Богослужебные тексты

<::лат> OCR:

<::рус> Библиотека святоотеческой литературы

<::лат> http://orthlib.ru

<::слав>

(л. с~_о)

%<Недjь'ля всjь'хъ ст~ы'хъ,%>

%<Въ суббw'ту ве'чера, на ма'лjьй вече'рни,%>

%<на Г%>д\си воззва'хъ: %<поста'вимъ стiхи` д~. И= 
пое'мъ %[стiхи^ры воскре'сны%], д~, гла'съ и~:%>

%<В%>ече'рнюю пjь'снь: %<Г%>д\си, гд\си, не w\тве'ржи: 
%<Р%>а'дуйся сiw'не: %<_Е='%>же w\т бг~а _о=ц~а` сло'во: 
%<Сла'ва: гла'съ s~: М%>у'ченикwвъ бж~е'ственный ли'къ: 
%<[И=щи` си'хъ всjь'хъ на вели'цjьй вече'рни]%>

%<И= ны'нjь: бг~оро'диченъ догма'тiкъ, гла'съ и~:%>

%<К%>а'кw тя` о_у=блажи'мъ бц\де; ка'кw же воспое'мъ 
пребл~гослове'нная, непостижи'мое та'инство рожде'нiя 
твоегw`; вjькw'въ бо творе'цъ, и= на'шегw содjь'тель 
_е=стества`, сво'й _о='бразъ о_у=ще'дривъ, низведе` 
самого` себе` во и=стоща'нiе неизслjь'димое: сы'й въ 
невеще'ственныхъ нjь'дрjьхъ _о='ч~ихъ, во о_у=тро'бjь 
твое'й чи'стая, всели'ся, и= пло'ть непрело'жнw бы'сть, 
w\т тебе` неискусобра'чная, пребы'въ о_у='бw _е='же бjь` 
_е=стество'мъ бг~ъ. тjь'мже _е=му` покланя'емся бг~у 
соверше'нну, и= человjь'ку соверше'нну, тому` во 
_о=бое'мъ зра'цjь: и='бо _о='ба _е=ст_ества` въ не'мъ 
су'ть вои'стинну. сугу'ба же вся^ проповjь'дуемъ 
_е=сте'ств_енная _е=гw` свw'йства, по сугу'бому 
существу`, два` почита'юще дjь^йства и= хотjь^нiя: 
_е=диносу'щенъ бо сы'й бг~у и= _о=ц~у`, самовла'стнw 
хо'щетъ и= дjь'йствуетъ jа='кw бг~ъ: _е=диносу'щенъ же 
сы'й и= на'мъ, самовла'стнw (л. с~_о w=б.) хо'щетъ, и= 
дjь'йствуетъ jа='кw человjь'къ. того` моли`, чи'стая, 
всебл~же'нная, спасти'ся душа'мъ на'шымъ.

%<На %[стiхо'внjь%] стiхи'ра воскре'сна. Та'же 
бг~оро'дичны, подо'бны г~. Гла'съ и~:%> 

%<_W%> пресла'внагw чудесе`!

%<Стi'хъ: П%>омяну` и='мя твое` во вся'комъ ро'дjь и= 
ро'дjь.

%<Р%>а'дуйся бц\де всепjь'тая. ра'дуйся и=сто'чниче, 
жи'знь вjь^рнымъ и=сточа'ющiй. ра'дуйся всjь'хъ вл\дчце, 
и= гп\сже` тва'ри бл~гослове'нная. ра'дуйся 
всенепоро'чная, препросла'вленная. ра'дуйся 
всепречи'стая. ра'дуйся пала'то. ра'дуйся бж~е'ственное 
селе'нiе. ра'дуйся чи'стая. ра'дуйся мт~и дв~о. ра'дуйся 
бг~оневjь'сто.

%<Стi'хъ: С%>лы'ши дщи` и= ви'ждь, и= приклони` 
о_у='хо твое`.

%<Р%>а'дуйся бг~ома'ти преч\стая. ра'дуйся вjь'рныхъ 
наде'жде. ра'дуйся мi'ра w=чище'нiе. ра'дуйся вся'кiя 
ско'рби и=збавля'ющи рабы` твоя`. ра'дуйся человjь'кwвъ 
о_у=тjьше'нiе живоно'сное. ра'дуйся заступле'нiе. 
ра'дуйся предсто'лпiе призыва'ющымъ тя`. ра'дуйся бж~iе 
бж~е'ственное пребыва'нiе, и= горо` ст~а'я.

%<Стi'хъ: Л%>ицу` твоему` помо'лятся бога'тiи 
лю'дстiи.

%<Р%>а'дуйся бц\де, мт~и хр\сто'ва. ра'дуйся _е=ди'на 
наде'жде, человjь'кwвъ заступле'нiе. ра'дуйся 
прибjь'жище. ра'дуйся свjь'щниче свjь'та свjь'тлый. 
ра'дуйся свjьще` w=свяще'нная. ра'дуйся пала'то. ра'дуйся 
раю`. ра'дуйся бж~е'ственное селе'нiе. ра'дуйся 
и=сто'чниче, и=сточа'ющь во'ды притека'ющымъ къ тебjь`. 
(л. с_о~а)

%<Сла'ва, и= ны'нjь: бг~оро'диченъ:%>

%<_Е=%>гw'же нб~о не вмjьсти` дв~о бц\де, во чре'вjь 
твое'мъ нетjьсномjь'стнw вмjьсти'ся, и= пребыла` _е=си` 
чи'стая, сло'вомъ неизрече'ннымъ, ничи'мже дjь'вству 
w=скве'рншуся. ты' бо _е=ди'на была` _е=си` въ жена'хъ, 
и= мт~и, и= дв~а: и= ты` _е=ди'на пречи'стая воздои'ла 
_е=си` сн~а живода'вца, и= на w=б\ъя'тiяхъ твои'хъ 
носи'ла _е=си` недре'млющее _о='ко. но не w=ста'ви 
нjь^дра _о='ч~а, jа='коже пре'жде вjь'къ предбы'сть: но 
горjь` ве'сь бг~ъ со а='гг~лы, до'лjь ве'сь и=з\ъ тебе` 
съ человjь'ки, и= вездjь` несказа'ннw. того` моли` 
всест~а'я вл\дчце, спасти'ся правосла'внw бц\ду ч\стую 
и=сповjь'дающымъ тя`.

%<По Н%>ы'нjь w\тпуща'еши: %<И= по _О='%>ч~е на'шъ: %<
тропа'рь воскр\снъ. Сла'ва, и= ны'нjь: бг~оро'диченъ. 
_Е=кт_енiи`. И= w\тпу'стъ.%>

%<На вели'цjьй вече'рни,%>

%<по _о=бы'чномъ _псалмjь` пе'рвую каfi'сму всю`.%>

%<На Г%>д\си воззва'хъ: %<поста'вимъ стiхw'въ _i~. И= 
пое'мъ %[стiхи^ры воскре'сны%] г~: и= @восто'чны@ 
{а=нато'лiевы} г~: и= ст~ы'хъ д~.%>

%<%[Стiхи^ры воскре'сны%], гла'съ и~:%>

%<В%>ече'рнюю пjь'снь, и= слове'сную слу'жбу, тебjь` 
хр\сте` прино'симъ: jа='кw бл~говоли'лъ _е=си` 
поми'ловати на'съ воскр\снiемъ.

%<Г%>д\си, гд\си, не w\тве'ржи на'съ w\т твоегw` 
лица`: но бл~говоли` поми'ловати на'съ воскр\снiемъ.

%<Р%>а'дуйся, сiw'не ст~ы'й, мт~и цр~кве'й, бж~iе 
жили'ще, ты' бо прiя'лъ _е=си` пе'рвый, w=ставле'нiе 
грjьхw'въ, воскр\снiемъ. (л. с_о~а w=б.)

%<@Восто'чны@{а=нато'лiевы}%>

%<_Е='%>же w\т бг~а _о=ц~а` сло'во, пре'жде вjь'къ 
ро'ждшееся, въ послjь^дняя же времена`, то'ежде w\т 
неискусобра'чныя вопло'щшееся во'лею, распя'тiе сме'ртное 
претерпjь`: и= дре'вле о_у=мерщвле'ннаго человjь'ка 
сп~се` свои'мъ воскр\снiемъ.

%<_Е='%>же и=з\ъ ме'ртвыхъ твое` воскр\снiе 
славосло'вимъ хр\сте`, и='мже свободи'лъ _е=си` 
а=да'мскiй ро'дъ w\т а='дова мучи'тельства: и= дарова'лъ 
_е=си` мi'рови jа='кw бг~ъ жи'знь вjь'чную, и= ве'лiю 
мл\сть.

%<С%>ла'ва тебjь` хр\сте` сп~се, сн~е бж~iй 
_е=диноро'дный, пригвозди'выйся на кр\стjь`, и= 
воскр~сы'й и=з\ъ гро'ба тридне'венъ.

%<Стiхи^ры всjь'мъ ст~ы^мъ, гла'съ s~.%>

%<Подо'бенъ: В%>сю` w\тложи'вше:

%<Д%>х~о'внiи вjьтi'и, о_у=ченицы` сп~совы, дх~у 
_о=рга'ни бы'вше вjь'рою, разсjь'яшася въ концы` земли`, 
ч\стно'е проповjь'данiе правосла'внjь сjь'юще: w\т ни'хже 
прозябо'ша бж~е'ственнымъ земледjь'лiемъ, и= бл~года'тiю 
мч~нкъ вw'инства, стра'сть честну'ю w=бразу'ющя, 
много_обра'зными раздробле'нiй ра'нами и= _о=гне'мъ, и= 
со дерзнове'нiемъ мо'лятся w= душа'хъ на'шихъ.

%<_О=%>гне'мъ воспаля'еми гд\сни любве`, _о=гня` 
презрjь'ша, и= jа='кw бж~е'ственное о_у='глiе возжига'еми 
честнi'и му'ч_еницы во хр\стjь`, попали'ша хвра'стное 
ле'сти шата'нiе: sвjьре'й же загради'ша о_у=ста` 
честны'мъ призыва'нiемъ, и= во главы^ о_у=сjька'еми, 
посjько'ша врага` вся^ w=полч_е'нiя, и= крове'й 
пролива'юще пото'ки терпjьли'внw, цр~ковь напои'ша 
вjь'рою просвjьща'ему.

%<С%>о sвjьрьми` бра'вшеся, бiе'ми мече'мъ, ноготьми` 
растерза'еми, рука'ми w\те'млеми, и= му'чими тве'рдiи 
му'ченицы, (л. с_о~в) и= _о=гне'мъ веще'ственнымъ 
неща'днw пали'ми, и= пробода'еми, и= соста'вы ссjьца'еми, 
претерпjь'ша твердjь'йше: о_у=покое'нiе предви'дjьша 
бу'дущее, и= нетлjь^нныя вjьнцы`, и= сла'ву хр\ста`, 
_е=му'же со дерзнове'нiемъ мо'лятся w= душа'хъ на'шихъ.

%<В%>о всjь'хъ концjь'хъ страда'вшыя вjь'рнw а=п\слы, 
му'ченики, сщ~е'нники бг~ому^дрыя, ч\стны'хъ же'нъ 
сщ~е'нное стека'нiе, сщ~е'нными пjь'сньми по до'лгу 
восхва'лимъ, jа='кw соедини'шася нб\снымъ земнi'и, и= 
страстьми` безстра'стiе блг\дтiю хр\сто'вою прiя'ша: и= 
ны'нjь jа='кw sвjь'зды свjь^тлыя w=заря'юще на'съ, со 
дерзнове'нiемъ мо'лятся w= душа'хъ на'шихъ.

%<Сла'ва: гла'съ то'йже:%>

%<М%>у'ч_еникъ бж~е'ственный ли'къ, цр~кви 
w=снова'нiе, бл~говjь'стiю сконча'нiе, вы` дjь'ломъ 
сп~сова глагw'ланiя и=спо'лнисте: ва'ми бо врата` а='дова 
на цр~ковь w\тве'рзшаяся заключи'шася, кро'ве ва'шея 
ли'тiе i='дwльскiя ж_е'ртвы и=зсуши`, закла'нiе ва'ше 
породи` цр~ко'вное и=сполне'нiе, безпло'тныхъ 
о_у=диви'сте, бг~у вjьнцено'сцы предстоите`: _е=го'же 
непреста'ннw моли'те w= душа'хъ на'шихъ.

%<И= ны'нjь, бг~оро'диченъ, гла'съ и~:%>

%<Ц%>р~ь нб\сный за чл~вjьколю'бiе на земли` jа=ви'ся, 
и= съ человjь'ки поживе`: w\т дв~ы бо ч\стыя пло'ть 
прiе'мый, и= и=з\ъ нея` проше'дый съ воспрiя'тiемъ: 
_е=ди'нъ _е='сть сн~ъ, сугу'бъ _е=стество'мъ, но не 
v=поста'сiю. тjь'мже соверше'нна того` бг~а, и= 
соверше'нна чл~вjь'ка вои'стинну проповjь'дающе, 
и=сповjь'дуемъ хр\ста` бг~а на'шего: _е=го'же моли` мт~и 
безневjь'стная, поми'ловатися душа'мъ на'шымъ.

