Богослужебные тексты

<::лат>  OCR:

<::рус>  Библиотека святоотеческой литературы

<::лат>  http://orthlib.ru

<::слав>

[гл\ва м~и] Чи'нъ бл~гослове'нiя и= w=сщ~е'нiя 
разноли'чныхъ i=кw'нъ, предложе'нныхъ вку'пjь.

Нача'ло _о=бы'чное, jа='коже о_у=каза'ся вы'ше. По 
Прiиди'те, поклони'мся: _Псало'мъ п~и:

Мл\сти твоя^ гд\си во вjь'къ воспою`, ро'дъ и= ро'дъ 
возвjьщу` и='стину твою` о_у=сты` мои'ми. Зане` ре'клъ 
_е=си`: въ вjь'къ мл\сть сози'ждется, на нб~сjь'хъ 
о_у=гото'вится и='стина твоя`. Завjьща'хъ завjь'тъ 
и=збра^ннымъ мои^мъ, кля'хся дв~ду рабу` моему`: До 
вjь'ка о_у=гото'ваю сjь'мя твое`, и= сози'жду въ ро'дъ и= 
ро'дъ пр\сто'лъ тво'й. И=сповjь'дятъ нб~са` чудеса` твоя^ 
гд\си, и='бо и='стину твою` въ цр~кви ст~ы'хъ. Jа='кw 
кто` во _о='блацjьхъ о_у=равни'тся гд\севи, 
о_у=подо'бится гд\севи въ сынjь'хъ бж~iихъ; Бг~ъ 
прославля'емь въ совjь'тjь ст~ы'хъ, ве'лiй и= стра'шенъ 
_е='сть над\ъ всjь'ми _о=кре'стными _е=гw`. Гд\си бж~е 
си'лъ, кто` подо'бенъ тебjь`; си'ленъ _е=си` гд\си, и= 
и='стина твоя` _о='крестъ тебе`. Ты` вл\дчествуеши 
держа'вою морско'ю, возмуще'нiе же во'лнъ _е=гw` ты` 
о_у=кроча'еши. Ты` смири'лъ _е=си`, jа='кw jа='звена 
го'рдаго, мы'шцею си'лы твоея` расточи'лъ _е=си` враги` 
твоя^. Твоя^ су'ть нб~са`, и= твоя` _е='сть земля`, 
вселе'нную и= и=сполне'нiе _е=я` ты` w=снова'лъ _е=си`. 
Сjь'веръ и= мо'ре ты` созда'лъ _е=си`: fавw'ръ и= 
_е=рмw'нъ w= и='мени твое'мъ возра'дуетася. Твоя` мы'шца 
съ си'лою: да о_у=крjьпи'тся рука` твоя`, и= вознесе'тся 
десни'ца твоя`. Пра'вда и= судьба` о_у=гото'ванiе 
пр\сто'ла твоегw`: мл\сть и= и='стина пред\ъи'детjь 
пред\ъ лице'мъ твои'мъ. Бл~же'ни лю'дiе вjь'дущiи 
воскликнове'нiе: гд\си во свjь'тjь лица` твоегw` 
по'йдутъ, И= w= и='мени твое'мъ возра'дуются ве'сь де'нь, 
и= пра'вдою твое'ю вознесу'тся. Jа='кw похвала` си'лы 
и='хъ ты` _е=си`, и= во бл~говоле'нiи твое'мъ вознесе'тся 
ро'гъ на'шъ.

Та'же дiа'конъ: Гд\су помо'лимся.

Ли'къ: Гд\си поми'луй.

I=ере'й же чте'тъ мл~тву сiю`:

Гд\си вседержи'телю бж~е _о=т_е'цъ на'шихъ, въ тр\оцjь 
ст~jь'й сла'вимый и= покланя'емый, _е=гw'же ни о_у='мъ 
пости'гнути мо'жетъ, ни сло'во сказа'ти возмога'етъ, 
_е=гw'же никто'же w\т человjь^къ нигдjь'же ви'дjь, то'чiю 
jа='коже w\т ст~ы'хъ писа'нiй научи'хомся, си'це 
вjь'руемъ и= си'це тебе` бг~а _о=ц~а` безнача'льнаго, и= 
сн~а твоего` _е=диносу'щнаго, и= дх~а твоего` 
сопресто'льнаго бы'ти и=сповjь'дуемъ. и='же въ ве'тсjьмъ 
завjь'тjь, въ jа=вле'нiи твое'мъ патрiа'рху а=враа'му во 
w='бразjь трiе'хъ а='гг~лъ, на послjь'докъ же дне'й по 
воплоще'нiи _е=диноро'днагw сн~а бж~iя, гд\са на'шегw 
i=и~са хр\ста` w\т приснодв~ы мр~i'и, въ креще'нiи w\т 
i=wа'нна на i=_орда'нjь, въ пресвjь'тломъ преwбраже'нiи 
на fавw'рjь, и= въ пресла'вномъ вознесе'нiи на _е=леw'нjь 
jа=ви'выйся, w='бразъ прест~ы'я тр\оцы на'мъ показа'лъ 
_е=си`: _е=ще' же и= нерукотворе'нный w='бразъ гд\са 
на'шегw i=и~са хр\ста` чудодjь'йственнjь и='мъ на 
о_у=бру'сjь и=з\ъwбраже'нный, и= _е=де'сскому кня'зю 
а='vгарю по'сланной и= тjь'мъ того` и= и='ны мнw'ги 
боля'щыя ра'зными неду'ги и=сцjьли'вый, на'съ же чти'ти 
се'й научи'вый: та'кожде и= w='бразы и= подw'бiя ст~ы'хъ 
твои'хъ о_у=го'дникwвъ не w\тмета'яй, но прiе'мляй: са'мъ 
и= ны'нjь при'зри на i=кw^ны сiя^, jа=`же раби` твои` въ 
че'сть и= сла'ву тебе` _е=ди'нагw въ тр\оцjь ст~jь'й 
сла'вимагw бг~а, и= _е=диноро'днагw сн~а твоегw` гд\са 
на'шегw i=и~са хр\ста`, преч\стыя и= пребл~гослове'нныя 
мт~ре _е=гw`, вл\дчцы на'шея прест~ы'я бц\ды и= 
приснодв~ы мр~i'и, и= въ па'мять ст~ы'хъ твои'хъ и='м\ркъ 
соwруди'ша, бл~гослови` я=` и= w=ст~и`, и= пода'ждь и=`мъ 
си'лу цjьле'бну, всjь'хъ ко'зней дiа'вольскихъ 
прогони'тельну, и= во _е='же всjь^мъ прилjь'жнw пред\ъ 
ни'ми моля'щымся о_у=слы^шаннымъ бы'ти, и= мл\сть твоегw` 
чл~вjьколю'бiя привлещи`, и= бл~года'ть получи'ти 
сотвори`. Ты' бо _е=си` w=сщ~е'нiе на'ше, и= тебjь` 
сла'ву возсыла'емъ _о=ц~у`, и= сн~у, и= ст~о'му дх~у, 
ны'нjь и= при'снw, и= во вjь'ки вjькw'въ.

Ли'къ: А=ми'нь.

I=ере'й: Ми'ръ всjь^мъ.

Ли'къ: И= ду'хови твоему`.

Дiа'конъ: Главы^ ва'шя гд\севи приклони'те.

Ли'къ: Тебjь` гд\си.

I=ере'й же, прекло'нь главу`, та'йнw чте'тъ мл~тву 
сiю`:

Безнача'льне, неви'диме и= непостижи'ме гд\си, и='же 
дре'вле въ ве'тсjьмъ завjь'тjь подw'бiя херувi'мwвъ w\т 
дре'ва и= зла'та и= шве'ннагw дjь'ла, въ ски'нiи 
свидjь'нiя. и= въ хра'мjь соломw'новjь сотвори'ти 
повелjь'вый, и= ны'нjь w='бразы не то'чiю въ 
воспомина'нiе твои'хъ сп~си'тельныхъ бл~годjья'нiй и= 
бж~е'ственныхъ jа=вле'нiй ро'ду человjь'ческому, въ 
че'сть же и= сла'ву твоегw` прест~а'гw и='мене твори^мыя 
прiе'мляй, но и= въ па'мять и= подража'нiе ст~ы'хъ 
твои'хъ о_у=го'дникwвъ о_у=строя^емыя не w\тмета'яй, 
о_у=слы'ши смире'нную мл~тву на'шу: бл~гослови` i=кw^ны 
сiя^ и= w=ст~и`, и= пода'ждь и=`мъ бл~года'ть и= си'лу 
бjь'сы w\тгоня'ти, и= вся^ неду'ги и=сцjьля'ти.

Jа='кw ты` _е=си` бл~гословля'яй и= w=сщ~а'яй 
вся'ч_еская, хр\сте` бж~е на'шъ, и= тебjь` сла'ву 
возсыла'емъ, со безнача'льнымъ твои'мъ _о=ц~е'мъ, и= 
прест~ы'мъ, и= бл~ги'мъ, и= животворя'щимъ твои'мъ 
дх~омъ, ны'нjь и= при'снw, и= во вjь'ки вjькw'въ.

Ли'къ: А=ми'нь.

И= а='бiе кропи'тъ i=ере'й предлож_е'нныя i=кw^ны по 
три'жды, глаго'ля:

W=сщ~а'ются i=кw^ны сiя^ бл~года'тiю прест~а'гw дх~а, 
w=кропле'нiемъ воды` сея` сщ~е'нныя, во и='мя _о=ц~а`, и= 
сн~а, и= ст~а'гw дх~а, а=ми'нь. Три'жды.

И= покропи'въ, i=ере'й кади'тъ я=`: и= покланя'ются 
пред\ъ ни'ми, и= лобыза'етъ я=`.

Ли'къ же пое'тъ тропари` пра^здничныя, и= посе'мъ 
w\тпу'стъ.