Богослужебные тексты

<::лат>  OCR:

<::рус>  Библиотека святоотеческой литературы

<::лат>  http://orthlib.ru

<::слав>

[гл\ва г~_i] Послjь'дованiе ст~а'гw _е=ле'а,

пjьва'емое w\т седми` сщ~е'нникwвъ, собра'вшихся въ 
цр~кви и=ли` въ дому`. Поставля'ется столе'цъ, на не'мже 
блю'до со пшени'цею, и= верху` пшени'цы канди'ло 
пра'здное. _о='крестъ же пшени'цы водружа'ютъ во пшени'цу 
се'дмь струч_е'цъ w=бви'тыхъ бума'гою къ пома'занiю, и= 
ст~о'е _е=v\глiе: и= даю'тся сщ~е'нникwмъ всjь'мъ 
свjьщы`. Ста'вше же _о='крестъ стола`, w=блече'ни вси` въ 
фелw'ни: взе'млетъ пе'рвый сщ~е'нникwвъ кади'льницу съ 
fv"мiа'момъ, и= кади'тъ _о='крестъ стола` _е=ле'й на 
не'мъ су'щiй, и= всю` цр~ковь, и=ли` до'мъ, и= лю'ди: и= 
ста'въ пред\ъ столо'мъ, зря` къ восто'кwмъ, начина'етъ: 
Бл~гослове'нъ бг~ъ на'шъ: И= трист~о'е. Прест~а'я тр\оце: 
_О='ч~е на'шъ: Jа='кw твое` _е='сть цр\ство: Гд\си 
поми'луй, в~_i.

Прiиди'те поклони'мся: три'жды.

И= _псало'мъ рм~в:

Гд\си, о_у=слы'ши мл~тву мою`, внуши` моле'нiе мое` во 
и='стинjь твое'й, о_у=слы'ши мя` въ пра'вдjь твое'й. И= 
не вни'ди въ су'дъ съ рабо'мъ твои'мъ, jа='кw не 
w=правди'тся пред\ъ тобо'ю вся'къ живы'й. Jа='кw погна` 
вра'гъ ду'шу мою`, смири'лъ _е='сть въ зе'млю живо'тъ 
мо'й: посади'лъ мя` _е='сть въ те'мныхъ, jа='кw м_е'ртвыя 
вjь'ка. И= о_у=ны` во мнjь` ду'хъ мо'й, во мнjь` смяте'ся 
се'рдце мое`. Помяну'хъ дни^ др_е'внiя: поучи'хся во 
всjь'хъ дjь'лjьхъ твои'хъ, въ творе'нiихъ руку` тво_е'ю 
поуча'хся. Воздjь'хъ къ тебjь` ру'цjь мои`, душа` моя` 
jа='кw земля` безво'дная тебjь`. Ско'рw о_у=слы'ши мя` 
гд\си, и=счезе` ду'хъ мо'й: не w\тврати` лица` твоегw` 
w\т мене`, и= о_у=подо'блюся низходя'щымъ въ ро'въ. 
Слы'шану сотвори` мнjь` зау'тра мл\сть твою`, jа='кw на 
тя` о_у=пова'хъ: скажи` мнjь` гд\си пу'ть, во'ньже 
пойду`, jа='кw къ тебjь` взя'хъ ду'шу мою`. И=зми' мя w\т 
вра^гъ мои'хъ гд\си, къ тебjь` прибjьго'хъ. Научи' мя 
твори'ти во'лю твою`, jа='кw ты` _е=си` бг~ъ мо'й: дх~ъ 
тво'й бл~гi'й наста'витъ мя` на зе'млю пра'ву. И='мене 
твоегw` ра'ди, гд\си, живи'ши мя`: пра'вдою твое'ю 
и=зведе'ши w\т печа'ли ду'шу мою`. И= мл\стiю твое'ю 
потреби'ши враги` моя^, и= погуби'ши вся^ стужа'ющыя 
души` мое'й: jа='кw а='зъ ра'бъ тво'й _е='смь.

Сла'ва, и= ны'нjь: А=ллилу'iа, три'жды.

Дiа'конъ же _е=ктенiю`:

Па'ки и= па'ки ми'ромъ гд\су помо'лимся.

Заступи`, сп~си`, поми'луй:

Прест~у'ю, преч\стую, пребл~гослове'нную:

Сщ~е'нникъ: Jа='кw подоба'етъ тебjь`:

Ли'къ: А=ми'нь.

А='бiе же пою'тъ, А=ллилу'iа, на гла'съ s~.

Стi'хъ а~: Гд\си, да не jа='ростiю твое'ю w=бличи'ши 
мене`, ниже` гнjь'вомъ твои'мъ нака'жеши мене`.

Стi'хъ в~: Поми'луй мя` гд\си, jа='кw не'мощенъ 
_е='смь.

Та'же тропари`:

Поми'луй на'съ гд\си, поми'луй на'съ, вся'кагw бо 
w\твjь'та недоумjь'юще, сiю' ти мл~тву jа='кw вл\дцjь 
грjь'шнiи прино'симъ: поми'луй на'съ.

Сла'ва: Гд\си поми'луй на'съ, на тя' бо о_у=пова'хомъ, 
не прогнjь'вайся на ны` sjьлw`, ниже` помяни` беззако'нiй 
на'шихъ: но при'зри и= ны'нjь jа='кw бл~гоутро'бенъ, и= 
и=зба'ви ны` w\т врагw'въ на'шихъ. ты' бо _е=си` бг~ъ 
на'шъ, и= мы` лю'дiе твои`, вси` дjьла` руку` тво_е'ю, и= 
и='мя твое` призыва'емъ.

И= ны'нjь: Мл\срдiя дв_е'ри w\тве'рзи на'мъ 
бл~гослове'нная бц\де, надjь'ющiися на тя` да не 
поги'бнемъ, но да и=зба'вимся тобо'ю w\т бjь'дъ: ты' бо 
_е=си` сп~се'нiе ро'да хр\стiа'нскагw.

Посе'мъ _Псало'мъ н~: Поми'луй мя` бж~е:

И= канw'нъ, _е=гw'же краестро'чiе: Мл~тва _е=ле'а, 
пjь'нiе а=рсе'нiево. Гла'съ д~:

Пjь'снь а~.

I=рмо'съ: Мо'ря чермну'ю пучи'ну, невла'жными 
стопа'ми, дре'внiй пjьшеше'ствовавъ i=и~ль, 
кр\стоwбра'зныма мwv"се'овыма рука'ма, а=мали'кову си'лу 
въ пусты'ни побjьди'лъ _е='сть.

_Е=ле'емъ бл~гоутро'бiя вл\дко, о_у=тjьша'яй при'снw 
ду'шы, ку'пнw и= тjьлеса` человjь'ч_еская, и= храня'й 
_е=ле'емъ вjь^рныя: са'мъ и= ны'нjь о_у=ще'дри _е=ле'емъ 
приступа'ющыя къ тебjь`.

Твоея` мл\сти вл\дко, полна` _е='сть вся` земля`: 
тjь'мже _е=ле'емъ бж~е'ственнымъ твои'мъ ч\стны'мъ 
помазу'еми дне'сь, _е='же па'че о_у=ма` твое'й мл\сти, 
вjь'рнw про'симъ тя`, пода'тися на'мъ.

Сла'ва: Пома'занiе свяще'нное твое` чл~вjьколю'бче, 
а=п\столwмъ твои^мъ на немощству'ющыя рабы^ твоя^ 
соверша'ти мл\стивнw заповjь'давый: тjь'хъ мольба'ми вся^ 
печа'тiю твое'ю поми'луй.

И= ны'нjь: _Е=ди'на ми'ра пучи'ну ч\стая ро'ждшая, 
jа='же къ бг~у мл~твами твои'ми при'снw, неду'гwвъ и= 
скорбе'й твоего` раба` и=зба'ви, jа='кw да непреста'ннw 
возвели'читъ тя`.

Пjь'снь г~.

I=рмо'съ: Весели'тся w= тебjь` цр~ковь твоя` хр\сте`, 
зову'щи: ты` моя` крjь'пость гд\си, и= прибjь'жище и= 
о_у=твержде'нiе.

Ты` _е=ди'нъ сы'й ди'вный въ человjь'цjьхъ вjь'рныхъ, 
мл\стивый, боля'щему лю'тjь, да'ждь хр\сте` бл~года'ть 
твою` свы'ше.

_Е=ле'йный суче'цъ и=ногда`, ко о_у=мале'нiю пото'па, 
бж~е'ственнымъ твои'мъ показа'вый манове'нiемъ гд\си, 
сп~си` мл\стiю стра'ждущаго.

Сла'ва: Свjьще'ю бж~е'ственнагw свjь'та, въ мл\сти 
твое'й хр\сте` просвjьти` пома'занiемъ, и= ны'нjь вjь'рою 
къ мл\сти твое'й тща'щагося.

И= ны'нjь: При'зри бл~гопрiя'тнw ма'ти всjь'хъ творца` 
свы'ше, и= го'рькое w=sлобле'нiе разрjьши` неду'гующагw, 
мл~твами твои'ми.

Сjьда'ленъ, гла'съ и~.

Подо'бенъ: Па'стырская свирjь'ль:

Jа='кw бж~е'ственная рjька` мл\сти сы'й, jа='кw 
бе'здна мно'гагw мл\срдiя ще'дре, покажи` твоея` мл\сти 
бж~е'ств_енныя струи^, и= всjь'хъ и=сцjьли`: и=сточи` 
чуде'съ и=сто'чники незави'стнw, и= w=мы'й всjь'хъ: къ къ 
тебjь' бо при'снw притека'юще, те'плjь бл~года'ть 
и=спроша'емъ.

Другi'й, гла'съ д~. Подо'бенъ: Вознесы'йся:

Врачу` и= помо'щниче су'щихъ въ болjь'знехъ, 
и=зба'вителю же и= сп~се су'щихъ въ неду'зjьхъ: са'мъ 
всjь'хъ вл\дко и= гд\си, да'руй и=сцjьле'нiе неду'гующему 
рабу` твоему`, о_у=ще'дри, поми'луй многопрегрjьши'вшаго, 
и= прегрjьше'нiй и=зба'ви хр\сте`, jа='кw да сла'витъ 
бж~е'ственную си'лу твою`.

Пjь'снь д~.

I=рмо'съ: Вознесе'на тя` ви'дjьвши цр~ковь на 
кр\стjь`, сл~нце пра'ведное, ста` въ чи'нjь свое'мъ, 
досто'йнw взыва'ющи: сла'ва си'лjь твое'й гд\си.

Jа='кw нетлjь'нное мv'ро сп~се сы'й, и=стощи'вшееся 
твое'ю бл~года'тiю, и= мi'ръ w=чища'ющее, о_у=ще'дри и= 
поми'луй бж~е'ственнjь, вjь'рою стру'пы тjьл_е'сныя 
помазу'ющагw.

Ти'хостiю печа'ти твоея` мл\сти, ны'нjь чу^вствiя 
вл\дко зна'менавъ твои'хъ рабw'въ, непреходи'мь, 
непристу'пенъ вхо'дъ сотвори` всjь^мъ сопроти^внымъ 
си'ламъ.

Сла'ва: Призыва'ти повелjьва'яй немощству'ющымъ 
сщ~еннодjьйстви'тели бж~е'ственныя твоя^, и= си'хъ 
мл~твою и= пома'занiемъ _е=ле'а твоегw` чл~вjьколю'бче 
сп~са'тися, сп~си` твое'ю мл\стiю стра'ждущаго.

И= ны'нjь: Бц\де приснодв~о прест~а'я, покро'ве 
крjь'пкiй и= храни'тельнице, приста'нище же и= стjьно`, 
лjь'ствице и= предгра'дiе, поми'луй, о_у=ще'дри 
боля'щаго, къ тебjь' бо и= _е=ди'ной прибjьже`.

Пjь'снь _е~.

I=рмо'съ: Ты`, гд\си мо'й, свjь'тъ въ мi'ръ прише'лъ 
_е=си`, свjь'тъ ст~ы'й, w=браща'яй и=з\ъ мра'чна 
невjь'дjьнiя, вjь'рою воспjьва'ющыя тя`.

Сы'й бл~же, мл\сти бе'здна, поми'луй мл\стиве твое'ю 
бж~е'ственною мл\стiю стра'ждущаго, jа='кw 
бл~гоутро'бенъ.

Ду'шы на'шя хр\сте` и= тjьлеса`, свы'ше печа'ти твоея` 
бж~е'ственнымъ воwбраже'нiемъ w=святи'въ несказа'ннw, 
руко'ю твое'ю всjь'хъ и=сцjьли`.