%<Вхо'дъ. С%>вjь'те ти'хiй: %<Прокi'менъ дне`: Г%>д\сь 
воцари'ся: %<и= чт_е'нiя.%> (л. с_о~в w=б.)

%<Проро'чества и=са'iина чте'нiе. [Глава` м~г.]%>

%<Т%>а'кw глаго'летъ гд\сь: вси` jа=зы'цы собра'шася 
вку'пjь, и= соберу'тся кня'зи w\т ни'хъ. Кто` 
возвjьсти'тъ сiя^; и=ли` jа=`же w\т нача'ла, кто` 
слы'шана сотвори'тъ ва'мъ; да приведу'тъ свидjь'тели 
своя^, и= w=правдя'тся, и= да о_у=слы'шатъ, и= да реку'тъ 
и='стину. Бу'дите ми` свидjь'тели, и= а='зъ свидjь'тель, 
глаго'летъ гд\сь бг~ъ, и= _о='трокъ _е=го'же и=збра'хъ: 
да позна'ете, и= вjь'руете ми`, и= разумjь'ете, jа='кw 
а='зъ _е='смь: пре'жде мене` не бы'сть и='нъ бг~ъ, и= по 
мнjь` не бу'детъ. А='зъ _е='смь бг~ъ, и= нjь'сть ра'звjь 
мене` спаса'яй. А='зъ возвjьсти'хъ и= спасо'хъ, 
о_у=ничижи'хъ, и= не бjь` въ ва'съ чуждi'й. Вы` мнjь` 
свидjь'тели, и= а='зъ гд\сь бг~ъ, и= _е=ще` w\т нача'ла 
а='зъ _е='смь, и= нjь'сть w\т ру'къ мои'хъ и=збавля'яй: 
сотворю`, и= кто` w\тврати'тъ то`; Си'це глаго'летъ гд\сь 
бг~ъ, и=збавля'яй ва'съ ст~ы'й i=и~левъ.

%<Прему'дрости соломw'ни чте'нiе. [Глава` г~.]%>

%<П%>ра'ведныхъ ду'шы въ руцjь` бж~iей, и= не 
прико'снется и='хъ му'ка. Непщева'ни бы'ша во _о=чесjь'хъ 
безу'мныхъ о_у=мре'ти, и= вмjьни'ся w=sлобле'нiе и=схо'дъ 
и='хъ: И= _е='же w\т на'съ ше'ствiе сокруше'нiе, _о=ни' 
же су'ть въ ми'рjь. И='бо пред\ъ лице'мъ чл~вjь'ческимъ, 
а='ще и= му'ку прiи'мутъ, о_у=пова'нiе и='хъ безсме'ртiя 
и=спо'лнено: И= въ ма'лjь нака'зани бы'вше, вели'кими 
бл~годjь'тельствовани бу'дутъ: jа='кw бг~ъ и=скуси` я=`, 
и= w=брjь'те и=`хъ досто'йны себjь`. Jа='кw зла'то въ 
горни'лjь и=скуси` и=`хъ: и= jа='кw всепло'дiе 
же'ртвенное прiя'тъ я=`. И= во вре'мя посjьще'нiя и='хъ 
возсiя'ютъ, и= jа='кw и='скры по сте'блiю потеку'тъ. 
Су'дятъ jа=зы'кwмъ и= w=блада'ютъ людьми`, и= воцари'тся 
гд\сь въ ни'хъ во (л. с_о~г) вjь'ки. Надjь'ющiися на'нь 
разумjь'ютъ и='стину, и= вjь'рнiи въ любви` пребу'дутъ 
_е=му`. Jа='кw бл~года'ть и= ми'лость въ преподо'бныхъ 
_е=гw`, и= посjьще'нiе во и=збра'нныхъ _е=гw`.

%<Прему'дрости соломw'ни чте'нiе. [Глава` _е~.]%>

%<П%>ра'в_едницы во вjь'ки живу'тъ, и= въ гд\сjь мзда` 
и='хъ, попече'нiе и='хъ о_у= вы'шнягw. Сегw` ра'ди 
прiи'мутъ цр\ствiе благолjь'пiя, и= вjьне'цъ добро'ты w\т 
руки` гд\сни: зане` десни'цею покры'етъ я=`, и= мы'шцею 
защити'тъ и='хъ. Прiи'метъ все_ору'жiе рве'нiе свое`, и= 
воwружи'тъ тва'рь въ ме'сть врагw'мъ. W=блече'тся въ 
броня` пра'вды, и= возложи'тъ шле'мъ, су'дъ 
нелицемjь'ренъ. Прiи'метъ щи'тъ непобjьди'мый, 
преподо'бiе: поwстри'тъ же напра'сный гнjь'въ _о=ру'жiе: 
спобо'ретъ же съ ни'мъ мi'ръ на безу'мныя. По'йдутъ 
праволу^чныя стрjь'лы мо'лнiины, и= jа='кw w\т 
благокру'гла лу'ка _о=блакw'въ, на намjь'ренiе полетя'тъ: 
И= w\т каменоме'тныя jа='рости, и=спо'лнь паду'тъ гра'ды. 
Вознегоду'етъ на ни'хъ вода` морска'я, рjь'ки же 
пото'пятъ я=` на'глw. Сопроти'въ ста'нетъ и=`мъ дх~ъ 
си'лы, и= jа='кw ви'хоръ развjь'етъ и=`хъ: и= 
w=пустоши'тъ всю` зе'млю беззако'нiе, и= sлодjь'йство 
преврати'тъ престо'лы си'льныхъ. Слы'шите о_у='бw ца'рiе 
и= разумjь'йте, навы'кните судiи` конц_е'въ земли`. 
Внуши'те держа'щiи мно'ж_ества, и= гордя'щiися w= 
наро'дjьхъ jа=зы^къ: Jа='кw дана` _е='сть w\т гд\са 
держа'ва ва'мъ, и= си'ла w\т вы'шнягw.

%<На %[лiтi'и%] стiхи'ра хра'ма.%>

%<Та'же самогла'сны ст~ы'хъ всjь'хъ. Гла'съ а~:%>

%<В%>jь'ры согла'сiемъ мiрско'е торжество`, w\т вjь'ка 
бг~у бл~гоугоди'вшихъ, патрiа'рхwвъ честно'е и= 
проро'кwвъ (л. с_о~г w=б.) сосло'вiе, а=п\слwвъ 
о_у=добре'нiе, мч~нкwвъ собра'нiе, по'стникwвъ похвалу`, 
всjь'хъ ст~ы'хъ па'мять духо'внjь пра'зднуимъ: мо'лятъ бо 
ся непреста'ннw, дарова'тися ми'ру мi'рови, и= душа'мъ 
на'шымъ ве'лiей ми'лости.

%<П%>рiиди'те вси` вjь'рнiи, ст~ы'хъ всjь'хъ 
всесла'вную па'мять, во _псалмjь'хъ, пjь'нiихъ и= 
пjь'снехъ дх~о'вныхъ восхва'лимъ: кр\сти'теля 
сп~си'телева, а=п\слы, проро'ки и= мч~нки, 
сщ~еннонача'льники, о_у=чи'тели же и= прп\дбныя, 
по'стники и= прв\дныя, и= ст~ы'хъ же'нъ бг~олю'бное 
состоя'нiе, че'стнw о_у=блажа'юще, согла'снw возопiи'мъ: 
пребл~гi'й хр\сте` бж~е на'шъ, тjь'хъ мл~твами пода'ждь 
ми'ръ цр~квамъ твои^мъ, побjь^ды на враги` 
хр\столюби^вымъ лю'демъ, и= душа'мъ на'шымъ ве'лiю 
ми'лость.

%<П%>рiиди'те вси` дх~о'внjь возвесели'мся w= па'мяти 
ст~ы'хъ: се' бо прiи'де богатотвw'рная на'мъ дарова^нiя 
принося'щи. тjь'мже во гла'сjь ра'дости, и= чи'стjьй 
со'вjьсти возопiи'мъ, глаго'люще: ра'дуйтеся проро'кwвъ 
сосло'вiе, и=`же прише'ствiе хр\сто'во мi'рови 
проповjь'давше, и= jа=`же и=здале'ча, jа='кw бли'зу 
предви'дjьвше. ра'дуйтеся а=п\сльскiй ли'че, jа=зы'кwвъ 
мр_е'жницы, и= ловцы` человjь'кwвъ. ра'дуйтеся мч~никwвъ 
собо'ре, w\т кон_е'цъ земли` собра'вшiися во _е=ди'ну 
вjь'ру, и= w= то'й му'къ томл_е'нiя претерпjь'вшiи, и= 
соверше'ннjь страда'нiя вjьне'цъ прiе'мшiи. ра'дуйтеся 
_о=ц~_е'въ наслажде'нiе, своя^ тjьлеса` поще'нiемъ 
и=ста'явше, и= о_у=мертви'вше стра^сти плотскi^я, о_у='мъ 
бж~е'ственнымъ раче'нiемъ впери'сте, на нб~са` 
возлетjь'сте, и= со а='гг~лы водворя'ющеся, воспрiе'млете 
вjь^чная бл~га^я. но _w проро'цы, а=п\сли, и= му'ченицы 
съ (л. с_о~д) по'стники, ва'съ вjьнча'вшаго прилjь'жнw 
моли'те, и=зба'витися w\т вра^гъ ви'димыхъ и= 
неви'димыхъ, въ вjь'рjь и= любви` соверша'ющымъ при'снw 
честну'ю па'мять ва'шу.

%<Сла'ва: гла'съ _е~:%>

%<Н%>ы'нjьшнему торжеству` стеце'мся вjь'рнiи: 
предлага'етъ ся и= на'мъ дх~о'вная трапе'за, и= ча'ша 
та'инственная w\т сла'дкихъ бра'шенъ, весе'лiя 
и=спо'лнена му'ченическихъ добродjь'телей. сiи' бо 
терпjьливоду'шнiи w\т кон_е'цъ земли`, тjьле'сное 
всеразли'чнымъ преда'вше ра'намъ, бг~у принесо'ша же'ртву 
слове'сну, вся'кiй во'зрастъ: _о='ви о_у='бw во главы^ 
о_у=сjька'еми, _о='вiи же по хребту` стру'жеми: друзi'и 
же ру'къ w\тсjьче'нiе и= всjь'хъ о_у=дw'въ, вси` вку'пjь 
ст~i'и хр\сто'вымъ страда'нi_емъ _о='бщницы бы'ша. но 
вjьнцы` тjь^мъ возме'здiе му'къ пода'вый гд\си, во 
слjь'дъ тjь'хъ жи'тельствовати сподо'би на'съ, jа='кw 
человjьколю'бецъ.

%<И= ны'нjь: бг~оро'диченъ, гла'съ то'йже:%>

%<Х%>ра'мъ и= две'рь _е=си`, пала'та и= престо'лъ 
цр~е'въ, дв~о всечестна'я: _е='юже и=зба'витель мо'й, 
хр\сто'съ гд\сь, во тмjь` спя'щымъ jа=ви'ся, сл~нце сы'й 
пра'вды, просвjьти'ти хотя`, jа=`же созда` по _о='бразу 
своему` руко'ю свое'ю. тjь'мже всепjь'тая, jа='кw мт~рне 
дерзнове'нiе къ нему` стяжа'вшая, непреста'ннw моли` 
спасти'ся душа'мъ на'шымъ.

%<На %[стiхо'внjь%] стiхи^ры воскр\сны. гла'съ и~:%>

%<В%>озше'лъ _е=си` на кр\стъ i=и~се, снизше'дый съ 
нб~се`: прише'лъ _е=си` на сме'рть животе` безсме'ртный, 
къ су'щымъ во тьмjь` свjь'тъ и='стинный: къ па'дшымъ 
всjь'хъ воскр\снiе, просвjьще'нiе, и= сп~се на'шъ, сла'ва 
тебjь`. (л. с_о~д w=б.)

%<И='ны стiхи^ры @восто'чны@{а=нато'лiевы} по 
а=лфави'ту.%>

%<Стi'хъ: Г%>д\сь воцр~и'ся, въ лjь'поту w=блече'ся.

%<Х%>р\ста` славосло'вимъ, воскр\сшаго w\т ме'ртвыхъ: 
ду'шу бо и= тjь'ло прiе'мъ, стра^сти w\т_обою'ду 
w\тсjьче`, преч\стjьй о_у='бw дш~и` во а='дъ соше'дшей, 
_е=го'же и= плjьни`: во гро'бjь же и=стлjь'нiя не ви'дjь 
ст~о'е тjь'ло, и=зба'вителя ду'шъ на'шихъ.

%<Стi'хъ: И='%>бо о_у=тверди` вселе'нную, jа='же не 
подви'жится.

%<_ПС%>алмы` и= пjь'сньми славосло'вимъ хр\сте`, w\т 
ме'ртвыхъ твое` воскр\снiе: и='мже на'съ свободи'лъ 
_е=си` мучи'тельства а='дова, и= jа='кw бг~ъ дарова'лъ 
_е=си` жи'знь вjь'чную, и= ве'лiю мл\сть.

%<Стi'хъ: Д%>о'му твоему` подоба'етъ ст~ы'ня гд\си, въ 
долготу` днi'й.

