~гоче'стiемъ мы'сленную тве'рдь 
цр~ко'вную, сла'внiи а=п\сли, w\т но'щи невjь'дjьнiя и= 
прегрjьше'нiй и=зба'вите мя`. 

Jа='вльшеся jа='коже стрjь'лы и=з\ъwщре'ни а=п\сли, вра^жiя 
разжж_е'нныя стрjь'лы sло'бы моея` ны'нjь о_у=гаси'те и= 
помышле'нiе мое` о_у=тверди'те. 

Бг~оро'диченъ: Ду'шу мою` w=горче'нную jа='домъ, 
сопроти'внагw о_у=грызе'нiемъ, дjь'йственнымъ врачева'нiемъ 
и=сцjьли`, мл~твами хр\сте`, ро'ждшiя тя`, и= сщ~е'нныхъ 
а=п\слъ твои'хъ. 

И='нъ. 

I=рмо'съ: Прише'лъ _е=си` w\т дв~ы, не хода'тай, ни 
а='гг~лъ, но са'мъ гд\си вопло'щься, и= сп~слъ _е=си` всего' 
мя человjь'ка. тjь'мъ зову' ти: сла'ва си'лjь твое'й гд\си. 

Прибли'жився чи'стjь заря'мъ духw'внымъ, свjьтоно'сецъ бы'лъ 
_е=си`, мi'ра просвjьща'яй концы`, всjь^мъ предстоя`, и= 
вся^ сп~са'я вjь'рою къ тебjь` притека'ющыя. 

И=збавля'яй w\т сме'рти, jа='коже jа=ви'лся _е=си` пе'рвjье 
нiко'лае, ю='ношы прп\дбне, та'кw и= ны'нjь мя` сп~си` w\т 
вся'кагw w=бстоя'нiя и= напа'стей и= бjь'дъ всебл~же'нне. 

W=блиста'лъ _е=си` добродjь'телей сiя'нiемъ всебога'те, 
подража'тель преизря'денъ своему` вл\дцjь бы'въ: сп~са'еши 
же призыва'емь, и=`же бл~гоговjь'нiемъ и= любо'вiю тя` 
сла'вящыя. 

Бг~оро'диченъ: На'йде на тя` вл\дка и= гд\сь воплоща'емь, и= 
сп~са'яй jа='кw бл~гоутро'бенъ всего' мя человjь'ка, тjь'мже 
зову' ти: ра'дуйся бц\де всенепоро'чная. 

Пjь'снь _е~. 

I=рмо'съ: Ты` гд\си мо'й, свjь'тъ въ мi'ръ прише'лъ _е=си`, 
свjь'тъ ст~ы'й, w=браща'яй и=з\ъ мра'чна невjь'дjьнiя, 
вjь'рою воспjьва'ющыя тя`. 

Лw'зы живw'тныя, процвjьта'ющя гро'здiе, напои'ша всjь'хъ 
вiна` мы'сленнагw весе'лiя, сла'внiи а=п\сли. 

Къ свjь'ту за'повjьдей бж~iихъ наста'вите, а=п\сли, и=`же во 
тьмjь` душе'внагw о_у=ны'нiя, безу'мнw пребыва'ющыя. 

И=зба'вите на'съ душе'вныхъ прегрjьше'нiй и= суда` 
бу'дущагw, и= тли`, и= бjь'дъ, а=п\сли бл~же'ннiи. 

Бг~оро'диченъ: Сп~си' мя бж~е jа='кw чл~вjьколю'бецъ, сп~си' 
мя мольба'ми неизрече'ннw тебе` роди'вшiя, и= всjь'хъ 
бж~е'ственныхъ а=п\слъ твои'хъ. 

И='нъ. 

I=рмо'съ: Просвjьще'нiе во тьмjь` лежа'щихъ, сп~се'нiе 
w\тча'янныхъ, хр\сте` сп~се мо'й, къ тебjь` о_у='тренюю 
цр~ю` ми'ра, просвjьти' мя сiя'нiемъ твои'мъ: и=но'гw бо 
ра'звjь тебе` бг~а не зна'ю. 

Бг~олjь'пнымъ житiе'мъ пребл~же'нне просвjьща'емь, 
w=сужд_е'нныя непра'веднымъ и=зрече'нiемъ о_у=мре'ти, 
предста'въ, и=зба'вилъ _е=си`, вл\дцjь хр\сту` зову'щыя: 
и=но'гw ра'звjь тебе` бг~а не зна'емъ. Два'жды.

