Богослужебные тексты

<::лат> OCR:

<::рус> Библиотека святоотеческой литературы

<::лат> http://orthlib.ru

<::слав>

(л. ч~_е w=б.)

%<Во вто'рникъ пе'рвыя седми'цы на о_у='трени,%>

%<по в~-мъ стiхосло'вiи сjьда'льны, гла'съ в~.%>

%<Подо'бенъ: П%>ребл~гослове'нна:

%<П%>ребл~гослове'нна бл~года'ть всеч\стна'гw поста`: 
мwv"се'й бо тjь'мъ просла'вися, и= зако'нъ въ пи'смени на 
скрижа'лехъ прiя'тъ. _о=гня` си'льнjьйшiи _о='троцы 
ю='нiи jа=ви'шася: въ то'мъ о_у='бw погаси'мъ плwтскi'я 
стра^сти пламенjь'ющыя, хр\сту` сп~су вопiю'ще: 
w=браще'нiе на'мъ всjь^мъ да'руй, и= и=зба'ви гее'нны.

%<Сла'ва и='ный, гла'съ то'йже. Подо'бенъ: М%>л\срдiя 
су'щи:

%<П%>окая'нiя наста` вре'мя, воздержа'нiя покажи` 
плоды`, _w душе` моя`! воззри` къ преждепока'явшымся, 
воззови` хр\сту`: согрjьши'хъ, сп~си' мя, jа='коже сп~слъ 
_е=си` вл\дко мытаря`, воздохну'вша w\т се'рдца, бл~гi'й, 
_е=ди'нъ сы'й многомл\стивый.

%<И= ны'нjь, бг~оро'диченъ: П%>редста'тельство те'плое 
хр\стiа'нъ, сн~а твоего` моли` при'снw бц\де, вся'кагw 
sлодjь'йства и= лю'тости и=зба'вити на'съ бори'теля, и= 
да'ти на'мъ проще'нiе, и='хже согрjьши'хомъ, 
бл~гоутро'бiя ра'ди щедро'тъ, твои'ми мл~твами мт~и дв~о.

%<По г~-мъ стiхосло'вiи сjьда'ленъ, гла'съ _е~. 
Подо'бенъ: Г%>д\си, ча'шу му'ки:

%<Г%>д\си, сп~си'тельное воздержа'нiе двоеде'нствующе 
вопiе'мъ ти`: о_у=мили` сердца` на'съ рабw'въ твои'хъ, и= 
прiими` су'щыя со стра'хомъ мл~твы на'шя, подая` на'мъ 
бл~готече'нное поста` по'прище, w=чище'нiе и= ве'лiю 
мл\сть.

%<Сла'ва, то'йже.%>

%<И= ны'нjь, бг~оро'диченъ. Подо'бенъ: 
С%>обезнача'льное сло'во:

%<Ц%>вjь'тъ бж~е'ственный, ко'реню прозя'бшiй, кiвw'те 
и= свjь'щниче, и= ста'мно всезлата'я, ст~а'я трапе'зо, 
хлjь'бъ (л. ч~s) живота` нося'щая, jа='кw сн~а твоего` и= 
бг~а о_у=моли` _е=го`, со ст~ы'мъ пр\дте'чею, _е='же 
о_у=ще'дрити и= сп~сти`, бц\ду и=сповjь'дающыя тя`.

%<Канw'нъ мине'и и= трiw'ди. Пjь'снь в~. Гла'съ в~.%>

%<И= стiхосло'вится втора'я пjь'снь _псалти'ря.%>

%<I=рмо'съ: В%>и'дите ви'дите, jа='кw а='зъ _е='смь въ 
мо'ри сп~сы'й, и= въ пусты'ни насы'тивый i=и~льт_ескiя 
лю'ди, и= во'ду и=з\ъ ка'мене и=сточи'вый человjь'кwмъ, 
да дре'вле во тлю` па'дшаго поне'съ, привлеку` ко мнjь` 
за неизрече'нную мл\сть.

%<Т%>резви'ся, бо'дрствуй, воздохни`, прослези'ся, 
посто'мъ все` бре'мя грjьха` душе` w\тве'ргни, те'плымъ 
покая'нiемъ w\тбjь'гни _о=гня`, и= пла'чемъ страсте'й 
плаче'вную ри'зу раздери`, _о=де'жду бж~е'ственную 
прiе'млющи.

%<К%>ъ горjь` присту'пимъ, и=зря'дныхъ дjья'нiй 
поще'нiемъ вси`, долуре'внwстныя w=ста'вльше сласте'й 
прило'ги: и= въ сомра'къ вше'дше ч\стны'хъ видjь'нiй, 
_е=ди'ну о_у='зримъ хр\сто'ву рачи'тельную добро'ту, 
w=божа'еми та'йнw бж~е'ственными восхожде'нiи.

%<О_у=%>вы` мнjь`, кто` бу'ду; что` содjь'ю, грjь'хъ 
содjь'ловая, и= вл\дки не о_у=страша'яся безсо'вjьстный; 
сегw` ра'ди пре'жде суда` w=сужде'нъ _е='смь: правосу'де 
бл~гi'й, w=брати'въ мя` сп~си`, па'че всjь'хъ человjь^къ 
тебе` преwгорчи'вшаго.

%<Бг~оро'диченъ: Н%>еwра'нная земле`, прорасти'вшая 
всjь'хъ пита'теля, w\тверза'ющаго ру'ку, и= 
бл~говоле'нiемъ свои'мъ насыща'юща вся'кое живо'тное 
крjь'постiю бж~е'ственною: о_у=тверди` хлjь'бомъ 
жи'зненнымъ, w=слабjь^вшая сердца` сы'тостiю лю'тыхъ 
на'шихъ прегрjьше'нiй.

%<И='%>ный. %<Гла'съ _е~.%> I=рмо'съ: Ви'дите ви'дите:

%<П%>рiиди'те сни'демъ въ клjь'ть душе'вную, гд\сви 
моли^твы воздаю'ще и= вопiю'ще: _о='ч~е на'шъ, и='же на 
нб~сjь'хъ, до'лги на'шя w=сла'би и= w=ста'ви, jа='кw 
_е=ди'нъ бл~гоутро'бенъ. (л. ч~s w=б.)

%<Д%>уши` на'шея въ постjь` ти'хое показу'юще, не 
сjь'туимъ вожделjь'нныхъ дне'й и=змjьне'нiя, jа='кw 
просiя'ша на'мъ бл~гоче'стiя и=справл_е'нiя.

%<Сла'ва, тр\оченъ: Б%>езнача'льная, несозда'нная 
трiv"поста'сная _е=ди'нице, гп\сже`, цр\ство вjькw'въ: 
тебе` сла'витъ, _о=ц~а`, и= сн~а, и= ст~а'го дх~а, 
мно'жество а='гг~лъ, и= все` _е=стество` человjь'ческое.

%<Бг~оро'диченъ: Т%>ебе` вседобродjь'тельную сла'ву 
ро'да на'шегw пое'мъ, тобо'ю бо w=божи'хомся дв~о: и='бо 
родила` _е=си` на'мъ сп~са и= бг~а хр\ста`, 
разрjьши'вшаго на'съ w\т кля'твы.

%<С%>ла'ва тебjь` бж~е на'шъ, сла'ва тебjь`.

