Богослужебные тексты

<::лат>  OCR:

<::рус>  Библиотека святоотеческой литературы

<::лат>  http://orthlib.ru

<::слав>

[гл\ва л~_е] Мл~тва, _е='же w=ст~и'ти како'е ли'бо 
бл~гово'нное sе'лiе.

По нача'лjь _о=бы'чномъ, трист~о'мъ и= возгла'сjь, 
рече'тъ i=ере'й: Гд\су помо'лимся.

Ли'къ: Гд\си поми'луй.

И= чте'тся мл~тва сiя`:

Гд\си бж~е вседержи'телю, сло'вомъ твои'мъ вся'ч_еская 
и=спо'лнивый, и= возрасти'ти повелjь'вый земли` вся^ 
плоды` во своя^ времена`, и= дая'ти я=` въ ра'дость и= въ 
живо'тъ человjь'кwмъ: ты` са'мъ, всебл~гi'й вл\дко, и= 
сjь'мена сiя^, съ разли'чными sе'лiями принес_е'нныя во 
ст~ы'й хра'мъ се'й, бл~гослови` и= w=ст~и` дх~омъ твои'мъ 
ст~ы'мъ, и= рабw'въ твои'хъ си'хъ, прiе'млющихъ s_е'лiя 
сiя^ съ сjь'менами, w\т вся'кiя скве'рны w=чи'сти, и= 
до'мы и='хъ вся'кагw бл~гово'нiя и=спо'лни, во _е='же 
бы'ти си^мъ и= всjь^мъ вjь'рою храня'щымъ я=`, и= 
кадя'щымся и='ми въ соблюде'нiе и= и=зба'ву w\т всjь'хъ 
вра'жiихъ прило'гwвъ и= во w\тгна'нiе вся'кагw мечта'нiя, 
w\т дjь'йства дiа'воля находя'щагw, дневна'гw и= 
нощна'гw, на бл~гослове'нiе же душа'мъ и= тjьлес_е'мъ, 
вjь^рнымъ твои^мъ лю'демъ и= скотw'мъ, домовw'мъ же и= 
мjь'стwмъ. Jа='кw да вси`, прiе'млющiи сiя^ s_е'лiя, 
воспрiи'мутъ себjь` покро'въ души` и= тjь'ла, и= да 
бу'детъ на'шему сп~се'нiю врачевство` твоея` бл~года'ти 
та'инство: да въ ко'емъ ли'бо мjь'стjь возло'жится, и=ли` 
на ко'емъ о_у=потребля'емо бу'детъ, во _е='же получи'ти 
бл~гослове'нiе, вся^ [проти'вной си'лjь w\тту'ду 
прогна'ннjьй] десни'ца твоя` да покры'етъ, во сла'ву 
прест~а'гw, великолjь'пагw и= всепокланя'емагw и='мене 
твоегw`. _Е=му'же подоба'етъ вся'кая сла'ва че'сть и= 
поклоне'нiе, со _о=ц~е'мъ и= ст~ы'мъ дх~омъ, ны'нjь и= 
при'снw, и= во вjь'ки вjькw'въ, а=ми'нь.

И= w=кропля'ются ст~о'ю водо'ю три'жды, съ _о=бы'чными 
слова'ми w=кропле'нiя и= w=сщ~е'нiя, и= w\тпу'стъ.