Сла'ва: Неизрече'нною твое'ю любо'вiю пребл~гi'й 
гд\си, прiи'мый блудни'цею су'щее w\т мv'ра пома'занiе, 
о_у=ще'дри раба` твоего`.

И= ны'нjь: Всепjь'тая, ч\стая, пребл~га'я вл\дчце, 
поми'луй бж~е'ственнымъ помазу'ющихся _е=ле'емъ, и= 
сп~си` раба` твоего`.

Пjь'снь s~.

I=рмо'съ: Пожру` ти` со гла'сомъ хвале'нiя гд\си, 
цр~ковь вопiе'тъ ти`, w\т бjьсо'вскiя кро'ве w=чи'щшися, 
ра'ди мл\сти w\т ре'бръ твои'хъ и=сте'кшею кро'вiю.

Словесы` твои'ми, _е=ле'емъ показа'вый чл~вjьколю'бче, 
въ царjь'хъ пома'занiе, и= а=рхiере'и сiе` соверши'вый: 
печа'тiю твое'ю и= стра'ждущаго сп~си`, jа='кw 
бл~гоутро'бенъ.

Прiwбще'нiе да не w\т го'рькихъ бjьсw'въ прико'снется, 
пома'занiемъ бж~е'ственнымъ зна'менаному сп~се чу'вствы: 
но покро'вомъ w=бстjьни` сего` сла'вы твоея`.

Сла'ва: Пода'ждь ру'ку твою` съ высоты` 
чл~вjьколю'бче, и= тво'й _е=ле'й сп~се w=ст~и'въ, 
пода'ждь рабу` твоему` на здра'вiе, и= неду'гwвъ всjь'хъ 
на и=збавле'нiе.

И= ны'нjь: Jа=ви'лася _е=си` въ бж~е'ственномъ твое'мъ 
хра'мjь плодови'тая, мт~и творца`, ма'слина, _е='юже 
и=спо'лненъ jа=ви'ся мi'ръ мл\сти: тjь'мже сп~са'й 
мл~твами w=сяза'нiя твоегw` стра'ждущаго.

Конда'къ, гла'съ в~.

Подо'бенъ: Вы'шнихъ и=щя`.

Мл\сти и=сто'чникъ сы'й пребл~гi'й, вjь'рою те'плою къ 
мл\сти неизрече'нной твое'й припа'дающыя бл~гоутро'бне, 
w\т вся'кагw и=зба'ви w=sлобле'нiя, и= тjь'хъ неду'ги 
взе'мъ, пода'ждь бж~е'ственную бл~года'ть свы'ше.

Пjь'снь з~.

I=рмо'съ: Въ пещи` а=враа'мстiи _о='троцы 
персi'дстjьй, любо'вiю бл~гоче'стiя па'че, не'жели 
пла'менемъ w=паля'еми, взыва'ху: бл~гослове'нъ _е=си` въ 
хра'мjь сла'вы твоея` гд\си.

Ты` въ мл\сти и= щедро'тахъ твои'хъ сп~се, _е=ди'не 
бж~е, всjь'хъ и=сцjьля'яй, стра^сти же душ_е'вныя, и= 
тjьл_е'сная сокруш_е'нiя, и= сего` въ неду'зjьхъ 
стра'ждущагw, са'мъ и=сцjьля'я о_у=врачу'й.

Внегда` пома'затися _е=ле'емъ пома'занiя всjь'хъ 
глава'мъ, пода'ждь сему` весе'лiя ра'дость, мл\сть 
и='щущему твоегw` и=збавле'нiя хр\сте`, бога'тою твое'ю 
мл\стiю да'руй гд\си.

Сла'ва: Ме'чь _е='сть над\ъ де'мwны, сп~се, твоя` 
печа'ть: _о='гнь же попаля'яй стра^сти душ_е'вныя, 
свяще'нникwвъ мольбы^. тjь'мже вjь'рнw пое'мъ тя` 
прiе'млющiи и=сцjьле'нiе.

И= ны'нjь: Ты` держа'щаго го'рстiю вся^, мт~и бж~iя, 
вну'трь во чре'вjь прiи'мши, бг~олjь'пнw, и= неизрече'ннw 
воплоти'вши, w= стра'ждущемъ о_у=ми'лостивити сего` 
про'симъ.

Пjь'снь и~.

I=рмо'съ: Ру'цjь распросте'ръ данiи'лъ, львw'въ 
зiя^нiя въ ро'вjь затче`: _о='гненную же си'лу 
о_у=гаси'ша, добродjь'телiю препоя'савшеся, бл~гоче'стiя 
рачи'тели _о='троцы, взыва'юще: бл~гослови'те вся^ дjьла` 
гд\сня гд\са.

Вся^ поми'луй сп~се, по вели'цjьй твое'й и= 
бж~е'ственнjьй мл\сти: сегw` ра'ди собра'хомся вси`, 
та'йнw воwбразу'юще щедро'тъ твои'хъ приклоне'нiе, 
пома'занiе принося'ще _е=ле'емъ, вjь'рою твоему` рабу`, 
_е=го'же и= посjьти`.

Струя'ми мл\сти твоея` хр\сте` и= пома'занiи 
сщ~е'нникwвъ твои'хъ, w=мы'й jа='кw бл~гоутро'бенъ гд\си, 
бwлjь'зни и= w=sлобле'нiе, и= болjь'зней наш_е'ствiя, въ 
ну'ждахъ страсте'й му'чимагw, jа='кw да сла'витъ тя` 
спа'сся бл~года'рственнw.

Сла'ва: Зна'менiе _е='же свы'ше приклоне'нiя и= 
ти'хости, мл\сть бж~е'ственную на'мъ припису'ющымъ 
вл\дко, не о_у=дали` твоея` мл\сти, ниже` пре'зри вjь'рою 
при'снw зову'щаго: бл~гослови'те вся^ дjьла` гд\сня 
гд\са.

И= ны'нjь: Пресла'вное jа='кw вjьне'цъ ч\стая, 
_е=стество` прiя'тъ, бж~е'ственное твое` рождество`, 
врагw'въ сокруша'ющее w=полч_е'нiя, и= побjьжда'ющее 
держа'внw тjь'хъ: сегw` ра'ди бл~года'тей твои'хъ 
ра'достными вjьнча'еми свjьтлостьми`, тебе` воспjьва'емъ 
препjь'тая вл\дчце.

Пjь'снь f~.

I=рмо'съ: Ка'мень нерукосjь'чный w\т несjько'мыя горы` 
тебе` дв~о, краеуго'льный w\тсjьче'ся, хр\сто'съ, 
совокупи'вый разстоя^щаяся _е=ст_ества`. тjь'мъ 
веселя'щеся, тя` бц\де велича'емъ.

При'зри съ нб~се` ще'дре, покажи` твою` мл\сть 
всjь^мъ, да'ждь ны'нjь заступле'нiе твое`, и= крjь'пость 
твою` приступа'ющему къ тебjь`, бж~е'ственнымъ 
пома'занiемъ свяще'нникwвъ твои'хъ, чл~вjьколю'бче.

Ви'дjьхомъ пребл~гi'й сп~се, ра'дующеся бж~е'ственный 
_е=ле'й приклоне'нiемъ твои'мъ бж~е'ственнымъ па'че 
прича'стникwвъ, _е=го'же прiя'лъ _е=си`, и= 
и=з\ъwбрази'тельнw препо'далъ _е=си`, ба'ни бж~е'ственныя 
причаща'ющымся.

Сла'ва: О_у=ще'дри, поми'луй сп~се, и=зба'ви w\т 
лю'тыхъ, и= болjь'зней: и=зба'ви w\т стрjь'лъ лука'вагw 
твои'хъ рабw'въ ду'шы и= тjьлеса`, jа='кw мл\стивый 
гд\сь, пома'занiемъ бж~е'ственнымъ и=сцjьлева'яй.

И= ны'нjь: Пjь^нiя и= мольбы^ дв~о прiе'млющи твои'хъ 
рабw'въ, и=зба'ви лю'тыхъ страсте'й и= болjь'зней, 
мл~твами твои'ми, на'ми преч\стая бж~е'ственному твоему` 
кро'ву притека'ющаго.

Досто'йно _е='сть:

_Е=_ксапостiла'рiй.

Подо'бенъ: Посjьти'лъ ны` _е='сть:

Въ мл\сти бл~же, при'зри твои'мъ _о='комъ на моле'нiе 
на'съ, сше'дшихся въ хра'мъ тво'й ст~ы'й дне'сь, 
пома'зати бж~е'ственнымъ _е=ле'емъ неду'гующаго раба` 
твоего`.

Та'же стiхи^ры, гла'съ д~.

Подо'бенъ: Да'лъ _е=си` зна'менiе:

Да'лъ _е=си` бл~года'ть твою`, твои'ми 
бл~гопремjьни'телю а=п\слы чл~вjьколю'бче, _е=ле'емъ 
ст~ы'мъ твои'мъ цjьли'ти всjь'хъ jа='звы же и= неду'ги: 
тjь'мже къ _е=ле'ю твоему` вjь'рнw приступа'ющаго, и= 
ны'нjь jа='кw бл~гоутро'бенъ w=святи`, поми'луй, w\т 
вся'кагw неду'га w=чи'сти, и= пи'щи нетлjь'нныя твоея` 
сподо'би, гд\си.

При'зри непостижи'ме съ нб~се`, jа='кw бл~гоутро'бенъ, 
руко'ю неви'димою твое'ю зна'менавъ чл~вjьколю'бче на^ша 
чу^вства, _е=ле'емъ твои'мъ бж~е'ственнымъ, притека'ющему 
къ тебjь` вjь'рнw, и= прося'щему прегрjьше'нiй 
w=ставле'нiе да'руй, и= и=сцjьле'нiе души` и= тjь'лу, да 
любо'вiю просла'витъ тя`, велича'я держа'ву твою`.

Пома'занiемъ _е=ле'а твоегw`, и= сщ~е'нникwвъ 
чл~вjьколю'бче w=сяза'нiемъ, раба` твоего` w=святи` 
свы'ше, неду'гwвъ свободи`, душ_е'вныя же скв_е'рны 
w=чи'сти, w=мы'й сп~се, и= многоплете'нныхъ собла'знwвъ 
и=зба'ви: болjь^зни о_у=тиши`, w=бстоя'нiе w\тжени` и= 
скw'рби потреби`, jа='кw ще'дръ и= бл~гоутро'бенъ.

Сла'ва, и= ны'нjь, бг~оро'диченъ: Тебе` чистjь'йшую 
цр~е'ву пала'ту молю` многопjь'тая, о_у='мъ мо'й w=чи'сти 
w=скверне'нный вся'кими грjьха'ми, и= жили'ще кра'сное 
пребж~е'ственныя тр\оцы сотвори`, jа='кw да си'лу твою` 
и= безмjь'рную мл\сть велича'ю сп~са'емый, непотре'бный 
ра'бъ тво'й.

Та'же, Трист~о'е. Прест~а'я тр\оце: По _О='ч~е на'шъ: 
Jа='кw твое` _е='сть цр\ство:

Та'же тропа'рь, гла'съ д~: Ско'рый въ заступле'нiи 
_е=ди'нъ сы'й хр\сте`, ско'рое свы'ше покажи` посjьще'нiе 
стра'ждущему рабу` твоему`, и=зба'ви неду'гwвъ, и= 
го'рькихъ болjь'зней: воздви'гни во _е='же пjь'ти тя` и= 
сла'вити непреста'ннw, мл~твами бц\ды, _е=ди'не 
чл~вjьколю'бче.

По си'хъ же дiа'конъ, и=ли` пе'рвый w\т сщ~е'нникwвъ, 
_е=ктенiю` сiю`:

Ми'ромъ гд\су помо'лимся:

W= свы'шнjьмъ ми'рjь:

W= ми'рjь всегw` мi'ра:

W= ст~jь'мъ хра'мjь се'мъ, и= съ вjь'рою:

W= _е='же бл~гослови'тися _е=ле'ю сему` си'лою и= 
дjь'йствомъ и= наи'тiемъ ст~а'гw дх~а, гд\су помо'лимся.

W= рабjь` бж~iи, и='м\ркъ, и= w= _е='же въ бз~jь 
посjьще'нiи _е=гw`, и= _е='же прiити` на него` бл~года'ти 
ст~а'гw дх~а, гд\су помо'лимся.

