Богослужебные тексты

<::лат>  OCR:

<::рус>  Библиотека святоотеческой литературы

<::лат>  http://orthlib.ru

<::слав>

[гл\ва _е~_i] Мл~тва w= копа'нiи кла'дязя.

Гд\си бж~е на'шъ вседержи'телю, и= всеси'льне, творя'й 
вся^ и= претворя'яй, то'чiю _е='же хотjь'ти: и='же въ 
непрохо'дныхъ прохо'дъ w=брjьта'яй неизрече'нною и= 
непостижи'мою му'дростiю: и='же w\т суха'гw ка'мене 
вw'днымъ пода'вый тещи` пото'кwмъ, и= жа'ждущыя лю'ди 
твоя^ насы'тивый: са'мъ и= ны'нjь вл\дко всjь'хъ, 
о_у=слы'ши моле'нiе на'съ недосто'йныхъ рабw'въ твои'хъ, 
и= да'руй на'мъ во'ду на се'мъ мjь'стjь, сла'дкую же и= 
вку'сну, дово'льну о_у='бw къ потре'бjь невреди'тельную 
же ко прiя'тiю: jа='кw да и= въ се'мъ сла'вимъ прест~о'е 
и= великолjь'пое и='мя твое`, _о=ц~а`, и= сн~а, и= 
ст~а'гw дх~а, ны'нjь и= при'снw, и= во вjь'ки вjькw'въ, 
а=ми'нь.

[гл\ва s~_i] Мл~тва над\ъ кла'дяземъ но'вымъ.

Зижди'телю во'дъ, и= содjь'телю всjь'хъ, гд\си бж~е 
вседержи'телю, вся^ сотвори'вый и= претворя'яй, ты` са'мъ 
w=ст~и` во'ду сiю`: посли` на ню` ст~у'ю твою` си'лу, на 
вся'ку сопроти'вну дjь'тель, и= да'ждь всjь^мъ 
прiе'млющымъ w\т нея`, питiя` ра'ди, и=ли` о_у=мове'нiя 
ра'ди, здра'вiе души` и= тjь'лу, на и=змjьне'нiе вся'кiя 
стра'сти, и= вся'кагw неду'га: jа='кw да бу'детъ 
и=сцjьле'нiя вода` и= поко'я, всjь^мъ прикаса'ющымся къ 
не'й, и= прiе'млющымъ ю=`.

Jа='кw тебjь` подоба'етъ вся'кая сла'ва, че'сть и= 
поклоне'нiе, _о=ц~у`, и= сн~у, и= ст~о'му дх~у, ны'нjь и= 
при'снw, и= во вjь'ки вjькw'въ, а=ми'нь.



[гл\ва з~_i] Чи'нъ быва'емый, а='ще случи'тся чесому` 
скве'рному jа=кову'любо впа'сти въ кла'дязь водны'й.

Подоба'етъ пе'рвjье вы'черпати и=з\ъ кла'дязя ка'дей 
м~, и= и=злiя'ти во'нъ. Та'же возже'гъ сщ~е'нникъ 
свjьщы`, и= взе'мъ кади'льницу, кади'тъ _о='крестъ 
кла'дязя. Та'же влага'етъ во'ду ст~ы'хъ бг~оявле'нiй 
кр\стови'днw, три'жды.

И= та'кw ста'въ къ восто'ку, мо'лится глаго'ля:

Гд\су помо'лимся.

Гд\си бж~е си'лъ, вся^ добра^ sjьлw` сотвори'вый, 
w=чища'яй и='менемъ твои'мъ вся'кую скве'рну и= 
нечистоту`, и= претвори'вый w=сщ~а'яй вся^: са'мъ и= 
ны'нjь вл\дко, прiиди` въ настоя'щiй ча'съ w='бразомъ 
кр\ста` твоегw`, и= w=чи'сти кла'дязь се'й w\т 
w=брjь'тшiяся _е=му` нечистоты`, и= w\т впа'дшагw во'нь 
скве'рнагw, и=ли` га'да, снизходя` несоверше'ннjьй мы'сли 
на'шей, и= не'мощи помышле'нiй, и= да не w=су'диши на'съ 
до'брыхъ sjьлw` не вмjьща'ющыя: но w=чи'сти на'съ w\т 
вся'кiя скве'рны пло'ти и= ду'ха: и= w=ст~и` во'ду сiю` 
дх~омъ твои'мъ ст~ы'мъ.

Jа='кw ты` _е=си` w=сщ~е'нiе на'ше, и= тебjь` сла'ву 
возсыла'емъ, _о=ц~у`, и= сн~у, и= ст~о'му дх~у, ны'нjь и= 
при'снw, и= во вjь'ки вjькw'въ, а=ми'нь.

Гд\су помо'лимся. Гд\си поми'луй.

Бж~е вели'кiй и= ди'вный, неисповjьди'мою твое'ю 
бл~гостiю, и= бога'тымъ про'мысломъ стро'яй 
человjь'ческiй живо'тъ, и= мiрска^я на'мъ дарова'вый 
бл~га^я твоя^: и='же го'рькую во'ду при мwv"се'и лю'демъ 
въ сла'дость претвори'вый, и= вр_е'дныя во'ды при 
_е=лiссе'и со'лiю и=сцjьли'вый: и='же а=п\слу твоему` 
петру` видjь'нiемъ законоположи'вый, ничто'же мнjь'ти 
скве'рно, и=ли` нечи'сто: са'мъ чл~вjьколю'бче, w=чи'сти 
во'ду сiю` знаменова'нiемъ w='браза кр\ста` твоегw` w\т 
вся'кiя скве'рны, и= w=ст~и` ю=` дх~омъ твои'мъ ст~ы'мъ, 
во _е='же бы'ти _е='й чи'стjьй причаща'ющымся и=з\ъ нея`.

Jа='кw ты` _е=си` бг~ъ на'шъ, бл~гословля'яй и= 
w=сщ~а'яй вся'ч_еская, и= тебjь` сла'ву возсыла'емъ, 
_о=ц~у` и= сн~у, и= ст~о'му дх~у, ны'нjь и= при'снw, и= 
во вjь'ки вjькw'въ, а=ми'нь.

И= w\тпу'стъ.