Богослужебные тексты

<::лат>  OCR:

<::рус>  Библиотека святоотеческой литературы

<::лат>  http://orthlib.ru

<::слав>

[гл\ва м~в] Чи'нъ бл~гослове'нiя и= w=сщ~е'нiя i=кw'ны 
прест~ы'я бц\ды, _е=ди'ныя и=ли` мно'гихъ.

Начина'етъ же i=ере'й все` по пред\ъука'занному на 
бл~гослове'нiи w='браза хр\сто'ва, да'же до _псалма`,

и='же здjь` чте'тся, м~д.

W\тры'гну се'рдце мое` сло'во бл~го, глаго'лю а='зъ 
дjьла` моя^ цр~е'ви: я=зы'къ мо'й тро'сть кни'жника 
скоропи'сца. Красе'нъ добро'тою па'че сынw'въ 
человjь'ческихъ, и=злiя'ся бл~года'ть во о_у=стна'хъ 
твои'хъ: сегw` ра'ди бл~гослови' тя бг~ъ во вjь'къ. 
Препоя'ши ме'чь тво'й по бедрjь` твое'й си'льне, 
красото'ю твое'ю, и= добро'тою твое'ю, и= наляцы` и= 
о_у=спjьва'й, и= цр\ствуй, и='стины ра'ди, и= кро'тости, 
и= пра'вды, и= наста'витъ тя` ди'внw десни'ца твоя`. 
Стрjь'лы твоя^ и=з\ъwщре'ны си'льне: лю'дiе под\ъ тобо'ю 
паду'тъ въ се'рдцы вра^гъ царе'выхъ. Пр\сто'лъ тво'й бж~е 
въ вjь'къ вjь'ка: же'злъ пра'вости: же'злъ цр\ствiя 
твоегw`. Возлюби'лъ _е=си` пра'вду, и= возненави'дjьлъ 
_е=си` беззако'нiе: сегw` ра'ди пома'за тя` бж~е бг~ъ 
тво'й _е=ле'емъ ра'дости, па'че прича^стникъ твои'хъ. 
Смv'рна, и= ста'кти, и= кассi'а w\т ри'зъ твои'хъ, w\т 
тя'жестей слоно'выхъ, и=з\ъ ни'хже возвесели'ша тя`. 
Дщ_е'ри царе'й въ че'сти твое'й, предста` цр~и'ца 
w=десну'ю тебе`, въ ри'захъ позлаще'нныхъ w=дjь'яна, 
преиспещре'на. Слы'ши дщи`, и= ви'ждь, и= приклони` 
о_у='хо твое`, и= забу'ди лю'ди твоя^, и= до'мъ _о=ц~а` 
твоегw`. И= возжела'етъ ца'рь добро'ты твоея`, зане` то'й 
_е='сть гд\сь тво'й, и= поклони'шися _е=му`. И= дщи` 
тv'рова съ да'ры, лицу` твоему` помо'лятся бога'тiи 
лю'дстiи. Вся` сла'ва дще'ре цр~е'вы вну'трь, ря'сны 
златы'ми w=дjь'яна и= преиспещре'на. Приведу'тся цр~ю` 
дjь^вы въ слjь'дъ _е=я`, и='скр_еннiя _е=я` приведу'тся 
тебjь`: Приведу'тся въ весе'лiй и= ра'дованiи, введу'тся 
въ хра'мъ цр~е'въ. Вмjь'стw _о=т_е'цъ твои'хъ бы'ша 
сы'нове твои`: поста'виша я=` кня'зи по все'й земли`. 
Помяну` и='мя твое` во вся'комъ ро'дjь и= ро'дjь. сегw` 
ра'ди лю'дiе и=сповjь'дятся тебjь` въ вjь'къ, и= во 
вjь'къ вjь'ка.

Сла'ва, и= ны'нjь: А=ллилу'iа, три'жды.

Дiа'конъ: Гд\су помо'лимся.

Ли'къ: Гд\си поми'луй.

