Богослужебные тексты

<::лат>  OCR:

<::рус>  Библиотека святоотеческой литературы

<::лат>  http://orthlib.ru

<::слав>

О_у=ка'зъ, ка'кw подоба'етъ глаго'лати w\тпу'сты во 
вл\дчни пра'здники, и= бг~ома'тере, и= во все` лjь'то.

Вjь'домо же да бу'детъ тебjь` w= се'мъ, i=ере'ю: 
_е=гда` w\тпу'стъ глаго'леши дневны'й, и=ли` на 
пра'здникъ бц\ды, да не и='маши глаго'лати въ не'мъ: 
хр\сто'съ и='стинный бг~ъ на'шъ, мл~твами преч\стыя 
своея` мт~ре, честна'гw и= сла'внагw _е=я` рж\ства`, 
и=ли` о_у=спе'нiя, и=ли` введе'нiя, и= и=ны'хъ 
пра'здникwвъ _е=я`: и=ли` ст~а'гw i=wа'нна предте'чи 
рождества`, и=ли` о_у=сjькнове'нiя, и= про'чихъ ст~ы'хъ 
па'мяти и=ли` преставле'нiя и='хъ, и=ли` w=брjь'тенiя, и= 
пренесе'нiя моще'й. Но си'це глаго'ли, а='ще пра'здникъ 
бц\ды, рж\ства` _е=я` и=ли` о_у=спе'нiя, и= про'чихъ:

Хр\сто'съ и='стинный бг~ъ на'шъ, мл~твами преч\стыя 
своея` мт~ре, и= всjь'хъ ст~ы'хъ, поми'луетъ и= спасе'тъ 
на'съ, jа='кw бл~гъ и= человjьколю'бецъ.

А='ще же ст~а'гw: Хр\сто'съ и='стинный бг~ъ на'шъ, 
моли'твами пречи'стыя своея` мт~ре, и= ст~а'гw 
а=по'стола, [и=ли` ст~и'теля, и=ли` му'ченика,] и='м\ркъ, 
и= всjь'хъ ст~ы'хъ: и= про'чее до конца`.

Поне'же не рж\ство` бц\ды, ниже` введе'нiе, и=ли` 
о_у=спе'нiе _е=я`, подвиза'емъ къ бг~у на моли'тву, но 
са'мую прест~у'ю бц\ду: та'кожде, ни па^мяти, и=ли` 
преставл_е'нiя ст~ы'хъ приво'димъ на мл~тву къ бг~у, но 
самjь'хъ и=`хъ.



W\тпу'сты вл\дчнихъ пра'здниковъ

глаго'лемiи въ вече'рню, во о_у='треню, и= въ 
лiтургi'ю по чи'ну.

На рж\ство` хр\сто'во:

И='же въ верте'пjь роди'выйся, и= въ jа='слехъ 
возлегi'й, на'шегw ра'ди спасе'нiя, хр\сто'съ и='стинный 
бг~ъ на'шъ: и= про'чее до конца`.

На w=брjь'занiе:

И='же во _о=смы'й де'нь пло'тiю w=брjь'затися 
и=зво'ливый, на'шегw ра'ди спасе'нiя, хр\сто'съ 
и='стинный:

На бг~оявле'нiе:

И='же во i=_орда'нjь крести'тися и=зво'ливый w\т 
i=wа'нна, на'шегw ра'ди спасе'нiя, хр\сто'съ и='стинный:

На срjь'тенiе:

И='же во w=б\ъя'тiихъ прв\днагw сv"меw'на носи'тися 
и=зво'ливый, на'шегw ра'ди спасе'нiя, хр\сто'съ 
и='стинный:

На преwбраже'нiе:

И='же на горjь` fавw'рстjьй преwбрази'выйся во 
сла'вjь, пред\ъ ст~ы'ми свои'ми о_у=ченики` и= а=п\слы, 
хр\сто'съ и='стинный:

