Богослужебные тексты

<::лат>  OCR:

<::рус>  Библиотека святоотеческой литературы

<::лат>  http://orthlib.ru

<::слав>

[гл\ва _е~_i] Канw'нъ моле'бный ко гд\су на'шему 
i=и~су хр\сту` и= преч\стjьй бц\дjь мт~ри гд\сни, при 
разлуче'нiи души` w\т тjь'ла вся'кагw правовjь'рнагw.

Прихо'дитъ и=гу'менъ, къ мiрско'му же _о=те'цъ _е=гw` 
дх~о'вный, и= вопроша'етъ, а='ще _е='сть ко'е сло'во, 
и=ли` дjь'ло забве'нiя ра'ди, и=ли` студа`, и=ли` ка'я 
sло'ба къ ко'ему бра'ту неисповjь'дана, и=ли` непроще'на 
_е='сть, вся^ до'лженъ _е='сть и=зы'скивати, и= 
вопроша'ти по _е=ди'ному о_у=мира'ющаго.

Посе'мъ начина'етъ: Бл~гослове'нъ бг~ъ на'шъ: 
Трист~о'е. По _О='ч~е на'шъ: Гд\си поми'луй, в~_i.

Прiиди'те поклони'мся: три'жды.

_Псало'мъ н~.

Поми'луй мя` бж~е, по вели'цjьй мл\сти твое'й, и= по 
мно'жеству щедро'тъ твои'хъ w=чи'сти беззако'нiе мое`. 
Наипа'че w=мы'й мя` w\т беззако'нiя моегw`, и= w\т 
грjьха` моегw` w=чи'сти мя`. Jа='кw беззако'нiе мое` 
а='зъ зна'ю, и= грjь'хъ мо'й предо мно'ю _е='сть вы'ну. 
Тебjь` _е=ди'ному согрjьши'хъ, и= лука'вое пред\ъ тобо'ю 
сотвори'хъ: jа='кw да w=правди'шися во словесjь'хъ 
твои'хъ, и= побjьди'ши внегда` суди'ти ти`. Се' бо въ 
беззако'нiихъ зача'тъ _е='смь, и= во грjьсjь'хъ роди' мя 
ма'ти моя`. Се' бо и='стину возлюби'лъ _е=си`, 
безвjь^стная и= та^йная прему'дрости твоея` jа=ви'лъ ми` 
_е=си`. W=кропи'ши мя` v=ссw'помъ, и= w=чи'щуся: w=мы'еши 
мя` и= па'че снjь'га о_у=бjьлю'ся. Слу'ху моему` да'си 
ра'дость и= весе'лiе, возра'дуются кw'сти смир_е'нныя. 
W\тврати` лице` твое` w\т грjь^хъ мои'хъ, и= вся^ 
беззакw'нiя моя^ w=чи'сти. Се'рдце чи'сто сози'жди во 
мнjь` бж~е, и= ду'хъ пра'въ w=бнови` во о_у=тро'бjь 
мое'й. Не w\тве'ржи мене` w\т лица` твоегw`, и= дх~а 
твоегw` ст~а'гw не w\тими` w\т мене`. Возда'ждь ми` 
ра'дость сп~се'нiя твоегw`, и= дх~омъ вл\дчнимъ 
о_у=тверди' мя. Научу` беззакw'нныя пут_е'мъ твои^мъ, и= 
нечести'вiи къ тебjь` w=братя'тся. И=зба'ви мя` w\т 
крове'й бж~е, бж~е сп~се'нiя моегw`, возра'дуется я=зы'къ 
мо'й пра'вдjь твое'й. Гд\си, о_у=стнjь` мои` w\тве'рзеши, 
и= о_у=ста` моя^ возвjьстя'тъ хвалу` твою`. Jа='кw а='ще 
бы восхотjь'лъ _е=си` же'ртвы, да'лъ бы'хъ о_у='бw: 
всесожже'нiя не бл~говоли'ши. Же'ртва бг~у ду'хъ 
сокруше'нъ: се'рдце сокруше'нно и= смире'нно бг~ъ не 
о_у=ничижи'тъ. О_у=блажи` гд\си бл~говоле'нiемъ твои'мъ 
сiw'на, и= да сози'ждутся стjь'ны i=ер\сли^мскiя. Тогда` 
бл~говоли'ши же'ртву пра'вды, возноше'нiе и= 
всесожега'_емая: тогда` возложа'тъ на _о=лта'рь тво'й 
тельцы`.

Канw'нъ моле'бный прест~jь'й бц\дjь, со i=рмосо'мъ на 
s~, w\т лица` человjь'ка съ душе'ю разлуча'ющагwся, и= не 
могу'щагw глаго'лати. Гла'съ s~.

Пjь'снь а~.

I=рмо'съ: Jа='кw по су'ху пjьшеше'ствовавъ i=и~ль, по 
бе'зднjь стопа'ми, гони'теля фараw'на ви'дя потопля'ема, 
бг~у побjь'дную пjь'снь пои'мъ, вопiя'ше.

Припjь'въ: Прест~а'я бц\де, сп~си` на'съ.

Ка'плямъ подо'бнw дожд_е'внымъ, sлi'и и= ма'лiи днi'е 
мои`, лjь'тнимъ w=бхожде'нiемъ w=скудjьва'юще, пома'лу 
и=счеза'ютъ о_у=же`, вл\дчце сп~си' мя.

Твои'мъ бл~гоутро'бiемъ, и= мно'гими щедро'тами 
твои'ми вл\дчце, преклоня'ема _е=сте'ственнw, въ ча'съ 
се'й о_у=жа'сный, предста'ни ми` помо'щнице непобори'мая.

Содержи'тъ ны'нjь ду'шу мою` стра'хъ вели'къ, тре'петъ 
неисповjьди'мъ и= болjь'зненъ _е='сть, внегда` и=зы'ти 
_е='й w\т тjьлесе` преч\стая, ю='же о_у=тjь'ши.