W= _е='же и=зба'витися _е=му` и= на'мъ w\т вся'кiя 
ско'рби, гнjь'ва и= ну'жды:

Заступи`, сп~си`, поми'луй, и= сохрани` _е=го` и= 
на'съ бж~е:

Прест~у'ю, преч\стую:

[зри`] Та'же глаго'летъ пе'рвый w\т сщ~е'нникwвъ 
мл~тву _е=ле'а над\ъ канди'ломъ. Вjь'домо бу'ди, jа='кw 
въ вели'цjьй цр~кви, вмjь'стw воды`, вiно` въ канди'ло 
мл~твома'слiя влага'ютъ.

Гд\су помо'лимся. Гд\си поми'луй.

Гд\си, мл\стiю и= щедро'тами твои'ми и=сцjьля'яй 
сокруш_е'нiя ду'шъ и= тjьле'съ на'шихъ: са'мъ вл\дко, 
w=святи` _е=ле'й се'й, jа='коже бы'ти помазу'ющымся w\т 
негw` во и=сцjьле'нiе: и= въ премjьне'нiе вся'кiя 
стра'сти, скве'рны пло'ти и= ду'ха, и= вся'кагw sла`: да 
и= въ се'мъ просла'вится твое` прест~о'е и='мя, _о=ц~а`, 
и= сн~а, и= ст~а'гw дх~а, ны'нjь и= при'снw, и= во вjь'ки 
вjькw'въ, а=ми'нь.

Сщ~е'нницы же про'чiи ти'хw ку'пнw съ ни'мъ чту'тъ 
мл~тву ту'южде. Во _е=ли'ко же глаго'лется мл~тва w\т 
сщ~е'нникwвъ, пою'тся тропари` сiя^.

Гла'съ д~: Ско'рый въ заступле'нiи _е=ди'нъ сы'й 
хр\сте`, ско'рое свы'ше покажи` посjьще'нiе стра'ждущему 
рабу` твоему`: и=зба'ви неду'гwвъ, и= го'рькихъ 
болjь'зней: воздви'гни во _е='же пjь'ти тя` и= сла'вити 
непреста'ннw, мл~твами бц\ды, _е=ди'не чл~вjьколю'бче.

Душе'вныма _о=чи'ма w=слjьпле'нъ, къ тебjь` хр\сте` 
прихожду`, jа='коже слjьпы'й w\т рожде'нiя, въ покая'нiи 
зову` тебjь`: мл\стивъ на'мъ бу'ди, _е=ди'не 
бл~гопремjьни'телю.

Гла'съ г~: Ду'шу мою` гд\си во грjьсjь'хъ вся'ческихъ, 
и= безмjь'стными дjья'ньми лю'тjь разсла'бленную, 
воздви'гни бж~е'ственнымъ твои'мъ предста'тельствомъ, 
jа='коже и= разсла'бленнаго воздви'глъ _е=си` дре'вле, да 
зову' ти сп~са'емь: ще'дрый, да'ждь ми` хр\сте` 
и=сцjьле'нiе.

Гла'съ в~: Jа='кw гд\сень о_у=ч~нкъ воспрiя'лъ _е=си` 
пра'ведне _е=v\глiе: jа='кw мч~нкъ и='маши _е='же 
неwпи'санное: дерзнове'нiе, jа='кw бра'тъ бж~iй: _е='же 
моли'тися, jа='кw i=ера'рхъ. моли` хр\ста` бг~а, 
сп~сти'ся душа'мъ на'шымъ.

Гла'съ д~: _О='ч~ее _е=диноро'дное бг~ъ сло'во, 
прише'дшее къ на'мъ въ послjь^днiя дни^, i=а'кwве 
бж~е'ственне, пе'рваго тя` показа` i=ерусали'млянwмъ 
па'стыря и= о_у=чи'теля, и= вjь'рнаго строи'теля 
та'инствъ дх~о'вныхъ: тjь'мже тя` вси` чти'мъ, а=п\сле.

Гла'съ г~: Въ мv'рjьхъ свя'те, сщ~еннодjь'йствитель 
показа'лся _е=си`: хр\сто'во бо прп\дбне _е=v\глiе 
и=спо'лнивъ, положи'лъ _е=си` ду'шу твою` w= лю'дехъ 
твои'хъ, и= спа'слъ _е=си` непови^нныя w\т сме'рти: сегw` 
ра'ди w=святи'лся _е=си`, jа='кw вели'кiй таи'нникъ бж~iя 
бл~года'ти.

Гла'съ то'йже: Вели'ка w=брjь'те въ бjьда'хъ тя` 
побо'рника вселе'нная, стр\стоте'рпче, jа=зы'ки 
побjьжда'юща: jа='коже о_у='бw лv'еву низложи'лъ _е=си` 
горды'ню, и= на по'двигъ дерзнове'нна сотвори'въ 
не'стора: та'кw ст~е дими'трiе, хр\сту` бг~у моли'ся, 
дарова'ти на'мъ ве'лiю мл\сть.

Гла'съ то'йже: Страстоте'рпче ст~ы'й, и= цjьле'бниче 
пантелеи'моне. моли` мл\стиваго бг~а, да прегрjьше'нiй 
w=ставле'нiе пода'стъ душа'мъ на'шымъ.

Гла'съ и~: Ст~i'и безсре'бр_енницы и= чудотво'рцы, 
посjьти'те не'мwщи на'шя: ту'не прiя'сте, ту'не дади'те 
на'мъ.

Гла'съ в~: Вели^чiя твоя^ дjь'вственниче, кто` 
повjь'сть; то'чиши бо чудеса`, и= и=злива'еши 
и=сцjьл_е'нiя, и= мо'лишися w= душа'хъ на'шихъ, jа='кw 
бг~осло'въ и= дру'гъ хр\сто'въ.

Бг~оро'диченъ: Моле'нiе те'плое и= стjьна` 
неwбори'мая, мл\сти и=сто'чниче, мi'рови прибjь'жище, 
прилjь'жнw вопiе'мъ ти`: бц\де вл\дчце предвари`, и= w\т 
бjь'дъ и=зба'ви ны`, _е=ди'на вско'рjь 
предста'тельствующая.

Дiа'конъ: Во'нмемъ.

Сщ~е'нникъ пе'рвый: Ми'ръ всjь^мъ.

Ли'къ: И= ду'хови твоему`.

Дiа'конъ: Прему'дрость, во'нмемъ.

Чте'цъ, прокi'менъ, гла'съ а~: Бу'ди гд\сь мл\сть 
твоя` на на'съ, jа='коже о_у=пова'хомъ на тя`.

Стi'хъ: Ра'дуйтеся пра'веднiи w= гд\сjь, пра^вымъ 
подоба'етъ похвала`.

А=по'столъ: Собо'рнагw посла'нiя i=а'кwвля чте'нiе.

Вjь'домо же бу'ди, jа='кw а=по'столъ w\т дiа'кона 
чте'тся, зача'ло н~з:

Бра'тiе w='бразъ прiими'те sлострада'нiя и= 
долготерпjь'нiя, пр\оро'ки, и=`же глаго'лаша и='менемъ 
гд\снимъ. Се` бл~жи'мъ терпя'щыя: терпjь'нiе i='wвле 
слы'шасте, и= кончи'ну гд\сню ви'дjьсте, jа='кw 
многомл\стивъ _е='сть гд\сь, и= ще'дръ. Пре'жде же 
всjь'хъ, бра'тiе моя^, не клени'теся ни не'бомъ, ни 
земле'ю, ни и=но'ю ко'ею кля'твою: бу'ди же ва'мъ, _е='же 
_е='й, _е='й, и= _е='же ни`, ни`: да не въ лицемjь'рiе 
впаде'те. Sлостра'ждетъ ли кто` въ ва'съ; да мл~тву 
дjь'етъ. бл~году'шствуетъ ли кто`; да пое'тъ. Боли'тъ ли 
кто` въ ва'съ; да призове'тъ пресвv'теры церкw'вныя, и= 
да мл~тву сотворя'тъ над\ъ ни'мъ, пома'завше _е=го` 
_е=ле'емъ во и='мя гд\сне. И= мл~тва вjь'ры сп~се'тъ 
боля'щаго, и= воздви'гнетъ _е=го` гд\сь: и= а='ще грjьхи` 
бу'детъ сотвори'лъ, w\тпу'стятся _е=му`. И=сповjь'дайте 
о_у='бw дру'гъ дру'гу согрjьш_е'нiя, и= моли'теся дру'гъ 
за дру'га, jа='кw да и=сцjьлjь'ете: мно'гw бо мо'жетъ 
мл~тва пра'веднагw поспjьшеству'ема.

Сщ~е'нникъ пе'рвый: Ми'ръ ти`.

А=ллилу'iа. Гла'съ и~.

Стi'хъ: Мл\сть и= су'дъ воспою` тебjь` гд\си.

_Е=v\глiе w\т луки`, зача'ло н~г:

Во вре'мя _о='но, зако'нникъ нjь'кiй приступи` ко 
i=и~су, и=скуша'я _е=го`, и= глаго'ля: о_у=чи'телю, что` 
сотвори'въ живо'тъ вjь'чный наслjь'дую; _О='нъ же рече` 
къ нему`: въ зако'нjь что` пи'сано _е='сть; ка'кw чте'ши; 
_О='нъ же w\твjьща'въ рече`: возлю'биши гд\са бг~а 
твоего` w\т всегw` се'рдца твоегw`, и= w\т всея` души` 
твоея`, и= все'ю крjь'постiю твое'ю, и= всjь'мъ 
помышле'нiемъ твои'мъ: и= бли'жнягw своего` jа='кw са'мъ 
себе`. Рече' же _е=му`: пра'вw w\твjьща`, сiе` сотвори` 
и= жи'въ бу'деши. _О='нъ же хотя` w=правди'тися са'мъ, 
рече` ко i=и~су: и= кто` _е='сть бли'жнiй мо'й; 
W\твjьща'въ же i=и~съ рече`: человjь'къ нjь'кiй схожда'ше 
w\т i=ерусали'ма во i=ерiхw'нъ, и= въ разбо'йники впаде`, 
и=`же совле'кше _е=го`, и= jа='звы возло'жше w\тидо'ша, 
w=ста'вльше _е='ле жи'ва су'ща. По слу'чаю же свяще'нникъ 
нjь'кiй схожда'ше путе'мъ тjь'мъ: и= ви'дjьвъ _е=го`, 
мимои'де. та'кожде же и= левi'тъ, бы'въ на то'мъ 
мjь'стjь, прише'дъ и= ви'дjьвъ мимои'де. Самаряни'нъ же 
нjь'кто гряды'й прiи'де над\ъ него`, и= ви'дjьвъ _е=го` 
мл\срдова. И= присту'пль w=бвяза` стру'пы _е=гw`, 
возлива'я ма'сло и= вiно`: всади'въ же _е=го` на сво'й 
ско'тъ, приведе` _е=го` въ гости'нницу, и= прилjьжа` 
_е=му`. И= нау'трiя и=зше'дъ, и=з\ъе'мъ два` 
сре'бр_еника, даде` гости'ннику, и= рече` _е=му`: 
прилjьжи` _е=му`, и= _е='же а='ще прiиждиве'ши, а='зъ, 
_е=гда` возвращу'ся, возда'мъ ти`. Кто` о_у='бw w\т 
тjь'хъ трiе'хъ бли'жнiй мни'тъ ти ся бы'ти впа'дшему въ 
разбо'йники; _О='нъ же рече`: сотвори'вый мл\сть съ 
ни'мъ. рече' же _е=му` i=и~съ: и=ди` и= ты` твори` 
та'кожде.

Та'же: Поми'луй на'съ бж~е, по вели'цjьй мл\сти 
твое'й, мо'лимъ ти ся, о_у=слы'ши и= поми'луй.

Гд\си поми'луй, три'жды.

_Е=ще` мо'лимся w= ми'лости, жи'зни, ми'рjь, здра'вiи, 
сп~се'нiи, посjьще'нiи и= w=ставле'нiи грjьхw'въ раба` 
бж~iя, и='м\ркъ.

Гд\си поми'луй, три'жды.

W= _е='же прости'тися _е=му` вся'кому согрjьше'нiю, 
во'льному и= нево'льному, гд\су помо'лимся.

Гд\си поми'луй, три'жды.

И= возгла'съ: Jа='кw мл\стивъ и= чл~вjьколю'бецъ бг~ъ 
_е=си`, и= тебjь` сла'ву возсыла'емъ, _о=ц~у`, и= сн~у, 
и= ст~о'му дх~у, ны'нjь и= при'снw, и= во вjь'ки 
вjькw'въ, а=ми'нь.

Дiа'конъ: Гд\су помо'лимся:

Ли'къ: Гд\си поми'луй.