Въ недjь'лю цвjьтну'ю:

И='же на жребя'ти _о='сли сjь'сти и=зво'ливый, на'шегw 
ра'ди спасе'нiя, хр\сто'съ и='стинный:

Въ ту' же недjь'лю ве'чера:

Гряды'й гд\сь на во'льную стр\сть, на'шегw ра'ди 
спасе'нiя, хр\сто'съ и='стинный:

Въ вели'кiй четверто'къ:

И='же за превосходя'щую бла'гость пу'ть добрjь'йшiй 
смире'нiя показа'вый, внегда` о_у=мы'ти но'ги 
о_у=ченикw'въ, да'же и= до кр\ста` и= погребе'нiя 
снизше'дый на'мъ, хр\сто'съ и='стинный:

Во w\тпу'стъ ст~ы'хъ стр\сте'й:

И='же w=плева^нiя, и= бi_е'нiя, и= зауш_е'нiя, и= 
кр\стъ, и= сме'рть претерпjь'вый за спасе'нiе мi'ра, 
хр\сто'съ и='стинный:

Во ст~ы'й и= вели'кiй пято'къ:

И='же на'съ ра'ди человjь'кwвъ и= на'шегw ра'ди 
спасе'нiя стра^шныя стр\сти и= животворя'щiй кр\стъ, и= 
во'льное погребе'нiе пло'тiю и=зво'ливый, хр\сто'съ 
и='стинный:

Въ недjь'лю па'схи, и= во всю` свjь'тлую седми'цу:

Хр\сто'съ воскресы'й и=з\ъ ме'ртвыхъ, сме'ртiю сме'рть 
попра'вый, и= су'щымъ во гробjь'хъ живо'тъ дарова'вый, 
и='стинный бг~ъ на'шъ:

На вознесе'нiе:

И='же во сла'вjь вознесы'йся w\т на'съ на не'бо, и= 
w=десну'ю сjьды'й бг~а и= _о=ц~а`, хр\сто'съ и='стинный:

Въ недjь'лю пятдеся'тную:

И='же въ видjь'нiи _о='гненныхъ я=зы^къ съ нб~се` 
низпосла'вый прест~а'го дх~а, на ст~ы^я своя^ о_у=ченики` 
и= а=п\слы, хр\сто'съ и='стинный:

Въ ту' же недjь'лю ве'чера:

И='же w\т _о='ч~ихъ и= бж~е'ственныхъ нjь'дръ 
и=стощи'вый себе`, и= съ нб~се` на зе'млю соше'дый, и= 
на'ше все` воспрiе'мый _е=стество`, и= w=божи'вый _е=`, 
по си'хъ же на нб~са` па'ки возше'дый, и= w=десну'ю 
сjьды'й бг~а и= _о=ц~а`, бж~е'ственнаго же и= ст~а'го, и= 
_е=диносу'щнаго, и= _е=диноси'льнаго, и= 
_е=диносла'внаго, и= соприсносу'щнаго дх~а низпосла'вый 
на ст~ы^я своя^ о_у=ченики` и= а=п\слы, и= си'мъ 
просвjьти'вый о_у='бw и=`хъ, тjь'ми же всю` вселе'нную, 
хр\сто'съ и='стинный бг~ъ на'шъ, мл~твами пречи'стыя и= 
пренепоро'чныя ст~ы'я своея` мт~ре, ст~ы'хъ сла'вныхъ, 
прехва'льныхъ бг~опроповjь'дникwвъ и= дх~оно'сныхъ 
а=п\слwвъ, и= всjь'хъ ст~ы'хъ, поми'луетъ и= спасе'тъ 
на'съ, jа='кw бл~гъ и= чл~вjьколю'бецъ.



W\тпу'сты дневнi'и

во всю` седми'цу, по _о=бы'чаю ст~ы^я восто'чныя 
цр~кве.