%<К%>то` _о='гнь о_у=гаси`; кто` затче` о_у=ста` 
sвjьре'й; по'стъ, _о='троки и=з\ъ пе'щи и=збавле'й, и= 
пр\оро'ка данiи'ла w\т львw'въ снjь'ди: _е=го'же 
лобыза'имъ и= мы` бра'тiе.

%<I=рмо'съ: В%>и'дите ви'дите, jа='кw а='зъ _е='смь 
бг~ъ, въ пло'ть w=блекi'йся во'лею свое'ю, да сп~су` 
а=да'ма, w\т ле'сти па'дшаго въ преступле'нiе sмi'емъ.

%<Пjь'снь и~.%> 

%<I=рмо'съ: В%>ъ купинjь` мwv"се'ю:

%<С%>о'нъ w\тложи` душе`, лю'тыя лjь'ности, и= 
о_у=се'рднw бо'дрствуй къ бж~е'ств_еннымъ за'повjьдемъ: 
приближа'ется жени'хъ свjьщено'сецъ, потщи'ся того` 
пред\ъусрjь'сти.

%<О_у=%>я'звлена лю'тjь сласте'й _о=ру'жiемъ, лjьчбо'ю 
щедро'тъ бл~гоутро'бнагw твоегw` манове'нiя и=сцjьли' мя 
сло'ве, jа='кw да тя` бл~года'рнw сла'влю во вjь'ки.

%<W\т%> страсте'й вре'дныхъ, w\т за'висти и= 
не'нависти, w\т вся'кiя sло'бы воздержи'ся душе`, пи'щами 
пита'ющися, пи'щу го'рнюю невеще'ственнw 
хода'тайствующими.

%<Бг~оро'диченъ: Б%>г~ороди'тельнице ч\стая, души` 
моея` гно_е'нiя, и= се'рдца стра^сти, и= о_у=ма` 
премjьне'нiе и=сцjьли`, jа='кw _е=ди'на грjь'шныхъ 
помо'щница, и= разоря'емыхъ стjьна`. (л. ч~з)

%<И='ный. I=рмо'съ: Т%>ворца` тва'ри:

%<В%>оздержа'нiемъ вси` ду'шы впери'вше, на нб~са` 
мл~твы бл~гопрiя^тныя принесе'мъ гд\сви.

%<Д%>х~ъ о_у=миле'нiя прiе'мше, прослези'мъ ко 
и=збавле'нiю ду'шъ, пjьсносло'вяще хр\ста` во вjь'ки.

%<Б%>л~гослови'мъ _о=ц~а`, и= сн~а, и= ст~а'го дх~а, 
гд\са.

%<Тр\оченъ: Т%>р\оце _е=диносу'щная, и= _е=ди'нице 
несозда'нная, и= всjь'хъ бж~е, тебе` превозно'симъ во 
вся^ вjь'ки.

%<Бг~оро'диченъ: М%>л~тву сотвори` w= пою'щихъ тя` 
преч\стая, и=зба'витися вся'ческихъ и=скуше'нiй и= 
бjь'дъ.

%<С%>ла'ва тебjь` бж~е на'шъ, сла'ва тебjь`.

%<П%>и'щу бога'тагw w=плева'вше, прiиди'те съ 
ла'заремъ пости'мся, да и= на'съ w=грjь'етъ а=враа'мово 
нjь'дро.

%<Х%>ва'лимъ, бл~гослови'мъ, покланя'емся гд\сви:

%<I=рмо'съ: Т%>ворца` тва'ри, _е=гw'же о_у=жаса'ются 
а='гг~ли, по'йте лю'дiе, и= превозноси'те во вся^ вjь'ки.

%<Пjь'снь f~.%>

%<I=рмо'съ: W\т%> земноро'дныхъ кто` слы'ша:

%<З%>емноро'дныхъ кто` та'кw поползну'вся, бг~а 
прогнjь'ва когда`; кто` стремле'ньми sло'бы послjь'дова, 
и= пребыва'лище jа=ви'ся jа='коже а='зъ _о=кая'нный, но 
бж~е воли'телю мл\сти, ты' мя о_у=ще'дри.

%<Б%>г~ови'дныхъ а='гг~лъ си^лы, бл~гоувjь'тливаго 
бг~а о_у=моли'те, сп~сти` ду'шу, въ пучи'нjь жите'йскихъ 
сласте'й, и= треволне'нiихъ страсте'й w=бурева'емую, и= 
въ прило'зjьхъ сопроти'вныхъ духw'въ бjь'дствующую.

%<Г%>ряди` душе` кри'лы w=блегча'ема, посто'мъ 
добродjь'телей w= долувлеку'щiя sло'бы воста'ни, и= 
видjь'ньми наслади'ся свjьтлjь'йшими, пи'щу 
хода'тайствующими добродjь'телей, бг~ови'дна быва'ющи 
вjь'рою. (л. ч~з w=б.)

%<Бг~оро'диченъ: К%>то` слы'шаны сотвори'тъ хвалы^, 
тебе` ро'ждшiя па'че о_у=ма`, хвали'маго вл\дку, ч\стая, 
и= гд\са, _е=го'же хва'лятъ а='гг~льская чинонача^лiя; 
того` о_у='бw моли` w= лю'дехъ согрjьши'вшихъ, дв~о 
неискусобра'чная.

%<И='ный. I=рмо'съ: И=%>са'iе лику'й:

%<В%>ре'мя бл~гопрiя'тное, де'нь сп~се'нiй, принесе'мъ 
бг~у да'ры добродjь'телей, въ не'мже w\тложи'вше дjьла` 
тьмы`, бра'тiе, w=блеце'мся во _о=ру'жiе свjь'та, 
jа='коже па'vелъ вопiе'тъ.

%<П%>рiиди'те, jа='коже гд\сь посто'мъ о_у=би` врага`, 
си'мъ и= мы` сокруши'мъ _е=гw` стрjь'лы, и= ловл_е'нiя: 
за мя` и=ди` сатано`, кi'йждо глаго'люще, внегда` хо'щетъ 
и=скуша'ти на'съ.

%<Сла'ва, тр\оченъ: _Е=%>диносу'щiемъ воспjьва'ю тя`, 
безнача'льная тр\оце ч\стна'я, живонача'льная, 
несjько'мая _е=ди'нице, _о='ч~е нерожде'нне, и= рожде'нне 
сло'ве и= сн~е, и= дш~е ст~ы'й, сп~си' ны пою'щыя тя`.

%<Бг~оро'диченъ: П%>а'че о_у=ма` рж\ство` твое` 
бг~омт~и, без\ъ му'жа бо зача'тiе въ тебjь`, и= 
дв~и'чески рожде'нiе бы'сть: и='бо бг~ъ _е='сть 
роди'выйся: _е=го'же велича'юще, тя` дв~о о_у=бл~жа'емъ.

%<С%>ла'ва тебjь` бж~е на'шъ, сла'ва тебjь`.

%<П%>осто'мъ приложи'вшеся къ мл~твъ горjь`, и= мы` 
се'рдцемъ чи'стымъ ви'димъ бг~а, скрижа^ли прiе'млюще 
за'повjьдей вну'трь, jа='коже мwv"се'й, сла'вою 
w=блиста'ющеся, лице'мъ любве` _е=гw`.

