Богослужебные тексты

<::лат>  OCR:

<::рус>  Библиотека святоотеческой литературы

<::лат>  http://orthlib.ru

<::слав>

[гл\ва м~з] Чи'нъ бл~гослове'нiя и= w=сщ~е'нiя 
i=кwноста'са.

Подоба'етъ о_у='бw вjь'дати, jа='кw поста'влену су'щу 
i=кwноста'су въ цр~кви, а='ще о_у=же` w\т _е=п\скпа 
w=сщ~е'нной соверше'ннw, и=ли` w\т _е=гw` намjь'стника 
бл~гослове'нной, а='бiе прwтоiере'емъ, и=ли` _е=гw` 
и=зволе'нiемъ w\т i=ере'а мjь'стнагw w=сщ~а'ется. А='ще 
же въ неwсщ~е'нной, и=ли` небл~гослове'нной, пе'рвjье 
цр~ковь w=сщ~а'ется, и=ли` бл~гословля'ется, пото'мъ же 
i=кw^ны, а='бiе по мv"ропома'занiи стjь'нъ пре'жде 
кажде'нiя. Ст~и'тель ста'въ пред\ъ цр\скими враты`, 
ре'кшу дiа'кону: Гд\су помо'лимся, чте'тъ моли^твы ни'же 
полож_е'нныя, и= сщ~е'нною водо'ю кропи'тъ i=кw^ны, 
пото'мъ же кади'тъ и= соверша'етъ w=сщ~е'нiе. А='ще же 
намjь'стникъ _е=гw` цр~ковь бл~гословя'етъ, пре'жде 
w\тпу'ста пред\ъ цр\скими враты`, по Гд\си поми'луй, 
чте'тъ вся^ ни'же пи^санная, и= посе'мъ твори'тъ 
w\тпу'стъ _о=бы'чный. А='ще же въ w=сщ~е'нной о_у=же`, 
и=ли` бл~гослове'нной цр~кви, новопоста'влены су'ть 
i=кw^ны, си'це бл~гословя'ются: I=ере'й въ _е=пiтрахи'ль 
и= фелw'нь w=дjь'янный, а='ще не и='мать сщ~е'нной воды`, 
твори'тъ пе'рвjье ма'лое w=сщ~е'нiе а='vгустово, пото'мъ 
же пред\ъ ца'рскими враты` ста'въ, начина'етъ _о=бы'чнw:

Бл~гослове'нъ бг~ъ на'шъ: Ли'къ же пое'тъ: Цр~ю` 
нб\сный: И= чте'тся Трист~о'е. И= по _О='ч~е на'шъ: 
Прiиди'те, поклони'мся: три'жды.

_Псало'мъ рл~а:

Помяни` гд\си дв~да, и= всю` кро'тость _е=гw`. Jа='кw 
кля'тся гд\севи, w=бjьща'ся бг~у i=а'кwвлю: А='ще вни'ду 
въ селе'нiе до'му моегw`, и=ли` взы'ду на _о='дръ 
посте'ли моея`: А='ще да'мъ со'нъ _о=чи'ма мои'ма, и= 
вjь'ждома мои'ма дрема'нiе, и= поко'й скранiа'ма мои'ма: 
До'ндеже w=бря'щу мjь'сто гд\севи, селе'нiе бг~у 
i=а'кwвлю. Се` слы'шахомъ я=` во _е=vфра'fjь, 
w=брjьто'хомъ я=` въ поля'хъ дубра'вы: Вни'демъ въ 
сел_е'нiя _е=гw`, поклони'мся на мjь'сто, и=дjь'же 
стоя'стjь но'зjь _е=гw`. Воскр\сни` гд\си въ поко'й 
тво'й, ты` и= кiвw'тъ ст~ы'ни твоея`. Сщ~е'нницы твои` 
w=блеку'тся пра'вдою, и= прп\дбнiи твои` возра'дуются. 
Дв~да ра'ди раба` твоегw`, не w\тврати` лице` 
пома'заннагw твоегw`. Кля'тся гд\сь дв~ду и='стиною, и= 
не w\тве'ржется _е=я`: w\т плода` чре'ва твоегw` посажду` 
на пр\сто'лjь твое'мъ. А='ще сохраня'тъ сы'нове твои` 
завjь'тъ мо'й, и= свидjь^нiя моя^ сiя^, и=`мже научу` 
я=`, и= сы'нове и='хъ до вjь'ка ся'дутъ на пр\сто'лjь 
твое'мъ. Jа='кw и=збра` гд\сь сiw'на, и=зво'ли и=` въ 
жили'ще себjь`. Се'й поко'й мо'й во вjь'къ вjь'ка, здjь` 
вселю'ся, jа='кw и=зво'лихъ и=`: Лови'тву _е=гw` 
бл~гословля'яй бл~гословлю`, ни'щыя _е=гw` насыщу` 
хлjь'бы. Сщ~е'нники _е=гw` w=блеку` во сп~се'нiе, и= 
прп\дбнiи _е=гw` ра'достiю возра'дуются. Та'мw возвращу` 
ро'гъ дв~дови, о_у=гото'вахъ свjьти'льникъ пома'занному 
моему`. Враги` _е=гw` w=блеку` студо'мъ, на не'мже 
процвjьте'тъ ст~ы'ня моя`.