На нб~сjь'хъ присносу'щную сла'ву ны'нjь зря`, и= 
неизглаго'ланныя и= бж~е'ственныя зари`, пресвjь'тлыми 
наслажда'яся сiя'нiи, покры'й мя` предста'тельствомъ твои'мъ 
прп\дбне, о_у=го'дниче хр\сто'въ всеч\стне. 

Бг~оро'диченъ: Да тво'й взы'щеши w='бразъ погребе'нный 
страстьми` сп~се, нб\сныхъ о_у=таи'вся си'лъ, вопло'щься w\т 
дв~ы, jа=ви'лся _е=си` тебjь` зову'щымъ: и=но'гw ра'звjь 
тебе` бг~а не зна'емъ. 

Пjь'снь s~.

I=рмо'съ: Пожру' ти со гла'сомъ хвале'нiя гд\си, цр~ковь 
вопiе'тъ ти`, w\т бjьсо'вскiя кро'ве w=чи'щшися, ра'ди 
мл\сти w\т ре'бръ твои'хъ и=сте'кшею кро'вiю. 

Па'стыря до'брагw бг~оизбра^нная _о=вча'та, разсjь^янная по 
мi'ру, волкw'въ вся'ко sвjь'рство во _о='вчую кро'тость 
вjь'рою преложи'ша. 

Бж~е'ственнагw рая` древеса` доброплw'дная, пре_окая'нныя 
души` моея` всенепло'дство во бл~гопло'дiе добродjь'тельнагw 
нра'ва преведи'те а=п\сли. 

О_у=я'звенъ бы'хъ сласте'й _о=ру'жiемъ, и= о_у=мро'хъ: и=`же 
w\т хр\ста` прiе'мше сла'внiи бл~года'ть воскреша'ти 
м_е'ртвыя, о_у=мерщвле'нную _о=кая'нную мою` ду'шу 
w=живи'те. 

Бг~оро'диченъ: О_у=толи` души` моея` свирjь'пую бу'рю, бж~е 
всjь'хъ ще'дрый, мольба'ми ро'ждшiя тя` бц\ды, а=п\слъ же и= 
мч~нкъ твои'хъ. 

И='нъ. 

I=рмо'съ: Въ бе'зднjь грjьхо'внjьй валя'яся, неизслjь'дную 
милосе'рдiя твоегw` призыва'ю бе'здну: w\т тли` бж~е мя` 
возведи`. 

И='же побjь'ды нiко'лае вjьне'цъ, на твое'мъ версjь` 
досто'йнw положи'ся: jа='кw побjьди'тель о_у='бw и=зря'денъ, 
тя` призыва'ющыя сп~си`. Два'жды. 

О_у=мерщвле'на мя` бл~же'нне прегрjьш_е'нiи, и= стра'стными 
треволне'нiи погружа'ема, jа='влься сп~си`, направля'я къ 
приста'нищу бж~е'ственныя во'ли. 

Бг~оро'диченъ: На тя` о_у=пова'нiе возложи'хъ, мт~и 
приснодв~о, сп~се'нiя моегw`: и= тя` предста'тельницу 
положи'хъ живота`, тве'рду и= непоколеби'му. 

Конда'къ, гла'съ в~: 

Тв_е'рдыя и= бг~овjьща^нныя проповjь'датели, ве'рхъ 
о_у=чени^къ твои'хъ гд\си, прiя'лъ _е=си` въ наслажде'нiе 
бл~ги'хъ твои'хъ и= поко'й: болjь^зни бо _о='нjьхъ и= 
сме'рть прiя'лъ _е=си`, па'че вся'кагw всепло'дiя, _е=ди'не 
свjь'дый серд_е'чная. 

I='косъ: О_у=ясни' ми я=зы'къ сп~се мо'й, разшири'въ ми` 
о_у=ста` и= и=спо'лнивъ я=`, о_у=мили` се'рдце мое`, да 
jа=`же глаго'лю, послjь'дую, и= jа=`же о_у=чу`, сотворю` 
пе'рвjье: вся'къ бо творя` и= о_у=чя`, рече`, се'й вели'къ 
_е='сть. а='ще бо глаго'ля не творю`, jа='кw мjь'дь 
звjьня'щая вмjьню'ся. тjь'мже глаго'лати ми` подw'бная, и= 
твори'ти пол_е'зная научи`, _е=ди'не свjь'дый серд_е'чная. 

Пjь'снь з~. 

I=рмо'съ: Въ пещи` а=враа'мстiи _о='троцы персi'дстjьй, 
любо'вiю бл~гоче'стiя па'че, не'жели пла'менемъ w=паля'еми 
взыва'ху: бл~гослове'нъ _е=си` въ хра'мjь сла'вы твоея` 
гд\си. 