Сщ~е'нникъ мл~тву:

Безнача'льне, вjь'чне, ст~е святы'хъ, _е=диноро'днаго 
твоего` сн~а низпосла'вый, и=сцjьля'ющагw вся'кiй 
неду'гъ, и= вся'ку jа='зю ду'шъ и= тjьле'съ на'шихъ, 
низпосли` ст~а'го твоего` дх~а, и= w=святи` _е=ле'й се'й, 
и= сотвори` и=` помазу'ющемуся твоему` рабу` и='м\ркъ, въ 
соверше'нное и=збавле'нiе грjьхw'въ _е=гw` въ наслjь'дiе 
цр\ствiя нб\снагw.

Вjь'домо бу'ди, jа='кw нjь'цыи мл~тву о_у='бw сiю` 
да'же до здjь` то'кмw глаго'лютъ, съ возглаше'нiемъ:

Твое' бо _е='сть _е='же ми'ловати:

Нjь'цыи же да'же до конца` глаго'лютъ:

Ты' бо _е=си` бг~ъ ве'лiй и= ди'венъ, храня'й завjь'тъ 
тво'й и= мл\сть твою` лю'бящымъ тя`, дая'й и=збавле'нiе 
грjьхw'въ, ст~ы'мъ твои'мъ _о='трокомъ i=и~сомъ 
хр\сто'мъ: па'ки рожде'й на'съ w\т грjьха`: просвjьща'яй 
слjьпы^я, и=справля'яй низве'рж_енныя, любя'й пра'в_едныя 
и= грjь^шныя ми'луяй: па'ки и=зведы'й на'съ w\т тьмы` и= 
сjь'ни сме'ртныя, глаго'ляй су'щымъ во о_у='захъ: 
и=зыди'те, и= су'щымъ во тьмjь`, w\ткры'йтеся. возсiя' бо 
въ сердца'хъ на'шихъ свjь'тъ вjь'дjьнiя лица` _е=гw`, 
w\тне'лjьже на'съ ра'ди на земли` jа=ви'лся _е='сть, и= 
съ человjь'ки поживе`: прiе'мшымъ тя` да'лъ _е='сть 
вла'сть ча'дwмъ бж~iимъ бы'ти: ба'нею па'ки бытiя` 
сыноположе'нiе на'мъ дарова'лъ _е='сть, и= неприча'стны 
на'съ сотвори'лъ _е='сть w\т наси'льства дiа'воля. 
поне'же не бл~говоли'лъ _е=си` кро'вiю w=чи'ститися, но 
_е=ле'емъ ст~ы'мъ да'лъ _е=си` w='бразъ кр\ста` _е=гw`, 
во _е='же бы'ти на'мъ хр\сто'ву ста'ду, цр\скому 
свяще'нiю, jа=зы'ку ст~о'му, и= w=чи'стивый ны` водо'ю, 
и= w=ст~и'вый дх~омъ твои'мъ ст~ы'мъ. са'мъ вл\дко гд\си, 
да'ждь бл~года'ть на'мъ въ служе'нiе твое` сiе`, jа='коже 
да'лъ _е=си` мwv"се'ю о_у=го'днику твоему`, и= саму'илу 
возлю'бленному твоему`, и= i=wа'нну и=збра'нному твоему`, 
и= всjь^мъ во вся'комъ ро'дjь и= ро'дjь бл~гоугоди'вшымъ 
тебjь`: си'це сотвори` и= на'съ бы'ти служи'телей но'вагw 
твоегw` завjь'та над\ъ _е=ле'емъ си'мъ, _е=го'же 
о_у=сво'илъ _е=си` ч\стно'ю кро'вiю хр\ста` твоегw` да 
совле'кшеся мiрски'хъ похоте'й о_у='мремъ грjьху`, и= 
поживе'мъ пра'вдjь, w=бле'кшеся въ него` пома'занiемъ 
w=свяще'нiя, хотя'щагw _е=ле'а навести'ся. Бу'ди гд\си, 
_е=ле'й се'й, _е=ле'й ра'дованiя, _е=ле'й w=свяще'нiя, 
_о=де'жда цр\ская, броня` си'лы, вся'кагw дiа'вольскагw 
дjь'йства w\тгна'нiе, печа'ть ненавjь'тная, ра'дованiе 
се'рдца, весе'лiе вjь'чное. да и= си'мъ помазу'емiи па'ки 
рожде'нiя, стра'шни бу'дутъ сопроти^внымъ, и= возсiя'ютъ 
во свjь'тлостехъ ст~ы'хъ твои'хъ, не и=му'ще скве'рны 
и=ли` вра'ски: и= да прiи'мутся въ вjь^чныя твоя^ 
о_у=поко_е'нiя, и= воспрiи'мутъ по'честь го'рнягw 
зва'нiя.

Твое' бо _е='сть, _е='же ми'ловати и= сп~са'ти ны` 
бж~е на'шъ: и= тебjь` сла'ву возсыла'емъ, со 
_е=диноро'днымъ твои'мъ сн~омъ, и= прест~ы'мъ, и= 
бл~ги'мъ, и= животворя'щимъ твои'мъ дх~омъ, ны'нjь и= 
при'снw, и= во вjь'ки вjькw'въ, а=ми'нь.

И= по мл~твjь взе'млетъ i=ере'й струче'цъ, и= 
w=мочи'въ и= во ст~ы'й _е=ле'й, и= помазу'етъ боля'щаго 
крестоwбра'знw, на челjь`, на ноздря'хъ, на лани'техъ, на 
о_у=стjь'хъ, на пе'рсехъ, на рука'хъ на _о='бjь странjь`, 
глаго'ля мл~тву сiю`:

_О='ч~е ст~ы'й, врачу` ду'шъ и= тjьле'съ, посла'вый 
_е=диноро'днаго твоего` сн~а, гд\са на'шего i=и~са 
хр\ста`, вся'кiй неду'гъ и=сцjьля'ющаго, и= w\т сме'рти 
и=збавля'ющаго, и=сцjьли` и= раба` твоего`, и='м\ркъ, w\т 
w=бдержа'щiя _е=го` тjьле'сныя и= душе'вныя не'мощи, и= 
w=животвори` _е=го` бл~года'тiю хр\ста` твоегw`: мл~твами 
прест~ы'я вл\дчцы на'шея бц\ды, и= приснодjь'вы мр~i'и: 
предста'тельствы ч\стны'хъ нб\сныхъ си'лъ безпло'тныхъ: 
си'лою ч\стна'гw и= животворя'щагw кр\ста`: ч\стна'гw 
сла'внагw пр\оро'ка, предте'чи и= кр\сти'теля i=wа'нна: 
ст~ы'хъ сла'вныхъ и= всехва'льныхъ а=п\слwвъ: ст~ы'хъ 
сла'вныхъ, и= добропобjь'дныхъ мч~нкwвъ: прп\дбныхъ и= 
бг~оно'сныхъ _о=т_е'цъ на'шихъ: ст~ы'хъ и= и=сцjьли'телей 
безсре'бренникwвъ космы` и= дамiа'на, кv'ра и= i=wа'нна, 
пантелеи'мона и= _е=рмола'а, сам_псw'на и= дiоми'да, 
фw'тiа и= а=нiки'ты: ст~ы'хъ и= пра'ведныхъ бг~о_от_е'цъ, 
i=wакi'ма и= а='нны, и= всjь'хъ ст~ы'хъ.

Jа='кw ты` _е=си` и=сто'чникъ и=сцjьле'нiй, бж~е 
на'шъ, и= тебjь` сла'ву возсыла'емъ, со _е=диноро'днымъ 
твои'мъ сн~омъ, и= _е=диносу'щнымъ твои'мъ дх~омъ, ны'нjь 
и= при'снw, и= во вjь'ки вjькw'въ, а=ми'нь.

Сiя` мл~тва глаго'лется w\т _е=ди'нагw коегw'ждо 
свяще'нника по _е='же рещи` _е=v\глiе и= мл~тву, 
помазу'ющагw вку'пjь _е=ле'емъ неду'гующаго.

Дiа'конъ: Во'нмемъ.

Сщ~е'нникъ вторы'й: Ми'ръ всjь^мъ.

Прокi'менъ, гла'съ в~:

Крjь'пость моя` и= пjь'нiе мое` гд\сь, и= бы'сть мнjь` 
во сп~се'нiе.

Стi'хъ: Наказу'я наказа' мя гд\сь, сме'рти же не 
предаде` мя`.

А=по'столъ, къ ри'млянwмъ, зача'ло рs~_i.

Бра'тiе, до'лжни _е=смы` мы` си'льнiи не'мwщи 
немощны'хъ носи'ти, и= не себjь` о_у=гожда'ти. Кi'йждо же 
ва'съ бли'жнему да о_у=гожда'етъ во бл~го'е къ созда'нiю. 
И='бо и= хр\сто'съ не себjь` о_у=годи`, но jа='коже 
_е='сть пи'сано: понош_е'нiя понося'щихъ тебjь` нападо'ша 
на мя`. _Е=ли^ка бо преднапи^сана бы'ша, въ на'ше 
наказа'нiе преднаписа'шася: да терпjь'нiемъ и= 
о_у=тjьше'нiемъ писа'нiй о_у=пова'нiе и='мамы. Бг~ъ же 
терпjь'нiя и= о_у=тjьше'нiя, да да'стъ ва'мъ то'жде 
му'дрствовати дру'гъ ко дру'гу w= хр\стjь` i=и~сjь: Да 
_е=диноду'шнw _е=ди'ными о_у=сты` сла'вите бг~а и= 
_о=ц~а` гд\са на'шегw i=и~са хр\ста`. Тjь'мже прiе'млите 
дру'гъ дру'га, jа='коже и= хр\сто'съ прiя'тъ ва'съ во 
сла'ву бж~iю.

Сщ~е'нникъ вторы'й: Ми'ръ ти`.

А=ллилу'iа, гла'съ _е~.

Стi'хъ: Мл\сти твоя^ гд\си во вjь'къ воспою`.

Сщ~е'нникъ вторы'й:

_Е=v\глiе w\т луки`, зача'ло ч~д:

Во вре'мя _о='но, прiи'де i=и~съ во i=ерiхw'нъ. И= се` 
му'жъ нарица'емый закхе'й, и= се'й бjь` ста'рjьй 
мытар_е'мъ, и= то'й бjь` бога'тъ: И= и=ска'ше ви'дjьти 
i=и~са, кто' _е=сть, и= не можа'ше w\т наро'да, jа='кw 
во'зрастомъ ма'лъ бjь`. И= предите'къ возлjь'зе на 
jа='годичину, да ви'дитъ, jа='кw тудjь` хотя'ше мину'ти. 
И= jа='кw прiи'де на мjь'сто, воззрjь'въ i=и~съ, ви'дjьвъ 
_е=го`, и= рече` къ нему`: закхе'е, потща'вся слjь'зи, 
дне'сь бо въ дому` твое'мъ подоба'етъ ми` бы'ти. И= 
потща'вся слjь'зе, и= прiя'тъ _е=го` ра'дуяся. И= 
ви'дjьвше вси` ропта'ху, глаго'люще: jа='кw ко грjь'шну 
му'жу вни'де вита'ти. Ста'въ же закхе'й, рече` ко гд\су: 
се` по'лъ и=мjь'нiя моегw`, гд\си, да'мъ ни'щымъ, и= 
а='ще кого` чи'мъ w=би'дjьхъ, возвращу`, четвери'цею. 
Рече' же къ нему` i=и~съ: jа='кw дне'сь сп~се'нiе до'му 
сему` бы'сть, зане` и= се'й сн~ъ а=враа'мль _е='сть. 
Прiи'де бо сн~ъ чл~вjь'чь взыска'ти и= сп~сти` 
поги'бшаго.