%<I=рмо'съ: И=%>са'iе лику'й, дв~а и=мjь` во чре'вjь, 
и= роди` сн~а _е=мману'ила, бг~а же и= чл~вjь'ка, 
восто'къ и='мя _е=му`: _е=го'же велича'юще, дв~у 
о_у=бл~жа'емъ.

%<Свjьти'ленъ.%>

%<На стiхо'внjь самогла'сенъ дне`, гла'съ г~:%>

%<Н%>ачне'мъ лю'дiе непоро'чный по'стъ, и='же _е='сть 
душа'мъ сп~се'нiе, порабо'таимъ гд\сви со стра'хомъ, 
_е=ле'емъ (л. ч~и) бл~готворе'нiя главы^ пома'жемъ, и= 
водо'ю чистоты` ли'ца о_у=мы'емъ, не многоглаго'лемъ въ 
мл~твахъ, но jа='кw научи'хомся, та'кw возопiи'мъ: 
_о='ч~е на'шъ, и='же на нб~сjь'хъ, w=ста'ви на'мъ 
прегрjьш_е'нiя на^ша, jа='кw чл~вjьколю'бецъ.

%<Стi'хъ: И=%>спо'лнихомся зау'тра:

%<Па'ки то'йже самогла'сенъ.%>

%<Стi'хъ в~: И=%> бу'ди свjь'тлость:

%<Та'же му'чениченъ: Ц%>аре'й и= мучи'телей стра'хъ 
w\три'нуша хр\стw'вы во'ини, и= бл~годерзнове'ннw и= 
му'жественнw того` и=сповjь'даша, всjь'хъ гд\са бг~а, и= 
цр~я` на'шего, и= мо'лятся w= душа'хъ на'шихъ.

%<Сла'ва, и= ны'нjь, бг~оро'диченъ:%> Бц\де, 
предста'тельство всjь'хъ моля'щихъ тебjь`, тобо'ю 
дерза'емъ, и= тобо'ю хва'лимся, и= къ тебjь` все` 
о_у=пова'нiе на'ше _е='сть, моли` ро'ждшагося и=з\ъ тебе` 
за непотр_е'бныя рабы^ твоя^.

%<На s~-мъ часjь`, тропа'рь пр\оро'чества, гла'съ 
а~:%>

%<Jа='%>кw прише'льцы _е=смы` на земли`, jа='коже вси` 
_о=тцы` на'ши, кра'ткое живота` на'шегw безгрjь'шнw 
сохрани` сп~се на'шъ, и= поми'луй на'съ jа='кw 
чл~вjьколю'бецъ.

%<Прокi'менъ, _псало'мъ _е~, гла'съ д~: В%>онми` 
гла'су моле'нiя моегw`, цр~ю` мо'й и= бж~е мо'й. 
%<Стi'хъ: Г%>лаго'лы моя^ внуши` гд\си, разумjь'й зва'нiе 
мое`.

%<Пр\оро'чества и=са'iина чте'нiе. [Глава` а~, ст. 
f~_i -л~а. Глава` в~, ст. а~-г~.]%>

%<Та'кw глаго'летъ гд\сь: а='%>ще хо'щете, и= 
послу'шаете мене`, бл~га^я земли` снjь'сте. А='ще же не 
хо'щете, ниже` послу'шаете мене`, ме'чь вы` поя'стъ: 
о_у=ста' бо гд\сня глаго'лаша сiя^. Ка'кw бы'сть 
блудни'ца, гра'дъ вjь'рный сiw'нъ, по'лнъ суда`, въ 
не'мже пра'вда почива'ше, ны'нjь же [въ не'мъ] 
о_у=бi^йцы; Сребро` ва'ше неискуше'но, корч_е'мницы твои` 
мjьша'ютъ вiно` съ водо'ю. Кня'зи (л. ч~и w=б.) твои` не 
покаря'ются, _о='бщницы тат_е'мъ, лю'бяще да'ры, гоня'ще 
воздая'нiе, си^рымъ не судя'щiи, и= суду` вдови'цъ не 
внима'ющiи. Сегw` ра'ди та'кw глаго'летъ вл\дка гд\сь 
саваw'fъ: го'ре крjь^пкимъ во i=и~ли: не преста'нетъ бо 
jа='рость моя` на проти^вныя, и= су'дъ врагw'мъ мои^мъ 
сотворю`: И= наведу` ру'ку мою` на тя`, и= разжегу` въ 
чистоту`, непокаря'ющихся же погублю`, и= w\тиму` всjь'хъ 
беззако'нныхъ w\т тебе`, и= всjь'хъ го'рдыхъ смирю`. И= 
приста'влю судiи^ твои` jа='коже пре'жде, и= совjь'тники 
твоя^ jа='кw w\т нача'ла: и= по си'хъ нарече'шися гра'дъ 
пра'вды, ма'ти градовw'мъ, вjь'рный сiw'нъ. Съ судо'мъ бо 
сп~се'тся плjьне'нiе _е=гw` и= съ ми'лостынею. И= 
сокруша'тся беззако'ннiи и= грjь^шницы вку'пjь: и= 
w=ста'вившiи гд\са сконча'ются. Зане'же постыдя'тся w= 
i='дwлjьхъ свои'хъ, и='хже са'ми восхотjь'ша, и= 
посра'мятся w= садjь'хъ свои'хъ, и='хже возжелjь'ша: 
Бу'дутъ бо jа='кw теревi'нfъ w\тме'тнувшiй ли'ствiя 
[своя^,] и= jа='кw вертогра'дъ не и=мы'й воды`. И= 
бу'детъ крjь'пость и='хъ jа='кw сте'бль и=згре'бiя и= 
дjь^ланiя и='хъ jа='кw и='скры _о='гн_енныя, и= сожгу'тся 
беззакw'нницы и= грjь^шницы вку'пjь, и= не бу'детъ 
о_у=гаша'яй. Сло'во бы'вшее w\т гд\са ко и=са'iи сы'ну 
а=мw'сову w= i=уде'и, и= w= i=ер\сли'мjь. Jа='кw бу'детъ 
въ послjь^дняя дни^ jа=вле'на гора` гд\сня, и= до'мъ 
бж~iй на версjь` го'ръ, и= возвы'сится превы'ше холмw'въ: 
и= прiи'дутъ къ не'й вси` jа=зы'цы. И= по'йдутъ jа=зы'цы 
мно'зи, и= реку'тъ: прiиди'те, и= взы'демъ на го'ру 
гд\сню, и= въ до'мъ бг~а i=а'кwвля, и= возвести'тъ на'мъ 
пу'ть сво'й, и= по'йдемъ по нему`.