Въ суббw'ту ве'чера:

Хр\сто'съ и='стинный бг~ъ на'шъ, моли'твами преч\стыя 
своея` мт~ре, ст~ы'хъ сла'вныхъ и= всехва'льныхъ а=п\слъ: 
[и= ст~а'гw, _е=гw'же _е='сть хра'мъ, и= ст~а'гw, 
_е=гw'же _е='сть де'нь:] ст~ы'хъ прв\дныхъ бг~о_оц~ъ 
i=wакi'ма и= а='нны, и= всjь'хъ ст~ы'хъ, поми'луетъ и= 
спасе'тъ на'съ, jа='кw бл~гъ и= человjьколю'бецъ.

Въ недjь'лю о_у='трени:

Воскресы'й и=з\ъ ме'ртвыхъ хр\сто'съ и='стинный бг~ъ 
на'шъ, моли'твами преч\стыя своея` мт~ре, ст~ы'хъ 
сла'вныхъ и= всехва'льныхъ а=п\слъ: и= прw'чая, jа='коже 
вы'ше пи'сано.

Во ст~jь'й лiтургi'и w\тпу'стъ то'йже, jа='коже и= на 
о_у='трени, приглаша'етъ же и= ст~а'го, _е=гw` быва'етъ 
лiтургi'а, златоу'стагw, и= васi'лiа вели'кагw.

Въ недjь'лю ве'чера, и= въ понедjь'льникъ на 
о_у='трени:

Хр\сто'съ и='стинный бг~ъ на'шъ, мл~твами преч\стыя 
своея` мт~ре, предста'тельствы честны'хъ нб\сныхъ си'лъ 
безпло'тныхъ: ст~ы'хъ сла'вныхъ и= всехва'льныхъ а=п\слъ, 
[и= ст~ы'хъ хра'ма, и= дне`:] и= ст~ы'хъ пра'ведныхъ 
бг~о_оц~ъ i=wакi'ма и= а='нны, и= всjь'хъ ст~ы'хъ, 
поми'луетъ и= спасе'тъ на'съ, jа='кw бл~гъ и= 
человjьколю'бецъ.

Въ понедjь'льникъ ве'чера, и= во вто'рникъ на 
о_у='трени:

Хр\сто'съ и='стинный бг~ъ на'шъ, моли'твами пречи'стыя 
своея` мт~ре, честна'гw сла'внагw проро'ка, предте'чи и= 
крести'теля i=wа'нна, ст~ы'хъ сла'вныхъ и= всехва'льныхъ 
а=по'стwлъ: и= прw'чая.

Во вто'рникъ ве'чера, и= въ сре'ду на о_у='трени:

Хр\сто'съ и='стинный бг~ъ на'шъ, моли'твами пречи'стыя 
своея` мт~ре, си'лою честна'гw и= животворя'щагw кр\ста`, 
ст~ы'хъ сла'вныхъ и= всехва'льныхъ а=по'стwлъ: и= 
прw'чая.

Въ сре'ду ве'чера, и= въ четверто'къ на о_у='трени:

Хр\сто'съ и='стинный бг~ъ на'шъ, моли'твами пречи'стыя 
своея` мт~ре, ст~ы'хъ сла'вныхъ и= всехва'льныхъ 
а=по'стwлъ, и='же во святы'хъ _о=ц~а` на'шегw нiкола'а 
а=рхiепi'скопа, мv"рлv"кi'йскагw чудотво'рца: и= прw'чая.

Въ четверто'къ ве'чера, и= въ пято'къ на о_у='трени:

Хр\сто'съ и='стинный бг~ъ на'шъ, моли'твами пречи'стыя 
своея` мт~ре, си'лою честна'гw и= животворя'щагw кр\ста`, 
ст~ы'хъ сла'вныхъ и= всехва'льныхъ а=по'стwлъ: и= 
прw'чая.