Дiа'конъ же:

Поми'луй на'съ бж~е:

_Е=ще` мо'лимся w= мл\сти, жи'зни:

W= _е='же прости'тися _е=му`:

Jа='кw мл\стивъ, и= чл~вjьколю'бецъ бг~ъ:

Сщ~е'нникъ мл~тву:

Бж~е вели'кiй, и= вы'шнiй w\т всея` тва'ри 
покланя'емый, прему'дрости и=сто'чниче, бл~гости 
вои'стинну неизслjь'димая бе'здно, и= бл~гоутро'бiя 
неwпредjьля'емая пучи'но: са'мъ чл~вjьколю'бче вл\дко, 
превjь'чныхъ и= ди'вныхъ бж~е, _е=го'же никто'же w\т 
человjь^къ помышля'яй мо'жетъ пости'гнути; при'зри, 
о_у=слы'ши на'съ недосто'йныхъ рабw'въ твои'хъ, и= 
и=дjь'же w= вели'цjьмъ и='мени твое'мъ _е=ле'й се'й 
прино'симъ, низпосли` твоегw` да'ра и=сцjьл_е'нiя, и= 
w=ставле'нiе грjьхw'въ, и= и=сцjьли` _е=го` во 
мно'жествjь мл\сти твоея`. _Е='й, гд\си 
бл~гопремjьни'телю, _е=ди'не мл\стиве и= чл~вjьколю'бче, 
ка'яйся w= sло'бахъ на'шихъ: вjь'дый, jа='кw належи'тъ 
по'мыслъ человjь'ка на лука^вая w\т ю='ности _е=гw`: не 
хотя'й сме'рти грjь'шника, но jа='кw w=брати'тися и= 
жи'ву бы'ти _е=му`: грjь'шныхъ ра'ди сп~се'нiя 
вочл~вjь'чивыйся бг~ъ сы'й, и= созда'выйся за созда'нiе 
твое`. ты` _е=си` рекi'й: не прiидо'хъ призва'ти 
пра'в_едныя, но грjь^шныя въ покая'нiе: ты` _е=си`, 
_о=вча` взыска'вый заблу'ждшее: ты` _е=си`, поги'бшую 
дра'хму прилjь'жнw взыска'вый, и= w=брjьты'й: ты` _е=си` 
рекi'й, jа='кw гряду'щаго ко мнjь` не и=зжену` во'нъ: ты` 
_е=си`, и='же блудни'цы честнjь'и твои` но'зjь слеза'ми 
w=мочи'вшiя не возгнуша'выйся: ты` _е=си` рекi'й: 
_е=ли'жды а='ще паде'ши, воста'ни, и= сп~се'шися: ты` 
_е=си` рекi'й, jа='кw ра'дость быва'етъ на нб~си` w= 
_е=ди'номъ грjь'шницjь ка'ющемся. са'мъ при'зри, 
бл~гоутро'бный вл\дко, съ высоты` ст~ы'я твоея`, 
соwсjьни'въ на'съ грjь'шныхъ и= недосто'йныхъ рабw'въ 
твои'хъ бл~года'тiю ст~а'гw дх~а въ ча'съ се'й, и= всели` 
въ раба` твоего`, и='м\ркъ позна'вшаго своя^ 
согрjьш_е'нiя, и= присту'пльшаго къ тебjь` вjь'рою: и= 
прiи'мъ свои'мъ ти` чл~вjьколю'бiемъ, а='ще что` 
согрjьши'лъ _е='сть сло'вомъ, и=ли` дjь'ломъ, и=ли` 
помышле'нiемъ, прости'въ w=чи'сти _е=го`, и= чи'ста 
сотвори` w\т вся'кагw грjьха`, и= при'снw спребыва'я 
_е=му`, сохрани` про'чее лjь'то живота` _е=гw`, ходя'ща 
во w=правда'нiихъ твои'хъ во _е='же не ктому` бы'ти 
_е=му` посмjья'нiе дiа'волу: jа='кw да и= въ не'мъ 
просла'вится прест~о'е и='мя твое`.

Возгла'съ: Твое' бо _е='сть _е='же ми'ловати, и= 
сп~са'ти ны`, хр\сте` бж~е, и= тебjь` сла'ву возсыла'емъ 
со безнача'льнымъ твои'мъ _о=тце'мъ, и= прест~ы'мъ, и= 
бл~ги'мъ, и= животворя'щимъ твои'мъ дх~омъ, ны'нjь и= 
при'снw, и= во вjь'ки вjькw'въ, а=ми'нь.

По мл~твjь же а='бiе вторы'й i=ере'й взе'млетъ 
струче'цъ вторы'й, и= w=мочи'въ и= во ст~ы'й _е=ле'й 
помазу'етъ боля'щагw, глаго'ля мл~тву:

_О='ч~е ст~ы'й, врачу` ду'шъ и= тjьле'съ:

Дiа'конъ же: Во'нмемъ:

Сщ~е'нникъ тре'тiй: Ми'ръ всjь^мъ.

Прокi'менъ, гла'съ г~:

Гд\сь просвjьще'нiе мое` и= сп~си'тель мо'й, когw` 
о_у=бою'ся;

Стi'хъ: Гд\сь защи'титель живота` моегw`, w\т когw` 
о_у=страшу'ся;

А=по'столъ къ корi'нfянwмъ, зача'ло рн~г.

Бра'тiе, вы` _е=сте` тjь'ло хр\сто'во, и= о_у='ди w\т 
ча'сти. И= _о='вы о_у='бw положи` бг~ъ въ цр~кви, 
пе'рвjье а=п\слы, второ'е пр\оро'ки, тре'тiе о_у=чи'тели, 
пото'мъ же си^лы, та'же дарова^нiя и=сцjьле'нiй, 
заступл_е'нiя, правл_е'нiя, ро'ди я=зы'кwвъ. _Е=да` вси` 
а=п\сли; _е=да` вси` пр\оро'цы; _е=да` вси` о_у=чи'тели; 
_е=да` вси` си^лы; _Е=да` вси` дарова^нiя и='мутъ 
и=сцjьле'нiй; _Е=да` вси` я=зы'ки глаго'лютъ; _е=да` вси` 
сказу'ютъ; Ревну'йте же дарова'нiй бо'льшихъ: и= _е=ще` 
по превосхожде'нiю пу'ть ва'мъ показу'ю. А='ще я=зы'ки 
человjь'ческими глаго'лю и= а='гг~льскими, любве' же не 
и='мамъ, бы'хъ (jа='кw) мjь'дь звеня'щи, и=ли` кv"мва'лъ 
звяца'яй. И= а='ще и='мамъ пр\оро'чество и= вjь'мъ та^йны 
вся^, и= ве'сь ра'зумъ: и= а='ще и='мамъ всю` вjь'ру, 
jа='кw и= го'ры преставля'ти, любве' же не и='мамъ, 
ничто'же _е='смь. И= а='ще разда'мъ вся^ и=мjь^нiя моя^, 
и= а='ще преда'мъ тjь'ло мое`, во _е='же сожещи` _е=`: 
любве' же не и='мамъ, ника'я по'льза ми` _е='сть. Любы` 
долготерпи'тъ, милосе'рдствуетъ: любы` не зави'дитъ: 
любы` не превозно'сится, не горди'тся: Ни безчи'нствуетъ, 
не и='щетъ своя^ си`, не раздража'ется, не мы'слитъ sла`: 
не ра'дуется w= непра'вдjь, ра'дуется же w= и='стинjь: 
Вся^ лю'битъ, всему` вjь'ру _е='млетъ, вся^ о_у=пова'етъ, 
вся^ те'рпитъ. Любы` николи'же w\тпа'даетъ.

Сщ~е'нникъ тре'тiй: Ми'ръ ти`.

Дiа'конъ: Прему'дрость:

А=ллилу'iа, гла'съ в~.

Стi'хъ: На тя` гд\си о_у=пова'хъ, да не постыжу'ся въ 
вjь'къ.

Сщ~е'нникъ тре'тiй чте'тъ:

_Е=v\глiе w\т матfе'а, зача'ло л~д w\т полу`.

Во вре'мя _о='но, призва'въ i=и~съ _о=бана'десять 
о_у=ченики` своя^, даде` и=`мъ вла'сть на дусjь'хъ 
нечи'стыхъ, jа='кw да и=зго'нятъ и=`хъ, и= цjьли'ти 
вся'къ неду'гъ, и= вся'ку болjь'знь. Сiя^ _о=бана'десять 
посла` i=и~съ, заповjь'да и=`мъ, глаго'ля: на пу'ть 
jа=зы^къ не и=ди'те, и= во гра'дъ самаря'нскiй не 
вни'дите. И=ди'те же па'че ко _о=вца'мъ поги'бшымъ до'му 
i=и~лева. Ходя'ще же проповjь'дуйте, глаго'люще: jа='кw 
прибли'жися цр\ствiе нб\сное. Боля'щыя и=сцjьля'йте, 
прокаж_е'нныя w=чища'йте, м_е'ртвыя воскреша'йте, бjь'сы 
и=згоня'йте: ту'не прiя'сте, ту'не дади'те.

Дiа'конъ же а='бiе глаго'летъ _е=ктенiю` сiю`:

Поми'луй на'съ бж~е:

_Е=ще` мо'лимся w= мл\сти, жи'зни:

W= _е='же прости'тися _е=му`:

И= возгла'съ: Jа='кw мл\стивъ:

Дiа'конъ: Гд\су помо'лимся.

Сщ~е'нникъ глаго'летъ мл~тву:

Вл\дко вседержи'телю, ст~ы'й цр~ю`, наказу'яй, и= не 
о_у=мерщвля'яй, о_у=твержда'яй низпа'дающыя, и= возводя'й 
низве'рж_енныя, тjьл_е'сныя скw'рби и=справля'яй 
человjь'кwвъ: мо'лимся тебjь` бж~е на'шъ, jа='кw да 
наведе'ши мл\сть твою` на _е=ле'й се'й, и= на 
помазу'ющыяся w\т негw` во и='мя твое`: да бу'детъ и=`мъ 
во и=сцjьле'нiе души' же и= тjь'ла, и= во w=чище'нiе и= 
и=змjьне'нiе вся'кiя стра'сти, и= вся'кагw неду'га, и= 
jа='зи, и= вся'кiя скве'рны пло'ти и= дх~а. _е='й, гд\си, 
враче'бную твою` си'лу съ нб~се` низпосли`, прикосни'ся 
тjьлеси`, о_у=гаси` _о=гне'вицу, о_у=кроти` стра'сть, и= 
вся'кую не'мощь тая'щуюся. бу'ди вра'чь раба` твоегw`, 
и='м\ркъ, воздви'гни _е=го` w\т _о=дра` болjь'зненнагw, 
и= w\т ло'жа w=sлобле'нiя цjь'ла и= всесоверше'нна, 
да'руй _е=го` цр~кви твое'й бл~гоугожда'юща и= творя'ща 
во'лю твою`.

Возгла'съ: Твое' бо _е='сть, _е='же ми'ловати и= 
сп~са'ти ны` бж~е на'шъ: и= тебjь` сла'ву возсыла'емъ, 
_о=ц~у`, и= сн~у, и= ст~о'му дх~у, ны'нjь и= при'снw, и= 
во вjь'ки вjькw'въ, а=ми'нь.

По мл~твjь же тре'тiй i=ере'й взе'млетъ струче'цъ 
тре'тiй, и= w=мочи'въ и= во ст~ы'й _е=ле'й, и= помазу'етъ 
боля'щаго, глаго'ля мл~тву:

_О='ч~е ст~ы'й, врачу` ду'шъ и= тjьле'съ:

Дiа'конъ: Во'нмемъ.

Сщ~е'нникъ четве'ртый: Ми'ръ всjь^мъ.

Прокi'менъ, гла'съ д~:

Во'ньже а='ще де'нь призову' тя, ско'рw о_у=слы'ши 
мя`.

Стi'хъ: Гд\си, о_у=слы'ши мл~тву мою`, и= во'пль мо'й.

А=по'столъ къ корi'нfянwмъ, зача'ло рп~в.

Бра'тiе, вы` _е=сте` цр~кви бг~а жи'ва, jа='коже рече` 
бг~ъ: jа='кw вселю'ся въ ни'хъ и= похожду`, и= бу'ду 
и=`мъ бг~ъ, и= тi'и бу'дутъ мнjь` лю'дiе. Тjь'мже 
и=зыди'те w\т среды` и='хъ, и= w\тлучи'теся, глаго'летъ 
гд\сь, и= нечистотjь` не прикаса'йтеся, и= а='зъ прiиму` 
вы`. И= бу'ду ва'мъ во _о=ц~а`, и= вы` бу'дете мнjь` въ 
сы'ны и= дщ_е'ри, глаго'летъ гд\сь вседержи'тель. 
Сиц_ева` о_у=`бо и=му'ще w=бjьтова^нiя, _w возлю'бленнiи, 
w=чи'стимъ себе` w\т вся'кiя скве'рны пло'ти и= ду'ха, 
творя'ще ст~ы'ню въ стра'сjь бж~iи.

Сщ~е'нникъ: Ми'ръ ти`.

А=ллилу'iа, гла'съ в~.

Стi'хъ: Терпя` потерпjь'хъ гд\са, и= вня'тъ ми`.

Сщ~е'нникъ четве'ртый:

_Е=v\глiе w\т матfе'а, зача'ло к~s.