Сла'ва: Грjь^шнымъ и= смир_е'ннымъ и=звjь'стное 
прибjь'жище, w= мнjь` и=звjьсти` твою` мл\сть ч\стая, и= 
бjьсо'вскiя и=зба'ви руки`: jа='коже бо пси` мно'зи 
w=бступи'ша мя`.

И= ны'нjь: Се` вре'мя по'мощи, се` вре'мя твоегw` 
заступле'нiя, се` вл\дчце, вре'мя, w= не'мже де'нь и= 
но'щь припа'дахъ те'плjь и= моля'хся тебjь`.

Пjь'снь г~.

I=рмо'съ: Нjь'сть ст~ъ jа='коже ты`, гд\си бж~е мо'й, 
вознесы'й ро'гъ вjь'рныхъ твои'хъ бл~же, и= 
о_у=тверди'вый на'съ на ка'мени и=сповjь'данiя твоегw`.

И=здале'ча сегw` дне` вл\дчце прови'дя, и= того` 
jа='кw прише'дша помышля'яй при'снw, слеза'ми те'плыми 
моля'хся не забы'ти мене`.

W=быдо'ша мя` мы'сленнiи рыка'юще скv'мны, и= и='щутъ 
восхи'тити и= разтерза'ти мя` го'рцjь, и='хже зу'бы 
ч\стая, и= ч_е'люсти сокруши`, и= сп~си' мя.

О_у=га'сшу о_у='бw w\тню'дъ _о=рга'ну слове'сному, и= 
связа'вшуся я=зы'ку, и= затвори'вшуся гла'су, въ 
сокруше'нiи се'рдца молю' тя: сп~си'тельнице моя`, сп~си' 
мя.

Сла'ва: Приклони` о_у='хо твое` ко мнjь` хр\ста` бг~а 
моегw` мт~и, w\т высоты` мно'гiя сла'вы твоея` бл~га'я, 
и= о_у=слы'ши стена'нiе коне'чное, и= ру'ку ми` пода'ждь.

И= ны'нjь: Не w\тврати` w\т мене` мнw'гiя щедрw'ты 
твоя^, не затвори` о_у=тро'бу твою` чл~вjьколю'бную 
ч\стая: но предста'ни ми` ны'нjь, и= въ ча'съ су'дный 
помяни' мя.

Пjь'снь д~.

I=рмо'съ: Хр\сто'съ моя` си'ла, бг~ъ и= гд\сь, 
ч\стна'я цр~ковь бг~олjь'пнw пое'тъ взыва'ющи, w\т 
смы'сла чи'ста w= гд\сjь пра'зднующи.

О_у=мове'нiе согрjьше'нi_емъ, то'къ сле'зный ны'нjь 
положи` бл~га'я, се'рдца моегw` сокруше'нiе прiе'млющи: 
w= тебjь` о_у=твержда'ющу о_у=пова'нiе бл~га'я, _е=гда` 
ка'кw стра'шнагw мя` и=зба'виши _о='гненнагw муче'нiя, 
jа='кw сама` бл~года'ти _е=си` и=сто'чникъ, 
бг~ороди'тельнице.

Непосты'дное и= непогрjьши'тельное всjь^мъ, и=`же въ 
ну'ждахъ, прибjь'жище вл\дчце пренепоро'чная, ты` ми` 
бу'ди засту'пница въ ча'съ и=спыта'нiя.

Просте'рши преч\стjьи твои` и= всечестнjь'и ру'цjь, 
jа='кw свяще'ннiи голуби'нjь крилjь`, под\ъ кро'вомъ и= 
сjь'нiю тjь'хъ покры'й мя`, вл\дчце.

Сла'ва: Возду'шнагw кня'зя наси'льника, мучи'теля, 
стра'шныхъ путе'й стоя'теля, и= напра'снагw си'хъ 
словоиспыта'теля, сподо'би мя` прейти` невозбра'ннw 
w\тходя'ща w\т земли`.

И= ны'нjь: Се' мя вл\дчце стра'хъ о_у=срjь'те, 
_е=гw'же и= боя'хся: се` по'двигъ вели'къ w=б\ъя'тъ мя`, 
въ не'мже бу'ди ми` помо'щница, наде'жде сп~се'нiя 
моегw`.

Пjь'снь _е~.

I=рмо'съ: Бж~iимъ свjь'томъ твои'мъ бл~же, 
о_у='тренюющихъ ти` ду'шы любо'вiю w=зари` молю'ся, тя` 
вjь'дjьти сло'ве бж~iй, и='стиннаго бг~а, w\т мра'ка 
грjьхо'внагw взыва'юща.

Не забу'ди мя` бл~га'я, ниже` w\тврати` w\т мене` 
твоегw` _о='трока лице` твое`: но о_у=слы'ши мя` jа='кw 
скорблю`, и= вонми` души` мое'й, и= сiю` и=зба'ви.

И=`же по пло'ти срw'дницы мои`, и= и=`же по дх~у 
бра'тiе, и= дру'зи, и= _о=бы'чнiи зна'емiи, пла'чите, 
воздохни'те, сjь'туйте: се' бо w\т ва'съ ны'нjь 
разлуча'юся.

Ны'нjь и=збавля'яй ника'кw, и= помога'яй вои'стинну 
никто'же: ты` помози' ми вл\дчце, да не jа='кw человjь'къ 
безпо'мощенъ, въ рука'хъ вра^гъ мои'хъ затворе'нъ бу'ду.

Сла'ва: Вше'дше ст~i'и мои` а='гг~ли, предста'ните 
суди'щу хр\сто'ву, колjь'нjь свои` мы'сленнiи 
прекло'ньше, плаче'внjь возопi'йте _е=му`: поми'луй 
тво'рче всjь'хъ, дjь'ло ру'къ твои'хъ бл~же, и= не 
w\три'ни _е=гw`.

И= ны'нjь: Покло'ньшеся вл\дчцjь, и= преч\стjьй мт~ри 
бг~а моегw` помоли'теся, jа='кw да прекло'нитъ колjь^на 
съ ва'ми, и= прекло'нитъ _е=го` на мл\сть: мт~и бо су'щи 
и= пита'тельница о_у=слы'шана бу'детъ.