Въ пято'къ ве'чера, и= въ суббw'ту на о_у='трени:

Хр\сто'съ и='стинный бг~ъ на'шъ, моли'твами пречи'стыя 
своея` мт~ре, ст~ы'хъ сла'вныхъ и= всехва'льныхъ 
а=по'стwлъ, ст~ы'хъ сла'вныхъ и= добропобjь'дныхъ 
му'ченикwвъ, прп\дбныхъ и= бг~оно'сныхъ _о=ц~ъ на'шихъ, 
[и= ст~а'гw хра'ма и= дне`,] ст~ы'хъ пра'ведныхъ 
бг~о_оц~ъ i=wакi'ма и= а='нны, и= всjь'хъ ст~ы'хъ, 
поми'луетъ и= спасе'тъ на'съ, jа='кw бл~гъ и= 
человjьколю'бецъ.

А= во всю` седми'цу на ст~jь'й лiтургi'и быва'ютъ 
w\тпу'сты, jа='коже предписа'ся, на вече'рни и= на 
о_у='трени по дне'хъ: то'чiю прилага'ется и= ст~а'гw 
и='мя, _е=гw'же _е='сть лiтургi'а, си'це:

И='же во ст~ы'хъ _о=ц~а` на'шегw i=wа'нна, 
а=рхiеп\скпа кwнстантi'ня гра'да, златоу'стагw [и=ли` 
вели'кагw васi'лiа, и=ли` григо'рiа двоесло'ва.]

А= въ повече'рiи, и= въ полу'нощницjь, и= въ часjь'хъ, 
ма'лый w\тпу'стъ быва'етъ во все'й седми'цjь, си'це:

Хр\сто'съ и='стинный бг~ъ на'шъ, мл~твами преч\стыя 
своея` мт~ре, преподо'бныхъ и= бг~оно'сныхъ _о=ц~ъ 
на'шихъ, и= всjь'хъ ст~ы'хъ, поми'луетъ и= спасе'тъ 
на'съ, jа='кw бл~гъ и= человjьколю'бецъ.

То'чiю въ недjь'лю на полу'нощницjь и= въ часjь'хъ 
прилага'ется въ нача'лjь: Воскресы'й и=з\ъ ме'ртвыхъ:

Въ пято'къ ве'чера, и= въ суббw'ту на о_у='трени, и= 
на лiтургi'и, не подоба'етъ возглаша'ти на w\тпу'стjь: 
Си'лою честна'гw и= животворя'щагw кр\ста`: зане` въ то'й 
де'нь кр\сту` слу'жбы никакi'я нjь'сть. Въ кото'рый бо 
де'нь воспомина'нiе и= слу'жба честна'гw кр\ста` 
быва'етъ, тогда` и= по'стъ _е='сть: jа='коже въ средjь` 
и= въ пятцjь`, и= въ воздви'женiе честна'гw кр\ста`, 
подо'бнjь и= въ недjь'лю во w\тпу'стjь, кр\ста` не 
воспомина'ется, зане` не по'стный де'нь _е='сть: си'це 
держи'тъ чи'нъ и= _о=бы'чай ст~а'я восто'чная цр~ковь, во 
всjь'хъ патрiархi'ахъ, и= ст~ы'хъ _о=би'телехъ, и= 
повсю'ду. Вjь'домо бу'ди и= w= се'мъ: jа='кw и=дjь'же 
_е='сть хра'мъ сп~са хр\ста`, рж\ство`, и=ли` 
бг~оявле'нiе, и=ли` вознесе'нiе, и= прw'чая, въ 
седми'чномъ w\тпу'стjь не возглаша'ются никогда` 
пра'здничныя w\тпу'сты, то'чiю возглаша'ется пра'здничный 
w\тпу'стъ въ де'нь пра'здника, и= до w\тда'нiя: а= во 
ве'сь го'дъ то'кмw, Хр\сто'съ и='стинный бг~ъ на'шъ: и= 
прw'чая по дню`.