%<Прокi'менъ, _псало'мъ s~, гла'съ д~: Г%>д\си, да не 
jа='ростiю твое'ю w=бличи'ши мене`. %<Стi'хъ: П%>оми'луй 
мя` гд\си, jа='кw не'мощенъ _е='смь. (л. ч~f)

%<%[Во вто'рникъ ве'чера%],%>

%<на Г%>д\си воззва'хъ %<стiхи^ры, гла'съ в~.%>

%<Подо'бенъ, трiw'ди: Jа='%>кw jа=ви'ся:

%<С%>нjь'дiю дре'вле го'рькою, и=зри'нувшеся и=з\ъ 
рая`, воздержа'нiемъ страсте'й потщи'мся вни'ти, 
взыва'юще бг~у на'шему: на кр\стjь` простры'й дла^ни 
твоя^, _о='цетъ пи'вый и= же'лчь вкуси'вый, и= бwлjь'зни 
претерпjь'вый w\т гвозде'й, горча'йшыя сла^сти вся^ w\т 
ду'шъ на'шихъ и=згвозди'вый, ра'ди бл~гоутро'бiя 
щедро'тъ, сп~си` рабы^ твоя^.

%<Д%>ре'ва снjь'дiю и=ногда` и=згна'ни бы'вше и=з\ъ 
рая`, кр\сто'мъ твои'мъ во'нь всели'хомся, _е=го'же въ 
мл~тву тебjь` приводя'ще многомл\стиве, и= вjь'рнw ти` 
вси` мо'лимся: и=сто'чники сле'зъ ны'нjь на'мъ низпосли`, 
во вре'мя воздержа'нiя, скве'рну всю` w=чища'ющыя 
страсте'й, и= прегрjьше'нiй на'шихъ, да вси' ти вопiе'мъ 
прилjь'жнw: гд\си, сла'ва тебjь`.

%<И='на стiхи'ра, гла'съ в~.%>

%<Подо'бенъ: С%>одjь'янныхъ ми`:

%<В%>оздержа'нiя наслажде'нiе и= мнjь` сло'ве да'руй, 
jа='коже а=да'му ра'й и=ногда`, w\т вся'кiя твоея` 
вкуша'ти за'повjьди бж~е на'шъ, и= w=ша'ятися при'снw 
плода`, _е=го'же w\тре'клъ _е=си` грjьха`, да живоно'сную 
стр\сть твою` кр\стную въ ра'дости предварю`.

%<И= въ мине'и, г~. Сла'ва, и= ны'нjь, 
кр\стобг~оро'диченъ.%>

%<Прокi'менъ, _псало'мъ з~, гла'съ s~: Г%>д\си бж~е 
мо'й, на тя` о_у=пова'хъ, сп~си' мя. %<Стi'хъ: W\т%> 
всjь'хъ гоня'щихъ мя` и=зба'ви мя`.

%<Бытiя` чте'нiе. [Глава` а~, ст. д~_i-к~г]%>

%<Р%>ече` бг~ъ, да бу'дутъ свjьти'ла на тве'рди 
нб\снjьй, w=свjьща'ти зе'млю, и= разлуча'ти между` 
дне'мъ, и= (л. ч~f w=б.) между` но'щiю: и= да бу'дутъ въ 
зна'м_енiя, и= во времена`, и= во дни^, и= въ лjь^та. И= 
да бу'дутъ въ просвjьще'нiе на тве'рди нб\снjьй, jа='кw 
свjьти'ти по земли`: и= бы'сть та'кw. И= сотвори` бг~ъ 
два` свjьти^ла вели^кая: свjьти'ло вели'кое въ нача'ла 
дне`, и= свjьти'ло ме'ньшее въ нача'ла но'щи, и= 
sвjь'зды. И= положи` я=` бг~ъ на тве'рди нб\снjьй, jа='кw 
свjьти'ти на зе'млю, И= владjь'ти дне'мъ и= но'щiю, и= 
разлуча'ти между` свjь'томъ, и= между` тьмо'ю: и= ви'дjь 
бг~ъ, jа='кw добро`. И= бы'сть ве'черъ, и= бы'сть 
о_у='тро, де'нь четве'ртый. И= рече` бг~ъ: да и=зведу'тъ 
во'ды га'ды ду'шъ живы'хъ, и= пти^цы лета'ющыя по земли`, 
по тве'рди нб\снjьй: и= бы'сть та'кw. И= сотвори` бг~ъ 
ки'ты вели^кiя, и= вся'ку ду'шу живо'тныхъ гадw'въ, 
jа='же и=зведо'ша во'ды по родw'мъ и='хъ, и= вся'ку 
пти'цу перна'ту по ро'ду: и= ви'дjь бг~ъ jа='кw дwбра`. 
И= бл~гослови` я=` бг~ъ, глаго'ля: расти'теся, и= 
мно'житеся, и= напо'лните во'ды jа=`же въ моря'хъ: и= 
пти^цы да о_у=мно'жатся на земли`. И= бы'сть ве'черъ, и= 
бы'сть о_у='тро, де'нь пя'тый.

%<Прокi'менъ, _псало'мъ и~, гла'съ _е~: Г%>д\си гд\сь 
на'шъ, jа='кw чу'дно и='мя твое` по все'й земли`. 
%<Стi'хъ: Jа='%>кw взя'тся великолjь'пiе твое` превы'ше 
небе'съ.

%<При'тчей чте'нiе. [Глава` а~, ст. к~-л~г.]%>

%<П%>рему'дрость во и=схо'дjьхъ пое'тся, въ сто'гнахъ 
же дерзнове'нiе во'дитъ. На кра'ехъ же стjь'нъ 
проповjь'дуется, о_у= вра'тъ же си'льныхъ присjьди'тъ, во 
вратjь'хъ же гра'да дерза'ющи глаго'летъ. _Е=ли'ко 
о_у='бw вре'мя неsло'бивiи держа'тся пра'вды, не 
постыдя'тся: безу'мнiи же доса'ды су'ще жела'телiе, 
нечести'вiи бы'вше, возненави'дjьша чу'вство, И= пови'нни 
бы'ша w=бличе'нi_емъ. се` предложу` ва'мъ моегw` дыха'нiя 
рече'нiе: научу' же ва'съ (л. р~) моему` словеси`. 
Поне'же зва'хъ, и= не послу'шасте, и= простира'хъ 
словеса`, и= не внима'сте, Но w\тмета'сте моя^ совjь'ты, 
и= мои^мъ w=бличе'нi_емъ не внима'сте: о_у=`бо и= а='зъ 
ва'шей поги'бели посмjью'ся, пора'дуюся же, _е=гда` 
прiи'детъ ва'мъ па'губа. И= _е=гда` прiи'детъ на вы` 
внеза'пу мяте'жъ, низвраще'нiе же подо'бнw бу'ри 
прiи'детъ, и=ли` _е=гда` прiи'детъ ва'мъ печа'ль и= 
градоразоре'нiе, и=ли` _е=гда` на'йдетъ на вы` па'губа. 
Бу'детъ бо, _е=гда` призове'те мя`, а='зъ же не послу'шаю 
ва'съ: взы'щутъ мене` sлi'и, и= не w=бря'щутъ. 
возненави'дjьша бо прему'дрость, словесе' же гд\сня не 
прiя'ша: Ниже` хотjь'ша внима'ти мои^мъ совjь'тwмъ, 
руга'хуся же мои^мъ w=бличе'нi_емъ. Тjь'мже снjьдя'тъ 
свои'хъ путе'й плоды`, и= своегw` нече'стiя насы'тятся. 
И='бо, зане` w=би'дjьша младе'нц_евъ, о_у=бiе'ни бу'дутъ, 
и= и=стяза'нiе нечести^выя погуби'тъ. Мене' же слу'шаяй 
всели'тся на о_у=пова'нiи, и= почi'етъ без\ъ стра'ха w\т 
вся'кагw sла`.