I=ере'й же чте'тъ мл~тву сiю`:

Гд\си бж~е на'шъ, и='же сопредвjь'чному и= 
_е=диносу'щному твоему` сн~у и= сло'ву, w\т преч\стыя 
приснодв~ы мр~i'и воплоти'тися и=зво'лилъ _е=си`, и= сiю` 
бц\ду рж\ство'мъ _е=гw` преч\стымъ и=з\ъ нея` содjь'лавъ, 
предста'тельницу, помо'щницу и= моли'твенницу всjь^мъ 
вjь^рнымъ сотвори'лъ _е=си`: при'зри ны'нjь на на'съ 
смире'ннw моля'щихъ ти ся и= бц\ду сiю` и='стиннw 
и=мену'ющихъ, и= бы'ти вjь'рующихъ, и= сiю` въ мольбу` къ 
тебjь` вjь'рнw призыва'ющихъ, и= мл~твами _е=я` 
о_у=слы'шаны сотвори` прош_е'нiя и= мольбы^ на'шя, и= 
низпосли` бл~года'ть прест~а'гw твоегw` дх~а на i=кw'ну 
сiю`, ю='же раби` твои` въ че'сть и= па'мять _е=я` 
соwружи'ша, и= бл~гослови` и= w=ст~и` ю=` нб\снымъ 
твои'мъ бл~гослове'нiемъ: и= пода'ждь _е='й си'лу и= 
крjь'пость чудотво'рнагw дjь'йствiя. Сотвори` ю=` 
враче'бницу и= цjьльба'мъ и=сто'чникъ, всjь^мъ въ 
болjь'знехъ къ не'й притека'ющымъ, и= бц\ды ра'ди w\т 
тебе` по'мощи прося'щымъ: и= всjь'хъ и='же пред\ъ се'ю 
i=кw'ною пребл~гослове'нную дв~у, и= мт~рь гд\са на'шегw 
i=и~са хр\ста`, возлю'бленнагw сн~а твоегw`, досто'йнw 
чти'ти, и= jа='кw предста'тельницу ро'да хр\стiа'нскагw 
въ мольбу` къ тебjь` и= въ по'мощь въ бjьда'хъ и= 
ну'ждахъ свои'хъ призыва'ти бу'дутъ, и=зба'ву, 
заступле'нiе и= ско'рую по'мощь получи'ти сподо'би: 
согрjьше'нi_емъ же w=ставле'нiе и=`мъ мл\стивнw пода'ждь, 
и= бл~года'ть проси'мую w\т тебе` ско'рw прiя'ти и= 
мл\сть w=брjьсти` w\т твоегw` чл~вjьколю'бiя жела'нную, 
цр\ствiя прича'стники бы'ти сотвори`: щедро'тами и=з\ъ 
нея` пло'тiю ро'ждшагwся _е=диноро'днагw сн~а твоегw`, 
воплоще'ннагw бг~а и= сп~са на'шегw i=и~са хр\ста`, съ 
ни'мже тебjь` подоба'етъ вся'кая сла'ва, че'сть и= 
поклоне'нiе, и= съ прест~ы'мъ, и= бл~ги'мъ, и= 
животворя'щимъ твои'мъ дх~омъ, ны'нjь и= при'снw, и= во 
вjь'ки вjькw'въ.

Ли'къ: А=ми'нь.

I=ере'й: Ми'ръ всjь^мъ.

Ли'къ: И= ду'хови твоему`.

Дiа'конъ: Главы^ ва'шя гд\севи приклони'те.

Ли'къ: Тебjь` гд\си.

I=ере'й же чте'тъ мл~тву сiю` та'йнw:

