|
Библиотека святоотеческой литературы Извлечен hip-ресурс |
<::лат> OCR: <::рус> Библиотека святоотеческой литературы <::лат> http://orthlib.ru <::слав> [гл\ва м~_е] Чи'нъ бл~гослове'нiя но'вагw кiвw'та, и=ли` и=на'гw ко'егw сосу'да, и=ли` ко'егw ли'бо храни'лища кр\стоwбра'знw и=ли` и='накw къ хране'нiю моще'й ст~ы'хъ соwруже'ннагw. Наче'ншу i=ере'ю, по трист~о'мъ, и= по Прiиди'те, поклони'мся: А='ще мw'щи су'ть не мч~нч_ескiя, но и=на'гw ко'егw w\т ст~ы'хъ, чте'тъ _псало'мъ ра~_i: Бл~же'нъ му'жъ боя'йся гд\са, въ за'повjьдехъ _е=гw` восхо'щетъ sjьлw`: Си'льно на земли` бу'детъ сjь'мя _е=гw`. ро'дъ пра'выхъ бл~гослови'тся. Сла'ва и= бога'тство въ дому` _е=гw`, и= пра'вда _е=гw` пребыва'етъ въ вjь'къ вjь'ка. Возсiя` во тьмjь` свjь'тъ пра^вымъ: мл\стивъ и= ще'дръ и= пра'веденъ. Бл~гъ му'жъ ще'дря и= дая`: о_у=стро'итъ словеса` своя^ на судjь`, jа='кw въ вjь'къ не подви'жится. Въ па'мять вjь'чную бу'детъ пра'ведникъ: W\т слу'ха sла` не о_у=бои'тся. Гото'во се'рдце _е=гw` о_у=пова'ти на гд\са: о_у=тверди'ся се'рдце _е=гw`, не о_у=бои'тся, до'ндеже воззри'тъ на враги` своя^. Расточи`, даде` о_у=бw'гимъ, пра'вда _е=гw` пребыва'етъ во вjь'къ вjь'ка: ро'гъ _е=гw` вознесе'тся въ сла'вjь. Грjь'шникъ о_у='зритъ и= прогнjь'вается, зубы` свои'ми поскреже'щетъ и= раста'етъ: жела'нiе грjь'шника поги'бнетъ. А='ще же мч~нч_ескiя су'ть мw'щи, чте'тъ _псало'мъ _о~и: Бж~е, прiидо'ша jа=зы'цы въ достоя'нiе твое`, w=скверни'ша хра'мъ ст~ы'й тво'й. Положи'ша i=ер\сли'мъ jа='кw _о=во'щное храни'лище, положи'ша тру^пiя ра^бъ твои'хъ бра'шно пти'цамъ нб\снымъ, плw'ти прп\дбныхъ твои'хъ sвjьр_е'мъ земны^мъ: Пролiя'ша кро'вь и='хъ jа='кw во'ду _о='крестъ i=ер\сли'ма, и= не бjь` погреба'яй. Бы'хомъ поноше'нiе сосjь'дwмъ на'шымъ, подражне'нiе и= поруга'нiе су'щымъ _о='крестъ на'съ. Доко'лjь гд\си, прогнjь'ваешися до конца`, разжже'тся jа='кw _о='гнь рве'нiе твое`; Проле'й гнjь'въ тво'й на jа=зы'ки незна'ющыя тебе`, и= на ца^рствiя, jа=`же и='мене твоегw` не призва'ша: Jа='кw поядо'ша i=а'кwва, и= мjь'сто _е=гw` w=пустоши'ша. Не помяни` на'шихъ беззако'нiй пе'рвыхъ: ско'рw да предваря'тъ ны` щедрw'ты твоя^ гд\си, jа='кw w=бнища'хомъ sjьлw`. Помози` на'мъ бж~е сп~си'телю на'шъ, сла'вы ра'ди и='мене твоегw` гд\си и=зба'ви ны`, и= w=чи'сти грjьхи` на'шя, и='мене ра'ди твоегw`. Да не когда` реку'тъ jа=зы'цы: гдjь` _е='сть бг~ъ и='хъ; и= да о_у=вjь'стся во jа=зы'цjьхъ пред\ъ _о=чи'ма на'шима w\тмще'нiе кро'ве ра^бъ твои'хъ пролиты'я. Да вни'детъ пред\ъ тя` воздыха'нiе w=кова'нныхъ: по вели'чiю мы'шцы твоея`, снабди` сы'ны о_у=мерщвле'нныхъ. Возда'ждь сосjь'дwмъ на'шымъ седмери'цею въ нjь'дро и='хъ поноше'нiе и='хъ, и='мже поноси'ша тя` гд\си. Мы' же лю'дiе твои`, и= _о='вцы па'жити