%<Та'же, С%>подо'би гд\си:

%<На стiхо'внjь стiхи'ра самогла'сна дне`, гла'съ 
и~:%>

%<П%>о'стъ не w=ша'янiе бра'шенъ то'чiю соверши'мъ, но 
вся'кiя веще'ственныя стра'сти w\тчужде'нiе: да на на'съ 
мучи'тельствующую пло'ть порабо'тивше, досто'йни бу'демъ 
прича'стiя, а='гнца за мi'ръ закла'ннагw во'лею сн~а 
бж~iя, и= дх~о'внw пра'зднуемъ и=з\ъ ме'ртвыхъ сп~сово 
воскресе'нiе: на высоту` взе'мшеся добродjь'телей, во 
свjь'тлости, и= наслажде'нiи и=зря'дныхъ дjь'лъ, 
веселя'ще чл~вjьколю'бца.

%<Стi'хъ: К%>ъ тебjь` возведо'хъ _о='чи мои`:

%<Па'ки ту'же стiхи'ру.%>

%<Стi'хъ в~: П%>оми'луй на'съ гд\си:

%<Му'чениченъ: М%>у'ч_еницы твои` гд\си, забы'вше 
су'щая въ житiи`, неради'вше и= w= му'кахъ, бу'дущiя 
ра'ди жи'зни, (л. р~ w=б.) сея` наслjь^дницы jа=ви'шася: 
тjь'мже и= со а='гг~лы ра'дуются. тjь'хъ мл~твами, да'руй 
лю'демъ твои^мъ ве'лiю мл\сть.

%<Сла'ва, и= ны'нjь, кр\стобг~оро'диченъ: _W%> 
пресла'внагw чудесе`! _w та'инства но'вагw! _w 
о_у=жа'снагw начина'нiя! дв~а глаго'лаше, на кр\стjь' тя 
jа='кw ви'дjь, посредjь` двою` разбw'йнику w=бjь'шена. 
_е=го'же неболjь'зненнw о_у=жа'снw породи`, пла'каше 
глаго'лющи: о_у=вы` мнjь` ча'до любе'знjьйшее, ка'кw тя` 
лю'тый наро'дъ и= небл~года'рный, ко кр\сту` пригвозди`;

%<И= про'чее послjь'дованiе, jа='коже и=з\ъяви'ся.%>

%<%[Во вто'рникъ пе'рвыя седми'цы%],%> 

%<на повече'рiи, по _е='же рещи` _псало'мъ: Б%>ж~е въ 
по'мощь мою`:

%<Пое'мъ вели'кiй канw'нъ. Гла'съ s~.%>

%<Пjь'снь а~.%>

%<I=рмо'съ, по два'жды: П%>омо'щникъ и= покрови'тель:

%<К%>а'iново преше'дъ о_у=бi'йство, произволе'нiемъ 
бы'хъ о_у=бi'йца со'вjьсти душе'внjьй, w=живи'въ пло'ть, 
и= воева'въ на ню` лука'выми мои'ми дjья'ньми.

%<А='%>велевjь i=и~се, не о_у=подо'бихся пра'вдjь, 
да'ра тебjь` прiя'тна не принесо'хъ когда`, ни дjья'нiя 
бж~е'ственна, ни же'ртвы чи'стыя, ни житiя` непоро'чнагw.

%<Jа='%>кw ка'iнъ и= мы`, душе` _о=кая'нная, всjь'хъ 
содjь'телю дjья'нiя скв_е'рная, и= же'ртву поро'чную, и= 
непотре'бное житiе` принесо'хомъ вку'пjь: тjь'мже и= 
w=суди'хомся.

%<Б%>ре'нiе зда'тель живосозда'въ, вложи'лъ _е=си` 
мнjь` пло'ть и= кw'сти, и= дыха'нiе и= жи'знь: но _w 
тво'рче мо'й, и=зба'вителю мо'й, и= судiе` ка'ющася 
прiими' мя. (л. р~а)

%<И=%>звjьща'ю ти` сп~се, грjьхи`, jа=`же содjь'яхъ, 
и= души` и= тjь'ла моегw` jа='звы, jа=`же вну'трь 
о_у=бi'йственнiи по'мыслы разбо'йнически на мя` 
возложи'ша.

%<А='%>ще и= согрjьши'хъ, сп~се, но вjь'мъ, jа='кw 
чл~вjьколю'бецъ _е=си`, наказу'еши мл\стивнw, и= 
милосе'рдствуеши те'плjь: слезя'ща зри'ши, и= притека'еши 
jа='кw _о=ц~ъ, призыва'я блу'днаго.

%<Сла'ва, тр\оченъ: П%>ресу'щная тр\оце, во 
_е=ди'ницjь покланя'емая, возми` бре'мя w\т мене` тя'жкое 
грjьхо'вное, и= jа='кw бл~гоутро'бна, да'ждь ми` сле'зы 
о_у=миле'нiя.

%<Бг~оро'диченъ: Б%>ц\де, наде'жде и= предста'тельство 
тебе` пою'щихъ, возми` бре'мя w\т мене` тя'жкое 
грjьхо'вное, и= jа='кw вл\дчца ч\стая, ка'ющася прiими' 
мя.

%<Пjь'снь в~.%>

%<I=рмо'съ: В%>онми` нб~о, и= возглаго'лю, и= воспою` 
хр\ста` пло'тiю прише'дшаго.

%<С%>шива'ше кw'жныя ри^зы грjь'хъ мнjь`, w=бнажи'вый 
мя` пе'рвыя бг~отка'нныя _о=де'жды.

%<W=%>бложе'нъ _е='смь w=дjья'нiемъ студа`, jа='коже 
ли'ствiемъ смоко'внымъ, во w=бличе'нiе мои'хъ 
самовла'стныхъ страсте'й.

%<W=%>дjь'яхся въ сра'мную ри'зу, и= w=кровавле'нную 
сту'днw, тече'нiемъ стра'стнагw и= любосла'стнагw 
живота`.

%<В%>падо'хъ въ стра'стную па'губу и= въ веще'ственную 
тлю`, и= w\тто'лjь до ны'нjь вра'гъ мнjь` досажда'етъ.

%<Л%>юбове'щное и= любоимjь'нное житiе`, 
невоздержа'нiемъ сп~се предпоче'тъ ны'нjь, тя'жкимъ 
бре'менемъ w=бложе'нъ _е='смь.

%<О_у=%>краси'хъ плотскi'й w='бразъ скве'рныхъ 
помышле'нiй разли'чнымъ w=бложе'нiемъ, и= w=сужда'юся. 
(л. р~а w=б.)

%<В%>нjь'шнимъ прилjь'жнw бл~гоукраше'нiемъ 
_е=ди'нjьмъ попеко'хся, вну'треннюю презрjь'въ 
бг~оwбра'зную ски'нiю.

%<П%>огребо'хъ пе'рвагw w='браза добро'ту сп~се 
страстьми`, ю='же jа='кw и=ногда` дра'хму, взыска'въ 
w=бря'щи.

%<С%>огрjьши'хъ, jа='коже блудни'ца вопiю' ти: 
_е=ди'нъ согрjьши'хъ тебjь`, jа='кw мv'ро прiими` сп~се 
и= моя^ сле'зы.