Сла'ва, и= ны'нjь: А=ллилу'iа, три'жды.

Ре'кшу же дiа'кону: Гд\су помо'лимся, и= кли'ру: Гд\си 
поми'луй.

I=ере'й чте'тъ мл~тву сiю`:

Гд\си бж~е на'шъ, бж~е богw'въ и= гд\си господе'й, 
бж~е саваw'fъ, тво'рче и= созда'телю всея` ви'димыя и= 
неви'димыя тва'ри, _о='ч~е гд\са на'шегw i=и~са хр\ста`, 
люде'й твои'хъ i=и~ля, вjь'дый о_у=до'бь преложе'нное w\т 
тебе` и='стиннагw бг~а къ чу^ждымъ лw'жнымъ богw'мъ 
се'рдце, w\т i=дwлослуже'нiя и=з\ъима'я тjь'хъ, въ 
позна'нiи же и= служе'нiи тебе` _е=ди'нагw и='стиннагw 
бг~а всегда` неw\тсту'пнw и=мjь'ти хотя`, w='бразы и= 
подw'бiя тебjь` и='стинному бг~у проти^вныя себjь` 
сотвори'ти, во _е='же jа='кw гд\су тjь^мъ кла'нятися и= 
служи'ти, преще'нiемъ запрети'лъ _е=си`: подw'бiя же 
па'ки и= w='бразы, и='миже не чужды'хъ ло'жныхъ и= не 
су'щихъ богw'въ, но тебе` _е=ди'нагw и='стиннагw бг~а 
прест~о'е и= великолjь'пое и='мя сла'вится, [не 
о_у=довля'я лю'ди своя^ писа'нiемъ то'чiю завjь'та и= 
зако'на], о_у=го'дникомъ твои'мъ мwv"се'омъ пе'рвjье по 
w='бразу пока'занному _е=му` на горjь`, кiвw'тъ завjь'та 
w\т дре'ва негнiю'щагw w=бложе'нъ зла'томъ, въ не'мже 
скрижа^ли завjь'та, ста'мна злата` и= а=арw'новъ же'злъ 
пото'мъ возложены` бы'ша, и= над\ъ ни'мъ херувi^ма два`, 
и= на _о=по'нахъ дjь'ломъ шве'ннымъ херувi'мwвъ 
мно'жество о_у=стро'ити, два' же херувi^ма о_у= 
о_у=глw'въ w=чисти'лища: пото'мъ же и= въ соломw'новомъ 
созда'нномъ тебjь` хра'мjь, херувi^ма два` w\т 
кv"парi'снагw дре'ва, зла'томъ w=б\ъя'та поста'вити 
повелjь'лъ _е=си`. И= jа='кw твое` съ людьми` 
пребыва'нiе, и= сла'вы твоея` вели'чества зна'м_енiя, и= 
па'мять твои'хъ превели'кихъ и= пресла'вныхъ чуде'съ и= 
бл~годjья'нiй въ себjь` и=му'щыя и= собо'ю jа=вля'ющыя, 
[а='ще и= дjьла` ру'къ человjь'ческихъ бя'ху] стра'хомъ 
и= тре'петомъ, _о=ба'че и= бг~олjь'пнымъ поклоне'нiемъ, 
кажде'нiемъ же и= пред\ъ тjь'ми моле'нiемъ чти'ти сiя^ 
повелjь'лъ _е=си`: _о='ную же че'сть, jа='коже себjь` 
самому` w\тда'нную, ми'лостивнw прiя'лъ _е=си`, 
безче'стiе же си^мъ сотво'ршихъ, и= достодо'лжнw сiя^ не 
поче'тшихъ разли'чнw jа='коже _о='зу _о='наго му'чилъ и= 
погуби'лъ _е=си`: разли'чiе же и= ра'знство че'сти 
бг~опрiя'тныхъ, w\т богоме'рзкихъ w='бразwвъ, при и=лi'и 
сщ~е'нницjь и= судiи` i=и~льскомъ въ сокруше'нiи даго'на 
i='дwла, и= въ о_у=язвле'нiи и=ноплем_е'никъ jа='снw 
показа'лъ _е=си`. Во и=сполне'нiи же време'нъ посла'лъ 
_е=си` _е=диноро'днаго сн~а твоего` гд\са на'шего i=и~са 
хр\ста`, ражда'емаго w\т жены` приснодв~ы мр~i'и: и='же 
зра'къ раба` прiи'мъ, и= въ подо'бiи чл~вjь'честjьмъ 
бы'въ, подо'бiе своегw` преч\стагw w='браза, къ своему` 
бж~е'ственному лицу` о_у=бру'съ приложи'въ, и=з\ъwбрази`, 
и= а='vгарю _е=де'сскому кня'зю посла`, и= тjь'мъ w\т 
неду'га того` и=сцjьли`, и= всjь^мъ къ нему` 
приходя'щымъ, и= вjь'рою кла'няющымся, неисч_е'тная 
и=сцjьл_е'нiя и= мнw'гая бл~годjья^нiя чудодjь'йствуяй 
подава'ше. И= мы` о_у='бw, _w всебл~гi'й и= ще'дрый 
вл\дко, сiя^ w='бразы возлю'бленнагw сн~а твоегw`, въ 
воспомина'нiе сп~си'тельнагw воплоще'нiя, и= всjь'хъ 