твоея`, и=сповjь'мыся тебjь` бж~е во вjь'къ, въ ро'дъ и= ро'дъ возвjьсти'мъ хвалу` твою`. Сла'ва, и= ны'нjь: А=ллилу'iа, три'жды. Дiа'конъ: Гд\су помо'лимся. Ли'къ: Гд\си поми'луй. I=ере'й чте'тъ мл~тву сiю`: Бж~е богw'мъ и= гд\си господ_е'мъ, тво'рче и= созда'телю всея` ви'димыя и= неви'димыя тва'ри: и='же рабу` твоему` мwv"се'ю повелjь'лъ _е=си`, по w='бразу пока'занному _е=му` на горjь`, кiвw'тъ w\т древе'съ негнiю'щихъ соста'вити, и= зла'томъ чи'стымъ w=бложи'ти, въ не'мже ста'мну злату'ю, нб\сную въ себjь` и=му'щую ма'нну, и= скрижа^ли завjь'та пе'рстомъ твои'мъ бж~е'ственнымъ напи^санныя, во свидjь'тельство бу'дущему ро'ду сохрани'ти: jа=`же вся^ w='бразъ бы'вше ны^нjьшнимъ, воплоще'нiемъ сн~а твоегw` гд\са на'шегw i=и~са хр\ста` и=спо'лнишася, _е=гда` тjь'ло _е=гw`, дjь'йствомъ ст~а'гw дх~а w\т преч\стыя дв~ы зача'тое и= w=душевле'нное, и=сполне'нiемъ бж~ества` всегw` и=спо'лнилъ _е=си`. Тебе` смире'ннw мо'лимъ вседержи'телю бж~е, _о='ч~е гд\са на'шегw i=и~са хр\ста`, и=з\ъ негw'же вся'кое _о=те'чество на нб~си` и= на земли` и=мену'ется, jа='кw да се'й кiвw'тъ [и=ли` кiвw'ты], и=ли` сосу'дъ [и=ли` сосу'ды], къ хране'нiю моще'й ст~ы'хъ твои'хъ соwруже'нный [и=ли` соwруж_е'нныя], мл~твами и= предста'тельствомъ тjь'хже ст~ы'хъ твои'хъ, нб\снымъ твои'мъ бл~гослове'нiемъ бл~гослови'ши, и= w=ст~и'ши, во _е='же всjь'хъ въ не'мъ [и=ли` въ ни'хъ] мw'щи ст~ы^я храня'щымъ и= сiя^ че'стнw чту'щихъ, и= ст~ы'хъ [и='хже бу'дутъ мw'щи] призыва'ющихъ, мл~твами и= предста'тельствомъ и='хъ, w\т всjь'хъ сопроти'вныхъ w=бстоя'нiй належа'щихъ свободи'ши, и= w\т преходя'щихъ ну'ждъ и= бjь'дъ и=зба'виши: вся^ же врагw'въ ви'димыхъ и= неви'димыхъ навjь'тwванiя, наш_е'ствiя и= напад_е'нiя w\т ни'хъ си'лою твое'ю w\тжене'ши: и= бу'деши и=`мъ стjьна` тверда` w\т лица` вра'жiя. И= сохрани` и=`хъ невреди'мыхъ w\т всjь'хъ чарова'нiй, w=бая'нiй же и= sлохи'трiй sлы'хъ и= лука'выхъ человjь^къ, гра'дъ же и= w=би'тель, село` и= страну`, въ ни'хже мw'щи ст~ы'хъ твои'хъ въ сосу'дjь се'мъ [и=ли` въ сосу'дjьхъ си'хъ] ч\стнw храни'мы бу'дутъ, и=зба'ви, соблюди` и= невре'дны сохрани` w\т поврежде'нiя мо'лнiи, sлорастворе'нiй возду'хwвъ, w\т гра'да, губи'тельства, тру'са, пото'па, _о=гня`, меча`, наше'ствiя и=ноплем_е'нникъ, и= междоусо'бныя бра'ни, и= вся'кiя смертоно'сныя ра'ны, w\т sвjьре'й же sлы'хъ, и= гадw'въ jа=дови'тыхъ, и= по'лзающихъ разли'чныхъ черве'й, и= w\т вся'кагw sла'гw w=бстоя'нiя. И= бу'ди и=`мъ по'мощь, защище'нiе и= покро'въ, и=збавля'я и=`хъ w\т вся'кагw sла`: да'руя же и=`мъ въ бл~гослове'нiи твое'мъ бл~гораствор_е'нiя возду'хwвъ, о_у=множ_е'нiя плодw'въ земны'хъ, времена` ми^рна и= вся'кое _о=би'лiе, мл~твами преч\стыя твоея` мт~ре и= всjь'хъ ст~ы'хъ твои'хъ, въ ни'хже