%<W=%>чи'сти, jа='коже мыта'рь вопiю' ти, сп~се 
w=чи'сти мя`: никто'же бо су'щихъ и=з\ъ а=да'ма, jа='коже 
а='зъ согрjьши'хъ тебjь`.

%<Сла'ва, тр\оченъ: _Е=%>ди'наго тя` въ трiе'хъ 
ли'цахъ, бг~а всjь'хъ пою`, _о=ц~а`, и= сн~а, и= дх~а 
ст~а'го.

%<Бг~оро'диченъ: П%>реч\стая бц\де дв~о, _е=ди'на 
всепjь'тая, моли` прилjь'жнw, во _е='же сп~сти'ся на'мъ.

%<Пjь'снь г~.%>

%<I=рмо'съ: О_у=%>тверди` гд\си на ка'мени за'повjьдей 
твои'хъ, подви'гшееся се'рдце мое`, jа='кw _е=ди'нъ ст~ъ 
_е=си` и= гд\сь.

%<И=%>сто'чникъ живота` стяжа'хъ тебе`, сме'рти 
низложи'теля, и= вопiю' ти w\т се'рдца моегw` пре'жде 
конца`: согрjьши'хъ, w=чи'сти и= сп~си' мя.

%<С%>огрjьши'хъ, гд\си, согрjьши'хъ тебjь`, w=чи'сти 
мя`: нjь'сть бо и='же кто` согрjьши` въ человjь'цjьхъ, 
_е=го'же не превзыдо'хъ прегрjьше'ньми.

%<П%>ри нw'и, сп~се, блу'дствовавшыя подража'хъ, 
_о='нjьхъ наслjь'дствовавъ w=сужде'нiе, въ пото'пjь 
погруже'нiя.

%<Х%>а'ма _о='наго душе`, _о=тцеубi'йца подража'вши, 
сра'ма не покры'ла _е=си` и='скреннягw, вспя'ть зря` 
возврати'вшися.

%<З%>апале'нiя jа='коже лw'тъ, бjь'гай душе` моя` 
грjьха`: бjь'гай содо'мы и= гомо'рры, бjь'гай пла'мене 
вся'кагw безслове'снагw жела'нiя. (л. р~в)

%<П%>оми'луй гд\си, поми'луй мя`, вопiю' ти, _е=гда` 
прiи'деши со а='гг~лы твои'ми, возда'ти всjь^мъ по 
достоя'нiю дjья'нiй.

%<Сла'ва, тр\оченъ: Т%>р\оце про'стая, несозда'нная, 
безнача'льное _е=стество`, въ тр\оцjь пjьва'емая 
v=поста'сей, сп~си' ны вjь'рою покланя'ющыяся держа'вjь 
твое'й.

%<Бг~оро'диченъ: W\т%> _о=ц~а` безлjь'тна сн~а, въ 
лjь'то бг~ороди'тельнице, неискусому'жнw родила` _е=си`, 
стра'нное чу'до, пребы'вши дв~а, доя'щи.

%<Пjь'снь д~.%> 

%<I=рмо'съ: О_у=%>слы'ша пр\оро'къ:

%<Б%>ди` _w душе` моя`! и=зря'дствуй jа='коже дре'вле 
вели'кiй въ патрiа'рсjьхъ, да стя'жеши дjья'нiе съ 
ра'зумомъ, да бу'деши о_у='мъ зря'й бг~а и= дости'гнеши 
незаходя'щiй мра'къ въ видjь'нiи, и= бу'деши вели'кiй 
купе'цъ.

%<Д%>вана'десять патрiа'рхwвъ, вели'кiй въ 
патрiа'рсjьхъ дjьтотвори'въ, та'йнw о_у=тверди` тебjь` 
лjь'ствицу дjь'ятельнагw душе` моя` восхожде'нiя: дjь'ти, 
jа='кw w=снова^нiя: степ_е'ни, jа='кw восхожд_е'нiя, 
прему'дреннw подложи'въ.

%<И=%>са'vа возненави'дjьннаго подража'ла _е=си` 
душе`, w\тдала` _е=си` преле'стнику твоему` пе'рвыя 
добро'ты пе'рвенство, и= _о=те'ческiя мл~твы w\тпа'ла 
_е=си`, и= два'жды поползну'лася _е=си` _о=кая'нная, 
дjья'нiемъ и= ра'зумомъ: тjь'мже ны'нjь пока'йся.

%<_Е=%>дw'мъ и=са'vъ нарече'ся, кра'йнягw ра'ди 
женонеи'стовнагw смjьше'нiя: невоздержа'нiемъ бо при'снw 
разжига'емь, и= сластьми` w=скверня'емь, _е=дw'мъ 
и=менова'ся, _е='же глаго'лется разжже'нiе души` 
любогрjьхо'вныя.

%<I='%>wва на гно'ищи слы'шавши, _w душе` моя`, 
w=правда'вшагося, тогw` му'жеству не поревнова'ла _е=си`, 
тве'рдагw не и=мjь'ла _е=си` предложе'нiя, во всjь'хъ 
jа=`же (л. р~в w=б.) вjь'си, и= и='миже и=скуси'лася 
_е=си`, но jа=ви'лася _е=си` нетерпjьли'ва.

%<И='%>же пе'рвjье на престо'лjь, на'гъ ны'нjь на 
гно'ищи гно'енъ: мно'гiй въ ча'дjьхъ и= сла'вный, 
безча'денъ и= бездо'мокъ напра'снw: пала'ту о_у='бw 
гно'ище, и= би'серiе стру'пы вмjьня'ше.

%<Сла'ва, тр\оченъ: Н%>ераздjь'льное существо'мъ, 
несли'тное ли'цы бг~осло'влю тя`, тр\оческое _е=ди'но 
бж~ество`, jа='кw _е=диноцр\ственное и= сопр\сто'льное, 
вопiю' ти пjь'снь вели'кую, въ вы'шнихъ трегу'бw 
пjьсносло'вимую.

%<Бг~оро'диченъ: И=%> ражда'еши, и= дв~ствуеши, и= 
пребыва'еши _о=бою'ду _е=стество'мъ дв~а: рожде'йся 
w=бновля'етъ зако'ны _е=стества`, о_у=тро'ба же ражда'етъ 
неражда'ющая. бг~ъ и=дjь'же хо'щетъ, побjьжда'ется 
_е=стества` чи'нъ: твори'тъ бо, _е=ли^ка хо'щетъ.

%<Пjь'снь _е~.%>

%<I=рмо'съ: W\т%> но'щи о_у='тренююща:

%<М%>wv"се'овъ слы'шала _е=си` ковче'жецъ душе`, 
вода'ми, волна'ми носи'мъ рjь'чными, jа='кw въ черто'зjь 
дре'вле бjь'гающiй дjь'ла го'рькагw совjь'та 
фараwни'тска.

%<А='%>ще ба^бы слы'шала _е=си`, о_у=бива'ющыя 
и=ногда` безвозра'стное му'жеское, душе` _о=кая'нная, 
цjьлому'дрiя дjья'нiе, ны'нjь jа='кw вели'кiй мwv"се'й, 
сси` прему'дрость.