%<_W%> вл\дко всjь'хъ непостижи'ме, тво'рче нб~се` и= 
земли`, кр\сто'мъ пострада'вый, мнjь` безстра'стiе 
и=сточи'лъ _е=си`: погребе'нiе же прiе'мъ, и= воскр~съ во 
сла'вjь, совоскр~си'лъ _е=си` а=да'ма руко'ю всеси'льною. 
сла'ва твоему` тридне'вному воста'нiю, и='мже дарова'лъ 
_е=си` на'мъ вjь'чную жи'знь, и= w=чище'нiе грjьхw'въ, 
jа='кw _е=ди'нъ бл~гоутро'бенъ.

%<Сла'ва: гла'съ s~:%>

%<П%>рiиди'те вjь'рнiи, дне'сь ли'къ совокупи'вше, 
бл~гоче'стнw торжеству'имъ, и= всjь'хъ ст~ы'хъ 
пресла'вную и= честну'ю па'мять сла'внw почти'мъ, 
глаго'люще: ра'дуйтеся а=п\сли сла'внiи, проро'цы, и= 
му'ч_еницы, и= сщ~еннонача'льницы. ра'дуйтеся 
преподо'бныхъ собо'ре и= пра'ведныхъ. ра'дуйтеся 
честны'хъ же'нъ ли'че, и= хр\ста` w= мi'рjь моли'те, 
побjь^ды на сопроти^вныя дарова'ти, и= душа'мъ на'шымъ 
ве'лiю ми'лость. (л. с_о~_е)

%<И= ны'нjь: бг~оро'диченъ:%>

%<Т%>воре'цъ и= и=зба'витель мо'й, преч\стая, 
хр\сто'съ гд\сь и=з\ъ твои'хъ ложе'снъ проше'дъ, въ мя` 
w=болкi'йся, пе'рвыя кля'твы а=да'ма свободи`. тjь'мже 
ти`, всеч\стая, jа='кw бж~iи мт~ри же и= дв~jь, 
вои'стинну вопiе'мъ немо'лчнw: ра'дуйся а='гг~льски, 
ра'дуйся вл\дчце, предста'тельство и= покро'ве, и= 
спасе'нiе ду'шъ на'шихъ.

%<По трист~о'мъ тропа'рь: Б%>ц\де дв~о ра'дуйся: 
%<два'жды. И= ст~ы'хъ _е=ди'нощи. И= благослове'нiе 
хлjь'бwвъ. И= чте'нiе посла'нiя собо'рнагw i=а'кwвля.%>

%<А='ще ли о_у='бw не твори'тся бдjь'нiе, на Г%>д\си 
воззва'хъ: %<воскре'сны г~: и= @восто'ченъ@ 
{а=нато'лiевъ} _е=ди'нъ, и= ст~ы'хъ на s~. Подо'бенъ: 
В%>сю` w\тложи'вше:

%<По трист~о'мъ тропа'рь воскре'сенъ: Сла'ва: ст~ы^мъ: 
И= ны'нjь: бг~оро'диченъ: пи'саны въ нача'лjь о_у='трени. 
И= w\тпу'стъ. На полу'нощницjь канw'нъ тро'ичный w\т 
_о=ктw'иха, гла'са.%>

%<Въ недjь'лю всjь'хъ ст~ы'хъ на о_у='трени,%>

%<на Б%>г~ъ гд\сь: %<тропа'рь воскре'сный, гла'съ 
и~.%>

%<С%>ъ высоты` снизше'лъ _е=си` благоутро'бне, 
погребе'нiе прiя'лъ _е=си` тридне'вное, да на'съ 
свободи'ши страсте'й, животе` и= воскресе'нiе на'ше, 
гд\си сла'ва тебjь`.

%<Сла'ва: ст~ы^мъ тропа'рь, гла'съ д~:%>

%<И='%>же во все'мъ мi'рjь мч~нкъ твои'хъ, jа='кw 
багряни'цею и= вv'ссомъ кровьми` цр~ковь твоя` 
о_у=краси'вшися, (л. с_о~_е w=б.) тjь'ми вопiе'тъ ти` 
хр\сте` бж~е: лю'демъ твои^мъ щедрw'ты твоя` низпосли`, 
ми'ръ жи'тельству твоему` да'руй, и= душа'мъ на'шымъ 
ве'лiю ми'лость.

%<И= ны'нjь: бг~оро'диченъ:%>

%<_Е='%>же w\т вjь'ка о_у=тае'нное, и= а='гг~лwмъ 
несвjь'домое та'инство, тобо'ю, бц\де, су'щымъ на земли` 
jа=ви'ся бг~ъ, въ несли'тномъ соедине'нiи воплоща'емь, и= 
кр\стъ во'лею на'съ ра'ди воспрiи'мъ: и='мже воскреси'въ 
первозда'ннаго, спасе` w\т сме'рти ду'шы на'шя.

%<По а~-мъ стiхосло'вiи сjьда'ленъ воскре'сенъ, гла'съ 
и~:%>

%<В%>оскре'слъ _е=си` и=з\ъ ме'ртвыхъ животе` всjь'хъ, 
и= а='гг~лъ свjь'та жена'мъ вопiя'ше: преста'ните w\т 
сле'зъ, а=п\слwмъ бл~говjьсти'те, возопi'йте пою'ще: 
jа='кw воскре'се хр\сто'съ гд\сь, благоволи'вый спасти` 
jа='кw бг~ъ, ро'дъ человjь'ческiй.

%<Стi'хъ: В%>оскр\сни` гд\си бж~е мо'й:

%<Ч%>еловjь'цы сп~се гро'бъ тво'й запеча'таша, 
а='гг~лъ ка'мень w\т две'рей w\твали`: ж_ены` ви'дjьша 
воста'вша и=з\ъ ме'ртвыхъ, и= ты^я благовjьсти'ша 
о_у=ченикw'мъ твои'мъ въ сiw'нjь, jа='кw воскре'слъ 
_е=си` животе` всjь'хъ, и= разрjьши'шася о_у='зы 
см_е'ртныя: гд\си сла'ва тебjь`.

%<Сла'ва, и= ны'нjь: бг~оро'диченъ:%>

%<И='%>же на'съ ра'ди рожде'йся w\т дв~ы, и= распя'тiе 
претерпjь'въ благi'й, и=спрове'ргiй сме'ртiю сме'рть, и= 
воскресе'нiе jа=вле'й, jа='кw бг~ъ, не пре'зри jа=`же 
созда'лъ _е=си` руко'ю твое'ю: jа=ви` человjьколю'бiе 
твое` ми'лостиве, прiими` ро'ждшую тя` бц\ду, моля'щуюся 
за ны`, и= спаси` сп~се на'шъ лю'ди w\тча^янныя.

%<И= чте'нiе во _е=v\глiи толково'мъ.%> (л. с_о~s)

%<По в~-мъ стiхосло'вiи сjьда'ленъ, гла'съ и~.%>

%<Подо'бенъ: П%>овелjь'нное та'йнw:

%<Б%>jьлонося'й гаврiи'лъ свjь'телъ предста`, jа='кw 
въ ви'дjь мо'лнiи, хр\сто'ву гро'бу, и= ка'мень w\твали` 
w\т гро'ба, и= стра'хъ ве'лiй содержа'ше твоя^ стра^жи, 
и= внеза'пу пребы'ша вси` а='ки ме'ртви. w\т гро'ба 
стра'жей, и= ка'мене печа'ти о_у=стыди'теся 
пребеззако'ннiи, разумjь'йте, jа='кw воскре'се хр\сто'съ.

%<Другi'й сjьда'ленъ. Подо'бенъ: П%>рему'дрости 
сло'ва:

%<В%>оскре'съ w\т гро'ба jа='кw вои'стинну, 
преподw'бнымъ повелjь'лъ _е=си` жена'мъ проповjь'дати 
воста'нiе а=п\слwмъ, jа='коже пи'сано _е='сть: и= ско'рый 
пе'тръ предста` гро'бу, и= свjь'тъ во гро'бjь зря` 
о_у=жаса'шеся. тjь'мже и= ви'дjьвъ плащани^цы _е=ди'ны, 
кромjь` бж~е'ственнагw тjь'ла, въ не'мъ лежа'щыя, со 
стра'хомъ возопи`: сла'ва тебjь` хр\сте` бж~е, jа='кw 
спаса'еши вся^ сп~се на'шъ, _о='ч~ее бо _е=си` сiя'нiе.

%<Сла'ва, и= ны'нjь: бг~оро'диченъ [не сjьдя'ще 
пое'мъ, но стоя'ще и= со стра'хомъ и= благоговjь'нiемъ 
глаго'лемъ] настоя'щiй:%>

%<W=%> тебjь` ра'дуется бл~года'тная вся'кая тва'рь, 
а='гг~льскiй собо'ръ, и= человjь'ческiй ро'дъ: 
w=свяще'нный хра'ме, и= раю` слове'сный, дв\ственная 
похвало`, и=з\ъ нея'же бг~ъ воплоти'ся, и= младе'нецъ 
бы'сть, пре'жде вjь'къ сы'й бг~ъ на'шъ: ложесна' бо твоя` 
пр\сто'лъ сотвори`, и= чре'во твое` простра'ннjье нб~съ 
содjь'ла. w= тебjь` ра'дуется бл~года'тная, вся'кая 
тва'рь, сла'ва тебjь`.

%<И= чте'нiе во _е=v\глiи толково'мъ.%>

%<По непоро'чнахъ тропари`: А='%>гг~льскiй собо'ръ: 
(л. с_о~s w=б.)

%<И= по ни'хъ v=пакои`, гла'съ и~:%>

%<М%>v"ронw'сицы жизнода'вца предстоя'щыя гро'бу, 
вл\дку и=ска'ху въ ме'ртвыхъ безсме'ртнаго, и= ра'дость 
благовjь'щенiя w\т а='гг~ла прiе'мшыя, а=п\слwмъ 
возвjьща'ху воскре'се хр\сто'съ бг~ъ, подая'й мi'рови 
ве'лiю ми'лость.

%<Степ_е'нна, гла'съ и~. А=нтiфw'нъ а~:%>

%<W\т%> ю='ности моея` вра'гъ мя` и=скуша'етъ, 
сластьми` пали'тъ мя`, а='зъ же надjь'яся на тя` гд\си, 
побjьжда'ю сего`.

%<Н%>енави'дящiи сiw'на, да бу'дутъ о_у='бw пре'жде 
и=сторже'нiя jа='кw трава`: ссjьче'тъ бо хр\сто'съ вы^я 
и='хъ, о_у=сjьче'нiемъ му'къ.

%<Сла'ва:%>

%<С%>т~ы'мъ дх~омъ, _е='же жи'ти вся'ч_ескимъ: свjь'тъ 
w\т свjь'та, бг~ъ вели'къ, со _о=ц~е'мъ пое'мъ _е=му`, и= 
сло'вомъ.

%<И= ны'нjь: то'йже.%>

%<А=нтiфw'нъ в~:%>

%<С%>е'рдце мое` стра'хомъ твои'мъ да покры'ется, 
смиреному'дрствующее, да не возне'сшееся w\тпаде'тъ w\т 
тебе` всеще'дре.

%<Н%>а гд\са и=мjь'вый наде'жду, не о_у=страши'тся 
тогда`, _е=гда` _о=гне'мъ вся^ суди'ти и='мать и= му'кою.

%<Сла'ва:%>

%<С%>т~ы'мъ дх~омъ, вся'къ кто` бж~е'ственный ви'дитъ, 
и= предглаго'летъ, чудодjь'йствуетъ вы^шняя, въ трiе'хъ 
_е=ди'наго бг~а поя`: а='ще бо и= трисiя'етъ, 
_е=динонача'льствуетъ бж~ество`.

%<И= ны'нjь: то'йже.%>

%<А=нтiфw'нъ г~:%>

%<В%>оззва'хъ тебjь` гд\си, вонми`, приклони' ми 
о_у='хо (л. с_о~з) твое`, вопiю'щу: и= w=чи'сти пре'жде 
да'же не во'змеши мене` w\тсю'ду.

%<К%>ъ мт~ри свое'й земли` w\тходя'й вся'къ, па'ки 
разрjьша'ется, прiя'ти му^ки, и=ли` по'ч_ести пожи'вшихъ.

%<Сла'ва:%>

%<С%>т~ы'мъ дх~омъ, бг~осло'вiе _е=ди'ница трист~а'я: 
_о=ц~ъ бо безнача'ленъ, w\т негw'же роди'ся сн~ъ 
безлjь'тнw, и= дх~ъ сопресто'ленъ, со_обра'зенъ, w\т 
_о=ц~а` спросiя'вшiй.

%<И= ны'нjь, то'йже.%>

%<А=нтiфw'нъ д~:%>

%<С%>е` ны'нjь что` добро`, и=ли` что` красно`, но 
_е='же жи'ти бра'тiи вку'пjь; въ се'мъ бо гд\сь w=бjьща` 
живо'тъ вjь'чный.

%<W=%> ри'зjь свое'й, и='же крi'ны се'льныя 
о_у=краша'яй повелjьва'етъ, jа='кw не подоба'етъ пещи'ся.

%<Сла'ва:%>

%<С%>т~ы'мъ дх~омъ, _е=динови'дною вино'ю, вся^ 
содержа'тся миропода'тельнjь: бг~ъ бо се'й _е='сть, 
_о=ц~у' же и= сн~ови _е=диносу'щенъ гд\сственнjь.