Во вре'мя _о='но, прише'дъ i=и~съ въ до'мъ петро'въ, 
ви'дjь те'щу _е=гw` лежа'щу, и= _о=гне'мъ жего'му. И= 
прикосну'ся руцjь` _е=я`, и= w=ста'ви ю=` _о='гнь: и= 
воста`, и= служа'ше _е=му`. По'здjь же бы'вшу, приведо'ша 
къ нему` бjь'сны мнw'ги, и= и=згна` ду'хи сло'вомъ, и= 
вся^ боля'щыя и=сцjьли`. Да сбу'дется рече'нное и=са'iемъ 
пр\оро'комъ глаго'лющимъ: то'й неду'ги на'шя прiя'тъ, и= 
болjь^зни понесе`. Ви'дjьвъ же i=и~съ мнw'ги наро'ды 
_о='крестъ себе`, повелjь` и=ти` на _о='нъ по'лъ. И= 
присту'пль _е=ди'нъ кни'жникъ, рече` _е=му`: о_у=ч~тлю, 
и=ду` по тебjь`, а='може а='ще и='деши. Глаго'ла _е=му` 
i=и~съ: ли'си jа='звины и='мутъ, и= пти^цы нб\сныя 
гнjь'зда: сн~ъ же чл~вjь'ческiй не и='мать гдjь` главы` 
подклони'ти. Другi'й же w\т о_у=ч_ени'къ _е=гw` рече` 
_е=му`: гд\си, повели' ми пре'жде и=ти`, и= погребсти` 
_о=тца` моего`. I=и~съ же рече` _е=му`: гряди` по мнjь`, 
и= w=ста'ви ме'ртвыхъ погребсти` своя^ мертвецы`. И= 
влjь'зшу _е=му` въ кора'бль, по не'мъ и=до'ша о_у=ч~нцы` 
_е=гw`.

Дiа'конъ же:

Поми'луй на'съ бж~е:

_Е=ще` мо'лимся w= мл\сти, жи'зни:

W= _е='же прости'тися _е=му`:

И= возгла'съ: Jа='кw мл\стивъ:

Дiа'конъ: Гд\су помо'лимся.

Сщ~е'нникъ мл~тву:

Бл~же и= чл~вjьколю'бче, бл~гоутро'бне и= 
многомл\стиве гд\си, мно'гiй въ мл\сти, и= бога'тый въ 
бл~госты'ни, _о='ч~е щедро'тъ, и= бж~е вся'кагw 
о_у=тjьше'нiя, о_у=крjьпи'вый ны` ст~ы'ми твои'ми 
а=п\слами, _е=ле'емъ съ мл~твою не'мwщи люде'й цjьли'ти: 
са'мъ и= _е=ле'й се'й вчини` въ цjьльбу` w\т негw` 
помазу'ющымся, въ премjьне'нiе вся'кагw неду'га, и= 
вся'кiя jа='зи, во и=збавле'нiе sw'лъ, ча'ющымъ _е='же 
w\т тебе` сп~се'нiя. _е='й, вл\дко, гд\си бж~е на'шъ, 
мо'лимъ ти ся всеси'льне, _е='же сп~сти` вся^ ны`, 
_е=ди'не ду'шъ же и= тjьле'съ врачу`, w=святи` вся^ ны`: 
вся'къ неду'гъ и=сцjьля'яй, и=сцjьли` и= раба` твоего`, 
и='м\ркъ, воздви'гни _е=го` w\т _о=дра` болjь'зненнагw 
мл\стiю твоея` бл~гости, посjьти` _е=го` мл\стiю и= 
щедро'тами твои'ми: w\тжени` w\т негw` вся'кую болjь'знь 
и= не'мощь, jа='кw да воста'въ руко'ю твое'ю крjь'пкою, 
порабо'таетъ тебjь` со вся'кимъ бл~годаре'нiемъ: jа='кw 
да и= ны'нjь причаща'ющеся твоегw` неизглаго'ланнагw 
чл~вjьколю'бiя, пое'мъ и= сла'вимъ тя`, творя'щаго 
вели^кая и= чу^дная, сла^вная же и= и=зря^дная.

Твое' бо _е='сть, _е='же ми'ловати, и= сп~са'ти ны` 
бж~е на'шъ:

По мл~твjь же а='бiе четве'ртый i=ере'й взе'млетъ 
струче'цъ четве'ртый, и= w=мочи'въ и=` во ст~ы'й _е=ле'й, 
и= помазу'етъ боля'щаго, глаго'ля мл~тву:

_О='ч~е ст~ы'й, врачу` ду'шъ и= тjьле'съ:

Дiа'конъ: Во'нмемъ:

I=ере'й пя'тый: Ми'ръ всjь^мъ.

Прокi'менъ, гла'съ _е~:

Ты` гд\си сохрани'ши ны`, и= соблюде'ши ны` w\т ро'да 
сегw`, и= во вjь'къ.

Стi'хъ: Сп~си' мя гд\си, jа='кw w=скудjь` прп\дбный.

Дiа'конъ: Прему'дрость.

А=по'столъ къ корi'нfянwмъ, зача'ло р_кс~и.

Бра'тiе, не хощу` ва'съ не вjь'дjьти w= ско'рби 
на'шей, бы'вшей на'мъ во а=сi'и, jа='кw по премно'гу и= 
па'че си'лы w=тяготи'хомся, jа='кw не надjь'ятися на'мъ 
и= жи'ти. Но са'ми въ себjь` w=сужде'нiе сме'рти 
и=мjь'хомъ: да не надjь'ющеся бу'демъ на ся`, но на бг~а 
возставля'ющаго м_е'ртвыя: И='же w\т толи'кiя сме'рти 
и=зба'вилъ ны` _е='сть, и= и=збавля'етъ: на'ньже и= 
о_у=пова'хомъ, jа='кw и= _е=ще` и=зба'витъ: 
Поспjьша'ющымъ и= ва'мъ по на'съ мл~твою: да w\т мнw'гъ 
ли'цъ _е='же въ на'съ дарова'нiе, мно'гими бл~годари'тся 
w= ва'съ.

Сщ~е'нникъ: Ми'ръ ти`.

А=ллилу'iа, гла'съ _е~.

Стi'хъ: Мл\сти твоя^ гд\си, во вjь'къ воспою`.

_Е=v\глiе w\т матfе'а, зача'ло р~д.

Рече` гд\сь при'тчу сiю`: о_у=подо'бися цр\ствiе 
нб\сное десяти'мъ дjь'вамъ, jа=`же прiя'ша свjьти'льники 
своя^, и= и=зыдо'ша въ срjь'тенiе жениху`. Пя'ть же бjь` 
w\т ни'хъ мудры`, и= пя'ть ю=рw'дивы. Ю=рw'дивыя же, 
прiе'мше свjьти'льники своя^, не взя'ша съ собо'ю 
_е=ле'а. Му^дрыя же прiя'ша _е=ле'й въ сосу'дjьхъ, со 
свjьти'льники свои'ми. Косня'щу же жениху`, воздрема'шася 
вся^, и= спа'ху. Полу'нощи же во'пль бы'сть: се` жени'хъ 
гряде'тъ, и=сходи'те въ срjь'тенiе _е=гw`. Тогда` 
воста'вше вся^ дjь^вы ты^я, и= о_у=краси'ша свjьти'льники 
своя^. Ю=рw'дивыя же му^дрымъ рjь'ша: дади'те на'мъ w\т 
_е=ле'а ва'шегw, jа='кw свjьти'льницы на'ши о_у=гаса'ютъ. 
W\твjьща'ша же му^дрыя, глаго'люще: _е=да` ка'кw не 
доста'нетъ на'мъ и= ва'мъ; и=ди'те же па'че къ 
продаю'щымъ, и= купи'те себjь`. И=ду'щымъ же и=`мъ 
купи'ти, прiи'де жени'хъ, и= готw'выя внидо'ша съ ни'мъ 
на бра'ки: и= затворе'ны бы'ша дв_е'ри. Послjьди' же 
прiидо'ша и= про'чыя дjь^вы, глаго'люще: гд\си, гд\си, 
w\тве'рзи на'мъ. _О='нъ же w\твjьща'въ рече` и=`мъ: 
а=ми'нь глаго'лю ва'мъ, не вjь'мъ ва'съ. Бди'те о_у=`бо, 
jа='кw не вjь'сте дне`, ни часа`, во'ньже сн~ъ 
чл~вjь'ческiй прiи'детъ.

Дiа'конъ же:

Поми'луй на'съ бж~е:

_Е=ще` мо'лимся w= мл\сти, жи'зни:

W= _е='же прости'тися _е=му`:

И= возгла'съ: Jа='кw мл\стивъ:

Дiа'конъ: Гд\су помо'лимся.

Сщ~е'нникъ мл~тву сiю`:

Гд\си бж~е на'шъ, наказу'яй и= па'ки и=сцjьля'яй, 
воздвиза'яй w\т земли` ни'ща, и= w\т гно'ища возвыша'яй 
о_у=бо'гаго: сиро'тъ _о='ч~е, и= w=бурева'емыхъ 
приста'нище, и= неду'гующихъ врачу`, не'мwщи на'шя 
неболjь'зненнw нося'й, и= неду'ги на'шя прiе'мляй: въ 
ти'хости ми'луяй, превосходя'й беззакw'нiя, и= 
и=з\ъима'яй непра^вды: ско'рый въ по'мощь, и= ко'сный во 
гнjь'въ, ду'нувый на своя^ о_у=ч~нки`, и= рекi'й: 
прiими'те дх~а ст~а'го, и=`мже а='ще w=ста'вите грjьхи`, 
w=ста'вятся и=`мъ: прiе'мляй грjь'шныхъ покая'нiе, и= 
вла'сть и=мjь'яй проща'ти грjьхи` мнw'гiя и= лю^тыя: и= 
и=сцjьле'нiе подава'я всjь^мъ, въ не'мощи и= 
долгонеду'жiи пребыва'ющымъ: и='же мене` смире'ннаго и= 
грjь'шнаго, и= недосто'йнаго раба` твоего` во мно'зjьхъ 
грjьсjь'хъ сплете'ннаго, и= страстьми` сласте'й 
валя'ющагося, призва'вый во ст~ы'й и= превелича'йшiй 
степе'нь сщ~е'нства, и= вни'ти во вну'треннее завjь'сы, 
во ст~а^я ст~ы'хъ, и=дjь'же прини'кнути ст~i'и а='гг~ли 
жела'ютъ, и= слы'шати _е=v\гльскiй гла'съ гд\са бг~а, и= 
зрjь'ти самозра'чнjь лице` ст~а'гw возноше'нiя, и= 
наслажда'тися бж~е'ственныя и= сщ~е'нныя лiтургi'и. 
сподо'бивый мя` сщ~еннодjь'йствовати пренеб_е'сныя твоя^ 
та^йны, и= приноси'ти тебjь` да'ры же и= ж_е'ртвы w= 
на'шихъ грjьсjь'хъ, и= людски'хъ невjь'жествiихъ, и= 
хода'тайствовати w= слове'сныхъ твои'хъ _о=вца'хъ, да 
мно'гимъ и= неизрече'ннымъ твои'мъ чл~вjьколю'бiемъ 
прегрjьш_е'нiя и='хъ w=чи'стиши. са'мъ пребл~гi'й цр~ю`, 
внуши` мл~тву мою` въ се'й ча'съ же и= ст~ы'й де'нь, и= 
на вся'кое вре'мя и= мjь'сто: и= вонми` гла'су моле'нiя 
моегw`, и= рабу` твоему`, и='м\ркъ, въ не'мощи душе'вной 
и= тjьле'сной су'щему, и=сцjьле'нiе да'руй: подая` _е=му` 
w=ставле'нiе грjьхw'въ, и= проще'нiе согрjьше'нiй, 
во'льныхъ же и= нево'льныхъ: о_у=врачу'й _е=гw` jа='звы 
неисцjь^льныя, вся'кiй же неду'гъ, и= вся'кую jа='зю, 
да'руй _е=му` душе'вное и=сцjьле'нiе. прикосну'выйся 
те'щи петро'вjь, и= w=ста'ви ю=` _о=гне'вица, и= воста` 
и= служа'ше тебjь`: са'мъ вл\дко, и= рабу` твоему`, 
и='м\ркъ, пода'ждь врачева'нiе, и= премjьне'нiе вся'кiя 
тлетво'рныя болjь'зни, и= помяни` бога^тыя твоя^ 
щедрw'ты, и= мл\сть твою`. помяни`, jа='кw прилjь'жнw 
належи'тъ помышле'нiе человjь'ка на лука^вая w\т ю='ности 
_е=гw`, и= ни _е=ди'нъ w=брjьта'ется безгрjь'шенъ на 
земли`: ты' бо _е=ди'нъ кромjь` грjьха` _е=си`, прише'дый 
и= сп~сы'й человjь'ческiй ро'дъ, и= свободи'вый на'съ w\т 
рабо'ты вра'жiя. а='ще бо въ су'дъ вни'деши съ рабы^ 
твои'ми, никто'же w=бря'щется чи'стъ w\т скве'рны: но 
вся^кая о_у=ста` заградя'тся, не и=му^щая что` 
w\твjьща'ти, зане` jа='коже ру'бъ пове'рженный, вся'кая 
пра'вда на'ша пред\ъ тобо'ю. сегw` ра'ди грjьхи` ю='ности 
на'шея не помяни` гд\си: ты' бо _е=си` наде'жда 
ненадjь'ющихся, и= о_у=покое'нiе тружда'ющихся, и= 
w=бремене'нныхъ въ беззако'нiихъ, и= тебjь` сла'ву 
возсыла'емъ, со безнача'льнымъ твои'мъ _о=ц~е'мъ, и= 
прест~ы'мъ, и= бл~ги'мъ, и= животворя'щимъ твои'мъ 
дх~омъ, ны'нjь и= при'снw, и= во вjь'ки вjькw'въ, 
а=ми'нь.