пресла'вныхъ _е=гw` чуде'съ, страсте'й же и= распя'тiя и= 
сме'рти, и= пресла'внагw воскр\снiя, и= на нб~са` 
вознесе'нiя, и= всjь'хъ _е=гw` бл~годjья'нiй, jа=`же на 
земли`, jа='кw человjь'къ jа=ви'вся, человjь'ческому 
ро'ду показа`, w= ни'хже на'мъ бж~е'ств_енная _е=v\глiа 
jа='снw повjьству'ютъ: та'кожде преч\стой _е=гw` мт~ри, 
jа='кw ч\стнjь'йшей и= всея` тва'ри вы'шшей, и= о_у= 
тебе` прiя'тнjьйшей мл~твенницы и= предста'тельницы 
на'шей: а='гг~лwвъ же и= пр\оро'кwвъ, и= а=п\слwвъ 
бг~огла'сныхъ, мч~нкwвъ и= ст~и'телей, и= прп\дбныхъ, и= 
всjь'хъ ст~ы'хъ, jа='кw твои'хъ о_у=го'дникwвъ, рабw'въ 
же вjь'рныхъ и= при'сныхъ другw'въ, и= твои'хъ 
и='стинныхъ су'щихъ w='бразwвъ не бг~отворя'ще, но 
вjь'дуще, jа='кw по'честь w='браза на первоwбра'зное 
восхо'дитъ, въ ст~о'мъ твое'мъ се'мъ хра'мjь пред\ъ 
твои'мъ вели'чествомъ ч\стнw предложи'хомъ, и= 
припа'дающе прилjь'жнw мо'лимъ: при'зри мл\стивнw на ны` 
и= на w='бразы сiя^, и= jа=вле'нiя ра'ди во пло'ти 
возлю'бленнагw сн~а твоегw`, и= всегw` _е=гw` 
сп~си'тельнагw плотска'гw бж~е'ственнагw смотре'нiя, въ 
_е=гw'же воспомина'нiе и= сла'ву, и= мл~твами преч\стыя 
и= пребл~гослове'нныя _е=гw` мт~ре, ст~ы'хъ нб\сныхъ 
си'лъ безпло'тныхъ, ч\стна'гw пр\оро'ка пр\дте'чи и= 
кр\сти'теля i=wа'нна, бг~огла'сныхъ пр\орw'къ, 
дх~оно'сныхъ а=п\слъ, добропобjь'дныхъ мч~нкъ, ст~и'телей 
же, и= прп\дбныхъ и= прв\дныхъ, и= всjь'хъ ст~ы'хъ 
твои'хъ, въ и='хже че'сть и= па'мять сiя^ о_у=стро'ихомъ, 
посли` на ня` твое` нб\сное бл~гослове'нiе и= бл~года'ть 
прест~а'гw дх~а, и= бл~гослови` и= w=ст~и` я=`, и= 
пода'ждь и=`мъ си'лу цjьле'бную, и= всjь'хъ дiа'вольскихъ 
ко'зней прогони'тельну, и= и=спо'лни я=` бл~гослове'нiя, 
си'лы же и= крjь'пости, _е=я'же бога'тнw влiя'лъ _е=си` 
на _о='ный ст~ы'й нерукотворе'нный w='бразъ, 
прикоснове'нiемъ прест~а'гw и= преч\стагw бж~е'ственнагw 
лица` _е=диноро'днагw сн~а твоегw`, во _е='же си'ламъ и= 
чудес_е'мъ и= тjь'ми дjь'йствоватися, во о_у=твержде'нiе 
правосла'вныя вjь'ры и= сп~се'нiе люде'й твои'хъ. Всjь'хъ 
же тебjь` и= _е=диноро'дному твоему` сн~у, и= прест~о'му 
и= животворя'щему твоему` дх~у, пред\ъ си'ми w='бразами 
кла'няющихся, и= прилjь'жнw вjь'рою моля'щихся, и= мл\сть 
w=брjьсти` прося'щихъ, ст~ы'хъ же, jа='кw твои'хъ 
вjь'рныхъ рабw'въ и= прiи'скреннихъ другw'въ, въ и='хже 
и='мя и= пода'нную студе'ныя воды` ча'шу прiя'ти, и= 
мздо'ю проро'чею и=ли` пра'ведничею и=ли` о_у=чени'чею 
возда'ти мл\стивнw w=бjьща'лъ _е=си`, въ мольбу` къ 
тебjь` въ бjьда'хъ и= ну'ждахъ и= ско'рбехъ, и= во 
всjь'хъ свои'хъ тре'бованiяхъ на вся^ i=кw^ны и='хъ 
взира'юще, вjь'рою призыва'ющихъ, мольбы^ и= мол_е'нiя и= 
прилjь^жная прош_е'нiя о_у=слы'шаны бы'ти, и= мл\сть 
твоегw` чл~вjьколю'бiя привлещи` сотвори`, w=ставле'нiе 
же грjьхw'въ пода'ждь, и= бл~года'ть получи'ти сподо'би. 
Ты' бо _е=си` w=сщ~е'нiе на'ше, и= тебjь` сла'ву 
возсыла'емъ, со _е=диноро'днымъ твои'мъ сн~омъ, и= съ 
прест~ы'мъ, и= бл~ги'мъ, и= животворя'щимъ твои'мъ 
дх~омъ, ны'нjь и= при'снw, и= во вjь'ки вjькw'въ.