%<И= ны'нjь, то'йже.%>

%<Прокi'менъ, гла'съ и~: В%>оцр~и'тся гд\сь во вjь'къ, 
бг~ъ тво'й сiw'не въ ро'дъ и= ро'дъ. %<Стi'хъ: Х%>вали` 
душе` моя` гд\са, восхвалю` гд\са въ животjь` мое'мъ. 
%<В%>ся'кое дыха'нiе: %<_Е=v\глiе w\т матfе'а воскре'сно, 
а~ о_у='треннее, зача'ло рs~_i: _Е=%>динiина'десять 
о_у=ченицы`: %<W\т сегw` о_у='бw дне` о_у='тренняя 
_е=v\глiа воскре'сна начина'емъ чести` по ря'ду.%>

%<В%>оскр\снiе хр\сто'во: %<И= _псало'мъ н~. Сла'ва, 
М%>оли'твами ст~ы'хъ а=п\слwвъ: %<И= ны'нjь: М%>оли'твами 
бц\ды: %<Стiхи'ра, гла'съ s~: В%>оскре'съ i=и~съ w\т 
гро'ба: (л. с_о~з w=б.)

%<Канw'ны д~: воскре'сенъ со i=рмосо'мъ на д~, 
кр\стовоскре'сенъ на два`, и= бц\дjь на два`, и= всjь'мъ 
ст~ы^мъ на s~.%>

%<%[Канw'нъ воскре'сенъ%], гла'съ и~.%>

%<Пjь'снь а~.%>

%<I=рмо'съ: К%>олесницегони'теля фараw'ня погрузи`, 
чудотворя'й и=ногда` мwv"се'йскiй же'злъ, кр\сто_обра'знw 
порази'въ, и= раздjьли'въ мо'ре, i=и~ля же бjьглеца`, 
пjьшехо'дца спасе`, пjь'снь бг~ови воспjьва'юща.

%<В%>сеси'льну хр\сто'ву бж~еству` ка'кw не диви'мся; 
w\т страсте'й о_у='бw всjь^мъ вjь^рнымъ безстра'стiе и= 
нетлjь'нiе точа'щу, w\т ребра' же ст~а'гw и=сто'чникъ 
безсме'ртiя и=ска'пающу, и= живо'тъ и=з\ъ гро'ба 
присносу'щный.

%<Jа='%>кw бл~голjь'пенъ жена'мъ а='гг~лъ ны'нjь 
jа=ви'ся, и= свjь^тлыя нося` _е=сте'ств_енныя _о='бразы 
невеще'ственныя чистоты`, зра'комъ же возвjьща'я свjь'тъ 
воскресе'нiя, зовы'й: воскре'се гд\сь.

%<Бг~оро'диченъ:%>

%<П%>ресла^вная возглаго'лашася w= тебjь` въ ро'дjьхъ 
родw'въ, бг~а сло'ва во чре'вjь вмjь'щшая, чиста' же 
пребы'вши бц\де мр~i'е. тjь'мже тя` вси` почита'емъ, 
су'щее по бз~jь предста'тельство на'ше.

%<%[Канw'нъ кр\стовоскре'сенъ%].%>

%<I=рмо'съ: В%>о'ду проше'дъ:

%<В%>зя'шася врата` болjь'зн_енная, и= о_у=жасо'шася 
вра'тницы а='довы, зря'ще въ преиспw'днjьйшая соше'дшаго, 
и='же на высотjь` всjь'хъ превы'ше _е=стества`.

%<О_у=%>диви'шася чи'ни а='гг~льстiи, зря'ще на 
престо'лjь посажде'но _о='ч~и па'дшее _е=стество` 
человjь'ческое, затворе'нное въ преиспо'днихъ земли`. (л. 
с_о~и)

%<И='нъ канw'нъ %[прест~jь'й бц\дjь%].%>

%<I=рмо'съ: П%>ои'мъ гд\сви:

%<П%>речи'стая бц\де, вопло'щшееся присносу'щное и= 
пребж~е'ственное сло'во па'че _е=стества` ро'ждшая, 
пое'мъ тя`.

%<Г%>ро'здъ тя` живоно'сенъ, всемi'рнагw и=ска'пающь 
сла'дость спасе'нiя, дв~а хр\сте` роди`.

%<%[Канw'нъ всjь'мъ ст~ы^мъ%]. Гла'съ и~.%>

%<_е=го'же краестро'чiе: С%>т~ы'хъ всjь'хъ 
многоим_е'нныя чи'ны пою`.

%<I=рмо'съ: К%>олесницегони'теля фараw'ня:

%<Т%>вои'хъ ст~ы'хъ воспjьва'я чи'ны, твои'мъ 
свjь'томъ души` мое'й моли'твами си'хъ w=зари'тися 
молю'ся: ты' бо _е=си` свjь'тъ непристу'пный, 
невjь'дjьнiя мра'къ w\тгоня`, твои'ми свjьтлостьми`, 
сло'ве бж~iй свjьтода'вче хр\сте`. %<[Два'жды.]%>

%<Jа='%>кw возвы'сился _е=си` на дре'вjь, привле'клъ 
_е=си` къ твоему` позна'нiю jа=зы'кwвъ все` наслjь'дiе 
вл\дко, и= свjь'томъ о_у=ясни'лъ _е=си` ст~ы'я тр\оцы, 
а=п\слы ст~ы'ми твои'ми, и='миже мглу` пре'лести 
w\тгна'лъ _е=си`.

%<З%>аконоположе'нiемъ твои'мъ хр\сте`, 
о_у=вjьщава'еми твои` а=п\сли, jа=`же на земли` вся^ 
благоче'стнw w\три'нуша, и= свjь'томъ бл~года'ти 
w=свjьти'ша всю` вселе'нную сла'внiи, _е=v\гльски тя` 
проповjь'дающе.

%<Сла'ва:%>

%<Р%>а'дующеся му'ч_еницы, кр\стъ тво'й взе'мше, и= 
честну'ю стра'сть неукло'ннw подража'юще, мучи'тельскагw 
не о_у=боя'шася преще'нiя до'блiи, ни _о=гня`, ни меча`, 
ни ра'нъ, но ниже` гла'да, ниже` сме'рти. (л. с_о~и w=б.)

%<И= ны'нjь, бг~оро'диченъ:%>

%<Н%>амjь'ренiе му'жеское дв~ы, всечи'стая воспрiе'мше 
jа='вjь: му'ченич_еская бо страда^нiя неукло'ннw 
подража'юще, и= _псало'мски въ слjь'дъ тебе`, сн~у 
твоему` дв~о, бж~е'ственнjь сра'дующеся, всецр~ю` 
приведо'шася.

%<Катава'сiя: W\т%>ве'рзу о_у=ста` моя`:

%<Пjь'снь г~.%>

%<I=рмо'съ: О_у=%>твержде'й въ нача'лjь нб~са` 
ра'зумомъ, и= зе'млю на вода'хъ w=снова'вый, на ка'мени 
мя` хр\сте`, за'повjьдей твои'хъ о_у=тверди`, jа='кw 
нjь'сть ст~ъ, па'че тебе` _е=ди'не человjьколю'бче.

%<W=%>сужде'нна бы'вша а=да'ма вкуше'нiемъ грjьха`, 
пло'ти твоея` спаси'тельною стра'стiю w=правда'лъ _е=си` 
хр\сте`: са'мъ бо непови'ненъ сме'ртнагw и=ску'са бы'лъ 
_е=си` безгрjь'шне.

%<В%>оскр\снiя свjь'тъ возсiя` су'щымъ во тмjь`, и= 
сjь'ни сме'ртнjьй сjьдя'щымъ, бг~ъ мо'й i=и~съ, и= 
свои'мъ бж~ество'мъ крjь'пкаго связа'въ, сегw` сосу'ды 
расхи'тилъ _е='сть.

%<Бг~оро'диченъ:%>

%<Х%>ерувi^мъ и= серафi^мъ превы'шши jа=ви'лася _е=си` 
бц\де: ты' бо _е=ди'на прiя'ла _е=си` невмjьсти'маго 
бг~а, въ твое'мъ чре'вjь нескве'рная. тjь'мже тя` 
вjь'рнiи вси` пjь'сньми чи'стая о_у=блажа'емъ.

%<И='нъ.%>

%<I=рмо'съ: Н%>ебе'снагw кру'га верхотво'рче:

%<W\т%>ве'ргшагося пре'жде за'повjьди гд\си, 
и=зринове'нна мя` су'ща w\т тебе` сотвори'лъ _е=си`, въ 
него'же воwбрази'вся, послуша'нiю же навы'къ, себе` па'ки 
назда'лъ _е=си` распя'тiемъ.

%<П%>рему'дростiю вся^ проувjь'дjьвый гд\си, и= 
ра'зумомъ твои'мъ водрузи'вый преиспw'дняя, не не 
сподо'билъ _е=си` (л. с_о~f) снизхожде'нiемъ твои'мъ 
сло'ве бж~iй, воскреси'ти _е='же по _о='бразу твоему`.

%<И='нъ. I=рмо'съ:%> Ты` _е=си` о_у=твержде'нiе:

%<Д%>а'ждь на'мъ по'мощь твои'ми мл~твами всечи'стая, 
прило'ги w\тража'ющи лю'тыхъ w=бстоя'нiй.

%<_Е='%>vjь прама'тери ты` и=справле'нiе была` _е=си`, 
нача'льника жи'зни мi'рови хр\ста` бц\де ро'ждши.

%<И='нъ. I=рмо'съ: О_у=%>твержде'й въ нача'лjь 
небеса`:

%<С%>щ~е'нствомъ сщ~е'ннымъ сщ~е'нницы и= па'стырiе 
w=бле'кшеся, и= то` му'дрственнw w=корми'вше хр\сту`, 
досто'йнw о_у=краси'ша о_у=чи'тельства сло'во, свы'ше 
вои'стинну w=богати'вшеся. %<[Два'жды.]%>

%<О_у=%>краси'вшеся о_у=добре'ньми пе'рвагw 
добротворе'нiя, и= jа=ви'вшеся jа='кw непрел_е'стная 
свjьти^ла, w=небеси'сте цр~ковь, хр\сто'ву ст~i'и, 
w\ти'нуду и=на'гw ту` разли'чнw о_у=краси'вше. 
%<[Два'жды.]%>

%<Сла'ва:%>

%<З%>ако'ну повину'ющеся твоему` блаже'нныхъ собо'ри, 
много_обра'зными добродjь'тельми просвjьти'вшеся: 
наслjь'доваша _о=би'т_ели нб\сныя вл\дко, ра'дующеся: 
и='ную бо и='ный, вси` ты^я досто'йнw и=спо'лниша.

%<Бг~оро'диченъ:%>

%<W\т%> чре'ва дjь'вственна, и='же w\т бг~а бг~а 
сло'ва родила` _е=си` на'мъ бг~ома'ти, _е=го'же дв~ы 
чи'стыя бг~олjь'пнw возлюби'ша, и= въ слjь'дъ тебе` вся^ 
сему` jа='вjь послjь'доваша.

%<Сjьда'ленъ, гла'съ и~. Подо'бенъ: П%>рему'дрости 
сло'ва:

%<П%>ра^_оц~ъ, _о=ц~ъ, патрiа^рхъ, а=п\слъ, 
му'ч_еникъ, прорw'къ, ст~и'телей, и= преподо'бныхъ 
твои'хъ, по'стникwвъ и= (л. с_о~f w=б.) пра'ведныхъ же, 
и= вся'кагw и='мене пи'саннагw въ кни'зjь жи'зни, ст~у'ю 
па'мять соверша'юще хр\сте` бж~е, всjь'хъ подвиза'емъ на 
моли'тву, моля'щеся: о_у=мири` мi'ръ тво'й тjь'ми jа='кw 
чл~вjьколю'бецъ, да вси` вопiе'мъ ти`: бж~е 
прославля'емый въ совjь'тjь ст~ы'хъ твои'хъ, ты` _е=си` 
вои'стинну просла'вивый досто'йнw па'мять и='хъ.

%<Сла'ва: то'йже. И= ны'нjь: бг~оро'диченъ:%>

%<Н%>б\сную две'рь и= кiвw'тъ, прест~у'ю го'ру, 
свjь'тлый _о='блакъ воспои'мъ, неwпали'мую купину`, 
слове'сный ра'й, _е='vы воззва'нiе, вселе'нныя всея` 
вели'кое сокро'вище, jа='кw спасе'нiе въ не'й содjь'лася 
мi'рови, и= w=ставле'нiе дре'внихъ согрjьше'нiй. сегw` 
ра'ди вопiе'мъ _е='й: моли'ся сн~у твоему`, прегрjьше'нiй 
w=ставле'нiе дарова'ти, благоче'стнw покланя'ющымся 
всест~о'му рж\ству` твоему`.

%<Пjь'снь д~.%>

%<I=рмо'съ: Т%>ы` моя` крjь'пость гд\си, ты` моя` и= 
си'ла, ты` мо'й бг~ъ, ты` мое` ра'дованiе, не w=ста'вль 
нjь'дра _о='ч~а, и= на'шу нищету` посjьти'въ. тjь'мъ съ 
проро'комъ а=вваку'момъ зову' ти: си'лjь твое'й сла'ва 
человjьколю'бче.