%<Jа='%>кw мwv"се'й вели'кiй _е=гv'птянина, о_у=ма` 
о_у=язви'вши _о=кая'нная, не о_у=би'ла _е=си` душе`: и= 
ка'кw всели'шися, глаго'ли, въ пусты'ню страсте'й 
покая'нiемъ;

%<В%>ъ пусты'ню всели'ся вели'кiй мwv"се'й, гряди` 
о_у='бw подража'й тогw` житiе`, да и= въ купинjь` 
бг~оявле'нiя душе`, въ видjь'нiи бу'деши.

%<М%>wv"се'овъ же'злъ воwбража'й душе`, о_у=даря'ющiй 
мо'ре, и= w=густjьва'ющiй глубину`, во w='бразъ кр\ста` 
бж~е'ственнагw: и='мже мо'жеши и= ты` вели^кая 
соверши'ти. (л. р~г)

%<А=%>арw'нъ приноша'ше _о='гнь бг~у, непоро'чный, 
неле'стный: но _о=фни` и= фiнее'съ, jа='кw ты` душе`, 
приноша'ху чужде'е бг~у w=скверне'нное житiе`.

%<Сла'ва, тр\оченъ: Т%>я` тр\оце сла'вимъ, _е=ди'наго 
бг~а: ст~ъ, ст~ъ, ст~ъ _е=си` _о='ч~е, сн~е, и= дш~е, 
про'стое существо`, _е=ди'нице при'снw покланя'емая.

%<И= ны'нjь, бг~оро'диченъ:%>

%<И=%>з\ъ тебе` w=блече'ся въ мое` смjьше'нiе, 
нетлjь'нная безму'жная мт~и дв~о, бг~ъ созда'вый вjь'ки, 
и= соедини` себjь` человjь'ческое _е=стество`.

%<Пjь'снь s~.%>

%<I=рмо'съ: В%>озопи'хъ всjь'мъ се'рдцемъ мои'мъ:

%<В%>о'лны сп~се прегрjьше'нiй мои'хъ jа='кw въ мо'ри 
чермнjь'мъ возвраща'ющеся, покры'ша мя` внеза'пу, jа='кw 
_е=гv'птяны и=ногда`, и= трiста'ты.

%<Н%>еразу'мное душе` произволе'нiе и=мjь'ла _е=си`, 
jа='кw пре'жде i=и~ль: бж~е'ственныя бо ма'нны 
предсуди'ла _е=си` безслове'снw, любосла'стное страсте'й 
w=б\ъяде'нiе.

%<К%>ладенцы` душе`, предпочла` _е=си` ханане'йскихъ 
мы'слей, па'че жи'лы ка'мене, и=з\ъ негw'же прему'дрости 
рjька`, jа='кw ча'ша пролива'етъ то'ки бг~осло'вiя.

%<С%>вина^я мяса` и= котлы`, и= _е=гv'петскую пи'щу, 
па'че небе'сныя предсуди'ла _е=си` душе` моя`, jа='коже 
дре'вле неразу'мнiи лю'дiе въ пусты'ни.

%<Jа='%>кw о_у=да'ри мwv"се'й ра'бъ тво'й жезло'мъ 
ка'мень, w=бра'знw животвори^вая р_е'бра твоя^ 
проwбразова'ше, и=з\ъ ни'хже вси` питiе` жи'зни сп~се, 
почерпа'емъ.

%<И=%>спыта'й душе` и= смотря'й, jа='коже i=ису'съ 
наvи'нъ w=бjьтова'нiя зе'млю, какова` _е='сть, и= 
всели'ся въ ню` бл~гозако'нiемъ. (л. р~г w=б.)

%<Сла'ва, тр\оченъ: Т%>р\оца _е='смь проста`, 
нераздjь'льна, раздjь'льна ли'чнjь, и= _е=ди'ница 
_е='смь, _е=стество'мъ соедине'на, _о=ц~ъ глаго'летъ, и= 
сн~ъ, и= бж~е'ственный дх~ъ.

%<Бг~оро'диченъ: О_у=%>тро'ба твоя` бг~а на'мъ роди`, 
воwбраже'нна по на'мъ: _е=го'же jа='кw созда'теля всjь'хъ 
моли` бц\де, да мл~твами твои'ми w=правди'мся.

%<Конда'къ: Д%>уше` моя`, душе` моя`, воста'ни, что` 
спи'ши; коне'цъ приближа'ется,и= и='маши смути'тися. 
воспряни` о_у='бw, да пощади'тъ тя` хр\сто'съ бг~ъ, 
вездjь` сы'й, и= вся^ и=сполня'яй.

%<Пjь'снь з~.%>

%<I=рмо'съ: С%>огрjьши'хомъ, беззако'нновахомъ:

%<К%>iвw'тъ jа='кw ноша'шеся на колесни'цjь, за'нъ 
_о='ный, _е=гда` превра'щшуся тельцу`, то'чiю косну'ся, 
бж~iимъ и=скуси'ся гнjь'вомъ: но тогw` дерзнове'нiя 
о_у=бjьжа'вши душе`, почита'й бж~е'ств_енная че'стнjь.

%<С%>лы'шала _е=си` а=вессалw'ма, ка'кw на _е=стество` 
воста`; позна'ла _е=си` тогw` скв_е'рная дjья^нiя, 
и='миже w=скверни` ло'же дв~да _о=тца`: но ты` подража'ла 
_е=си` тогw` стра^стная и= любосла^стная стремл_е'нiя.

%<П%>окори'ла _е=си` нерабо'тное твое` досто'инство 
тjь'лу твоему`: и=но'го бо а=хiтофе'ла w=брjь'тши врага`, 
душе`, снизшла` _е=си` сегw` совjь'тwмъ: но сiя^ разсы'па 
са'мъ хр\сто'съ, да ты` вся'кw сп~се'шися.

%<С%>оломw'нъ чу'дный, и= бл~года'ти прему'дрости 
и=спо'лненный, се'й лука'вое и=ногда` пред\ъ бг~омъ 
сотвори'въ, w\тступи` w\т негw`: _е=му'же ты` прокля'тымъ 
твои'мъ житiе'мъ, душе` о_у=подо'билася _е=си`.

%<С%>ластьми` влеко'мь страсте'й свои'хъ 
w=скверня'шеся, о_у=вы` мнjь`, рачи'тель прему'дрости, 
рачи'тель блу'дныхъ же'нъ, и= стра'ненъ w\т бг~а: 
_е=го'же ты` подража'ла _е=си` о_у=мо'мъ _w душе`! 
сладостра'стьми скве'рными. (л. р~д)

%<Р%>овоа'му поревнова'ла _е=си` не послу'шавшему 
совjь'та _о='ч~а, ку'пнw же и= sлjь'йшему рабу` 
i=еровоа'му, пре'жнему w\тсту'пнику душе`: но бjь'гай 
подража'нiя, и= зови` бг~у: согрjьши'хъ, о_у=ще'дри мя`.

%<Сла'ва, тр\оченъ: Т%>р\оце про'стая, нераздjь'льная, 
_е=диносу'щная, и= _е=стество` _е=ди'но, свjь'тове и= 
свjь'тъ, и= ст~а три`, и= _е=ди'но ст~о пое'тся бг~ъ 
тр\оца: но воспо'й, просла'ви живо'тъ и= животы`, душе` 
всjь'хъ бг~а.