Ли'къ: А=ми'нь.

I=ере'й: Ми'ръ всjь^мъ.

Ли'къ: И= ду'хови твоему`.

Дiа'конъ: Главы^ ва'шя гд\севи приклони'те.

Ли'къ: Тебjь` гд\си.

I=ере'й же, главу` прекло'нь, та'йнw чте'тъ мл~тву 
сiю`:

Гд\си бж~е на'шъ, пи^санныя w='бразы ст~ы'хъ твои'хъ 
не w\тмета'яй, но па'че любе'знw прiе'мляй, во _е='же 
_е=ли'жды _о=чи'ма тjьле'сныма взира'юще на ня`, толи'жды 
о_у='мныма _о=чи'ма дjьла` и= житiе` и='хъ тебjь` 
бл~гоуго'дное воспомина'ти и= размышля'ти, jа='коже и= въ 
писа'нiихъ чту'ще бу'демъ. Сiя^ о_у='бw i=кw^ны, 
прилjь'жнw мо'лимся, jа=`же въ че'сть и= сла'ву, и= въ 
воспомина'нiе сп~си'тельнагw воплоще'нiя, чуде'съ же и= 
бл~годjья'нiй _е=диноро'днагw сн~а твоегw`, jа=`же на'мъ 
бж~е'ственное _е=v\глiе вjьща'етъ, да не то'чiю чту'ще, 
но и= на и=з\ъwбраж_е'нныя взира'юще въ о_у='мъ 
прiе'млемъ, и= въ па'мять бл~года'рнw w\тно'симъ: 
та'кожде и= преч\стыя дв~ы бц\ды, нб\сныхъ си'лъ 
безпло'тныхъ, ст~а'гw i=wа'нна пр\дте'чи и= кр\сти'теля, 
ст~ы'хъ а=п\слъ, пр\орw'къ, мч~нкъ, и= всjь'хъ ст~ы'хъ 
твои'хъ соwруди'хомъ, мл\стивнw нб\снымъ твои'мъ 
бл~гослове'нiемъ, въ w=кропле'нiи воды` сея` сщ~е'нныя 
бл~гослови` и= w=ст~и`, и= всjь'хъ вjь'рнw пред\ъ ни'ми, 
тебе` бг~а _о=ц~а`, и= _е=диноро'днаго сн~а, и= 
прест~а'го и= животворя'щаго твоего` дх~а, преч\стую же 
бц\ду, и= всjь'хъ ст~ы'хъ твои'хъ, и='хже 
и=з\ъwбраж_е'нiя въ си'хъ i=кw'нахъ су'ть, досто'йнw 
чту'ще, твое` бж~е'ственное мл\срдiе, _о='ныхъ же, jа='кw 
твои'хъ при'сныхъ рабw'въ и= другw'въ, мл~твы за себе` къ 
тебjь` бг~у и= гд\су, предста'тельства же и= по'мощи 
прося'ще призыва'ти бу'дутъ, твои'мъ бл~госе'рдiемъ, 
ст~ы'хъ же твои'хъ мл~твами ско'рw получи'ти сотвори`, 
w=ставле'нiе же грjьхw'въ да'руй, и= наслjь'дники 
цр\ствiя твоегw`, jа='кw бл~гъ, бы'ти сподо'би.