%<Т%>ы` врага` су'ща мя` sjьлw` возлюби'лъ _е=си`, ты` 
и=стоща'нiемъ стра'ннымъ соше'лъ _е=си` на зе'млю, 
благоутро'бне сп~се, послjь'днягw моегw` досажде'нiя не 
w\тве'ргся, и= пребы'въ на высотjь` пречи'стыя твоея` 
сла'вы, пре'жде безче'ствованнаго просла'вилъ _е=си`.

%<К%>то` зря` вл\дко, ны'нjь не о_у=жаса'ется, 
стра'стiю сме'рть разруша'ему, кр\сто'мъ бjьжа'щее 
тлjь'нiе, и= сме'ртiю а='дъ бога'тства и=стощава'емый, 
бж~е'ственною си'лою тебе` распя'тагw; чу'дно дjь'ло 
человjьколю'бче. (л. с~п)

%<Бг~оро'диченъ:%>

%<Т%>ы` вjь'рныхъ похвала` _е=си` безневjь'стная, ты` 
предста'тельнице, ты` и= прибjь'жище хрiстiа'нъ, стjьна` 
и= приста'нище: къ сн~у бо твоему` мольбы^ но'сиши 
всенепоро'чная, и= спаса'еши w\т бjь'дъ, вjь'рою и= 
любо'вiю бц\ду чи'стую тебе` зна'ющыя.

%<И='нъ.%>

%<I=рмо'съ: О_у=%>слы'шахъ гд\си:

%<Н%>а кр\стjь' тя пригвозди'ша законопресту'пныхъ 
дjь'ти, хр\сте` бж~е: и='мже спа'слъ _е=си` jа='кw 
бл~гоутро'бенъ, сла'вящыя твоя^ страда^нiя.

%<В%>оскре'съ w\т гро'ба, вся^ совоскреси'лъ _е=си` 
су'щыя во а='де м_е'ртвыя, и= просвjьти'лъ _е=си` jа='кw 
благоутро'бенъ, сла'вящыя твое` воскр\снiе.

%<I=рмо'съ то'йже.%>

%<К%>ла'съ возрасти'вшая животво'рный, неwра'нная 
ни'во, подаю'щаго мi'рови жи'знь, бц\де спаса'й пою'щыя 
тя`.

%<Б%>ц\ду тя` всечи'стая, просвjь'щшiися вси` 
проповjь'дуемъ, со'лнце бо пра'вды родила` _е=си`, 
приснодв~о.

%<И='нъ. I=рмо'съ: Т%>ы` моя` крjь'пость гд\си:

%<С%>овоку'плься собо'ръ ст~ы'хъ твои'хъ любо'вiю, и= 
тебе` наслажда'яйся, и='стиннw же и= чи'стw въ ра'дости, 
ли'къ неразруша'емый а='гг~лwмъ слику'етъ, w= тебjь` 
всеви'дче, бз~jь всjь'хъ и= гд\сjь. %<[Два'жды.]%>

%<Ю='%>ношески сла'внiи священному'ч_еницы, 
му'ченическимъ вjьнце'мъ о_у=вязо'стеся, бг~одjь'тельнымъ 
пома'занiемъ, _е='же пе'рвjье свяще'нства о_у=кра'шени 
пребога'тiи. тjь'мже сугу'бы вjьнцы` досто'йнw прiе'мше, 
со хр\сто'мъ вjь'чнw ра'дуетеся.

%<П%>лотско'е мудрова'нiе все` дх~у бг~оно'снiи 
вои'стинну (л. с~п w=б.) повину'сте, по'стнически сегw` 
стремл_е'нiя неудержи'мая, посто'мъ о_у=вяди'вше: и= 
ны'нjь безстра'стiя свjь'томъ просвjьти'вшеся, мзды` 
трудw'въ прiя'сте.

%<Сла'ва:%>

%<Jа='%>кw хр\ста` му'ч_еницы первому'ченика, му^ки 
sjьлw` претерпjь'сте, терпjьли'вw же и= до'блественнjь, 
jа='кw въ чужди'хъ страда'льчествующе тjьлесjь'хъ 
сла'внiи, и= ны'нjь цр\ствiя наслjь^дницы показа'вшеся, 
вjь^рнымъ и=сцjьл_е'нiя и=сточа'ете.

%<И= ны'нjь, бг~оро'диченъ:%>

%<Н%>евjь'ста бж~iя была` _е=си` бг~ороди'тельнице, 
сего' бо сло'во превjь'чное, тjьле'снjь родила` _е=си` 
на'мъ: въ не'мже и= ж_ены` свя'тw пожи'вше, и= 
страда'льчествы всеразли'чными тобо'ю о_у=краси'вшеся, 
прама'тернее паде'нiе и=спра'виша.

%<Пjь'снь _е~.%>

%<I=рмо'съ: В%>ску'ю мя` w\три'нулъ _е=си` w\т лица` 
твоегw` свjь'те незаходи'мый, и= покры'ла мя` _е='сть 
чужда'я тма` _о=кая'ннагw; но w=брати' мя, и= къ свjь'ту 
за'повjьдей твои'хъ пути^ моя^ напра'ви, молю'ся.

%<W=%>дjь'ятися претерпjь'лъ _е=си` въ багряни'цу, 
пре'жде стра'сти твоея` сп~се, поруга'емь, первозда'ннагw 
покрыва'я без\ъ_обра'зное w=бнаже'нiе, и= на'гъ 
пригвозди'лся _е=си` на кр\стjь` пло'тiю, совлача'я 
хр\сте` ри'зу о_у=мерщвле'нiя.

%<W\т%> пе'рсти сме'ртныя, ты` па'дшее мое` па'ки 
назда'лъ _е=си` существо` воскре'съ, и= нестарjь'ющееся 
хр\сте` о_у=стро'илъ _е=си`, jа=ви'въ па'ки jа='коже 
цр\скiй _о='бразъ, нетлjь'нiя жи'знь блиста'ющъ.

%<Бг~оро'диченъ:%>

%<М%>т~рнее дерзнове'нiе, _е='же къ сн~у твоему` 
и=му'щи (л. сп~а) всечи'стая, сро'днагw промышле'нiя 
_е='же w= на'съ не пре'зри, мо'лимся, jа='кw тебе` и= 
_е=ди'ну хр\стiа'не ко вл\дцjь, w=чище'нiе ми'лостивно 
предлага'емъ.

%<И='нъ.%>

%<I=рмо'съ: П%>росвjьти` на'съ:

%<Н%>аста'ви на'съ си'лою кр\ста` твоегw` хр\сте`: 
тjь'мъ бо тебjь` припа'даемъ, ми'ръ пода'ждь на'мъ 
человjьколю'бче.

%<W=%>корми` живо'тъ на'шъ, jа='кw пребл~гi'й, 
пою'щихъ твое` воста'нiе, и= ми'ръ пода'ждь на'мъ 
человjьколю'бче.

%<И='нъ.%>

%<I=рмо'съ: О_у='%>тренююще вопiе'мъ ти`:

%<О_у=%>толи` нестерпи'мую бу'рю страсте'й мои'хъ, 
jа='же бг~а ро'ждшая, w=корми'теля и= гд\са.

%<С%>лу'жатъ рождеству` твоему` пречи'стая бц\де, 
а='гг~льстiи чи'нове и= человjь'кwвъ собра'нiе.

%<И='нъ. I=рмо'съ:%> Вску'ю мя` w\три'нулъ _е=си`:

%<П%>редзрjь'ти, jа='коже проро'цы бж~е'ственнiи, 
хотя^щая бы'ти сподо'бистеся, и= возжелjь'сте благоро'дiю 
души` w=чи'ститися житiе'мъ чи'стымъ, _w бг~оно'снiи, 
просвjьща'еми си'лою духо'вною. %<[Два'жды.]%>

%<Л%>и'къ ст~ы'хъ ны'нjь свjь'тится бж\ственными 
дарова'ньми, и=`же пре'жде зако'на вси` патрiа'рси, 
проро'цы, а=п\сли, и= му'ч_еникъ собо'ри, и= по'стникwвъ, 
и= о_у=чи'телей, и= пра'ведныхъ, со священному'ченики. 
%<[Два'жды.]%>

%<Сла'ва:%>

%<С%>вjьтя'щееся зря'ще твои'хъ ст~ы'хъ дне'сь 
собра'нiе, твое'ю сп~се свjь'тлостiю, и= свjьща'ми 
неугаса'емыми благода'ти, твое` бж~е'ственное бога'тство 
благи'хъ и= и=з\ъwби'лiе воспjьва'емъ непреста'ннw 
человjьколю'бче. (л. сп~а w=б.)

%<Бг~оро'диченъ:%>

%<П%>реди'вное твое` рж\ство` возлюби'вше ж_ены` 
пречестны^я, кра^сная житiя` нивочто'же вмjьни'ша 
всечи'стая, _е=гw` _е=ди'ни рачи'тельнw жела'юще 
свjь'тлости и= бж~е'ственнагw w=сiя'нiя.

%<Пjь'снь s~.%>

%<I=рмо'съ: W=%>чи'сти мя` сп~се, мнw'га бо 
беззакw'нiя моя^, и= и=з\ъ глубины` sw'лъ возведи`, 
молю'ся: къ тебjь' бо возопи'хъ, и= о_у=слы'ши мя` бж~е 
спасе'нiя моегw`.

%<Д%>ре'вомъ крjь'пкw низложи' мя началоsло'бный: ты' 
же хр\сте`, возне'сся на кр\стjь`, крjьпча'е низложи'лъ 
_е=си`, посрами'въ сего`, па'дшаго же воскреси'лъ _е=си`.

%<Т%>ы` о_у=ще'дрилъ _е=си` сiw'на, возсiя'вый w\т 
гро'ба, но'ваго вмjь'стw ве'тхагw соверши'въ, jа='кw 
благоутро'бенъ, бж~е'ственною твое'ю кро'вiю: и= ны'нjь 
ца'рствуеши въ не'мъ во вjь'ки хр\сте`.

%<Бг~оро'диченъ:%>

%<Д%>а и=зба'вимся w\т лю'тыхъ прегрjьше'нiй мольба'ми 
твои'ми бг~ороди'тельнице чи'стая, и= да о_у=лучи'мъ 
преч\стая, бж~е'ственное сiя'нiе, и=з\ъ тебе` 
неизрече'ннw воплоще'ннагw сн~а бж~iя.

%<И='нъ. I=рмо'съ:%> Моли'тву пролiю` ко гд\су:

%<Д%>ла^ни на кр\стjь` распросте'рлъ _е=си`, 
и=сцjьля'яй неудержа'ннw просте'ртую во _е=де'мjь ру'ку 
первозда'ннагw, и= твое'ю во'лею же'лчи вкуси'лъ, и= 
спа'слъ _е=си` хр\сте`, jа='кw си'ленъ, сла'вящыя твоя` 
страда^нiя.

%<С%>ме'рти и=зба'витель вкуси` дре'внягw w=сужде'нiя, 
jа='кw да и= тлjь'нiя ца'рство разруши'тъ: и= во а='дская 
сше'дъ воскреси`, и= спасе` jа='кw си'ленъ пою'щыя _е=гw` 
воскресе'нiе. (л. сп~в)

%<И='нъ. I=рмо'съ:%> Ри'зу мнjь` пода'ждь свjь'тлу:

%<Х%>ра'мъ тя` бж~iй и= кiвw'тъ, и= черто'гъ 
w=душевле'нный, и= две'рь нб\сную, бц\де, вjь'рнiи 
возвjьща'емъ.

%<Т%>ре'бищ_емъ разруши'тель, jа='кw бг~ъ, бы'вшее 
рж\ство` твое` мр~i'е бг~оневjь'сто, покланя'емо _е='сть 
со _о=ц~е'мъ и= дх~омъ.

%<И='нъ. I=рмо'съ: W=%>чи'сти мя` сп~се:

%<Jа='%>кw честны'й и=збра'нный, положе'нный ка'мень 
краеуго'льный, ст~i'и въ сiw'нjь w=брjь'тше тя` вл\дко, 
w=снова'нiе непоколеби'мое, и=збра'нное ка'менiе себе` 
назда'ша. %<[Два'жды.]%>

%<П%>ронз_е'ннымъ твои'мъ ре'брwмъ, ка^пли кро'ве 
и=ска'паша, съ водо'ю бг~одjь'тельнw, мi'ръ w=бнови'ша, 
и= бж~е'ственный собо'ръ ст~ы'хъ всjь'хъ бл~годjь'телю 
призда'ша. %<[Два'жды.]%>

%<Сла'ва:%>

%<П%>ое'мъ всеблагоче'стнw му'ч_еникъ _о='блакъ 
бж~е'ственный, благода'тiю просвjьще'нный, и= возсiя'вшiй 
свjьтлjь'е багряни'цею кро'ве, и= червлени'цею и='хъ 
тве'рдагw страда'нiя.

%<Бг~оро'диченъ:%>

%<М%>т~рь всеи'стинную бж~iю тя` вси` зна'емъ, _е='юже 
_е=стество` же'нское и=зба'вльшееся, всенепоро'чная, w= 
хр\стjь` предпострада`, добродjь'тели же вся'кiя 
бл~гоче'стнw бы'сть и=спо'лнено.