Пjь'снь s~.

I=рмо'съ: Жите'йское мо'ре, воздвиза'емое зря` 
напа'стей бу'рею, къ ти'хому приста'нищу твоему` прите'къ 
вопiю' ти: возведи` w\т тли` живо'тъ мо'й многомл\стиве.

О_у=стнjь` мои` молча'тъ, и= я=зы'къ не глаго'летъ, но 
се'рдце вjьща'етъ: _о='гнь бо сокруше'нiя сiе` снjьда'я 
вну'трь возгара'ется, и= гла'сы неизглаго'ланными тебе` 
дв~о призыва'етъ.

При'зри на мя` свы'ше мт~и бж~iя, и= мл\стивнw вонми` 
ны'нjь на мое` посjьще'нiе сни'ти, jа='кw да ви'дjьвъ 
тя`, w\т тjьлесе` и=зы'ду ра'дуяся.

Растерза'еми соу'зы, раздира'еми зако'ни 
_е=сте'ственнагw сгуще'нiя, и= составле'нiя всегw` 
тjьле'снагw, ну'жду нестерпи'мую и= тjьсноту` сотворя'ютъ 
ми`.

Сла'ва: Ст~ы'хъ а='гг~лъ сщ~_е'ннымъ и= ч\стны^мъ 
рука'мъ преложи' мя вл\дчце, jа='кw да тjь'хъ кри'лы 
покры'вся, не ви'жу безче'стнагw и= смра'днагw и= 
мра'чнагw бjьсw'въ w='браза.

И= ны'нjь: Черто'же бж~iй всеч\стне, нб\сному 
разу'мному черто'гу сподо'би мя`, мою` о_у=га'сшую и= 
несiя'ющую свjьщу` вже'гши, ст~ы'мъ _е=ле'емъ мл\сти 
твоея`.

Конда'къ, гла'съ s~.

Душе` моя`, душе` моя`, воста'ни, что` спи'ши, коне'цъ 
приближа'ется, и= ну'жда ти` мо'лвити: воспряни` о_у='бw, 
да пощади'тъ тя` хр\сто'съ бг~ъ, и='же вездjь` сы'й, и= 
вся^ и=сполня'яй.

I='косъ: Хр\сто'во врачество` ви'дя w\тве'рсто, и= w\т 
сегw` а=да'му и=сточа'юще здра'вiе, пострада'въ 
о_у=язви'ся дiа'волъ, jа='кw бjьды^ прiе'мля рыда'ше, и= 
свои^мъ другw'мъ возопи`: что` сотворю` сн~у мр~i'ину; 
о_у=бива'етъ мя` виfлее'млянинъ, и='же вездjь` сы'й, и= 
вся^ и=сполня'яй.

Пjь'снь з~.

I=рмо'съ: Росода'тельну о_у='бw пе'щь содjь'ла 
а='гг~лъ, прп\дбнымъ _о=трокw'мъ, халд_е'и же w=паля'ющее 
велjь'нiе бж~iе, мучи'теля о_у=вjьща` вопи'ти: 
бл~гослове'нъ _е=си` бж~е _о=т_е'цъ на'шихъ.

Но'щь сме'ртная мя` пости'же негото'ва, мра'чна же и= 
безлу'нна, препуща'ющи непригото'влена къ до'лгому 
_о='ному пути` стра'шному: да спутеше'ствуетъ ми` твоя` 
мл\сть, вл\дчце.

Се` вси` днi'е мои` и=счезо'ша вои'стинну въ суетjь`, 
jа='коже пи'шется, и= лjь^та моя^ со тща'нiемъ, сjь^ти же 
см_е'ртныя вои'стинну и= гw'рькiя предвари'ша мою` ду'шу, 
jа=`же мя` w=бдержа'тъ.

Мно'жество грjьхw'въ мои'хъ да не возмо'жетъ 
побjьди'ти твоегw` мно'гагw бл~гоутро'бiя, вл\дчце: но да 
w=бы'детъ мя` твоя` мл\сть, и= вся^ да покры'етъ 
беззакw'нiя моя^.

Сла'ва: W\тводя'щiи мя` w\тсю'ду нахо'дятъ, содержа'ще 
мя` всю'ду: душа' же моя` w\тлага'етъ и= страши'тся, 
мно'га и=спо'лнена мяте'жа, ю='же о_у=тjь'ши ч\стая 
jа=вле'нiемъ твои'мъ.

И= ны'нjь: Спеча'лующагw ниеди'нагw въ ско'рби мое'й, 
ниже` о_у=тjьша'ющагw w=брjьто'хъ вл\дчце: и='бо дру'зи 
мои` и= зна'емiи вку'пjь w=ста'виша мя` ны'нjь: но 
наде'жде моя`, ника'коже да не w=ста'виши мя`.

Пjь'снь и~.

I=рмо'съ: И=з\ъ пла'мене прп\дбнымъ ро'су и=сточи'лъ 
_е=си`, и= прв\днагw же'ртву водо'ю попали'лъ _е=си`, 
вся^ бо твори'ши хр\сте`, то'кмw _е='же хотjь'ти: тя` 
превозно'симъ во вся^ вjь'ки.

Jа='кw бг~а чл~вjьколю'бца, мт~и чл~вjьколюби'вая, 
ти'химъ и= мл\стивымъ вонми` _о='комъ, _е=гда` w\т тjь'ла 
душа` моя^ w\тлуча'ется, да тя` во вся^ вjь'ки сла'влю, 
ст~а'я бц\де.

О_у=бjь'гнути ми` ва^рваръ безпло'тныхъ полки`, и= 
возду'шныя бе'здны возни'кнути, и= къ нб~си` взы'ти мя` 
сподо'би, да тя` во вjь'ки сла'влю, ст~а'я бц\де.

Ро'ждшая гд\са вседержи'теля, го'рькихъ мыта'рствъ 
нача'льника мiроде'ржца w\тжени` дале'че w\т мене`, 
внегда` сконча'тися хощу`, да тя` во вjь'ки сла'влю, 
ст~а'я бц\де.