Вл\дко бж~е _о='ч~е вседержи'телю, и=зво'ливый 
_е=ди'ну w\т всегw` ро'да человjь'ча, чи'стую голуби'цу 
и= нескве'рную а='гницу, приснодв~у мр~i'ю въ мт~рь 
_е=диноро'дному твоему` сн~у и=збра'ти, и= въ жили'ще 
_е=му` наи'тiемъ прест~а'гw дх~а w=ст~и'ти, вы'шшую же и= 
ч\стнjь'йшую херувi'мwвъ и= серафi'мwвъ, и= всея` тва'ри 
сла'внjьйшую, хода'таицу и= мл~твенницу человjь'ческому 
ро'ду сотвори'лъ ю=` _е=си`: тоя` мл~твами и= 
предста'тельствомъ i=кw'ну сiю`, въ че'сть и= па'мять 
_е=я`, и= въ сла'ву и=з\ъ нея` рожде'ннагw 
_е=диноро'днагw и= _е=диносу'щнагw твоегw` сн~а, и= тебе` 
безнача'льнагw _е=гw` _о=ц~а`, и= прест~а'гw и= 
животворя'щагw твоегw` дх~а соста'вленную, бл~года'тiю 
твое'ю въ w=кропле'нiи воды` сея` сщ~е'нныя, бл~гослови` 
и= w=ст~и`, и= jа=ви` ю=` всjь^мъ вjь'рою пред\ъ не'ю 
моля'щымъ ти ся, цjьле'бницу душе'вныхъ неду'гwвъ и= 
тjьле'сныхъ, и= w\т всjь'хъ вра'жiихъ навjь'тwвъ 
свобожде'нiе и= покро'въ держа'венъ, и= мольба'мъ 
бл~гопрiя^тнымъ о_у= тебе` бы'ти сотвори`.

И= возглаша'етъ: Щедро'тами _е=диноро'днагw сн~а 
твоегw`, и=з\ъ нея` пло'тiю рожде'ннагw, гд\са на'шегw 
i=и~са хр\ста`, съ ни'мже бл~гослове'нъ _е=си`, съ 
прест~ы'мъ, и= бл~ги'мъ, и= животворя'щимъ твои'мъ 
дх~омъ, ны'нjь и= при'снw, и= во вjь'ки вjькw'въ.

Ли'къ: А=ми'нь.

I=ере'й же кропи'тъ i=кw'ну, глаго'ля:

W=сщ~а'ется i=кw'на сiя` бл~года'тiю прест~а'гw дх~а, 
w=кропле'нiемъ воды` сея` сщ~е'нныя, во и='мя _о=ц~а`, и= 
сн~а, и= ст~а'гw дх~а, а=ми'нь. Три'жды.

И= а='бiе пою'тъ тропари` сiя^ бг~оро'дичны, гла'съ 
а~:

Под\ъ твою` мл\сть прибjьга'емъ бц\де дв~о, мл~твъ 
на'шихъ не пре'зри въ ско'рбехъ: но w\т бjь'дъ и=зба'ви 
на'съ, _е=ди'на ч\стая и= бл~гослове'нная.

Бц\де дв~о ра'дуйся, бл~года'тная мр~i'е, гд\сь съ 
тобо'ю, бл~гослове'нна ты` въ жена'хъ, и= бл~гослове'нъ 
пло'дъ чре'ва твоегw`, jа='кw сп~са родила` _е=си` ду'шъ 
на'шихъ.

Сла'ва, гла'съ а~:

W\т ст~ы'я твоея` i=кw'ны, преч\стая бц\де, цjьльбы^ 
и= и=сцjьл_е'нiя подава'ются незави'стнw всjь^мъ, вjь'рою 
къ не'й притека'ющымъ, и= твое` заступле'нiе w\т се'рдца 
призыва'ющымъ. тjь'мъ и= моя^ не'мwщи посjьти` дв~о, и= 
душ_е'вныя и= тjьл_е'сныя jа='звы мл\стивнw о_у=врачу'й.

И= ны'нjь, гла'съ то'йже:

Любо'вiю, ч\стая дв~о, твою` ст~у'ю i=кw'ну 
почита'ющымъ, и= бж~iю тя` и='стинную мт~рь согла'снw 
возвjьща'ющымъ, и= вjь'рнw покланя'ющымъ ти ся, 
храни'тельница jа=ви'ся, и= держа'вная предста'тельница, 
вся'кое sло` w\т си'хъ о_у=даля'ющи, jа='кw вся^ 
могу'щая.

Посе'мъ: Досто'йно _е='сть:

И= лобза'вше w='бразъ, твори'тъ i=ере'й w\тпу'стъ 
_о=бы'чный. Вjь'стно же бу'ди, jа='кw а='ще i=кw'на 
бу'детъ w\т пра'здникwвъ бг~оро'дичныхъ, по w=сщ~е'нiи 
_е=я` а='бiе тропа'рь и= конда'къ пра'здничный пое'мъ, 
пото'мъ же сiя^ преднапи^санныя тропари`.