%<Конда'къ, гла'съ и~:%>

%<Jа='%>кw нача'тки _е=стества`, насади'телю тва'ри, 
вселе'нная прино'ситъ ти` гд\си бг~онw'сныя му'ченики. 
тjь'хъ моли'твами въ ми'рjь глубо'цjь цр~ковь твою`, 
жи'тельство твое`, бц\дею соблюди` многоми'лостиве.

%<I='косъ:%>

%<И='%>же по все'й земли` му'чившiися, и= на нб~са` 
(л. сп~в w=б.) пресели'вшiися, и=`же стр\сти хр\сто'вы 
подража'вшiи, и= стра^сти на'шя w\те'млющiи, здjь` дне'сь 
собира'ются, перворожде'нныхъ показу'юще цр~ковь, jа='кw 
го'рнiя _о='бразъ содержа'щу, и= хр\сту` вопiю'щу: бг~ъ 
мо'й _е=си` ты`, бц\дею соблюди' мя, многомл\стиве.

%<И= чте'мъ про'логъ.%>

%<Сv"на_кса'рь въ недjь'лю всjь'хъ ст~ы'хъ.%>

%<Стiхи`: Г%>д\са моегw` вся` пою` дру'ги:

%<А='%>ще же кто` хотя` ко всjь'мъ да и='детъ.

%<В%>ъ то'йже де'нь въ недjь'лю по пятдеся'тницjь, 
и=`же повсю'ду вселе'нныя, во а=сi'и, лv"вi'и и= 
_е=vрw'пiи, сjь'верjь же и= ю='зjь, ст~ы'хъ всjь'хъ 
пра'здникъ пра'зднуемъ: _е=го'же о_у='бw по всест~а'гw 
дх~а соше'ствiи бж~е'ственнiи _о=тцы` на'ши о_у=зако'ниша 
соверша'ти, а='ки бы _о='бразъ нjь'кiй показу'юще, jа='кw 
всест~а'гw дх~а прише'ствiе, сицева^я а=п\слы 
дjь'йствова, w=святи'вшее и= о_у=прему'дрившее и=`же w\т 
на'шегw смjьше'нiя, въ наполне'нiе w\тпа'дшагw _о='нагw 
чи'на а='гг~льскагw, си'хъ о_у=ста'вившее, и= бг~у 
хр\сто'мъ приве'дшее. _о='вjьхъ о_у='бw муче'нiемъ и= 
кро'вiю, _о='вjьхъ же добродjь'тельнымъ житiе'мъ и= 
пребыва'нiемъ, и= jа=`же па'че _е=стества` содjь'ловаетъ. 
Схо'дитъ о_у='бw дх~ъ ст~ы'й въ ви'дjь _о=гня`, 
_е=стество'мъ го'рнjьйшее и=мjь'яй преложе'нiе: 
восхо'дитъ же къ гw'рнимъ пе'рсть, _е=стество'мъ до'лу 
прело'жна су'щи, и= на'ше смjьше'нiе, пре'жде вма'лjь 
о_у='бw прiя'тая, и= w=боже'нная бг~омъ сло'вомъ пло'ть, 
вознесе'нная, и= w=десну'ю _о='ч~и сла'вы сjь'дшая. 
Ны'нjь же и= всjь'хъ влече'тъ хотя'щихъ, jа='кw 
w=бjьтова'нiе, jа='коже бг~у сло'ву показу'ющу 
примире'нiя дjьла`, и= нjь'кiй намjь'ренный коне'цъ, 
_е='же къ на'мъ пло'тiю прише'ствiя _е=гw` и= смотре'нiя, 
jа='коже дре'вле w\тринове'нныя въ соедине'нiе и= 
дру'жество приво'дитъ бж~iе, незна'ющыя w\т jа=зы^къ 
лю'ди, человjь'ческагw _е=стества` а='ки нjь^кiя нача'тки 
принося'щагw бг~у, и=`же въ не'мъ разли'чнw 
бл~гоискуси'вшихся. По _е=ди'ному о_у='бw _о='бразу, 
си'це всjь'хъ ст~ы'хъ пра'зднуемъ пра'здникъ: по второ'му 
же, поне'же мно'зи о_у='бw бг~у (л. сп~г) бл~гоугоди'ша 
добродjь'тели ра'ди кра'йнiя, и= и=но_обра'знw 
без\ъимени'тiи w\т человjь^къ бы'ша: и=ли` и= за нjь^кая 
не'гли человjь'ч_еская, мно'гу же _о=ба'че сла'ву w\т 
бг~а и=му'ще. И=ли` jа='кw мно'зи о_у='бw по хр\стjь` 
жи'тельствоваша во i=ндi'и, и= _е=гv'птjь, и= а=равi'и, 
междорjь'чiи же и= фрv"гi'и, и= и='же вы'ше _е=v_ксi'на 
мо'ря: _е=ще' же и= во все'мъ за'падjь, да'же и= до 
самjь'хъ вретанi'йскихъ _о=стровw'въ, и= про'стw рещи`, 
въ восто'цjь и= за'падjь. Не бя'ше же подо'бно си'хъ 
всjь'хъ jа='коже подоба'етъ почести`, ра'ди 
безчи'сльства, jа='коже цр~ко'вный прiя'тъ _о=бы'чай: да 
о_у='бw _е='же w\т _о='нjьхъ всjь'хъ по'мощь прiи'мемъ, 
и=дjь'же кто` на земли` бг~у благоугоди`. И=на'кw же: и= 
бу'дущихъ ра'ди, не'гли ст~ы'хъ всjь'хъ пра'здникъ 
бж~е'ственнiи _о=ц~ы` пра'здновати о_у=зако'ниша: всjь'хъ 
же, и='же пре'жде и= по'слjьжде, jа=вле'нныхъ же и= 
неявле'нныхъ, во _е=ли'цjьхъ дх~ъ ст~ы'й всели'выйся 
w=ст~и`, почита'юще и= своспрiе'млюще. И=ли` и= тре'тiе, 
подоба'ше по ча'сти на кi'йждо де'нь пра'здну_емыя 
ст~ы^я, и= во _е=ди'нъ собра'ти де'нь да jа=ви'тся, 
jа='кw w= _е=ди'номъ хр\стjь` подвиза'шася, и= вси` 
то'жде добродjь'тели теко'ша по'прище. И= та'кw вси` 
jа='кw _е=ди'нагw бг~а раби` досто'йнw вjьнча'ни бы'ша, 
цр~ковь сi'и соста'виша, го'рнiй мi'ръ вознаполня'юще, 
поwщря'юще же и= на'съ ра'вный по'двигъ си'мъ твори'ти, 
разли'ченъ су'щъ и= многови'денъ, къ по _е=ли'ку же 
ко'ждо и='мать си^лы, всjь'мъ о_у=се'рдiемъ тща'тися. 
Си^мъ о_у='бw, и=`же w\т вjь'ка ст~ы^мъ всjь^мъ, ле'въ 
приснопа'мятный и= прему'дрый ца'рь хра'мъ преве'лiй и= 
предо'брый созда`, бли'зу же _е='сть се'й ст~ы'хъ а=п\слъ 
хра'ма вну'трь кwнстантi'ня гра'да: пре'жде о_у='бw, 
jа='коже глаго'лютъ, fеофа'нjь женjь` _е=гw` пе'рвjье 
сегw` созида'яй, о_у=годи'вшей бг~у въ коне'цъ. И= _е='же 
пресла'вное посредjь` мо'лвъ и= ца'рствiй вну'трь: и= 
поне'же прiwбщи` намjь'ренiе свое` цр~кви, не w=брjь'те 
_е=я` покоре'нныя во'ли свое'й, ниже` восхотjь` 
мудрова'нiя _е=гw`, глаго'лющи: jа='кw не лjь'по _е='сть 
_о='ну, jа='же вчера` неда'внw растлjьва'шеся ца'рскимъ 
мечта'нiемъ, и= пи'щею, внеза'пу почита'ти толи'кw, 
jа='коже созида'ти _е='й сицевы'й хра'мъ великолjь'пный, 
и= и=зря'дный, и= ниже` вре'мя дая'ше _е=`, а='ще и= 
благоугоди` бг~у. Тогда` прему'дрjьйшiй цр~ь собо'рнымъ 
хотjь'нiемъ всея` цр~кве, вели'кiй (л. сп~г w=б.) хра'мъ, 
и='же созда`, посвяти` всjь'мъ ст~ы^мъ вселе'нныя, 
глаго'ля: а='ще и= fеофа'на _е='сть свята`, да 
сопричте'тся со всjь'ми ст~ы'ми. И= сегw` ра'ди а='зъ 
мню`, jа='кw w\тсе'лjь прiя'тъ нача'ло пра'здноватися 
се'й пра'здникъ, внегда` бя'ше и= пре'жде. Сегw` ра'ди 
положи'ша и=` послjьди` всjь'хъ пра'здникwвъ, _о='крестъ 
вся^ пра'здники лjь'та состяга'яй, и= заключа'яй а='ки 
w=гражде'нiемъ. Зане` цр~ко'вное о_у=ставле'нiе и= 
благочи'нiе, а='ще и= пре'жде мно'гагw нача'ся, и= 
пома'лjь прихожда'ше въ до'брое о_у=ставле'нiе, jа='коже 
подоба'ше: но во дни` сегw` цр~я` о_у=ста'виша въ 
соверше'нное, и= и=з\ъwбрази'ша чи'номъ, и='же дне'сь 
_е='сть. Трiw'дь о_у='бw, вкра'тцjь рещи`, w=бдержи'тъ 
вну'трь съ вели'кимъ прилjьжа'нiемъ, _е=ли^ка бг~ъ 
сотвори` на'съ ра'ди неизрече'нными словесы`. Паде'нiе 
дiа'воле съ нб~се`, пе'рвою при'тчею и=згна'нiе 
а=да'мово, и= преступле'нiе: _е='же на'съ ра'ди бг~а 
сло'ва смотре'нiе все`, и= ка'кw на небеса` ст~ы'мъ 
дх~омъ па'ки взыдо'хомъ, и= и=спа'дшiй _о='ный чи'нъ 
и=спо'лнихомъ, _е='же ст~ы'ми всjь'ми познава'ется. 
Вjь'домо же бу'ди, jа='кw вся^ ны'нjь пра'зднуемъ, 
_е=ли^ка благода'тнw w=святи` дх~ъ ст~ы'й: глаго'лю 
о_у='бw высоча'йшыя и= w=свяща'т_ельныя о_у=мы`, девяти` 
jа='вjь чинw'въ: Пра'_оц~ы и= патрiа'рхи, проро'ки и= 
сщ~_е'нныя а=п\слы, му'ченики и= священнонача'льники, 
священному'ченики и= прп\дбному'ченики, прп\дбныя и= 
пра'в_едныя, и= вся` ст~ы'хъ же'нъ ликова^нiя, и= и=ны'я 
вся` без\ъимени'тыя ст~ы^я, съ ни'миже да бу'дутъ и= 
хотя'щiи бы'ти. Пре'жде же всjь'хъ, и= во всjь'хъ, и= со 
всjь'ми, ст~ы'хъ ст~у'ю, прест~у'ю, и= тjь'хъ 
пребезсравни'тельнw лу'чшую а='гг~льскихъ чинw'въ, 
гп\сжу` на'шу и= вл\дчцу, бц\ду мр~i'ю приснодв~у: 
_е=я'же мл~твами хр\сте` бж~е, и= всjь'хъ w\т вjь'ка 
ст~ы'хъ твои'хъ, поми'луй и= спаси` на'съ, jа='кw 
_е=ди'нъ бла'гъ и= чл~вjьколю'бецъ.

%<Пjь'снь з~.%>

%<I=рмо'съ: Б%>ж~iя снизхожде'нiя _о='гнь 
о_у=стыдjь'ся въ вавv"лw'нjь и=ногда`. сегw` ра'ди 
_о='троцы въ пещи`, ра'дованною ного'ю jа='кw во 
цвjь'тницjь лику'юще, поя'ху: благослове'нъ _е=си` бж~е 
_о=ц~ъ на'шихъ. (л. сп~д)

%<С%>ла'вное и=стоща'нiе, бж\ственное бога'тство 
твоея` нищеты` хр\сте`, о_у=дивля'етъ а='гг~лы, на 
кр\стjь` зря'щыя тя` пригвожда'ема, за _е='же спасти` 
вjь'рою зову'щыя: благослове'нъ бг~ъ _о=ц~ъ на'шихъ.

%<Б%>ж~е'ственнымъ твои'мъ соше'ствiемъ свjь'та 
и=спо'лнилъ _е=си` преиспw'дняя, и= тма` прогна'на бы'сть 
пре'жде гоня'щая: w\т_ону'дуже воскресо'ша и=`же w\т 
вjь'ка ю='зницы, зову'ще: благослове'нъ бг~ъ _о=ц~ъ 
на'шихъ.

%<Тр\оченъ.%>

%<В%>сjь'хъ о_у='бw гд\са, _е=ди'наго же _е=ди'ному 
_е=диноро'дному сн~у правосла'внw _о=ц~а` бг~осло'вяще, 
тя` возвjьща'емъ, и= _е=ди'наго вjь'дяще w\т тебе` 
и=сходя'ща дх~а пра'ваго, соесте'ственна и= 
соприсносу'щна.