Сла'ва: Вели'кой послjь'дней глася'щей трубjь`, въ 
стра'шное и= гро'зное воскр~ше'нiе суда`, воскр~са'ющымъ 
всjь^мъ, помяни' мя тогда` ст~а'я бц\де.

И= ны'нjь: Высо'кая вл\дки хр\ста` пала'то, твою` 
бл~года'ть свы'ше посла'вши, предвари' мя ны'нjь въ де'нь 
w=sлобле'нiя, да тя` сла'влю во вjь'ки вся^, ст~а'я 
бц\де.

Пjь'снь f~.

I=рмо'съ: Бг~а человjь'кwмъ не возмо'жно ви'дjьти, на 
него'же не смjь'ютъ чи'ни а='гг~льстiи взира'ти: тобо'ю 
же всеч\стая, jа=ви'ся человjь'кwмъ сло'во воплоще'нно. 
_е=го'же велича'юще, съ нб\сными во'и, тя` о_у=бл~жа'емъ.

_W ка'кw о_у=зрю` неви'димаго; ка'кw о_у=жа'сное 
_о='но претерплю` видjь'нiе; ка'кw дерзну` w\тве'рсти 
_о='чи; ка'кw моего` вл\дку смjь'ю ви'дjьти, _е=го'же не 
престая'хъ w\т ю='ности w=горчева'я при'снw;

Ст~а'я _о=трокови'це, бг~ороди'тельнице, на мое` 
смире'нiе мл\срднw при'зри, о_у=миле'нное мое` и= 
послjь'днее моле'нiе сiе` прiи'мши, и= му'чащагw 
вjь'чнующагw _о=гня` потщи'ся и=зба'вити мя`.

Хра'мы ст~ы'я w=скверни'вшая, скве'рный и= тjьле'сный 
хра'мъ w=ста'вивши, тебе` бж~iй всечестны'й хра'ме 
мо'литъ, _о=трокови'це дв~о мт~и, душа` моя`, тьмы` 
кромjь'шнiя о_у=бjьжа'ти и= лю'тагw гее'нскагw жже'нiя.

Сла'ва: Зря` коне'цъ бли'зу житiя` моегw`, и= 
помышля'я безмjь'стныхъ мы'слей, дjья'нiй же, всеч\стая, 
ду'шу мою` дjь'лательницу, лю'тjь о_у=язвля'юся 
стрjьла'ми со'вjьсти: но прекло'ншися мл\стивнw, бу'ди 
ми` предста'тельница.

И= ны'нjь: Сн~ъ да'стся на'мъ за мл\сть, сн~ъ бж~iй, 
и= а='гг~льскiй цр~ь, превjь'чный w\т чи'стыхъ крове'й 
твои'хъ чл~вjь'къ проше'дъ: _е=го'же о_у=мл\стиви 
_о=трокови'це страстнjь'й мое'й душjь`, и=сторга'емjьй 
лю'тjь w\т _о=кая'ннагw моегw` тjьлесе`.

Та'же, Досто'йно _е='сть: Мл~тва, w\т i=ере'а 
глаго'лемая на и=схо'дъ души`:

Вл\дко гд\си вседержи'телю, _о='ч~е гд\са на'шегw 
i=и~са хр\ста`, и='же всjь^мъ человjь'кwмъ хотя'й 
сп~сти'ся, и= въ ра'зумъ и='стины прiити`: не хотя'й 
сме'рти грjь'шному, но _о=браще'нiя и= живота`: мо'лимся, 
и= ми'ли ся ти` дjь'емъ, ду'шу раба` твоегw`, и='м\ркъ, 
w\т вся'кiя о_у='зы разрjьши`, и= w\т вся'кiя кля'твы 
свободи`, w=ста'ви прегрjьш_е'нiя _е=му`, jа=`же w\т 
ю='ности, вjь'дwмая и= невjь'дwмая, въ дjь'лjь и= 
сло'вjь, и= чи'стw и=сповjь^данная, и=ли` забве'нiемъ, 
и=ли` студо'мъ о_у=та_е'ная. ты' бо _е=ди'нъ _е=си` 
разрjьша'яй свя^занныя, и= и=справля'яй сокруш_е'нныя, 
наде'жда ненача'_емымъ, могi'й w=ставля'ти грjьхи` 
вся'кому человjь'ку, на тя` о_у=пова'нiе и=му'щему. 
_е='й, чл~вjьколюби'вый гд\си повели`, да w\тпу'стится 
w\т о_у='зъ плотски'хъ и= грjьхо'вныхъ, и= прiими` въ 
ми'ръ ду'шу раба` твоегw` сегw`, и='м\ркъ, и= поко'й ю=` 
въ вjь'чныхъ _о=би'телехъ со ст~ы'ми твои'ми, бл~года'тiю 
_е=диноро'днагw сн~а твоегw`, гд\са бг~а и= сп~са на'шегw 
i=и~са хр\ста`: съ ни'мже бл~гослове'нъ _е=си`, съ 
прест~ы'мъ и= бл~ги'мъ, и= животворя'щимъ твои'мъ дх~омъ, 
ны'нjь и= при'снw, и= во вjь'ки вjькw'въ, а=ми'нь.



[гл\ва s~_i] Чи'нъ, быва'емый на разлуче'нiе души` w\т 
тjь'ла, внегда` человjь'къ до'лгw стра'ждетъ.

Твори'тъ сщ~е'нникъ нача'ло:

Бл~гослове'нъ бг~ъ на'шъ: Трист~о'е. Прест~а'я тр\оце: 
_О='ч~е на'шъ: Jа='кw твое` _е='сть цр\ство: Гд\си 
поми'луй: в~_i. Прiиди'те поклони'мся: три'жды.