хвали'мь и= сла'вимь _е=си` со _е=диноро'днымъ твои'мъ сн~омъ, и= прест~ы'мъ, и= бл~ги'мъ и= животворя'щимъ твои'мъ дх~омъ, ны'нjь и= при'снw, и= во вjь'ки вjькw'въ. Ли'къ: А=ми'нь. I=ере'й: Ми'ръ всjь^мъ. Ли'къ: И= ду'хови твоему`. Дiа'конъ: Главы^ ва'шя гд\севи приклони'те. Ли'къ: Тебjь` гд\си. I=ере'й чте'тъ та'йнw мл~тву сiю`: Вл\дко бж~е _о='ч~е вседержи'телю, и='же при мwv"се'и о_у=го'дницjь твое'мъ ропта'нiе лю'демъ о_у=толя'я, сщ~е'нство же а=арw'ново бл~гоуго'дное тебjь` бы'ти о_у=твержда'я, же'злъ _е=гw` сухi'й прозя'бнути, и= цвjь'тъ плодоно'сный произвести` сотвори'лъ _е=си`, и= се'й въ кiвw'тjь завjь'та въ зна'менiе твоея` си'лы и= чудотворе'нiя вложи'ти повелjь'лъ _е=си`: и='же и= на'мъ w=бразова'нiе бы'сть хр\ста` твоегw`, _е=гw'же на кр\стномъ же'ртвенницjь сме'ртiю и=зсуше'нiе, и= тридне'внымъ воскр\снiемъ процвjьте'нiе, цр~кви же сме'ртiю _е=гw` прозябе'нiе, и= но'щiю и= дне'мъ плодоно'сное процвjьте'нiе си'мъ проwбрази'лъ _е=си`. Тебе` всемл\стиваго строи'теля и= промы'сленника человjь'ческагw ро'да прилjь'жнw мо'лимъ, при'зри на сосу'ды сiя^, къ хране'нiю моще'й ст~ы'хъ о_у=го'дникwвъ твои'хъ соwруж_е'нныя и= бл~года'тiю твое'ю всеwсщ~а'ющею, въ w=кропле'нiи воды` сея` сщ~е'нныя бл~гослови` и= w=ст~и`, и= и=дjь'же а='ще сiя^ w\тнесе'ни и= храни'ми бу'дутъ, мл~твами и= предста'тельствы ст~ы'хъ твои'хъ, и='хже мw'щи въ ни'хъ сокры'ются, w\тту'ду вся'кое сопроти'вное w=бстоя'нiе w\тжени`, вся^ же пол_е'зная и= бл~га^я та'мw о_у=мно'жи и= сохрани`: jа='кw да вjь'рнiи лю'дiе твои`, бога^тыя мл\сти и= щедрw'ты и= бл~годjья^нiя твоя^ въ ма'лой ча'сти моще'й ст~ы'хъ твои'хъ, jа='коже въ цjь'ломъ и='хъ тjь'лjь получи'вше, бл~годаре'нiе тебjь` до'лжное воздаю'тъ, и= житiя` и='хъ подража'тельми бы'ти потща'тися хода'тайствомъ и='хъ, и= съ ни'ми и= наслjь'дники цр\ствiя твоегw` бы'ти да сподо'бятся. И= возглаша'етъ: Бл~года'тiю и= щедро'тами и= чл~вjьколю'бiемъ _е=диноро'днагw сн~а твоегw`, съ ни'мже бл~гослове'нъ _е=си`, съ прест~ы'мъ и= бл~ги'мъ, и= животворя'щимъ твои'мъ дх~омъ, ны'нjь и= при'снw, и= во вjь'ки вjькw'въ. Ли'къ: А=ми'нь. I=ере'й же кропи'тъ водо'ю сщ~е'нною сосу'ды, глаго'ля: W=сщ~а'ются сосу'ды сiя^ бл~года'тiю прест~а'гw дх~а, w=кропле'нiемъ воды` сея` сщ~е'нныя, во и='мя _о=ц~а`, и= сн~а, и= ст~а'гw дх~а, а=ми'нь. Три'жды. А='ще же та'мw су'ть мw'щи ст~ы'хъ влага'етъ я=` въ ня`, глаго'ля: Хвали'те бг~а во ст~ы'хъ _е=гw`, хвали'те _е=го` во о_у=тверже'нiи си'лы _е=гw`. Jа='кw восхва'лятся прп\дбнiи во сла'вjь, и= возра'дуются на ло'жахъ свои'хъ. И= чте'тъ тропа'рь и= конда'къ ст~ы'хъ, и='хже су'ть мw'щи, и= сотвори'въ w\тпу'стъ, съ воспомина'нiемъ ст~ы'хъ, и='хже су'ть мw'щи, раздае'тъ я=` тjь^мъ, и=`же къ w=сщ~е'нiю принесо'ша.