Крjь'постiю всест~ы'я про'повjьди, неле'стнiи а=п\сли 
хр\стw'вы, пре'лести зи'му разруши'сте, и= просвjьти'сте 
бг~оразу'мiемъ вjь'рныхъ мудрова'нiе. 

Мv'ро бл~гоуха'нное и=сточа'юще всегда` бж~е'ственнiи 
о_у=ч~нцы`, мv'ра о_у='мнагw бл~гово'нiя притека'ющихъ къ 
ва'мъ и=спо'лните, и= sлосмра^дныя стра^сти w\тжени'те. 

Растлjь'вшаго мя` плотски'ми безмjь'стiи, сло'ва 
нетлjь'ннагw сла'внiи о_у=ч~нцы`, сп~си'те мя` пою'ща: 
бл~гослове'нъ _е=си` въ хра'мjь сла'вы твоея` гд\си. 

Бг~оро'диченъ: Ли'къ а='гг~льскiй, ли'къ мч~нкъ и= а=п\слъ 
твои'хъ, сло'ве, мо'лятъ всегда` мно'гое бл~гоутро'бiя 
твоегw` чл~вjьколю'бче: всjь'хъ о_у=ще'дри бц\дею, jа='кw 
бл~гоутро'бенъ. 

И='нъ. 

I=рмо'съ: W='бразу злато'му на по'лjь деи'рjь служи'му, 
трiе` твои` _о='троцы небрего'ша безбо'жнагw велjь'нiя: 
посредjь' же _о=гня` вве'ржени, w=роша'еми поя'ху: 
бл~гослове'нъ _е=си` бж~е _о=т_е'цъ на'шихъ. 

Во _о='строе и=скуше'нiе впадо'хъ лю'тjь подстрjька'емь, и= 
ко вратw'мъ а='да прибли'жихся, печа'льми о_у=даря'емь, 
сп~си' мя мл~твами твои'ми бл~же'нне, и= возста'ви пою'ща, 
бл~гослове'нъ бг~ъ _о=т_е'цъ на'шихъ. 

Незаходи'магw свjь'та невеще'ственными мо'лнiями 
w=блиста'емь, су'щыя во тьмjь` скорбе'й w=sло'бл_енныя 
и=схити`, и= къ просвjьще'нiю весе'лiя наста'ви пою'щыя: 
бл~гослове'нъ бг~ъ _о=т_е'цъ на'шихъ. 

Бг~оро'диченъ: Моли` хр\ста`, сн~а твоего` и= бг~а, 
бг~ороди'тельнице, прода^ннымъ лю'тыми прегрjьше'ньми и= 
лестьми` sмiи'ными, кро'вiю _е=гw` ч\стно'ю и=зба'витися 
пою'щымъ: бл~гослове'нъ _е=си` бж~е _о=т_е'цъ на'шихъ. 

Пjь'снь и~. 

I=рмо'съ: Ру'цjь распросте'ръ данiи'лъ, львw'въ зiя^нiя въ 
ро'вjь затче`: _о='гненную же си'лу о_у=гаси'ша, 
добродjь'телiю препоя'савшеся, бл~гоче'стiя рачи'тели 
_о='троцы взыва'юще: бл~гослови'те вся^ дjьла` гд\сня гд\са. 

О_у=ста` _о=гнедохнов_е'нная хр\стw'ва, jа=`же бездв_е'рная 
о_у=ста` загради'вше, и= сп~си'тельное проповjь'данiе 
повсю'ду разсjь'явше, w\т о_у='стъ во'лка мы'сленнагw 
и=зба'висте вопiю'щыя: вся^ дjьла` гд\са по'йте, и= 
превозноси'те _е=го` во вся^ вjь'ки. 

Воструби'те _о='крестъ моея` о_у=мерщвле'нныя души`, 
бл~гогла'снiи трубы^ хр\стw'вы, а=п\сли сла'внiи: и= w\т 
гро'ба w\тча'янiя и= о_у=ны'нiя лю'тагw сiю` воздви'гните, 
во _е='же пjь'ти: вся^ дjьла` гд\са по'йте, и= превозноси'те 
_е=го` во вся^ вjь'ки. 

Мене`, зако'ны твоя^ хр\сте` попра'вшаго, о_у=ма` 
развраще'нiемъ: мене` вл\дко блу'днаго, во глубину` 
попо'лзшася, и= _о=бы'чаю лука'вому при'снw рабо'тающа, не 
пре'зри о_у=ч~нкw'въ твои'хъ мольба'ми. 

Бг~оро'диченъ: Мр~i'е, гп\сже` вся'ческихъ, w=блада'ема мя` 
w\т sмi'я, и= согрjьша'юща всегда`, свободи` мл~твами 
твои'ми, и= порабо'ти хр\сту` въ житiи` чи'стjь, 
воспjьва'ти: вся^ дjьла` гд\са по'йте, и= превозноси'те 
_е=го` во вся^ вjь'ки. 