И= настоя'щыя _псалмы`, _кс~f и= рм~в:

Бж~е, въ по'мощь мою` вонми`, гд\си, помощи' ми 
потщи'ся. Да постыдя'тся и= посра'мятся и='щущiи ду'шу 
мою`, да возвратя'тся вспя'ть, и= постыдя'тся хотя'щiи 
ми` sла^я: Да возвратя'тся а='бiе стыдя'щеся глаго'лющiи 
ми`: бл~гоже, бл~гоже. Да возра'дуются и= возвеселя'тся 
w= тебjь` вси` и='щущiи тебе` бж~е: и= да глаго'лютъ 
вы'ну, да возвели'чится гд\сь, лю'бящiи сп~се'нiе твое`. 
А='зъ же ни'щъ _е='смь и= о_у=бо'гъ, бж~е, помози' ми: 
помо'щникъ мо'й, и= и=зба'витель мо'й _е=си` ты`, гд\си, 
не закосни`.

Гд\си, о_у=слы'ши мл~тву мою`, внуши` моле'нiе мое` во 
и='стинjь твое'й, о_у=слы'ши мя` въ пра'вдjь твое'й. И= 
не вни'ди въ су'дъ съ рабо'мъ твои'мъ, jа='кw не 
w=правди'тся пред\ъ тобо'ю вся'къ живы'й. Jа='кw погна` 
вра'гъ ду'шу мою`, смири'лъ _е='сть въ зе'млю живо'тъ 
мо'й: посади'лъ мя` _е='сть въ те'мныхъ, jа='кw м_е'ртвыя 
вjь'ка. И= о_у=ны` во мнjь` ду'хъ мо'й, во мнjь` смяте'ся 
се'рдце мое`. Помяну'хъ дни^ др_е'внiя: поучи'хся во 
всjь'хъ дjь'лjьхъ твои'хъ, въ творе'нiихъ руку` тво_е'ю 
поуча'хся. Воздjь'хъ къ тебjь` ру'цjь мои`, душа` моя` 
jа='кw земля` безво'дная тебjь`. Ско'рw о_у=слы'ши мя` 
гд\си, и=счезе` ду'хъ мо'й: не w\тврати` лица` твоегw` 
w\т мене`, и= о_у=подо'блюся низходя'щымъ въ ро'въ. 
Слы'шану сотвори` мнjь` зау'тра мл\сть твою`, jа='кw на 
тя` о_у=пова'хъ: скажи` мнjь` гд\си пу'ть, во'ньже 
пойду`, jа='кw къ тебjь` взя'хъ ду'шу мою`. И=зми' мя w\т 
вра^гъ мои'хъ, гд\си, къ тебjь` прибjьго'хъ. Научи' мя 
твори'ти во'лю твою`, jа='кw ты` _е=си` бг~ъ мо'й: дх~ъ 
тво'й бл~гi'й наста'витъ мя` на зе'млю пра'ву. И='мене 
твоегw` ра'ди, гд\си, живи'ши мя`, пра'вдою твое'ю 
и=зведе'ши w\т печа'ли ду'шу мою`: И= мл\стiю твое'ю 
потреби'ши враги` моя^, и= погуби'ши вся^ стужа'ющыя 
души` мое'й: jа='кw а='зъ ра'бъ тво'й _е='смь.

_Псало'мъ н~:

Поми'луй мя` бж~е, по вели'цjьй мл\сти твое'й, и= по 
мно'жеству щедро'тъ твои'хъ w=чи'сти беззако'нiе мое`. 
Наипа'че w=мы'й мя` w\т беззако'нiя моегw`, и= w\т 
грjьха` моегw` w=чи'сти мя`. Jа='кw беззако'нiе мое` 
а='зъ зна'ю, и= грjь'хъ мо'й предо мно'ю _е='сть вы'ну. 
Тебjь` _е=ди'ному согрjьши'хъ, и= лука'вое пред\ъ тобо'ю 
сотвори'хъ: jа='кw да w=правди'шися во словесjь'хъ 
твои'хъ, и= побjьди'ши внегда` суди'ти ти`. Се' бо въ 
беззако'нiихъ зача'тъ _е='смь, и= во грjьсjь'хъ роди' мя 
ма'ти моя`. Се' бо и='стину возлюби'лъ _е=си`, 
безвjь^стная и= та^йная прему'дрости твоея` jа=ви'лъ ми` 
_е=си`. W=кропи'ши мя` v=ссw'помъ, и= w=чи'щуся: w=мы'еши 
мя` и= па'че снjь'га о_у=бjьлю'ся. Слу'ху моему` да'си 
ра'дость и= весе'лiе, возра'дуются кw'сти смир_е'нныя. 
W\тврати` лице` твое` w\т грjь^хъ мои'хъ, и= вся^ 
беззакw'нiя моя^ w=чи'сти. Се'рдце чи'сто сози'жди во 
мнjь` бж~е, и= ду'хъ пра'въ w=бнови` во о_у=тро'бjь 
мое'й. Не w\тве'ржи мене` w\т лица` твоегw`, и= дх~а 
твоегw` ст~а'гw не w\тими` w\т мене`. Возда'ждь ми` 
ра'дость сп~се'нiя твоегw`, и= дх~омъ вл\дчнимъ 
о_у=тверди' мя. Научу` беззакw'нныя пут_е'мъ твои^мъ, и= 
нечести'вiи къ тебjь` w=братя'тся. И=зба'ви мя` w\т 
крове'й бж~е, бж~е сп~се'нiя моегw`, возра'дуется я=зы'къ 
мо'й пра'вдjь твое'й. Гд\си, о_у=стнjь` мои` w\тве'рзеши, 
и= о_у=ста` моя^ возвjьстя'тъ хвалу` твою`. Jа='кw а='ще 
бы восхотjь'лъ _е=си` же'ртвы, да'лъ бы'хъ о_у='бw: 
всесожже'нiя не бл~говоли'ши. Же'ртва бг~у ду'хъ 
сокруше'нъ: се'рдце сокруше'нно и= смире'нно бг~ъ не 
о_у=ничижи'тъ. О_у=блажи` гд\си бл~говоле'нiемъ твои'мъ 
сiw'на, и= да сози'ждутся стjь'ны i=ер\сли^мскiя. Тогда` 
бл~говоли'ши же'ртву пра'вды, возноше'нiе и= 
всесожега'_емая: тогда` возложа'тъ на _о=лта'рь тво'й 
тельцы`.