%<И='нъ. I=рмо'съ: W\т%> i=уде'и:

%<С%>пасе'нiе содjь'лалъ _е=си` посредjь` вселе'нныя, 
проро'чески бж~е: на дре'во бо вознесе'нъ бы'въ, вся^ 
призва'лъ _е=си` вjь'рою зову'щыя: _о=ц~ъ на'шихъ бж~е 
благослове'нъ _е=си`.

%<В%>оскре'съ w\т гро'ба jа='коже w\т сна` ще'дре, 
всjь'хъ и=зба'вилъ _е=си` w\т тли`, тва'рь же 
о_у=вjьря'ется а=п\слы проповjь'дающими воста'нiе: 
_о=ц~_е'въ бж~е благослове'нъ _е=си`.

%<I=рмо'съ то'йже.%>

%<W\т%> дjь'вственнагw ложесна` вопло'щся, jа=ви'лся 
_е=си` на спасе'нiе на'ше. тjь'мже твою` мт~рь вjь'дяще 
бц\ду, благода'рственнw зове'мъ: _о=ц~_е'въ бж~е 
благослове'нъ _е=си`.

%<Ж%>е'злъ прорасти'ла _е=си` дв~о w\т ко'рене 
i=ессе'ова, всеблаже'нная, пло'дъ цвjьтонося'щiй 
спаси'тельный, вjь'рою сн~у твоему` зову'щымъ: _о=ц~_е'въ 
бж~е благослове'нъ _е=си`. (л. сп~д w=б.)

%<И='нъ. I=рмо'съ:%> Бж~iя снисхожде'нiя:

%<С%>т~ы'хъ чи'нове, во ст~ы'хъ почива'ющаго немо'лчнw 
пою'ще, сла'дости бж~е'ственныя ны'нjь наслажда'ются, и= 
ра'дующеся лику'ютъ пою'ще: благослове'нъ бг~ъ _о=ц~ъ 
на'шихъ.

%<Б%>ж\ственными сiя'ньми трисо'лнечнагw 
свjьтопроли'тiя, че'стнjь ст~ы'хъ собо'ри w=сiя'вшеся, 
_е=ди'ницу тричи'сленную бг~осло'вятъ, _о=ц~а` 
безнача'льна, и= сн~а бл~гоче'стнw, и= дх~а ст~а'го.

%<Н%>еизрече'нною сла'вою твое'ю, _е=гда` jа=ви'шися 
бж~е посредjь` богw'въ, достw'йная подая`, и= да'ры 
раздая`, и= вjьнцы` дая`, тогда` сп~се сподо'би пjь'ти 
тебjь`: благослове'нъ бг~ъ _о=ц~ъ на'шихъ.

%<Сла'ва:%>

%<Р%>а'дующеся пои'мъ ст~ы'хъ всjь'хъ собо'ръ, 
w\твсю'ду собра'вшихся, и= ро'ды вку'пjь и= достw'инства, 
и= жи'т_ельства и= съ ни'ми пое'мъ: благослове'нъ бг~ъ 
_о=ц~ъ на'шихъ.

%<И= ны'нjь: бг~оро'диченъ:%>

%<М%>р~i'ю преч\стую, и= прест~у'ю бг~ороди'тельницу, 
_о=трокови^цы вся^, ли'къ бж~е'ственный ку'пнw 
соста'вивше, велегла'снw ра'дующеся возопi'йте: ра'дуйся, 
ра'дости и=сто'чникъ на'мъ и=сточа'ющая.

%<Пjь'снь и~.%>

%<I=рмо'съ: С%>едмери'цею пе'щь халде'йскiй мучи'тель 
бг~очести^вымъ неи'стовнw разжже`: си'лою же лу'чшею 
спасе'ны сiя^ ви'дjьвъ, творцу` и= и=зба'вителю вопiя'ше: 
_о='троцы бл~гослови'те, свяще'нницы воспо'йте, лю'дiе 
превозноси'те во вся` вjь'ки.

%<I=%>и~сова бж~ества` пребж~е'ственная си'ла въ на'съ 
бг~олjь'пнw (л. сп~_е) возсiя'ла _е='сть: пло'тiю бо 
вку'шь за всjь'хъ сме'рть кре'стную, разруши` а='дову 
крjь'пость. _е=го'же непреста'ннw _о='троцы 
бл~гослови'те, свяще'нницы воспо'йте, лю'дiе 
превозноси'те во вся` вjь'ки.

%<Р%>аспны'йся воста`, великовы'йный паде`, пады'й и= 
сокруше'нный и=спра'вися, тля` w\тве'ржена бы'сть и= 
нетлjь'нiе процвjьте`: жи'знiю бо ме'ртвенное поже'рто 
бы'сть. _о='троцы бл~гослови'те, свяще'нницы воспо'йте, 
лю'дiе превозноси'те во вся` вjь'ки.

%<Тр\оченъ:%>

%<Т%>рисвjь'тлое бж~ество`, во _е=ди'ной сiя'ющее 
зари`, w\т _е=ди'нагw трiv"поста'снагw _е=стества`, 
роди'теля безнача'льна, _е=диноесте'ственно же сло'во 
_о=ц~у`, и= сца'рствующаго _е=диносу'щнаго дх~а, 
_о='троцы бл~гослови'те, свяще'нницы воспо'йте, лю'дiе 
превозноси'те во вся` вjь'ки.

%<И='нъ. I=рмо'съ:%> Побjьди'тели мучи'теля:

%<Н%>а дре'вjь ру'цjь мнjь` просте'рша, w=бнаже'ннаго 
мя` призыва'юща, свое'ю благо_обра'зною согрjь'яти 
нагото'ю, благослови'те вся` дjьла` гд\са, и= 
превозноси'те _е=го` во вjь'ки.

%<И=%>з\ъ преиспо'днягw а='да возне'сша мя` па'дшаго, 
и= высокопресто'льною сла'вою роди'теля поче'тшаго, 
бл~гослови'те вся` дjьла` гд\са, и= превозноси'те _е=го` 
во вjь'ки.

%<И='нъ.%>

%<I=рмо'съ: Ц%>р~я` нб\снаго:

%<С%>опроти'вныхъ разжж_е'нныя и= пламенови^дныя на 
на'съ о_у=гаси` стрjь'лы, jа='кw да пое'мъ тя` ч\стая, во 
вся` вjь'ки.

%<П%>реесте'ственнjь содjь'теля и= сп~са, бг~а сло'ва 
родила` _е=си` дв~о: тjь'мже тя` пое'мъ во вся` вjь'ки. 
(л. сп~_е w=б.)

%<И='нъ.%>

%<I=рмо'съ: С%>едмери'цею пе'щь:

%<Р%>а'дуйтеся му'ч_еницы, проро'цы, а=по'столи, 
священному'ч_еникъ честны'й собо'ре: пра'ведныхъ, 
преподо'бныхъ же и= о_у=чи'телей бж~е'ственный ли'че, съ 
мv"роно'сицами жена'ми сладкопою'ще: _о='троцы 
благослови'те, свяще'нницы воспо'йте, лю'дiе 
превозноси'те во вся` вjь'ки.

%<Jа='%>же па'че о_у=ма` свjь'тлостiю, насыща'еми 
ст~i'и бж\ственнагw весе'лiя, и= ра'дости и=сполня'еми, 
бо'зи быва'ете, къ бг~у приближе'нiемъ, бг~одjь'т_ельнымъ 
свjь'тлост_емъ w=бща'ющеся, и= сла'вы неизрече'нныя 
просвjьти'вшеся луча'ми, хр\ста` превозноси'те во вся` 
вjь'ки.

%<Б%>л~гослови'мъ _о=ц~а`, и= сн~а, и= ст~а'го дх~а, 
гд\са.

%<Jа=%>ви'вшеся ст~i'и jа='кw sвjь'зды многосвjь^тлыя, 
цр~ко'вное нб~о о_у=ясня'ете разли'чными дарова'ньми и= 
разли'чными добро'тами, въ пра'вдjь, цjьлому'дрiи, 
му'жествjь, ра'зумjь: вл\дку свяще'нницы воспо'йте, 
лю'дiе превозноси'те во вся` вjь'ки.

%<И= ны'нjь:%>

%<С%>ъ весе'лiемъ вся^ ж_ены` бг~ому^дрыя, 
сконча'вшыяся, пою'тъ дх~омъ дв~у пречи'стую, и='стинную 
мт~рь бж~iю, w\т кля'твы прамт~ре _е='vы на'съ 
и=зба'вившую, благоговjь'йнw предстоя'ще, тоя` воспо'йте 
пло'дъ во вjь'ки.

%<Х%>ва'лимъ, благослови'мъ, покланя'емся гд\сви, 
пою'ще и= превознося'ще во вся` вjь'ки.

%<Катава'сiа: _О='%>троки бл~гоч_ести'выя:

%<Та'же пое'мъ: Ч%>естнjь'йшую херувi^мъ:

%<Пjь'снь f~.%>

%<I=рмо'съ: О_у=%>жасе'ся w= се'мъ нб~о, и= земли` 
о_у=диви'шася концы`, jа='кw бг~ъ jа=ви'ся чл~вjь'кwмъ 
пло'тски, и= чре'во (л. сп~s) твое` бы'сть 
простра'ннjьйшее нб~съ. тjь'мъ тя` бц\ду, а='гг~лwвъ и= 
челwвjь'къ чинонача^лiя велича'ютъ.

%<Б%>ж\ственнымъ и= безнача'льнымъ _е=стество'мъ 
про'стъ сы'й, сложи'лся _е=си` прiя'тiемъ пло'ти, въ 
тебjь` само'мъ сiю` соста'вивъ сло'ве бж~iй, и= 
пострада'въ jа='кw человjь'къ, пребы'лъ _е=си` кромjь` 
страсте'й, jа='кw бг~ъ. тjь'мже тя` во двою` сущ_еству` 
нераздjь'льнw и= неслiя'ннw велича'емъ.

%<_О=%>ц~а` по существу` бж~е'ственному, jа='коже 
_е=стество'мъ бы'въ человjь'къ, ре'клъ _е=си` бг~а, 
вы'шнiй рабw'мъ снизходя`: воскре'съ w\т гро'ба, 
бл~года'тiю _о=ц~а` земноро'дныхъ поло'жь, и='же по 
_е=стеству` бг~а же и= вл\дку: съ ни'мже тя` вси` 
велича'емъ.

%<Бг~оро'диченъ:%>

%<Jа=%>ви'лася _е=си`, _w дв~о мт~и бж~iя, па'че 
_е=стества` ро'ждши пло'тiю бг~а сло'ва, _е=го'же _о=ц~ъ 
w\тры'гну w\т се'рдца своегw`, пре'жде всjь'хъ вjь^къ 
jа='кw бл~гъ, _е=го'же ны'нjь и= тjьле'съ превы'шша 
разумjь'емъ, а='ще и= въ тjь'ло w=блече'ся.

%<И='нъ. I=рмо'съ: О_у=%>страши'ся:

%<Б%>ж~iя тя` _е=стество'мъ о_у='бw сн~а, зача'таго во 
о_у=тро'бjь свjь'мы бг~омт~ре, и= бы'вшаго на'съ ра'ди 
человjь'ка, и= зря'ще тя` на кр\стjь`, _е=стество'мъ 
о_у='бw стра'ждуща человjь'ческимъ, безстра'стна же 
jа='кw бг~а пребыва'юща велича'емъ.

%<Р%>азруши'ся тма` дря'хлая, w\т а='да бо возсiя` 
со'лнце пра'вды хр\сто'съ, земли` просвjьща'я вся^ 
концы`, сiя'я бж~ества` свjь'томъ небе'сный человjь'къ, 
бг~ъ земны'й, _е=го'же во двою` _е=стеству` велича'емъ.

%<И='нъ. I=рмо'съ:%> Вои'стинну бц\ду:

%<Р%>а'дости и= весе'лiя и=спо'лнь _е='сть па'мять 
твоя`, (л. сп~s w=б.) приступа'ющымъ и=сцjьл_е'нiя 
точа'щи, и= благоче'стнw бц\ду тя` возвjьща'ющымъ.

%<_Пс%>алмы' тя воспjьва'емъ бл~года'тная, и= 
немо'лчнw, _е='же ра'дуйся, прино'симъ: ты' бо и=сточи'ла 
_е=си` всjь^мъ ра'дость.

%<И='нъ. I=рмо'съ: О_у=%>жасе'ся w= се'мъ не'бо:

%<Н%>аде'ждею и= любо'вiю воwруже'нно, и= вjь'рнw 
w=гражде'нно счине'нiе и=збра'нныхъ, вся^ мучи'телей 
прещ_е'нiя, му^ки, и= ра^ны ра'дующеся претерпjь'ша, 
благосла'внw w\т хр\ста` w=богати'вшеся, 
побjьдотворя'щагw въ страда'нiихъ и='стины 
первому'ченики.

%<П%>риста'нище спасе'нiя, кр\сти'теля, а=по'столы, 
проро'ки и= му'ченики съ по'стники, бж~е'ств_енныя 
о_у=чи'тели и= свяще'нники, патрiа'рхwвъ же собра'нiе, и= 
священному'ченики благосла^вныя, ж_ены` бг~олюби^выя, 
преподw'бныя и= пра'в_едныя ны'нjь досто'йнw восхва'лимъ.