По мл~твjь же а='бiе пя'тый сщ~е'нникъ взе'млетъ 
струче'цъ пя'тый, и= w=мочи'въ и=` во ст~ы'й _е=ле'й, 
помазу'етъ боля'щаго, глаго'ля мл~тву:

_О='ч~е ст~ы'й, врачу` ду'шъ и= тjьле'съ:

Дiа'конъ: Во'нмемъ.

Сщ~е'нникъ же шесты'й: Ми'ръ всjь^мъ.

Прокi'менъ, гла'съ s~:

Поми'луй мя` бж~е по вели'цjьй мл\сти твое'й.

Стi'хъ: Се'рдце чи'сто сози'жди во мнjь` бж~е, и= дх~ъ 
пра'въ w=бнови` во о_у=тро'бjь мое'й.

А=по'столъ къ гала'тwмъ, зача'ло сг~_i.

Бра'тiе, пло'дъ дх~о'вный _е='сть: любы`, ра'дость, 
ми'ръ, долготерпjь'нiе, бл~гость, мл\срдiе, вjь'ра, 
кро'тость, воздержа'нiе: на таковы'хъ нjь'сть зако'на. А= 
и=`же хр\стw'вы су'ть, пло'ть распя'ша со страстьми` и= 
похотьми`. А='ще живе'мъ дх~омъ, дх~омъ и= да хо'димъ. Не 
быва'имъ тщесла'вни, дру'гъ дру'га раздража'юще, дру'гъ 
дру'гу зави'дяще. Бра'тiе, а='ще и= впаде'тъ человjь'къ 
въ нjь'кое прегрjьше'нiе, вы` духо'внiи и=справля'йте 
такова'го ду'хомъ кро'тости: блюды'й себе`: да не и= ты` 
и=скуше'нъ бу'деши. Дру'гъ дру'га тяготы^ носи'те, и= 
та'кw и=спо'лните зако'нъ хр\сто'въ.

Сщ~е'нникъ шесты'й: Ми'ръ ти`.

Дiа'конъ: Прему'дрость, во'нмемъ.

А=ллилу'iа, гла'съ s~.

Стi'хъ: Бл~же'нъ му'жъ боя'йся гд\са, въ за'повjьдехъ 
_е=гw` восхо'щетъ sjьлw`.

Дiа'конъ: Прему'дрость, про'сти о_у=слы'шимъ ст~а'гw 
_е=v\глiа.

_Е=v\глiе w\т матfе'а, зача'ло _кс~в.

Во вре'мя _о='но, вни'де i=и~съ во страны^ тv^рскiя и= 
сiдw'нскiя. И= се` жена` ханане'йска w\т предjь^лъ тjь'хъ 
и=зше'дши, возопи` къ нему`, глаго'лющи: поми'луй мя` 
гд\си, сн~е дв~довъ: дщи` моя` sлjь` бjьсну'ется. _О='нъ 
же не w\твjьща` _е='й словесе`. и= присту'пльше 
о_у=ч~нцы` _е=гw`, моля'ху _е=го`, глаго'люще: w\тпусти` 
ю=`, jа='кw вопiе'тъ въ слjь'дъ на'съ. _О='нъ же 
w\твjьща'въ рече`: нjь'смь по'сланъ, то'кмw ко _о=вца'мъ 
поги'бшымъ до'му i=и~лева. _О=на' же прише'дши поклони'ся 
_е=му`, глаго'лющи: гд\си, помози' ми. _О='нъ же 
w\твjьща'въ рече`: нjь'сть добро` w\тя'ти хлjь'ба 
ча'дwмъ, и= поврещи` псw'мъ. _О=на' же рече`: _е='й, 
гд\си, и='бо и= пси` jа=дя'тъ w\т крупи'цъ па'дающихъ w\т 
трапе'зы господе'й свои'хъ. Тогда` w\твjьща'въ i=и~съ, 
рече` _е='й: _w же'но, ве'лiя вjь'ра твоя`, бу'ди тебjь`, 
jа='коже хо'щеши. и= и=сцjьлjь` дщи` _е=я` w\т тогw` 
часа`.

Дiа'конъ же: Поми'луй на'съ бж~е:

_Е=ще` мо'лимся w= мл\сти, жи'зни:

W= _е='же прости'тися _е=му`:

Возгла'съ: Jа='кw мл\стивъ.

Дiа'конъ: Гд\су помо'лимся:

Сщ~е'нникъ мл~тву сiю`:

Бл~годари'мъ тя` гд\си бж~е на'шъ, бл~гi'й 
чл~вjьколю'бче, и= врачу` ду'шъ и= тjьле'съ на'шихъ, 
неду'ги на'шя неболjь'зненнw нося'й, _е=гw'же jа='звою 
вси` и=сцjьлjь'хомъ: па'стырю до'брый, на взыска'нiе 
прише'дый заблу'ждшагw _о=вча'те, малоду^шнымъ дая'й 
о_у=тjьше'нiе, и= живо'тъ сокруш_е'нымъ: и=сто'чникъ 
кровоточи'выя дванадесятолjь'тенъ бы'вшiй и=сцjьли'вый: 
дще'рь ханане'ину w\т лю'тагw де'мwна свободи'вый: до'лгъ 
дарова'вый двjьма` должнико'ма, и= грjь'шной женjь` 
w=ставле'нiе да'вый: и=сцjьле'нiе разсла'бленному 
дарова'вый, со w=ставле'нiемъ грjьхw'въ _е=гw`: мытаря` 
сло'вомъ w=правда'вый, и= разбо'йника въ послjь'днемъ 
_е=гw` и=сповjь'данiи прiе'мый: грjьхи` мi'ра взе'мый, и= 
на кр\стjь` пригвозди'вый: тебjь` мо'лимся и= тебе` 
про'симъ, въ бл~гости твое'й, са'мъ w=сла'би, w=ста'ви, 
прости` бж~е беззакw'нiя, и= грjьхи` раба` твоегw`, 
и='м\ркъ, согрjьш_е'нiя _е=гw` вw'льная и= невw'льная, 
jа=`же въ вjь'дjьнiи и= не въ вjь'дjьнiи, jа=`же въ 
преступле'нiи, и= въ преслуша'нiи, jа=`же въ нощи` и= во 
дни`: и=ли` въ кля'твjь сщ~е'нничестjьй, и=ли` _о='тчи, 
и=ли` ма'терни бы'сть: и=ли` _о=чи'ма воззрjь'нiемъ, 
и=ли` вjь'ждома помава'нiемъ: и=ли` прилjьжа'нiемъ 
любодjь'йства, и=ли` вкуше'нiемъ блуда`: и=ли` въ ко'емъ 
лю'бо движе'нiи пло'ти и= ду'ха, w\тчужди'ся хотjь'нiя 
твоегw`, и= твоея` ст~ы'ни. А='ще же согрjьши` то'йже и= 
мы`, jа='кw бл~гъ и= непамятоsло'бивый бг~ъ и= 
чл~вjьколю'бецъ прости`, не w=ставля'я _е=гw` и= на'съ въ 
скве'рное житiе` впа'сти, ниже` въ па^губныя пути^ тещи`. 
_Е='й, вл\дко гд\си, о_у=слы'ши мя` грjь'шнаго въ ча'съ 
се'й за раба` твоего`, и='м\ркъ, и= пре'зри jа='кw 
непамятоsло'бивый бг~ъ согрjьш_е'нiя _е=гw` вся^: 
свободи` _е=го` w\т вjь'чныя му'ки: о_у=ста` _е=гw` 
твоегw` хвале'нiя и=спо'лни: о_у=стнjь` _е=гw` w\тве'рзи 
къ славосло'вiю и='мене твоегw`: ру'цjь _е=гw` простри` 
къ дjь'ланiю за'повjьдей твои'хъ: но'зjь _е=гw` къ 
тече'нiю бл~говjьствова'нiя твоегw` и=спра'ви: вся^ 
_е=гw` о_у='ды и= мы'сль твое'ю о_у=крjьпля'я 
бл~года'тiю. Ты' бо _е=си` бг~ъ на'шъ, ст~ы'ми твои'ми 
а=п\слы заповjь'давый на'мъ, глаго'ля: _е=ли^ка а='ще 
свя'жете на земли`, бу'дутъ свя^зана на нб~сjь'хъ: и= 
_е=ли^ка а='ще разрjьшите` на земли`, бу'дутъ 
разрjьш_е'на на нб~сjь'хъ. и= па'ки: и='хже а='ще 
w=ста'вите грjьхи`, w=ста'вятся и=`мъ, и='же а='ще 
держите`, о_у=держа'тся. и= jа='коже о_у=слы'шалъ _е=си` 
_е=зекi'ю въ ско'рби души` _е=гw`, въ ча'съ сме'рти 
_е=гw`, и= не презрjь'лъ _е=си` моле'нiя _е=гw`: та'кожде 
и= мене` смире'ннаго и= грjь'шнаго и= недосто'йнаго раба` 
твоего` о_у=слы'ши въ ча'съ се'й. ты' бо _е=си` гд\си 
i=и~се хр\сте`, се'дмьдесятъ кра'тъ седмери'цею 
w=ставля'ти па'дающымъ въ грjьхи` повелjь'вый, твое'ю 
бл~гостiю и= человjьколю'бiемъ: и= ка'яйся w= sло'бахъ 
на'шихъ, и= ра'дуяйся w= w=браще'нiи заблужде'нныхъ: 
зане` jа='кw вели'чество твое`, та'кw и= мл\сть твоя`: и= 
тебjь` сла'ву возсыла'емъ, со безнача'льнымъ твои'мъ 
_о=ц~е'мъ, и= прест~ы'мъ, и= бл~ги'мъ, и= животворя'щимъ 
твои'мъ дх~омъ: ны'нjь и= при'снw, и= во вjь'ки вjькw'въ, 
а=ми'нь.

По мл~твjь же а='бiе шесты'й сщ~е'нникъ взе'млетъ 
струче'цъ шесты'й, и= w=мочи'въ и=` во ст~ы'й _е=ле'й, 
помазу'етъ боля'щаго, глаго'ля мл~тву:

_О='ч~е ст~ы'й, врачу` ду'шъ и= тjьле'съ:

Дiа'конъ: Во'нмемъ.

Сщ~е'нникъ же седмы'й: Ми'ръ всjь^мъ.

Прокi'менъ, гла'съ з~:

Гд\си, да не jа='ростiю твое'ю w=бличи'ши мене`, ниже` 
гнjь'вомъ твои'мъ нака'жеши мене`.

Стi'хъ: Поми'луй мя` гд\си, jа='кw не'мощенъ _е='смь.

А=по'столъ къ солу'нянwмъ, зача'ло с_о~г.

Бра'тiе, мо'лимъ вы`, вразумля'йте безчи^нныя, 
о_у=тjьша'йте малоду^шныя, заступа'йте немwщны'я, 
долготерпи'те ко всjь^мъ. Блюди'те, да никто'же sла` за 
sло` кому` возда'стъ: но всегда` до'брое гони'те, и= 
дру'гъ ко дру'гу, и= ко всjь^мъ. Всегда` ра'дуйтеся: 
Непреста'ннw моли'теся. W= все'мъ бл~годари'те: сiя' бо 
_е='сть во'ля бж~iя w= хр\стjь` i=и~сjь въ ва'съ. Дх~а не 
о_у=гаша'йте: Пр\оро'ч_ествiя не о_у=ничижа'йте. Вся^ же 
и=скуша'юще, дw'брая держи'те: W\т вся'кiя ве'щи sлы'я 
w\тгреба'йтеся. Са'мъ же бг~ъ ми'ра да w=святи'тъ вы` 
всесоверше'ны w= все'мъ, и= всесоверше'нъ ва'шъ ду'хъ, и= 
душа`, и= тjь'ло непоро'чно, въ прише'ствiе гд\са на'шегw 
i=и~са хр\ста` да сохрани'тся.