И= канw'нъ, гла'съ s~.

Пjь'снь а~.

I=рмо'съ: Jа='кw по су'ху пjьшеше'ствовавъ i=и~ль, по 
бе'зднjь стопа'ми, гони'теля фараw'на ви'дя потопля'ема, 
бг~у побjь'дную пjь'снь пои'мъ, вопiя'ше.

Прiиди'те, собери'теся вси`, и=`же бл~гоче'стнw въ 
житiи` пожи'вшiи, и= воспла'чите w= души` w\тчужде'ннjьй 
сла'вы бж~iя, и= рабо'тавшей сту^днымъ де'мwнwмъ вся'кимъ 
тща'нiемъ.

Ны'нjь о_у='бw вре'мя все` моегw` живота`, jа='кw 
ды'мъ претече`, и= предста'ша про'чее а='гг~ли по'сланнiи 
w\т бг~а, _о=кая'нную мою` ду'шу и='щуще неми'лостивнw.

Сла'ва: Се` предста'ша мно'жество лука'выхъ духw'въ, 
держа'ще мои'хъ грjьхw'въ написа'нiе, и= зову'тъ sjьлw`, 
и='щуще безсту'днw смире'нныя моея` души`.

И= ны'нjь: Про'чее къ кому` возопiю`; кто` мо'й пла'чь 
w\т болjь'зни прiи'метъ, и= се'рдца воздыха'нiе; то'кмw 
ты` пренепоро'чная ч\стая, наде'жда хр\стiа'нъ и= всjь'хъ 
грjь'шныхъ.

Пjь'снь г~.

I=рмо'съ: Нjь'сть ст~ъ, jа='коже ты` гд\си бж~е мо'й, 
вознесы'й ро'гъ вjь'рныхъ твои'хъ бл~же, и= 
о_у=тверди'вый на'съ на ка'мени и=сповjь'данiя твоегw`.

До'брiи мои` дру'зи и= зна'емiи, почто` не пла'чете; 
почто` не рыда'ете, и='же и=ногда` люби'маго дру'га и= 
бра'та, ны'нjь же стра'нна бг~а и= всjь'хъ ва'съ;

Возлю'бл_енная моя^ бра'тiя, зря'ще моя^ дjья^нiя 
_о=блича'_ема мjь'риломъ прв\днымъ, хр\ста` всjь'хъ бг~а 
моли'те, мл\стива бы'ти мнjь`.

Сла'ва: Помяну'вше моея` возлю'бленнiи, _е='же къ 
ва'мъ дру'жбы, хр\ста` моли'те призрjь'ти на мя` 
sлополу'чна, живота` лиши'вшагося, и= му'чима.

И= ны'нjь: Приклони` о_у='хо твое` ко мнjь`, бг~а 
моегw` мт~и, w\т высоты` сла'вы мно'гiя твоея` бл~га'я, 
о_у=слы'ши стена'нiе послjь'днее, и= ру'ку пода'ждь ми`.

Пjь'снь д~.

I=рмо'съ: Хр\сто'съ моя` си'ла, бг~ъ и= гд\сь, 
ч\стна'я цр~ковь бг~олjь'пнw пое'тъ взыва'ющи, w\т 
смы'сла чи'ста w= гд\сjь пра'зднующи.

О_у=вы` мнjь` блу'дному@{-jьй}, о_у=вы` мнjь` 
_о=кая'ному@{-jьй}: jа='кw ру'цjь простира'ю къ мои^мъ 
другw'мъ, и= сле'зы w\т _о='чiю пролива'ю, но никто'же 
ми'луяй мя`.

По'двигъ наста` мнjь` души` всегуби'теленъ, и= 
_о=чи'ма взира'яй къ бж~iимъ свjь^тлымъ а='гг~лwмъ, 
вопiю`: ма'лw w=ста'вите мя` пожи'ти, но никто'же 
послу'шаяй мене`.

Сла'ва: W= мнjь` пла'чите, w= мнjь` рыда'йте 
а='гг~льстiи собо'ри, и= человjь'цы вси` хр\столю'бцы: 
немл\стивнw бо душа` моя` w\т тjь'ла разлуча'ется.

И= ны'нjь: Вл\дчце, вл\дчце, ны'нjь поми'луй ду'шу 
недоумjьва'ющую, и= къ твоему` покро'ву _е=ди'ному 
зря'щую, и= не пре'зри бл~га'я, де'мwнwмъ w\тда'ну бы'ти 
ми`.

Пjь'снь _е~.

I=рмо'съ: Бж~iимъ свjь'томъ твои'мъ бл~же, 
о_у='тренюющихъ ти` ду'ши любо'вiю w=зари` молю'ся, тя` 
вjь'дjьти сло'ве бж~iй, и='стиннаго бг~а, w\т мра'ка 
грjьхо'внагw взыва'юща.

Свjь'тъ о_у='мный возсiя'й на мя`, да ви'жу тя` 
хр\сте` поне` вма'лjь, ктому' бо не о_у=зрю` тебе`: 
_о='блакъ бо де'мwнwвъ внеза'пу нападе` на мя`, и= тьма` 
сту'дныхъ мои'хъ дjь'лъ покрыва'етъ мя`.

Сп~си'теся вси` возлю'бленнiи, бл~гоутро'бнiи w= мнjь` 
jа='вльшеся sлоча'стнjьмъ и= все_окая'ннjьмъ: вси' бо 
а='ще _е=ди'нjьмъ гла'сомъ провjьща'ли бы'сте къ моему` 
вл\дцjь, тьмы` и=зба'вили мя` бы'сте.

Сла'ва: Сп~са'йся вели'кiй кн~же бж~iй мiхаи'ле, 
а='гг~лwвъ нача'льниче: ктому' бо твое` свято'е и='мя не 
призову`, _е='же помощи` мнjь`: молчи'та бо мои` 
о_у=стнjь`, и= я=зы'къ связа'ся.

