Богослужебные тексты

<::рус>  Оцифровка и приведение к грамматическим нормам 
	  ЦС-языка: протоиерей Николай Диваков, 
	  Людоговский Ф. Б.

<::слав> 

%<Послjь'дованiе моле'бна женjь` пред\ъ порожде'нiемъ%>
{<::рус>Источник: Сербский Требник, Београд, 1983<::слав>}

%<Прочте'нну бы'вшу моле'бному канw'ну ко прест~jь'й 
бц\дjь, въ не'мже по г~-й и= s~-й пjь'сни, въ _е=ктенiи`, 
проше'нiе:%>

%<_Е=%>ще` мо'лимся w= рабjь` бж~iей %<(и='м\ркъ)%>, w= 
_е='же о_у=крjьпле'ннjьй бы'ти _е='й въ ча'съ предстоя'щагw 
_е=я` порожде'нiя, рце'мъ вси`, гд\си сп~си` и= поми'луй.

%<Возглаше'нiе: Jа='%>кw ми'лостивъ:

%<Въ концjь` моле'бна рцы` моли'тву сiю`:%>

%<П%>рест~а'я дв~о, мт~и гд\са на'шегw i=и~са хр\ста`, 
jа='же вjь'си рожде'нiе и= _е=стество` ма'тере и= ча'да, 
поми'луй рабу` твою` %<(и='м\ркъ)%> и= помози` въ ча'съ се'й 
да разрjьши'тся бре'мене своегw` бл~гополу'чнw. _W 
всемл\стивая влады'чице бц\де, jа='же не потре'бовала _е=си` 
по'мощи въ рожде'нiи сн~а бж~iя, пода'ждь по'мощь се'й 
рабjь` твое'й по'мощи тре'бующей, наипа'че же w\т тебе`. 
Да'руй _е='й бл~гомо'щiе въ ча'съ се'й, и= младе'нца, и='же 
и='мать роди'тися и= вни'ти въ свjь'тъ мi'ра сегw` сподо'би 
въ бл~гопотре'бное вре'мя и= о_у='мнагw свjь'та во ст~jь'мъ 
креще'нiи водо'ю и= дх~омъ. Тебjь` припа'даемъ мт~и бг~а 
вы'шнягw моля'щеся: бу'ди ми'лостива ма'ти се'й, _е='йже 
прiи'де вре'мя бы'ти ма'ти, и= о_у=моли` воплоти'вшагося 
и=з\ъ тебе` хр\ста` бг~а на'шегw, да о_у=крjьпи'тъ ю=` 
си'лою свое'ю свы'ше.

%<Jа='%>кw держа'ва _е=гw` бл~гослове'на и= 
препросла'влена, со безнача'льнымъ _е=гw` _о=ц~е'мъ, и= съ 
прест~ы'мъ и= бл~ги'мъ и= животворя'щимъ _е=гw` дх~омъ, 
ны'нjь и= при'снw, и= во вjь'ки вjькw'въ. %<А=%>ми'нь.

%<Моли'тва и=на'я ко гд\су i=и~су хр\сту`:%>

%<Г%>д\си i=и~се хр\сте` бж~е на'шъ, w\т превjь'чнагw 
_о=ц~а` рожде'нный сн~е пре'жде вjь^къ, и= въ послjь^днiя 
дни^, бл~говоле'нiемъ и= содjь'йствiемъ ст~а'гw дх~а, 
и=зво'ливый рожде'ну бы'ти w\т прест~ы'я дв~ы jа='кw 
младе'нцу, повiе'ну и= положе'ну бы'ти во jа='сли, са'мъ, 
гд\си, въ нача'лjь сотвори'вый человjь'ка и= жену` спрягi'й 
_е=му`, за'повjьдь да'въ и=`мъ: расти'теся и= мно'житеся, и= 
напо'лните зе'млю, поми'луй по вели'цjьй ми'лости твое'й 
рабу` твою` %<(и='м\ркъ)%> гото'вящуюся роди'ти по 
за'повjьди твое'й. Прости` _е='й вw'льная и= невw'льная 
грjьхи`, бл~года'тiю твое'ю да'руй _е='й си'лу бл~гополу'чнw 
разрjьши'тися w\т бре'мене своегw`, сохрани` сiю` и= 
младе'нца во здра'вiи и= бл~гомо'щiи, w=гради` я=` а='гг~лы 
твои'ми и= сохрани` w\т непрiя'зненнагw дjь'йствiя лука'выхъ 
дх~w'въ, и= w\т вся'кiя ве'щи sлы'я.

%<Возглаше'нiе: Jа='%>кw бл~гъ и= человjьколю'бецъ бг~ъ 
_е=си`, и= тебjь` сла'ву возсыла'емъ, _о=ц~у`, и= сн~у, и= 
ст~о'му дх~у, ны'нjь и= при'снw, и= во вjь'ки вjькw'въ. 
%<А=%>ми'нь.

%<И= w\тпу'стъ.%>