И= возглаша'етъ: Ты' бо _е=си` бг~ъ мл\сти, и= 
щедро'тъ, и= чл~вjьколю'бiя, и= тебjь` сла'ву 
возсыла'емъ. со _е=диноро'днымъ твои'мъ сн~омъ, и= 
прест~ы'мъ, и= бл~ги'мъ, и= животворя'щимъ твои'мъ 
дх~омъ, ны'нjь и= при'снw, и= во вjь'ки вjькw'въ.

Ли'къ: А=ми'нь.

Ст~и'тель же и=ли` i=ере'й кропи'тъ сщ~е'нною водо'ю 
ве'сь i=кwноста'съ, w\т ни'зу да'же до верха`, глаго'ля:

W=сщ~а'ются i=кw^ны сiя^ w=кропле'нiемъ воды` сея` 
сщ~е'нныя, въ че'сть и= сла'ву вели'кагw бг~а и= сп~са 
на'шегw i=и~са хр\ста`, и= въ па'мять ст~ы'хъ _е=гw`, во 
и='мя _о=ц~а`, и= сн~а, и= ст~а'гw дх~а, а=ми'нь. 
Три'жды.

А='бiе же ли'къ пое'тъ и=ли` чте'тъ тропари` сiя^, 
гла'съ в~:

Преч\стому твоему` w='бразу покланя'емся бл~гi'й, 
прося'ще проще'нiя прегрjьше'нiй на'шихъ, хр\сте` бж~е: 
во'лею бо бл~говоли'лъ _е=си` пло'тiю взы'ти на кр\стъ, 
да и=зба'виши, jа=`же созда'лъ _е=си`, w\т рабо'ты 
вра'жiя. тjь'мъ бл~года'рственнw вопiе'мъ ти`: ра'дости 
и=спо'лнилъ _е=си` вся^ сп~се на'шъ, прише'дый сп~сти` 
мi'ръ.

Сла'ва, гла'съ в~:

А=п\сли, пр\оро'цы, ст~и'телiе, прп\дбнiи, прв\днiи и= 
вси` ст~i'и, до'брjь по'двигъ сконча'вшiи и= вjь'ру 
соблю'дшiи, дерзнове'нiе и=му'ще ко сп~су, w= на'съ того` 
jа='кw бл~га'го моли'те, сп~сти` вjь'рнw ва'съ 
призыва'ющихъ, и= i=кw^ны ва'шя, jа='кw другw'въ бж~iихъ, 
бл~гоче'стнw чту'щихъ.

И= ны'нjь, гла'съ а~:

Любо'вiю, ч\стая дв~о, твою` ст~у'ю i=кw'ну 
почита'ющымъ, и= бж~iю тя` и='стинную мт~рь согла'снw 
возвjьща'ющымъ, и= вjь'рнw покланя'ющымъ ти ся 
храни'тельница jа=ви'ся, и= держа'вная предста'тельница 
вся'кое sло` w\т си'хъ о_у=даля'ющи, jа='кw вся^ 
могу'щая.

А='бiе же посе'мъ твори'тъ _о=бы'чный w\тпу'стъ.