И='нъ. 

I=рмо'съ: Въ пе'щь _о='гненную ко _о=трокw'мъ _е=вр_е'йскимъ 
снизше'дшаго, и= пла'мень въ ро'су прело'жшаго бг~а, по'йте 
дjьла` jа='кw гд\са, и= превозноси'те во вся^ вjь'ки. 

Jа='кw бл~гъ и= мл\срдъ, и=`же во глубинjь` напа'стей 
w=держи^мыя свободи` бл~же'нне, содержа'щихъ лю'тыхъ 
[нiко'лае] разрjьше'нiе подая` мл~твами твои'ми, jа=`же ко 
сп~су хр\сту`, сщ~еннотаи'нниче. Два'жды. 

Таи'нникъ и='же па'че о_у=ма`, ст~ы'хъ служи'тель, и= 
нб\сныхъ сы'й бг~ому'дре, а=рхiере'й же вjь'ренъ: 
прегрjьше'нiй w=ставле'нiя проси` w\т сп~са на'шегw, 
сщ~енноявле'нне. 

Бг~оро'диченъ: И=знемога'етъ мо'й ны'нjь о_у='мъ, во 
глубины^ впа'дъ безче'стiя, jа='кw w\твсю'ду разли'чными 
w=б\ъя'тъ _е='смь sлы'ми: но ты` дв~о и=сцjьли`, 
безстра'стiя свjь'томъ w=дjьва'ющи. 

Пjь'снь f~.

I=рмо'съ: Ка'мень нерукосjь'чный w\т несjько'мыя горы` тебе` 
дв~о, краеуго'льный w\тсjьче'ся: хр\сто'съ, совокупи'вый 
разстоя^щаяся _е=ст_ества`. тjь'мъ веселя'щеся, тя` бц\де 
велича'емъ. 

Ка'менiе и=збра'нное, положе'ннагw во главу` о_у='гла 
ка'мене, созда'сте всjь'хъ вjь'рныхъ сердца`, ка'менемъ 
вjь'ры вра^жiя созда^нiя а=п\сли разве'ргшiи. 

Рjьши'ти и= вяза'ти w\т хр\ста` прiе'мше вла'сть, 
разрjьши'те sw'лъ мои'хъ соу'зъ, и= къ любви` бж~iей 
привяжи'те, и= цр\ствiя прича'стника бж~е'ственнагw 
содjь'лайте а=п\сли. 

Бж~е'ственнiи вл\дки _о='блацы, и=зсо'хшее мое` се'рдце 
вся'кимъ лука'вымъ дjья'нiемъ, бж~е'ственными ту'чами ны'нjь 
напо'йте, и= плодоно'сно покажи'те, а=п\сли бг~обл~же'ннiи. 

Бг~оро'диченъ: Со ст~ы'ми а='гг~лы, съ бж~е'ственными 
а=п\слы, съ сла'вными мч~нки, твоего` моли` сн~а и= гд\са 
бг~ороди'тельнице преч\стая, w\т бjь'дъ и=зба'вити ду'шы 
на'шя. 

И='нъ. 

I=рмо'съ: Безнача'льна роди'теля сн~ъ, бг~ъ и= гд\сь, 
вопло'щься w\т дв~ы на'мъ jа=ви'ся, w=мрач_е'нная 
просвjьти'ти, собра'ти расточ_е'нная. тjь'мъ всепjь'тую 
бц\ду велича'емъ. 

Свjьща'ми бл~года'ти бг~ому'дре просвjьща'емь, и= 
свjьти'льникъ бл~гоче'стiя jа='вjь бы'въ, су'щыя въ 
напа'стехъ сп~са'еши, и= и=`же во глубинjь` морстjь'й 
и=збавля'еши, и= пита'еши а='лчущыя пресла'внw всебл~же'нне. 
Два'жды. 

Jа='кw въ раи` пи'щи ны'нjь водворя'емь, и= неизрече'нную 
сла'ву jа='снw зря`, w\т нб\сныхъ кру^гъ пjьвцы` твоя^ 
назира'еши, w\т страсте'й и=збавля'я, бг~оно'се 
всебл~же'нне. 

Бг~оро'диченъ: Прему'рость и= си'лу и= сло'во v=поста'сное 
_о='ч~ее, бг~омт~и ч\стая, родила` _е=си` w\т твои'хъ 
преч\стыхъ крове'й, сво'й хра'мъ прiи'мшую, и= сему` по 
соедине'нiю соедини'вшуюся нераздjь'льнw.