И= ны'нjь: Сп~са'йся и= ты`, нескве'рная ч\стая мт~и 
хр\ста` моегw` и= бг~а: ктому' бо w='браза твоегw`, w\т 
мои'хъ согрjьше'нiй не о_у=зрю` _о=кая'нный@{-ая}, 
о_у=гасе' бо свjь'тъ мо'й, и= но'щь покры' мя.

Пjь'снь s~.

I=рмо'съ: Жите'йское мо'ре воздвиза'емое зря` 
напа'стей бу'рею, къ ти'хому приста'нищу твоему` 
прите'къ, вопiю' ти: возведи` w\т тли` живо'тъ мо'й, 
многомл\стиве.

Приклони'те о_у='хо ва'ше бра'тiя моя^ ко мнjь`, и= 
кро'ткw о_у=слы'шите о_у=миле'нныхъ глагw'лъ ма'лое 
вjьща'нiе, и= не преслу'шайте, и= мзду` w\т гд\са вси` 
воспрiи'мете.

Се` ны'нjь разлуча'ется съ болjь'знiю душа` w\т 
_о=кая'ннагw моегw` тjьлесе`: не о_у='бw тjь'ло мое` 
погребе'те въ земли`, нjь'сть бо досто'йно: но и=звле'кше 
во'нъ, псw'мъ пове'рзите.

Сла'ва: Ка'я бо мнjь` по'льза, души` мое'й въ 
стра^шныя му^ки вве'рженjь бы'ти, тjь'лу же пjь'ту бы'ти 
w\т ва'съ; w=ста'вите непогребе'но, jа='кw да снjьдя'тъ 
пси` се'рдце мое`.

И= ны'нjь: Не'гли мимоходя'щiи, стра'ннiи, ви'дяще 
кw'сти w\т псw'въ влекw'мыя, о_у=мили'вшеся воззову'тъ 
w\т души`: помози` вл\дчце, души` _о=кая'ннагw сегw` 
тjь'ла.

Пjь'снь з~.

I=рмо'съ: Росода'тельну о_у='бw пе'щь содjь'ла 
а='гг~лъ, прп\дбнымъ _о=трокw'мъ, халд_е'и же w=паля'ющее 
велjь'нiе бж~iе, мучи'теля о_у=вjьща` вопи'ти: 
бл~гослове'нъ _е=си` бж~е _о=т_е'цъ на'шихъ.

Се` привле'кше w\тторго'ша w\т тjьлесе` лю'тjь 
внеза'пу _о=кая'нную ду'шу, и= w\тво'дятъ къ судiи` 
гро'зному и= стра'шному: помяну'вше о_у=`бо 
возлю'бленнiи, _е='же къ ва'мъ моея` бесjь'ды, па'мять 
твори'те мнjь`.

Поми'луйте мя` а='гг~ли всест~i'и бг~а вседержи'теля: 
и= и=зба'вите мыта'рствъ всjь'хъ лука'выхъ: не и='мамъ бо 
дjь'ла бл~га, возмjь'рити мjь'рилу sлы'хъ мои'хъ 
дjья'нiй.

Сла'ва: _Е=гда` взы'дете всест~i'и мои` а='гг~ли 
предста'ти суди'щу хр\сто'ву, кwлjь'на прекло'ньше 
плаче'внw возопi'йте _е=му`: поми'луй всjь'хъ тво'рче, 
дjь'ло руку` твое'ю бл~же и= не w\три'ни w\т тебе`.

И= ны'нjь: Покло'ньшеся вл\дчцjь и= преч\стjьй мт~ри 
бг~а моегw`, помоли'теся, jа='кw да прекло'нится съ 
ва'ми, и= прекло'нитъ _е=го` на мл\сть: мт~и су'щи и= 
пита'тельница, о_у=слы'шана бу'детъ.

Пjь'снь и~.

I=рмо'съ: И=з\ъ пла'мене прп\дбнымъ ро'су и=сточи'лъ 
_е=си`, и= пра'веднагw же'ртву водо'ю попали'лъ _е=си`: 
вся^ бо твори'ши хр\сте`, то'кмw _е='же хотjь'ти. тя` 
превозно'симъ во вся^ вjь'ки.

Ны'нjь совоздохни'те вси` земнi'и концы` w= мнjь` 
_о=кая'ннjьмъ, и= спла'чите: прiи'де бо лю'тое свы'ше 
и=зрече'нiе, рука'ма мои'ма связа'тися, и= нога'ма 
и=зри'нутися.

Недоумjь'вый w= всjь'хъ, къ тебjь` храни'телю 
_о=кая'ннагw живота` моегw`, стеня` зову` го'рькw: ви'ждь 
мои'хъ о_у='зъ вjь'чныхъ w=sлобле'нiе, и= не w=скудjь'й 
w= мнjь` моля'ся.

Сла'ва: Поне'же бы'хъ де'монwмъ и=зда'нъ, и= во 
а='дово дно` ну'ждею низво'дятъ, вjь'мъ, jа='кw ны'нjь 
вси` мене` забы'ша: ты' же помяни` мене`, _w а='гг~ле 
гд\сень.

И= ны'нjь: Хр\ста` моегw` мт~и, ка'кw забы'ла _е=си` 
мене`; ка'кw не преклони'ла _е=си` на мл\срдiе 
и=сточи'вшаго кро'вь w\т ребра`, да сп~се'тъ, jа=`же 
созда`; о_у=вы` мнjь`, ка'кw заключи'ся мл\срдiе хр\ста` 
моегw`!

Пjь'снь f~.

I=рмо'съ: Бг~а человjь'кwмъ не возмо'жно ви'дjьти, на 
него'же не смjь'ютъ чи'ни а='гг~льстiи взира'ти: тобо'ю 
же, всеч\стая, jа=ви'ся человjь'кwмъ сло'во воплоще'нно, 
_е=го'же велича'юще, съ нб\сными во'и, тя` о_у=бл~жа'емъ.

Бг~а не ктому` а='зъ помяну`, не ктому' бо во а='дjь 
помина'ти гд\са: но во тьмjь` лю'тjь покрыва'емь сjьжу`, 
w=жида'я воскр~се'нiя всjь'хъ человjь^къ, да суди'вся во 
_о='гнь вве'ргуся.