%<Бг~оро'диченъ: П%>ое'мъ тя`, бл~гослови'мъ тя`, 
покланя'емся ти` бг~ороди'тельнице: jа='кw неразлу'чныя 
тр\оцы породила` _е=си` _е=ди'наго хр\ста` бг~а, и= сама` 
w\тве'рзла _е=си` на'мъ су'щымъ на земли` неб_е'сная.

%<Пjь'снь и~.%>

%<I=рмо'съ: _Е=%>го'же вw'инства:

%<Т%>ы` _о=зi'и душе` поревнова'вши, сегw` прокаже'нiе 
въ себjь` стяжа'ла _е=си` сугу'бо: безмjь^стная бо 
мы'слиши, беззакw'нная же дjь'еши: w=ста'ви jа=`же 
и='маши, и= притецы` къ покая'нiю.

%<Н%>iнеvi'тяны душе` слы'шала _е=си` ка'ющыяся бг~у, 
вре'тищемъ и= пе'пеломъ, си'хъ не подража'ла _е=си`: но 
jа=ви'лася _е=си` sлjь'йшая всjь'хъ, пре'жде зако'на, и= 
по зако'нjь прегрjьши'вшихъ.

%<В%>ъ ро'вjь бла'та слы'шала _е=си` i=еремi'ю душе`, 
гра'да сiw'ня рыда'ньми вопiю'ща, и= сле'зъ и='щуща, 
подража'й сегw` плаче'вное житiе` и= сп~се'шися.

%<I=%>w'на въ fарсi'съ побjьже`, проразумjь'въ 
w=браще'нiе нiнеvi'тянwвъ, разумjь' бо jа='кw пр\оро'къ 
бж~iе бл~гоутро'бiе: тjь'мже ревнова'ше пр\оро'честву не 
солга'тися.

%<Д%>анiи'ла въ ро'вjь слы'шала _е=си`, ка'кw загради` 
о_у=ста`, _w душе` sвjьре'й: о_у=вjь'дjьла _е=си`, ка'кw 
_о='троцы и=`же w= а=за'рiи, погаси'ша вjь'рою пе'щи 
пла'мень горя'щiй. (л. р~д w=б.)

%<В%>е'тхагw завjь'та вся^ приведо'хъ ти` душе`, къ 
подо'бiю, подража'й пра'ведныхъ бг~олюби^вая дjья^нiя, 
и=збjь'гни же па'ки лука'выхъ грjьхw'въ.

%<Сла'ва, тр\оченъ: Б%>езнача'льне _о='ч~е, сн~е 
собезнача'льне, о_у=тjь'шителю бл~гi'й, дш~е пра'вый: 
сло'ва бж~iя роди'телю, _о=ц~а` безнача'льна сло'ве, дш~е 
живы'й, и= зи'ждяй, тр\оце _е=ди'нице поми'луй мя`.

%<Бг~оро'диченъ: Jа='%>кw w= w=броще'нiя червлени'цы 
преч\стая, о_у='мная багряни'ца _е=мману'илева, вну'трь 
во чре'вjь твое'мъ пло'ть и=стка'ся. тjь'мже бц\ду 
вои'стинну тя` почита'емъ.

%<Пjь'снь f~.%>

%<I=рмо'съ: Б%>езсjь'меннагw зача'тiя:

%<Х%>р\сто'съ и=скуша'шеся, дiа'волъ и=скуша'ше, 
показу'я ка'менiе, да хлjь'би бу'дутъ: на го'ру возведе` 
ви'дjьти вся^ ца^рствiя мi'ра во мгнове'нiи. о_у=бо'йся 
_w душе`, ловле'нiя, трезви'ся моли'ся на вся'кiй ча'съ 
бг~у.

%<Г%>о'рлица пустынолю'бная, гла'съ вопiю'щагw 
возгласи`, хр\сто'въ свjьти'льникъ, проповjь'дуяй 
покая'нiе, и='рwдъ беззако'ннова со и=рwдiа'дою. зри` 
душе` моя`, да не о_у=вя'знеши въ беззакw'нныя сjь^ти, но 
w=блобыза'й покая'нiе.

%<В%>ъ пусты'ню всели'ся бл~года'ти пр\дте'ча, и= 
i=уде'а вся` и= самарi'а слы'шавше теча'ху, и= 
и=сповjь'даху грjьхи` своя^, креща'ющеся о_у=се'рднw: 
и='хже ты` не подража'ла _е=си` душе`.

%<Б%>ра'къ о_у='бw честны'й, и= ло'же нескве'рно: 
_о=боя^ бо хр\сто'съ пре'жде бл~гослови`, пло'тiю 
jа=ды'й, и= въ ка'нjь же на бра'цjь во'ду въ вiно` 
соверша'я, и= показу'я пе'рвое чу'до: да ты` и=змени'шися 
_w душе`.

%<Р%>азсла'бленнаго стягну` хр\сто'съ, _о='дръ 
взе'мша, и= ю='ношу о_у=ме'рша воздви'же, вдови'че 
рожде'нiе, и= со'тнича (л. р~_е) _о='трока, и= 
самаряны'нjь jа=ви'ся, въ дс~jь слу'жбу тебjь`, душе` 
предживописа`.

%<К%>ровоточи'вую и=сцjьли` прикоснове'нiемъ кра'я 
ри'зна гд\сь: прокаж_е'нныя w=чи'сти: слjьпы^я и= хрwмы'я 
просвjьти'въ, и=спра'ви: глухi^я же и= нjьмы^я, и= 
нича'щыя ни'зу и=сцjьли` сло'вомъ: да ты` сп~се'шися 
_о=кая'нная душе`.

%<С%>ла'ва, тр\оченъ:_О=ц~а` просла'вимъ, сн~а 
превознесе'мъ, бж~е'ственному дх~у вjь'рнw поклони'мся, 
тр\оцjь нераздjь'льнjьй, _е=ди'ницjь по существу`, jа='кw 
свjь'ту, и= свjь'тwмъ, и= животу`, и= животw'мъ: 
животворя'щему, и= просвjьща'ющему концы`.

%<Бг~оро'диченъ: Г%>ра'дъ тво'й сохраня'й 
бг~ороди'тельнице преч\стая: въ тебjь' бо се'й вjь'рнw 
ца'рствуяй, въ тебjь` и= о_у=твержда'ется, и= тобо'ю 
побjьжда'яй, побjьжда'етъ вся'кое и=скуше'нiе, и= 
плjьня'етъ ра'тники, и= прохо'дитъ послуша'нiе.

%<А=ндре'ю: А=%>ндре'е честны'й, и= _о='тче 
требл~же'ннjьйшiй, па'стырю кри'тскiй, не преста'й 
моля'ся w= воспjьва'ющихъ тя`, да и=зба'вимся вси` 
гнjь'ва, и= ско'рби, и= тлjь'нiя, и= прегрjьше'нiй 
безмjь'рныхъ, чту'щiи твою` па'мять вjь'рнw.

%<Та'же пое'мъ _о='ба ли^ка, I=рмо'съ: 
Б%>езсjь'меннагw зача'тiя:

%<И= про'чее послjь'дованiе повече'рiя.%>