%<Сла'ва:%>

%<_О=%>гне'мъ и=скуси'вшеся и=скуше'нiй, и= сластьми` 
не прельсти'вшеся ра'дуетеся чи'стjь, престо'лу вл\дчню 
свjьтови'дному предстоя'ще, сла'внiи собо'ри ст~ы'хъ на 
нб~сjь'хъ, разрjьши'вшымся зерца'лwмъ, сjь'ни же 
мимоше'дшей и='стинными jа=вле'ньми.

%<И= ны'нjь: бг~оро'диченъ:%>

%<Jа=%>ви'лася _е=си` разстоя'щымся совокупи'тельная: 
тобо'ю бо а='гг~лwмъ _е=диносе'льницы на небесjь'хъ 
человjь'цы бы'ша вои'стинну, и= свидjь'тельствуютъ 
чи'нове всjь'хъ ст~ы'хъ, ны'нjь съ ни'ми пою'ще твое` 
рж\ство` дв~о бц\де, въ вjь'чныхъ пjь'снехъ.

%<Катава'сiа: В%>ся'къ земноро'дный:

%<С%>т~ъ гд\сь бг~ъ на'шъ: %<пое'мъ по гла'су.%> (л. 
сп~з)

%<Та'же _е=_ксапостiла'рiй воскре'сенъ:%>

%<С%>о о_у=ченики` взы'демъ на го'ру галiле'йскую, 
вjь'рою хр\ста` ви'дjьти, глаго'люща вла'сть прiя'ти 
вы'шнихъ и= до'льнихъ: научи'мся, ка'кw о_у='читъ 
крести'ти, во и='мя _о=ц~а`, и= сн~а, и= ст~а'гw дх~а, 
jа=зы'ки вся^, и= спребыва'ти о_у=ченикw'мъ, jа='коже 
w=бjьща'ся до сконча'нiя.

%<Сла'ва:%>

%<Свjьти'ленъ всjь'мъ ст~ы^мъ. Подо'бенъ:%>

%<К%>рести'теля и= предте'чу, а=по'столы, проро'ки, 
му'ченики, священнонача'льники же, по'стники и= 
преподw'бныя, сщ~енному'ченики, ку'пнw бг~олюби^выя 
ж_ены` и= пра'в_едныя вся^, и= а='гг~лwвъ чи'ны, до'лжнw 
пjь'сньми о_у=вязе'мъ моля'щеся, сла'ву си'хъ получи'ти 
w\т хр\ста` сп~са.

%<И= ны'нjь, бг~оро'диченъ:%>

%<И='%>же горjь` прославля'емый бж~е'ственнjь w\т 
а='гг~лwвъ, w\т нjь'дръ _о='ч~ихъ, пречи'стая, не 
w\тсту'пль неизрече'ннw, съ до'льними поживе`: ты' же 
сегw` была` _е=си` спасе'нiя хода'таица, w\т чи'стыхъ 
твои'хъ крове'й сему` чи'стая, па'че сло'ва пло'ть 
заимода'вши. _е=го'же моли` рабw'мъ твои'мъ и=збавле'нiе 
да'ти прегрjьше'нiй.

%<На %[хвали'техъ%], В%>ся'кое дыха'нiе: %<поста'вимъ 
стiхw'въ и~, и= пое'мъ %[стiхи^ры воскре'сны%], гла'съ 
и~:%>

%<Г%>д\си, а='ще и= суди'лищу предста'лъ _е=си` w\т 
пiла'та суди'мый, но не w\тступи'лъ _е=си` w\т пр\сто'ла 
со _о=ц~е'мъ сjьдя`: и= воскр~съ и=з\ъ ме'ртвыхъ, мi'ръ 
свободи'лъ _е=си` w\т рабо'ты чужда'гw, jа='кw ще'дръ и= 
чл~вjьколю'бецъ.

%<Г%>д\си, а='ще и= jа='кw ме'ртва во гро'бjь i=уд_е'и 
положи'ша: но jа='кw цр~я` спя'ща во'ини тя` стрежа'ху, 
и= jа='кw (л. сп~з w=б.) живота` сокро'вище, печа'тiю 
печа'таша: но воскр\слъ _е=си`, и= по'далъ _е=си` 
нетлjь'нiе душа'мъ на'шымъ.

%<Г%>д\си, _о=ру'жiе на дiа'вола кр\стъ тво'й да'лъ 
_е=си` на'мъ: трепе'щетъ бо и= трясе'тся, не терпя` 
взира'ти на си'лу _е=гw`: jа='кw м_е'ртвыя возставля'етъ, 
и= сме'рть о_у=праздни`. сегw` ра'ди покланя'емся 
погребе'нiю твоему` и= воста'нiю.

%<А='%>гг~лъ тво'й гд\си, воскр\снiе проповjь'давый, 
стра^жи о_у='бw о_у=страши`, жена'мъ же возгласи` 
глаго'ля: что` и='щете жива'гw съ ме'ртвыми; воскр~се 
бг~ъ сы'й, и= вселе'ннjьй жи'знь дарова`.

%<И='на стiхи'ра @восто'чная@{а=нато'лiева} тогw'жде 
гла'са:%>

%<П%>острада'лъ _е=си` кр\сто'мъ, безстра'стный 
бж~ество'мъ, погребе'нiе прiя'лъ _е=си` тридне'вное, да 
на'съ свободи'ши w\т рабо'ты вра'жiя, и= w=безсме'ртивъ 
w=животвори'ши на'съ хр\сте` бж~е, воскр\снiемъ твои'мъ 
чл~вjьколю'бче.

%<И='ны стiхи^ры всjь'мъ ст~ы^мъ, гла'съ д~.%>

%<Подо'бенъ: Jа='%>кw до'бля:

%<С%>т~ы^я гд\сь и=`же на земли` о_у=диви`: тогw' бо 
ра^ны и= страда^нiя въ пло'ти воспрiя'ша, въ си'хъ 
крася'щеся, и= бж~е'ственными о_у=добре'ньми jа=вле'ннw 
о_у=добря'еми: jа=`же воспои'мъ jа='кw неувяда'ющыя 
цвjь'ты, jа='кw sвjь'зды непрел_е'стныя це'ркве, jа='кw 
вw'льная закол_е'нiя.

%<Стi'хъ: В%>оззва'ша пра'веднiи, и= гд\сь о_у=слы'ша 
и=`хъ.

%<С%>ъ проро'ки а=по'столи, съ преподо'бными 
о_у=чи'телiе, со священному'ченики вси` пра'веднiи, и= 
же'нъ пострада'вшее, и= любо'вiю пости'вшееся ст~ы'хъ 
мно'жество, и= пра'ведныхъ чи'нове, да восхва'лятся 
свяще'нными пjь'сньми, jа='кw го'рнягw цр\ствiя 
наслjь^дницы, jа='кw рая` жи'телiе.

%<Стi'хъ: Д%>и'венъ бг~ъ во ст~ы'хъ свои'хъ:

%<И='%>же зе'млю w=небеси'вшiи добродjь'телей 
свjь'тлостiю, (л. сп~и) и=`же хр\сто'ву сме'рть 
подража'вшiи, безсме'ртiя хода'тайственный пу'ть 
ше'ствовавшiи, и=`же стра^сти человjь'кwмъ 
рукодjь'йствiемъ бл~года'ти w=чи'стившiи, и=`же во все'мъ 
мi'рjь _е=диноду'шнw страда'льчествовавшiи, 
до'блественнjь да восхва'лятся му'ч_еницы.

%<Сла'ва: стiхи'ра о_у='тренняя _е=v\гльская, а~-я. 
Гла'съ а~:%>

%<Н%>а го'ру о_у=ченикw'мъ и=ду'щымъ за земно'е 
вознесе'нiе, предста` гд\сь: и= поклони'вшеся _е=му`, и= 
да'нныя вла'сти вездjь` научи'вшеся, въ поднебе'сную 
посыла'хуся проповjь'дати _е='же и=з\ъ ме'ртвыхъ 
воскресе'нiе, и= _е='же на нб~са` вознесе'нiе: и=`мже и= 
во вjь'ки спребыва'ти нело'жный w=бjьща'ся хр\сто'съ бг~ъ 
и= сп~съ ду'шъ на'шихъ.

%<И= ны'нjь: П%>реблг\све'нна _е=си` бц\де дв~о: 
%<Славосло'вiе вели'кое. По трист~о'мъ тропа'рь 
воскре'сенъ то'чiю, _е=кт_енiи`: и= w\тпу'стъ. И= ча'съ 
а~-й въ притво'рjь: и= поуче'нiе студi'тово: и= 
соверше'нный w\тпу'стъ.%>

%<На %[лiтургi'и%] блаж_е'нна воскре'сна гла'са, на 
д~. Гла'съ и~:%>

%<П%>омяни` на'съ хр\сте` сп~се мi'ра, jа='коже 
помяну'лъ _е=си` разбо'йника на дре'вjь, и= сподо'би 
всjь'хъ _е=ди'не ще'дре, нб\снагw цр\ствiя твоегw`.

%<Н%>а дре'вjь пригво'ждся сп~се на'шъ во'лею, 
дре'вомъ а=да'ма w\т кля'твы и=зба'вилъ _е=си`, 
воздава'я, jа='кw ще'дръ _е='же по _о='бразу, и= рая` 
вселе'нiе.

%<С%>лы'ши а=да'ме, и= ра'дуйся со _е='vою, jа='кw 
w=бнажи'вый дре'вле _о=бои'хъ, и= пре'лестiю взе'мый 
плjьне'нны на'съ, кр\сто'мъ хр\сто'вымъ о_у=праздни'ся.

%<Д%>не'сь хр\сто'съ воскре'се w\т гро'ба, всjь^мъ 
вjь^рнымъ подая` нетлjь'нiе, и= ра'дость w=бновля'етъ 
мv"роно'сицамъ по стра'сти и= воста'нiи. (л. сп~и w=б.)

%<И= w\т канw'на всjь'хъ ст~ы'хъ пjь'снь s~, на д~.%>

%<Прокi'менъ а=п\сла, гла'съ и~: П%>омоли'теся, и= 
воздади'те гд\сви бг~у на'шему. %<Стi'хъ: В%>jь'домъ во 
i=уде'и бг~ъ, во i=и~ли ве'лiе и='мя _е=гw`. %<И= 
ст~ы^мъ, гла'съ д~: Д%>и'венъ бг~ъ во ст~ы'хъ свои'хъ, 
бг~ъ i=и~левъ. %<А=п\слъ ко _е=вре'wмъ, зача'ло т~а: 
С%>т~i'и вси` вjь'рою: %<А=ллилу'iа, гла'съ д~: 
В%>оззва'ша пра'веднiи, и= гд\сь о_у=слы'ша и=`хъ. 
%<Стi'хъ: М%>но'ги скw'рби пра'в_еднымъ, и= w\т всjь'хъ 
и='хъ и=зба'витъ я=` гд\сь. %<_Е=v\глiе матfе'а, зача'ло 
л~и: В%>ся'къ и='же и=сповjь'сть мя` пред\ъ человjь'ки: 
%<Прича'стный: Х%>вали'те гд\са съ небе'съ: %<Другi'й: 
Р%>а'дуйтеся пра'веднiи w= гд\сjь:

%<На трапе'зjь о_у=тjьше'нiе бра'тiи, гото'вящымся къ 
по'стному по'двигу.%>

[зри`] %<%[Подоба'етъ вjь'дати: а='ще хра'мъ 
всjь'хъ ст~ы'хъ%]: На ма'лjьй и= вели'цjьй вече'рни, и= 
на о_у='трени, и= на лiтургi'и, подо'бнjь пое'мъ, 
jа='коже случи'тся въ недjь'лю вели'кагw ст~а'гw. 
_е=му'же быва'етъ бдjь'нiе. То'чiю на о_у='трени пое'мъ 
полv"еле'й.%>

%<По полv"еле'и:%>

%<В%>елича'емъ ва'съ а=по'столи, му'ч_еницы, проро'цы, 
и= вси` святi'и, и= чти'мъ ст~у'ю па'мять ва'шу: вы' бо 
моли'те w= на'съ хр\ста` бг~а на'шего.

%<_Псало'мъ и=збра'нный: Б%>л~же'нъ му'жъ боя'йся 
гд\са: %<И= сjьда'ленъ ст~ы^мъ, пи'санъ въ канw'нjь по 
г~-й пjь'сни. Степ_е'нна гла'са. Прокi'менъ: В%>ся'кое 
дыха'нiе: %<И= _е=v\глiе ст~ы^мъ. В%>оскресе'нiе 
хр\сто'во: %<и= _псало'мъ н~. Сла'ва: М%>л~твами всjь'хъ 
ст~ы'хъ: %<И= ны'нjь: М%>оли'твами бц\ды: %<Вмjь'стw 
В%>оскре'съ i=и~съ: %<стiхи'ра всjь'мъ ст~ы^мъ, ку'ю 
во'лиши. Канw'нъ воскре'сенъ со i=рмосо'мъ на д~, и= 
бц\ды на в~, и= ст~ы^мъ на и~. И= про'чее, jа='коже 
предписа'ся.%>

%<Коне'цъ, и= бг~у сла'ва.%>