Сщ~е'нникъ же седмы'й: Ми'ръ ти`.

Дiа'конъ: Прему'дрость.

А=ллилу'iа, гла'съ з~.

Стi'хъ: О_у=слы'шитъ тя` гд\сь въ де'нь печа'ли, 
защи'титъ тя` и='мя бг~а i=а'кwвля.

_Е=v\глiе w\т матfе'а, зача'ло л~.

Во вре'мя _о='но, преходя` i=и~съ, ви'дjь человjь'ка 
сjьдя'ща на мы'тницjь, матfе'а глаго'лема, и= глаго'ла 
_е=му`: по мнjь` гряди`. и= воста'въ по не'мъ и='де: И= 
бы'сть _е=му` возлежа'щу въ дому`, и= се` мно'зи мытари` 
и= грjь^шницы прише'дше возлежа'ху со i=и~сомъ, и= со 
о_у=ченики` _е=гw`: И= ви'дjьвше фарiсе'_е, глаго'лаху 
о_у=ч~нкw'мъ _е=гw`: почто` съ мытари` и= грjь'шники 
о_у=ч~тль ва'шъ jа='стъ и= пiе'тъ: I=и~съ же слы'шавъ 
рече` и=`мъ: не тре'буютъ здра'вiи врача`, но боля'щiи. 
Ше'дше же научи'теся, что` _е='сть: мл\сти хощу`, а= не 
же'ртвы; не прiидо'хъ бо призва'ти прв\дники, но 
грjь'шники на покая'нiе.

Дiа'конъ же: Поми'луй на'съ бж~е:

_Е=ще` мо'лимся w= мл\сти, жи'зни:

W= _е='же прости'тися _е=му`:

И= возгла'съ: Jа='кw мл\стивъ:

Дiа'кону ре'кшу: Гд\су помо'лимся.

Сщ~е'нникъ мл~тву сiю`:

Вл\дко гд\си бж~е на'шъ, врачу` ду'шъ и= тjьле'съ, 
вре'м_енныя стра^сти о_у=врачева'вый, и=сцjьля'яй вся'къ 
неду'гъ и= вся'кую jа='зю въ лю'дехъ, хотя'й всjь^мъ 
человjь'кwмъ сп~сти'ся, и= въ позна'нiе и='стины прiити`, 
не хотя'й сме'рти грjь'шника, но jа='кw w=брати'тися, и= 
жи'ву бы'ти _е=му`. ты' бо гд\си, въ ве'тхомъ завjь'тjь 
положи'лъ _е=си` покая'нiе грjь^шнымъ, дв~ду, и= 
нiнеvi'тянwмъ, и= пре'жде тjь'хъ бы'вшымъ: но и= во 
прише'ствiи плотска'гw твоегw` смотре'нiя, не призва'лъ 
_е=си` пра'в_едныя, но грjь^шныя въ покая'нiе: jа='коже 
мытаря`, jа='коже блудни'цу, разбо'йника, и= ху'льнаго 
гони'теля, вели'кагw па'vла покая'нiемъ прiе'мый. петра` 
верхо'внаго и= а=п\сла твоего`, w\тве'ргшагося тебе` 
три'жды, покая'нiемъ прiя'лъ _е=си`, и= w=бjьща'лъ _е=си` 
_е=му`, глаго'ля: ты` _е=си` пе'тръ, и= на се'мъ ка'мени 
сози'жду цр~ковь мою`, и= врата` а='дwва не w=долjь'ютъ 
_е='й, и= да'мъ тебjь` ключи` цр\ствiя нб\снагw. сегw` 
ра'ди и= мы`, бл~же и= чл~вjьколю'бче, по нелw'жнымъ 
твои^мъ w=бjьща'нi_емъ дерза'юще, мо'лимся тебjь`, и= 
про'симъ въ ча'съ се'й: о_у=слы'ши моле'нiе на'ше, и= 
прiими` _е=`, jа='коже кади'ло приноси'мое тебjь`, и= 
посjьти` раба` твоегw`, и='м\ркъ, и= а='ще что` согрjьши` 
сло'вомъ, и=ли` дjь'ломъ, и=ли` помышле'нiемъ, и=ли` въ 
нощи`, и=ли` во дни`: и=ли` под\ъ кля'тву сщ~е'нническую, 
и=ли` своему` прокля'тiю подпаде`: и=ли` кля'твою 
w=горчи'ся, и= прокля'тъ себе`: тебе` про'симъ, и= тебjь` 
мо'лимся, w=сла'би, w=ста'ви, прости` _е=му` бж~е, 
презира'я беззакw'нiя _е=гw` и= грjьхи`, и= jа=`же въ 
вjь'дjьнiи и= не въ вjь'дjьнiи бы^вшая w\т негw`. и= 
а='ще что` w\т за'повjьдей твои'хъ преступи`, и=ли` 
согрjьши`, jа='кw пло'ть нося'й, и= въ мi'рjь живя'й, 
и=ли` w\т дjь'йства дiа'вольскагw: са'мъ jа='кw бл~гъ и= 
чл~вjьколю'бецъ бг~ъ прости`: jа='кw нjь'сть человjь'ка, 
и='же поживе'тъ, и= не согрjьши'тъ. ты' бо _е=ди'нъ 
_е=си` безгрjь'шенъ: пра'вда твоя` пра'вда въ вjь'къ и= 
сло'во твое` и='стина. не бо` созда'лъ _е=си` человjь'ка 
въ поги'бель, но въ снабдjь'нiе за'повjьдей твои'хъ, и= 
живота` нетлjь'ннагw наслjь'дiе: и= тебjь` сла'ву 
возсыла'емъ, со _о=ц~е'мъ, и= ст~ы'мъ дх~омъ, ны'нjь и= 
при'снw, и= во вjь'ки вjькw'въ, а=ми'нь.

По мл~твjь же седмы'й i=ере'й взе'млетъ струче'цъ 
седмы'й, и= w=мочи'въ и=` во ст~ы'й _е=ле'й, помазу'етъ 
боля'щаго, глаго'ля мл~тву:

_О='ч~е ст~ы'й, врачу` ду'шъ и= тjьле'съ:

По сконча'нiи же сегw` больны'й прiе'мляй 
_е=леwсвяще'нiе, а='ще мо'жетъ, са'мъ вхо'дитъ посредjь` 
сщ~е'нникwвъ, и=ли` держи'мь w\т свои'хъ си` стои'тъ, 
и=ли` сjьди'тъ. А='ще же не мо'жетъ са'мъ, сщ~е'нницы 
са'ми w=бстоя'тъ _е=го` на _о=дрjь` лежа'щагw. 
Настоя'тель же взе'мъ ст~о'е _е=v\глiе, и= разгну'въ 
_е=`, возлага'етъ писмены` на главjь` больна'гw, 
придержа'щымъ всjь^мъ сщ~е'нникwмъ. Нача'льствуяй же не 
возлага'етъ ру'ку, но велегла'снw глаго'летъ мл~тву сiю`:

Цр~ю` ст~ы'й, бл~гоутро'бне и= многомл\стиве гд\си 
i=и~се хр\сте`, сн~е и= сло'ве бг~а жива'гw, не хотя'й 
сме'рти грjь'шнагw, но jа='кw w=брати'тися, и= жи'ву 
бы'ти _е=му`: не полага'ю ру'ку мою` грjь'шную на главу` 
прише'дшагw къ тебjь` во грjьсjь'хъ, и= прося'щагw о_у= 
тебе` на'ми w=ставле'нiе грjьхw'въ: но твою` ру'ку 
крjь'пкую и= си'льную, jа='же во ст~о'мъ _е=v\глiи се'мъ, 
_е='же сослужи'тели мо'й держа'тъ на главjь` раба` 
твоегw`, и='м\ркъ, и= молю'ся съ ни'ми. и= прошу` 
мл\стивное и= непамятоsло'бное чл~вjьколю'бiе твое` бж~е, 
сп~си'телю на'шъ, пр\оро'комъ твои'мъ наfа'номъ, 
пока'явшемуся дв~ду w= свои'хъ согрjьше'нiихъ 
w=ставле'нiе дарова'вый, и= манассi'ину _е='же w= 
покая'нiи мл~тву прiе'мый: са'мъ и= раба` твоего`, 
и='м\ркъ ка'ющагося w= свои'хъ си` согрjьше'нiихъ прiими` 
_о=бы'чнымъ твои'мъ чл~вjьколю'бiемъ, презира'яй вся^ 
_е=гw` прегрjьш_е'нiя. ты' бо _е=си` бг~ъ на'шъ, и='же и= 
се'дмьдесятъ кра'тъ седмери'цею w=ставля'ти повелjь'вый, 
па'дающымъ въ грjьхи`: зане` jа='кw вели'чество твое`, 
та'кw и= мл\сть твоя`, и= тебjь` подоба'етъ вся'кая 
сла'ва, че'сть и= поклоне'нiе, ны'нjь и= при'снw, и= во 
вjь'ки вjькw'въ, а=ми'нь.

Сне'мше же _е=v\глiе съ главы` больна'гw, даю'тъ 
цjьлова'ти _е=`.

Дiа'конъ же: Поми'луй на'съ бж~е:

_Е=ще` мо'лимся w= мл\сти, жи'зни:

И= w= _е='же прости'тися _е=му`:

Возгла'съ: Jа='кw мл\стивъ, и= чл~вjьколю'бецъ бг~ъ 
_е=си`:

Та'же пою'тъ сла'ва, самогла'сенъ, гла'съ д~:

И=сто'чникъ и=сцjьле'нiй, и=му'ще ст~i'и 
безср_е'бреницы, и=сцjьл_е'нiя подава'ете всjь^мъ 
тре'бующымъ, jа='кw преве'лiихъ дарова'нiй сподо'бльшiися 
w\т приснотеку'щагw и=сто'чника сп~са на'шегw. глаго'летъ 
бо къ ва'мъ гд\сь, jа='кw _е=диноревни'тел_емъ 
а=п\сльскимъ: се` да'хъ ва'мъ вла'сть на ду'хи нечи^стыя, 
jа='коже тjь'хъ и=згони'ти, и= цjьли'ти вся'къ неду'гъ, 
и= вся'ку jа='зю: тjь'мже въ повелjь'нiихъ _е=гw` до'брjь 
жи'тельствовавше, ту'не прiя'сте, ту'не подава'ете, 
и=сцjьля'юще стра^сти ду'шъ и= тjьле'съ на'шихъ.

И= ны'нjь, гла'съ то'йже:

При'зри на мол_е'нiя твои'хъ ра^бъ всенепоро'чная, 
о_у=толя'ющи лю^тая на ны` воста^нiя, вся'кiя ско'рби 
на'съ и=змjьня'ющи: тя' бо _е=ди'ну тве'рдое и= 
и=звjь'стное о_у=твержде'нiе и='мамы, и= твое` 
предста'тельство стяжа'хомъ, да не постыди'мся вл\дчце, 
тя` призыва'ющiи. потщи'ся на о_у=моле'нiе, тебjь` 
вjь'рнw вопiю'щихъ: ра'дуйся вл\дчце, всjь'хъ по'моще, 
ра'досте и= покро'ве, и= сп~се'нiе ду'шъ на'шихъ.

Сла'ва, и= ны'нjь:

Гд\си поми'луй, три'жды.

Бл~гослови`. И= w\тпу'стъ.

Хр\сто'съ и='стинный бг~ъ на'шъ, мл~твами преч\стыя 
своея` мт~ре: си'лою ч\стна'гw и= животворя'щагw кр\ста`: 
ст~а'гw сла'внагw и= всехва'льнагw а=п\сла i=а'кwва, и= 
пе'рвагw а=рхiере'а i=ерусали'мскаго, бра'та бж~iя, и= 
всjь'хъ ст~ы'хъ, сп~се'тъ и= поми'луетъ на'съ, jа='кw 
бл~гъ и= чл~вjьколю'бецъ.

И= полага'етъ покло'нъ прiе'мый мл~твома'слiе, 
глаго'ля:

Бл~гослови'те _о=тцы` ст~i'и, прости'те мя` 
грjь'шнаго. Три'жды.

И= прiи'мъ w\т ни'хъ бл~гослове'нiе и= проще'нiе, 
w\тхо'дитъ бл~годаря` бг~а.