Богослужебные тексты

<::лат>  OCR:

<::рус>  Библиотека святоотеческой литературы

<::лат>  http://orthlib.ru

<::слав>

[гл\ва м~s] Бл~гослове'нiе кр\ста` къ ноше'нiю на 
пе'рсехъ.

Полага'емь быва'етъ сицевы'й кр\стъ на бж~е'ственной 
трапе'зjь, и= по соверше'нiи бж~е'ственныя лiтургi'и, 
и=ли` о_у='трени, и=ли` часw'въ, и=ли` вече'рни, пре'жде 
w\тпу'ста чте'тъ i=ере'й: Цр~ю` нб\сный: Трист~о'е. 
_О='ч~е на'шъ: И= тропари` сiя^: Сп~си` гд\си лю'ди 
твоя^: Сла'ва: Вознесы'йся на кр\стъ во'лею: И= ны'нjь: 
Предста'тельство хр\стiа'нъ:

И= по си'хъ ре'къ, Гд\су помо'лимся.

Ли'къ: Гд\си поми'луй.

I=ере'й чте'тъ мл~тву сiю`:

Гд\си i=и~се хр\сте` бж~е на'шъ, на дре'вjь кр\стномъ 
во'лею сп~се'нiя на'шегw ра'ди пригвозди'тися 
восхотjь'вый, и= преч\стно'ю свое'ю кро'вiю сiе` 
w=ст~и'ти и=зво'ливый, и= кр\сто'мъ свои'мъ w\т рабо'ты 
вра'жiя мi'ръ и=скупи'вый, и= дре'внее рукописа'нiе 
врага` на'шегw дiа'вола кр\сто'мъ растерза'вый, и= ро'дъ 
человjь'ческiй w\т мучи'тельства _е=гw` тjь'мъ 
свободи'вый, тебе` смире'ннw мо'лимъ: при'зри мл\стивнw 
на зна'менiе сiе` кр\стное, и= низпосли` бж~е'ственное 
твое` бл~гослове'нiе и= бл~года'ть, и= пода'ждь _е=му` 
си'лу и= крjь'пость, jа='кw да вся'къ, и='же въ 
воспомина'нiе. сп~си'тельныхъ твои'хъ стр\сте'й, и= 
животво'рныя твоея` сме'рти, и= въ сохране'нiе и= въ 
защище'нiе души` и= тjь'ла на себjь` носи'ти бу'детъ, 
нб\сное бл~гослове'нiе и= по'мощь въ не'мъ прiя'ти 
сподо'бится. И= jа='коже же'злъ а=арw'новъ, къ 
w\траже'нiю сопроти'вныхъ невjь'рствiя, и= и=спражне'нiю 
волше'бныхъ мечта'нiй бл~гослови'лъ _е=си`: си'це и= сiе` 
зна'менiе кр\стное бл~гослови`, и= сопроти'въ всjь^мъ 
ко'знемъ дiа^вольскимъ твоегw` заступле'нiя по'мощь въ 
не` вле'й, jа='кw да вся'кому на себjь` нося'щему _е=`, 
защище'нiе и= соблюде'нiе w\т вся'кагw sла` души` и= 
тjь'ла сп~си'тельное, и= въ о_у=множе'нiе въ не'мъ 
дх~о'вныхъ твои'хъ дарова'нiй, и= хр\стiа'нскихъ 
добродjь'телей твое'ю бл~года'тiю бу'детъ. Ты' бо _е=си` 
бл~гословля'яй и= w=сщ~а'яй вся'ч_еская, хр\сте` бж~е 
на'шъ, и= тебjь` сла'ву, бл~годаре'нiе и= поклоне'нiе 
возсыла'емъ, со безнача'льнымъ твои'мъ _о=ц~е'мъ, и= 
прест~ы'мъ, и= бл~ги'мъ, и= животворя'щимъ твои'мъ 
дх~омъ, ны'нjь и= при'снw, и= во вjь'ки вjькw'въ.

Ли'къ: А=ми'нь.

I=ере'й: Ми'ръ всjь^мъ.

Ли'къ: И= ду'хови твоему`.

Дiа'конъ: Главы^ ва'шя гд\севи приклони'те.

Ли'къ: Тебjь` гд\си.

I=ере'й же, прекло'нь главу`, чте'тъ та'йнw мл~тву 
сiю`:

Гд\си i=и~се хр\сте` бж~е на'шъ, въ высо'кихъ живы'й, 
и= на смир_е'нныя призира'яй, твои` раби` недосто'йнiи 
своя^ тебjь` приклони'хомъ вы^я се'рдца на'шегw и= 
тjьлесе`, и= смире'ннw мо'лимъ тя`, посли` нб\сное твое` 
бл~гослове'нiе на зна'менiе сiе` кр\стное, и= въ 
w=кропле'нiи сщ~е'нныя воды` и=спо'лни _е=` твоея` си'лы 
и= крjь'пости, къ прогна'нiю и= разоре'нiю вся'кiя 
дiа'вольскiя ко'зни: вся'кому же нося'щему на себjь` 
сiе`, вjь'рному рабу` твоему`, да'ждь бы'ти защище'нiе 
души` и= тjь'ла, w\т лица` вра^гъ ви'димыхъ и= 
неви'димыхъ и= w\т вся'кагw sла`, и= въ о_у=множе'нiе 
твоея` бл~года'ти. Ты' бо _е=си` w=сщ~е'нiе на'ше хр\сте` 
бж~е на'шъ, и= тебjь` сла'ву возсыла'емъ со 
безнача'льнымъ твои'мъ _о=ц~е'мъ, и= прест~ы'мъ, и= 
бл~ги'мъ, и= животворя'щимъ твои'мъ дх~омъ, ны'нjь, и= 
при'снw, и= во вjь'ки вjькw'въ.

Ли'къ: А=ми'нь.

I=ере'й же взе'мъ сщ~е'нную во'ду, кропи'тъ _е='ю 
кр\стъ, глаго'ля:

Бл~гословля'ется и= w=сщ~а'ется зна'менiе сiе` 
кр\стное w=кропле'нiемъ воды` сея` сщ~е'нныя, во и='мя 
_о=ц~а`, и= сн~а, и= ст~а'гw дх~а, а=ми'нь. Три'жды.

И= а='бiе твори'тъ _о=бы'чный w\тпу'стъ, и= w\тдае'тъ 
кр\стъ тому`, _е=гw'же _е='сть, въ сла'ву бж~iю.