Бг~ъ не ктому` мене` помяне'тъ, ниже` мно'жество 
а='гг~лwвъ, а=рха'гг~лwвъ собо'ръ. пр\оро'кwвъ. а=п\слwвъ 
собра'нiе, мно'жества же мч~нкwвъ, всjь'хъ же прв\дныхъ: 
_е=ди'нъ о_у='бw почерплю` sла^я, jа=`же собра'хъ.

Сла'ва: Пла'чите w= мнjь` ны'нjь и= рыда'йте, а='дово 
дно` и= бе'здна, и= че'рвь и= та'ртаръ, му^ки о_у='бw 
вся^ w= мнjь` возстони'те: _е=ди'нъ бо w\т хр\стiа'нъ 
ведо'хся, ва'мъ пре'данъ@{-а} бы'хъ _е='же му'читися 
го'рькw.

И= ны'нjь: Бж~iя мт~и, ви'ждь въ бе'здну, ви'ждь ду'шу 
му'камъ пре'данную му'читися, и= колjь^на прекло'нши 
прослези`, да прекло'нится твои'ми мольба'ми, и='же 
кро'вь свою` да'вый за мене`, воззва'ти мя`.

Мл~тва w= души` суди'мjьй:

Гд\су помо'лимся. Гд\си поми'луй.

Вл\дко гд\си бж~е на'шъ вседержи'телю, и='же всjь^мъ 
человjь'кwмъ хотя'й сп~сти'ся, и= въ позна'нiе и='стины 
прiити`: не хотя'й сме'рти грjь'шника, но w=брати'тися и= 
жи'ву бы'ти _е=му`. мо'лимся тебjь` и= ми'ли ся дjь'емъ, 
ду'шу раба` твоегw` [и=ли`: рабы` твоея`] и='м\ркъ, w\т 
вся'кагw о_у='за разрjьши`, w\т вся'кiя кля'твы свободи`. 
jа='кw ты` _е=си` разрjьша'яй свя^занныя и= и=справля'яй 
низве'рж_енныя, наде'жде ненадjь'емыхъ. повели` о_у=`бо 
вл\дко, разрjьши'тися въ ми'рjь души` раба` твоегw`, 
[и=ли`: рабы` твоея`] и= поко'итися въ вjь'чныхъ твои'хъ 
селе'нiихъ со всjь'ми ст~ы'ми твои'ми, _е=диноро'днымъ 
твои'мъ сн~омъ, съ ни'мже бл~гослове'нъ _е=си`, и= съ 
прест~ы'мъ, и= бл~ги'мъ, и= животворя'щимъ твои'мъ 
дх~омъ, ны'нjь и= при'снw, и= во вjь'ки вjькw'въ, 
а=ми'нь.

Мл~тва и=на'я w= долгостра'ждущемъ о_у=мре'ти:

Гд\си бж~е на'шъ, и='же неизрече'нною твое'ю 
му'дростiю созда'вый человjь'ка, и= w\т пе'рсти сего` 
воз\ъwбрази'вый, въ ви'дъ и= добро'ту о_у=краси'вый: 
jа='кw ч\стно'е и= нб\сное стяжа'нiе, въ славосло'вiе и= 
бл~голjь'пiе твоея` сла'вы и= цр\ства, за _е='же по 
w='бразу и= по подо'бiю сегw` привести`: но поне'же 
за'повjьдь преступи` твоегw` повелjь'нiя, прiе'мъ 
w='бразъ и= не сохрани'въ, и= сегw` ра'ди да не sло` 
безсме'ртное бу'детъ, человjьколю'бнw повелjь'вый 
разрjьше'нiя сему`, и= неруши'мjьй се'й о_у='зjь, jа='кw 
бг~ъ _о=тц_е'въ, твои'мъ бж~е'ственнымъ хотjь'нiемъ 
w\тсjьщи'ся, и= разы'тися, и= тjь'лу о_у='бw w\т ни'хже 
сложи'ся разы'тися, души' же та'мw пресели'тися, и=дjь'же 
и= _е='же бы'ти прiя'ла _е='сть, да'же до _о='бщагw 
воскр\снiя: сегw` ра'ди мо'лимся тебjь` безнача'льному и= 
безсме'ртному _о=ц~у`, и= _е=диноро'дному твоему` сн~у, 
и= прест~о'му твоему` дх~у, да w\т тjь'ла разрjьше'нiе, 
и='м\ркъ, во о_у=покое'нiе сотвори'ши. и= а='ще что` въ 
вjь'дjьнiи, и=ли` не въ вjь'дjьнiи прирази'ся твое'й 
бл~гости: и=ли` под\ъ кля'твою сщ~е'нническою бы'сть, 
и=ли` своя^ роди'тели преwгорчи`, и=ли` кля'тву 
преступи`, и=ли` въ мечта^нiя де'мwнскiя и= волхвова^нiя 
сту^дная впаде`, за'вистiю лука'вагw де'мwна, проще'нiя 
w\т твоея` неизрече'нныя бл~гости моля`: _е='й вл\дко 
гд\си бж~е, о_у=слы'ши мене` грjь'шнаго и= недосто'йнаго 
раба` твоего` въ ча'съ се'й, и= разрjьши` раба` твоего` 
[и=ли`: рабу` твою`], и='м\ркъ, нестерпи'мыя сея` 
болjь'зни и= содержа'щiя _е=го` [ и=ли`: ю=`] го'рькiя 
не'мwщи, и= о_у=поко'й _е=го` [и=ли`: ю=`] и=дjь'же 
прв\дныхъ ду'си. Jа='кw ты` _е=си` о_у=покое'нiе ду'шъ и= 
тjьле'съ на'шихъ, и= тебjь` сла'ву возсыла'емъ, _о=ц~у`, 
и= сн~у, и= ст~о'му дх~у, ны'нjь и= при'снw, и= во вjь'ки 
вjькw'въ, а=ми'нь.